اسكريبت حكايات ياسمينة الجزء الأول 1 بقلم ياسمين سامح

*اتنين من العشرة لوسمحت.. 

_نعم هو حضرتك تعرفني عشان تحاسبلي 

*يا آنسه.. 

_كنت اخويا.. قريبي.. جوزي عشان تحاسبلي 

*يا آنسه أنا.. 

_أنت ايه تعرفني 

*يااابنتي اهديي اديني فرصه اتكلم ايه كل ده اهدي هو انا اعرفك عشان احاسبلك 

_نعم اومال ايه اتنين من العشرة دي 

*بدفع لشنطتي عشان واخدلها مكان… 

وبتلقائية بصيت علي الشنطة اللي جمبي ولقيت فعلا كلامه صح.. بعدها رفعت راسي لقيت العربية كلها واخده بالها من الموقف ومرة واحده لقيت العربية كلها بتضحك (شايفاك يا حزين ياللي مش بتضحك هيهيهيهيهيهي) وأنا قاعدة بدعي في سري يارب اختفي من العربية وقولت للشخص ده بهمس

_مش كنت تقول من الصبح.. وقالي بنفس الهمس

*مانتي مدتنيش فرصة.. 

سكت وانا بتمني الأرض تنشق وتبلعني.. وصلت للمنطقة اللي هنزل فيها ونزلت ولفيت عشان اقفل باب العربية عيني جات في عين الشخص ده لقيته ضحك ولقيت العربية كلها ضحكت تاني.. قفلت الباب بسرعه وبتلقائية لقيت نفسي بمد كأن حد بيجري ورايا عشان اوصل للبيت بسرعه كأن حد هيمسكني وأول مادخلت البيت لقيت نفسي بتنفس براحة كأني كنت مخنوقه وهيييييح بقي وأول ما افتكرت الموقف لقيت نفسي بضحك.. سمعت صوت في المطبخ قولت اكيد نبع الحنان بتحضر لينا الغدا دخلت ليها لقيتها مدياني ضهرها 

_بخ 

*يلهوي خضتيني يابنت الموكوسة..

ومسكتني من قفايا كأنها ماسكه حرامي غسيل هقهقهقهق

*انتي مش هتكبري ابدا يابت انتي 

_أكبر ايه بس ياقمر انت هو اللي يشوفك يكبر ده انتي كأنك اختي الصغيرة(ايموجي بيغمز هنا لوسمحتوا هقهقهقهق)

*الله أكبي الله أكبي (بطريقة نسمه في فيلم أيظنه)

_طيب عالعموم بقي انا هدخل اغير واصلي 

*ماشي خلصي وهكون حضرتلك الأكل انا عارفه ان حضرتك مش بتاكلي في الجامعة

_يا فاهمني انت.. 

دخلت اوضتي غيرت وصليت وخرجت أكلت ودخلت تاني عشان أكلم شهد صحبتي وتبقي أكتر من اختي كلمتها واول مافتحت ما شاء الله عليا قولت بإندفاع….

_انتي يابغلة ياكلب البحر احنا مش متفقين ان احنا نروح النهارده الكليه مع بعض

*……..

_طبعا مش لاقية رد تقوليه ماشي ياحيوانه واللهى لما اشوفك 

*حضرتك مين 

_وبتلقائيةبصيت علي الرقم ليكون اتصلت ع رقم غلط..لقيت الشخص اللي رد ده ضحك وقالي انتي زميله شهد…اتوترت وقولتله…

_ااه

*طب ثواني هصحيهالك

_….

*أنا اسف إني انا اللي رديت بس للأسف ارقام شهد كلها اتمسحت من ع الموب فافتكرت حضرتك رقم غريب عشان كده رديت 

_لا ولا يهمك 

صحي شهد وكلمتني…

*ألو

_اه ياحيوانة وليكي عين تنامي حسبي الله ياشيخه…ضحكت وقالتلي 

*طب اهدي بس

_اهدي ايه ده انا فتحت في طريق شتايم مع اللي فتح عليا ده وكنت فكراه انتي..صح مين ده….ضحكت وقالتلي

*ده وسيم أخويا ياستي اللي جه من السفر من يومين 

_اه حمدالله ع السلامة بس احياة عيالك اشيخة ابقي وضحي الموضوع

*انتي هزقتيني جامد 

_الصراحه اااه 

*طب الحمدلله اني كنت نايمه هقهقهقهق…المهم هنروح بكرة الجامعة عشان في مفاجأة الصراحه هموت واقولك 

_ربنا يستر منك ياختي

*ياستي متخافيش ثقي فيا انتي بس

_ماشي ياختي يلا سلام بقي هبعتلك محاضرات النهارده ع الواتس سجلتهم عشانك..وذاكري كويس عشان هسمعلك 

*اووووف طيب ياختي ربنا ع الظالم والمفتري 

_نععععم بتقولي ايه 

*بقولك ربنا يحرسك من كل ظالم ومفتري يا ياسو ياحبيبتي 

_هيهيهيهيهي طيب ياختي يلا سولام 

*سولام ياقلبي

….الصبح في الجامعه وبعد ماقابلت شهد حكيتلها علي اللي حصل معايا امبارح في المواصلات 

_يوووه ماخلاص ياشهد انتي نازله ضحك من الصبح عليا في ايه يوه

*هقهقهقهق الصراحه مش قادره يلهوي هقهقهقهق

_طب انا غلطانة إني قولتلك علي حاجه يلا 

*خلاص ياست القماصة هقولك علي حاجه حلوة 

_قولي يا اوختشي

*طبعا احنا عارفين ان دكتور مراد هينقل من الجامعه 

_اه

*متعرفيش بقي مين اللي هيدينا مكانه 

_لأ

*طب امسكي نفسك من الصدمة كده

_يااربي ها اخلصي 

*وسيم اخويا 

_اخوكي ازاي

*يابنتي مش هو كان بيدرس برا وكده وأول ماجه اتعين هنا 

_احيييييه مش اخوكي ده هو اللي سمع وصلة التهزيق بتاعت امبارح 

*هو بعينه بسلطاته هقهقهقهق

_الله يحرقك ياشيخه

*طيب يلا ياختي عشان هو اللي علينا دلوقتي..

ودخلنا المحاضرة وقعدنا وخمس دقايق ودخل الدكتور…

بصيت لشهد بصدمة وقولتلها..

_هو ده اخوكي

*ايوة يا ياسمين في ايه 

_احييه ده هو نفس بتاع المواصلات اللي حكيتلك عنه…

ودكتور وسيم شافها بتتكلم وكان لسه هيطردها وكانت الصدمة!!!(شايفاك ياللي مش مصدوم وعيب كده يوه)