اسكريبت الصغيرة والعاشق الجزء الرابع 4 بقلم مريم العراقي

وقفنا البارت اللي فات لما جني كانت بتكلم احمد على التليفون و خلصت مكالمتها ولفت لقيت زياد وراها

جني بإستفزاز: أبيه زياد حضرتك هنا من أمتي (ملحوظه جنى كانت عارفه ان زياد واقف وراها لانها شمت ريحته وحست بيه) نرجع لروايتنا

زياد: بهدوء يسبق العاصفة: كنت بتكلمي مين يا جني

جني وجبت تستفزة وتشوف رد فعله ايه: وحضرتك يخصك في ايه راحت سيباه وماشية

زياد بغضب:مسك ايديها لواها وراه ظهرها وقال:لما اكون بكلمك ما تسيبنيش وتمشي فاااااااهمة

بابا جني:ايه اللي بيحصل هنا؟؟!!زياد انت هنا يا ابني جيت أمتي

جني بتاخد نفسها وقالت في سرها: الحمدلله بابا جيه في الوقت المناسب

زياد:اهلا يا عمي ازيك وازاي صحتك

الاب: الحمدلله يا ابني اتفضل يا بني

زياد:معلش يا عمي والله مشغول انا كنت جاي اسلم عليك وامشي على طول

جني:عن اذنكم

الاب: استني يا جنى

جني بإستغراب: نعم يا بابي في حاجه

الاب: اه يا حبيبتي كنت عايزه اقول لك بس جهزي نفسك بكره عشان عازم  عمك وابن عمك على الغداء

زياد:ليه في حاجة يا عمي؟؟!

الاب:لا ابدا يا ابني احنا بس بقالنا كتير ما تجمعناش فقولت بكرة إجازة وجنى كده كده خلصت امتحاناتها فنتجمع يوم سوا

جني:بس يا…. جنى افتكرت ان احمد راجع بكره من السفر فجتلها فكره شيطانيه فحبه تستغل الفرصه…

جني: خلاص يا بابي تمام عن اذن حضرتك

زياد بصوت عالي نسبيا حب يسمع جني:ممكن يا عمي اجيب خطيبتي معي بكره على الغداء

الاب:طبعا يا ابني تأنس وتنور

زياد:متشكر يا عمي عن اذنك 

الاب: يا ابني طب اقعد اشرب حاجه طيب

زياد: معلش يا عمي والله مش هاقدر تتعوض ان شاء الله يلا سلام عليكم

الاب: وعليكم السلام يا ابني

جنى في اوضتها بتكلم نفسها وبتقول: لا وكمان عايزه اجيب خطيبته وماله كده اللعبه بقت حلوه قوي ماشي يا زياد اوعدك انك هتشوف جنى ثانيه خالص جنى غير اللي انت تعرفها مش انا يا زياد مش انا اللي يكسر قلبي وضعف

……….يوم جديد احداث جديده على ابطالنا……..

جنى قامت من النوم اخذت شاور ساقع وصلت ولبست هدومها عباره عن فستان بيبي بلو ضيق من الصدر وفضفاض من تحت ولبست صندل ابيض وفردت شعرها الذهب الطويل اللي واصل لحد ضهرها وكانت زي القمر

جني نزلت لقت بباها مستنيها علي الفطار

جني بمرح:صباح الخير يا بابي وباسته من خده

الاب: صباح الخير يا حبيبه بابي اقعدي يلا عشان تفطري

اعملي حسابك يا جوجو عمك وابن عمك زمانهم على وصول

جني: ايه ده مش حضرتك اعزمهم على الغداء يا بابي

الاب: ما انا قلت يا حبيبتي يجوا بدري شويه عشان نشوف بعض نقعد مع بعض شويه

جني: تمام يا بابا ما فيش مشكله

…..قاطع كلامهم صوت من وراهم….

القمر اللي واحشني….

جني: احمد وراح تجري عليه وحضنته وهو شالها وقعد يلف بها

جني:وحشتني اوي يا احمد

احمد وهو حاضنها وانت كمان يا قلب احمد

احمد:الله الله الله الله ده احنا بقينا زي القمر

(احمد العمري21سنة صاحب جني المقرب من الابتدائية هي كانت في اولى ابتدائي وهو كان في سنه سته ابتدائي كانت جنى دائما في البريك قاعده لوحدها وكل البنات بعيد عنها عشان بتغير منها ما عدا بنت اسمها شهد ودي البست بتاعتها واحمد احمد وجنى بيعتبره اكثر من اخوات بس جاء في الاعداديه سافر عشان باباه جاله عقد عمل بره ولسه راجع)

احمد: والله وحشتيني يا جنى ورجع حاضانها ثاني

فجأة وبدون اي سابق انذار جنى اتشدت من حضن احمد بقوه واحمد هوب بوكس هوب اترمي على الارض

جني بصدمة:احمد…..