اسكريبت الصغيرة والعاشق الجزء السادس 6 بقلم مريم العراقي

وقفنا البارت اللي فات لما احمد وزياد كانو بيتكلمو في الجنينة…..

احمد:بتحبها؟؟

زياد بإستغراب:هي مين دي

احمد بإستخفاف:امممم العصفورة

زياد:????

احمد: هتكون مين يعني جنى

زياد بتعلثم:ها اه عادي مش بنت عمي ولازم احبها

احمد:يا راجل علي انا برده الكلام ده طب عيني في عينك كده

زياد: يوووه باقول لك ايه يا جدع انت انا مش ناقصك جنى بنت عمي وزي اختي بالضبط

احمد: انت بتضحك على نفسك ولا بتضحك على مين بالضبط على فكره يا زياد انت مفضوح جدا في احسن لك تعترف لها قبل ما تضيع من يدك عن اذنك يا روميو….اه قبل ما امشي بس كنت عايزه اسالك على حاجه انا اكتشفت كده يجي من يقارب الساعتين ان لك اخت اموره صغننه كده يا ترى اسمها ايه

زياد بغضب: ولاااه تضبط لي ضبطك ولا عايز تاخذ كمان بوكس في خدك الشمال

احمد: في ايه يا عم انت قفوش ليه ده الكلام اخذ وعطاء وعلى فكره انا نيتي سليمه انا بس كنت حابب اعرف اسمها

زياد:اسمها ملك يا عم عايز حاجة تاني

احمد بهيام: يا سلام انا برده اول ما شفتها قلت اكيد ملاكي نزل على الارض

زياد:لا انت شكلك مهزق وبتحب الضرب ولسة هيقوم له كان احمد اختفي في لمح البصر وزياد ضحك عليه

زياد بيتفكر كلام احمد وبيقول: صحيح انا ما بضحكش على حد غير على نفسي وبعد كده رجع قال لا فوق يا زياد دي لسه صغيره قدامها مستقبلها عشان ما ترجعش تندم في يوم من الايام انها اختارتني….

عند ملك جني كانت خارجة من المطبخ واحمد قام يشرب واتقابله تاني

احمد:الاه ايه الصدفة المقصودة دي

ملك جاية تخرج وقف قدامها

ملك: في حاجه يا اخ ممكن عدي

احمد:تؤ

ملك بإنفعال:بقول لك اوعي أما اعدي

احمد وهو بيهز رأسة يمين وشمال:تؤ..تؤ

ملك بصاله وساكتة وهو فضل باصص لها 

احمد بمشاكسة:سكت ليه يا ملاكي مش كنت بتخربشي الصبح

ملك بإستغراب:ملاكك

احمد بحب:ايوة ملاكي…وضحك ضحكة خطفت قلبها

ملاااااااك انت فين؟!

ملك بخضة:جني 

جني دخلت المطبخ لقتها واقفة مع احمد

جني بمشاكسة:????????افشتكم متلبسين بتعملوا ايه

احمد بص علي ملك لقاها حدودها احمرت ضحك وسابهم ومشي

جني بمشاكسة:عملت ايه في الواد

ملك: بس يا زفته انت كمان تكون عملت في ايه يعني

جني: على ماما الولد شكله واقع واقع

ملك:ايش عرفك

جني: يا بنتي باينه مش بينزل عينه من عليك سالني عليك كثير وانا بصراحه جبت سيرتك في كل خير

ملك: قلت له ايه

جني: قلت له قلت له انك عصبيه و مجنونه وعنيده مش بتحب الهزار

ملك وعينيها احمرت: كذابه بتهزري انت قلت له كده يا حيوانه انا كده انا عنيده وعصبيه

جني بمشاكسة:ومجنون

ملك:……

جني: يا بنتي في ايه انت صدقت ولا ايه انا باهزر معك

ملك: وربنا انت والله لوريك يا جنى

تسريعا للأحداث فات سنة ومافيش حاجة اتغيرت اوي 

زياد وجني لسة زي ما هما في لعبة القط والفار

وملك واحمد بدأو يقربه من بعض اكتر

جني بقت في ثانوية عامة

في المدرسه….

شهد:اه يا بنت بقينا في ثانوية عامة السنة اللي هتحدد مصيرنا يا نصيب يا تخيب(بفكركم شهد البست بتاعه جني)

جني بتوتر: ما تقوليش كده ان شاء الله تعدي على خير ونجيب المجموع اللي نفسنا فيه

شهد:يااااارب(تعالوا اعرفكم اكثر على شهد…. شهد الهواري 17 سنه قد جنى البست بتاعتها عينيها اسود فاتح اقصر من جنى شويه باباها صاحب اكبر شركات الهواري جروب طيبه وبتحب جنى جدا و متفوقه في دراساتها بتتكسف ومع كسوفها دبش اللي في قلبها على لسانها وبس كده) نرجع لروايتنا…..

شهد:اه صحيح يا جوجو كل سنة وانت طيب يا جميل وعقبال العمر كله واحنا سوا

جني: وانت طيبه يا قلبي ربنا يخليك لي هستناك بكره في عيد ميلاد ده اساسي و تعالى قبلها عشان اجهز نفسي وتساعديني وكده

شهد:ان شاء الله يا حبيبتي

روحت جني البيت واتوضت وصلت ونامت شوية عشان تصحي فائقة تقوم تذاكر كويس(ملحوظه انا عارفه ان ثانويه عامه مش بيروحوا المدرسه كثير ???? بس جنى وشهد كانوا بيتفقوا يروحوا اخر الاسبوع عشان يشوفوا بعض????)

صحيت جنى من النوم بالليل وحضرتك النسكافيه بتاعها وبدا تذاكر فجاه تليفونها رن من رقم غريب جاءت رد ما حدش بيرد كل شويه يرن وما حدش بيرد وفجاه ات بعثت لها رساله مكتوب فيها (كل سنة وانت هتبقي ملكي)….