Uncategorized

رواية كنت لا أبالي الفصل العاشر 10 بقلم رحمة عصام

 رواية كنت لا أبالي الفصل العاشر 10 بقلم رحمة عصام

رواية كنت لا أبالي الفصل العاشر 10 بقلم رحمة عصام

رواية كنت لا أبالي الفصل العاشر 10 بقلم رحمة عصام

_ملك بصريخ ودموع: بااااابااااا…….بابا قوم معايا، حد يلحقنا بسرعه
كانت المنطقه كلها واقفه مبتتحركش وعليهم نظرات سخريه ومحدش راضي يساعدني،مسحت دموعي و مقدرتش استنى، طلعت اجري بره على الطريق اشوف عربيه، وبالفعل جبت واحد وسندت بابا انا والراجل و طلعنا عـ المستشفي”
اول مـ وصلت طلعت جرى لأوضه الدكتور مازن وانا بعيط وأول مـ فتحت الباب وقعت على الأرض علطول وعيطت بهستيريه لقيته جرى عليا وفضل يهديني وكان باين عليه القلق بس انا من صدمتي وخوفي مش عارفه اتكلم….”
_مازن بقلق: مالك يـ ملك في ايه فهميني
=..
_حاولي تتكلمِ ايه
=..
قومني ومسكني من كتفِ وهزني جامد….”
_مازن بغضب: فوقي وانطقي حصل ايه
=ملك بصوت متقطع: بـ…ـابـ…..ـا
_مازن بقلق: حصله حاجه؟؟
هزيت راسي وعياطي زاد……”
_اهدي اهدي هو فين؟؟
=ملك بعياط: تـ…..ـحـ…..ـت
مسك ايدي وطلعنا نجري على تحت بس مش لقيته، سألنا حد من الأمن الـ كانوا قاعدين قالوا إنهم شالوه وخدوه على اوضه رقم 109 فوق، طلعنا نجري وأول مـ وصلنا الاوضه لقينا الدكتور طالع ووشه ميطمنش……”
_مازن بقلق: طمني يـ دكتور عامل ايه دلوقتى
=الدكتور بحُزن: البقاء لله
انا مصدقتش وفضلت اضحك بشكل هستيري وبعدين عيطت وحالتي كانت غريبه بشكل بشع، مازن كان قلقان وبيحاول يهديني بس انا مكنتش كويسه انا كنت في عالم تاني وبفتكر لحظاتي انا وبابا وايامنا الحلوه سوا وانتهت وانا بتخيل أن الناس شايلين الكفن ومشيين بييه، صرخت مره واحده ووقعت ومحسيتش بأي حاجه حصلت بعد كده”
_______________________________
_يـ عدي بيه يـ عدي بيه ألحق
=عدي بقلق: في ايه مالك
_الواد الـ حضرتك بعته يعرف أخبار البت ملك، اتصل بيا قالي ان البيت والورشه ولعوا والاسطا محمد مات
=عدي بعدم استيعاب: انت بتقول ايه!!!
خدت مفاتيحي وركبت عربيتي ومشيت بأقصى سرعه عندي وانا مش شايف قدامي، وصلت عند فيلا جني وخبطت بغضب على الباب، الخدامه فتحتلي ومسيبتلهاش فرصه تتكلم وطلعت على أوضه جني رزعت الباب جامد ومسكتها من شعرها……”
_عدي بغضب: ايه الـ انتِ عملتيه ده انطقيي
=جني بوجع: ابعد عني، سيب شعري ايه الـ انت بتعمله ده ابعد عني
شديت على قبضتي اكتر واتكلمت بعصبيه وصوت عالي اكتر واكتر……”
_ردددي عليااااا، اييه الـ انتِ عملتيه في ملك ده؟؟؟
=جني بوجع: هقولك هقولك بس ابعد عني
Flash back
_عدي بغضب: انتِ طالق اطلعي خدي هدومك وروحي على بيت ابوكي
=جني بغضب: ماشي يـ عدي والله هندمكوا على كل الـ عملتوه ده
طلعت الاوضه وخدت الفون واتصلت بواحد من رجالتي….”
_الو……انت فين؟؟ قابلني في كافيه………بعد نص ساعه
=اوامرك يـ هانم
جني لنفسها: انت الـ خربت الدنيا بإيدك يـ عدي
After 30 minutes
_جني بهدوء: العنوان ده……عايزك تولع فيه في الوقت الـ هتصل عليك واقولك تنفذ، مش عايزه اي غلطه يـ كاظم
=كاظم بجمود: اوامرك يـ هانم
After 2 days
_جني ببرود: نفذ……
Back
=جني بضحكه مستفزه: ولسه…….لسه هتشوفوا مني كتير
غضبي زاد وضربتها بالقلم ومسكتها من شعرها تاني…….”
_عدي بغضب: انتتتتِ اييييه، انتتتتِ اييييه فهميييني جااايبه الجبروت ده منين؟؟؟؟ عملتلك ايييه عشان تعملي فيها كددده؟!!
=جني بأستفزاز: ولسه….. ولسه يـ عدي طول مانت معاها انا هأذيها اكتر، انت ليا انا يـ عدي انت فاهم؟؟ ليا انا
_عدي بعصبيه: انتِ انسانه مريضه ومحتاجه تتعالجي، مستحيل تكوني طبيعيه زينا، وحق ملك انا هجيبه منك غصب عنك انتِ فاهمه؟؟؟؟!!
سيبتها وخرجت وانا هموت من القلق على ملك، باباها مش بالنسبالها اب، ده بالنسبالها حيااه، حياه حاطه أملها وطفولتها كلها فيه، ركبت عربيتي بسرعه وروحت المستشفى الـ هما فيها وسألت عليها قالولي انها في اوضه رقم 205 طلعت جرى وانا خايف اشوفها، مش عارف ابص في عنيها، حاسس ان ده كله بسببي انا مع ان والله ملييش يد فيه، انا لو أطول احافظ عليا من العالم كله هعمل كده”
وصلت الاوضه دخلت لقيت متعلقلها محاليل كتير وجهاز تنفس وشكلها مرعب وهي تعبانه …….ازاي طفله في السن ده يحصلها كده؟؟ ازاي جني قدرت تعمل فيها كده، فوقت من تفكيري على صوت واحد معرفوش قاعد قدامها وبيتكلم بجديه وبيقول……”
_مين حضرتك يـ استاذ
=عدي بهدوء: انا قريبها مين حضرتك؟؟
_مع حضرتك الدكتور مازن الـ كان بيتابع حاله والدها
=عدي بقلق: هي……هي عامله ايه دلوقتى
_مازن بهدوء: جالها انهيار عصبي وحالتها النفسيه وحشه جدًا
=عدي بقلق: هي هتفوق امتي؟؟!
_كمان 6 ساعات أن شاء الله
=طيب ينفع اقعد جمبها؟؟
_مازن بضيق: تمام اتفضل، بعد اذنك
قعدت جمبها وانا حاسس ان الدنيا وحشه ومقفله في وشي، ضحكتها كانت بتهون عليا الحياه والله، دموعي نزلت تلقائي لأول مره من 10 سنين، حطيت ايدي على ايديها واتكلمت بحُزن…..”
_عدي بدموع: ينفع كده؟؟ تخليني اعيط بعد السنين دي كلها……انا اسف عـ الـ حصلك ده، انا والله لو أطول احميكِ من الدنيا كلها مكنتش هتأخر، بس مش بإيدي……. مكنتش اعرف ان كل ده هيحصل…… مكنتش اعرف ان الحقد والغل عمو عنيها وقلبها كده، انا معاكِ اوعي تفتكري اني ممكن اسيبك تمام؟ حتى لما قولتلك هنا اني هبعد عنك مبعدتش…….كنت باعتلك ناس يطمنوني عليكِ، كنت باجي اشوفك من بعيد وامشي، مش عارف اشوفك كده……متعود اشوف ملك اللمضه الـ بتفضل ترد وضحكتها دايما على وشها، متعود اشوف ملك…….ملك…..ملك حبيبتي، ايوه انا بحبك……كنت دايما شايف انك صغيره ومينفعش اتقدملك……. كنت دايما شايف نفسي أقل منك، يمكن عشان وانا قدك كنت بلعب ودماغي فاضيه ومتحملتش مسؤوليه، كنت بشوف اني مش قد مقامك وانتِ مقامك كبير عليا…….صدقيني انا بحبك فوقي بقا مش مستحمل اشوفك كده
مسحت دموعي وفضلت قاعد جمبها اصلي واقرء قرأن وادعيلها، عدي 6 ساعات مفاقتش!! قولت هستني بقا، عدي 8 ساعات وبرضوا مفاقتش!! قلقت وطلعت اشوف فين الدكتور الـ كان موجود لما جيت وسألت عليه وقالولي على عيادته، فضلت ادور عليها وليتها بعدين دخلتله وانا القلق متمكن مني واتكلمت بسرعه وبخوف….”
_عدي بقلق: دكتور دكتور……..ملك لسه مفاقتش وعدي 8 ساعات ومعرفش مقامتش ليه
=مازن بهدوء: اهدي اهدي انا كنت جاي اشوفها دلوقتى
خرجنا من عيادته ومشيت معاه وانا قلبي بيدق بسرعه من الخوف وبدعي ربنا اننا لما ندخل نلاقيها فاقت، دخلنا بس مفاقتش!!! قعد فتره جمبها بيشوف شغله وبعدها وبصلي بحزن وقال……..”
_للأسف ملك دخلت في غيبوبه وحالتها وحشه ومعرفش هتفوق امتى
=عدي بفزع وصدمه: اا ا انت انت بتقووول اييه؟؟!
يتبع…..
لقراءة الفصل الحادي عشر : اضغط هنا
لقراءة باقي فصول الرواية : اضغط هنا
نرشح لك أيضاً رواية اغتصبت خطيبة أخي للكاتبة مهرائيل ماجد

اترك رد