رواية عودة الملاك الفصل الثاني عشر 12 بقلم ميسون عبدالمجيد

ملاك بتوتر وارتباك: انا انا مش هقدر اختار

سليم بضيق وحدة:ازاي يعني ها ما تخلصي بقي

سيف كان هيرد عبدو ضغط علي ايده عشان يسكت

ملاك بضيق وحزن:ملكش دعوة بيا سبني في حالي بقي

ودخلت اوضتها وقفلت علي 

عبدو بهدوء:دكتور سليم ممكن تتفضل معايا نتكلم لوحدنا بهدوء

سليم نفخ بضيق وبص لسيف بقرف وهو كذلك ومشي مع عبدو

دخلو البلكونه

سليم بضيق:خير ي استاذ عبدالمحيد

عبدو بهدوء: اظن حضرتك اب وعارف غلاوة الضنا

سليم بهدوء:ايوا

عبدو:والخيار اللي حطيت في ملاك النهرده صعب علي أي حد ازاي هتختار ما بين الراجل اللي عاشت معاه ٢٥ سنه ومابين ابوها الحقيقي في فكرك ان دا سهل

سليم بصله بقلة حيلة ومردش

عبدو:انا معاك انت ابوها ومشتقلها بقالك عمر ونفسك تقعد معاها وتعيش معاها كل حاجة فاتت وتعوضها عن كل حاجة بس من رايك سهل عليا انا كمان بعد العمر دا كله اصحي في يوم ملاقيهاش في البيت افطر وبص علي اثرها اصحي من غير ما اصبح عليها كل يوم وحجات تاني كتير حضرتك الموضوع مش سهل مسألة وقت واهدي عليها ووعد مني هي هتجيلك بنفسها وتشبع منها بس سيبها هي دلوقت افاكرها متشتته ومش قدرة تتحمل

سليم بصله بحزن واقتنع بكلامه جدا

سليم بهدوء:ماشي ي استاذ عبدالمحيد انا هصبر لغاية ما اشوف اخرتها

سليم خرج ووصل عند الباب

سيف وهو قاعد:مع السلامه ي حمايا

سليم بغيظ شديد:وابعد ابنك المستفز دا عن بنتي

عبدو ضحك

سيف ببرود:في حد يقول كدو علي جوز بنته اللي في مقام ابنه

سليم بغيظ:بعينك مش هطول منها شعره

سيف بثقة:سبق ووعدتك انها مش هتكون لغيري

سليم بصله بغضب وخرج

عبدو بصله بغيظ :ياد انت طفل ياد انت كدة بتنشف دماغه اكتر

سيف بنفس البرود والثقة:علي نفسه مش عليا ملاك وهجوزها غصب عن أي حد

عبدو بصله بقلة حيلة

الباب اتفتح وكانت عبير

عبير:سلام عليكم

الاتنين:وعليكم السلام

عبير قعدة

عبير بقلق:مالكم انتو الاتنين عاملين كدة ليه وفين ملاك

سيف بلا مبلاه واستفزاز:اسكتي ي ماما فاتتك حته اكشن علي دراما انما ايه يلا تتعوض

عبير بخوف:في ايه حصل ايه

عبدو بغيظ شديد:اهو خلي الباشا يحكيلك جاتك القرف في سماجتك

عبدو سابهم ودخل وسيف بدء يحكي لعبير اللي حصل وهي زعلت لسببين لزعل ملاك وانها مش متخيلة ان ممكن ملاك تبعد عنهم

____________________________________________تاني يوم

ملاك قعدة علي سريرها وعنيها ورمه ومحمرة اثر العياط وحثا من كتر التفكير هتجرلها حاجة

الباب خبط

ملاك بشرود:ادخل

دخل سيف بصلها بحزن وقعد قدمها علي السرير

سيف بأبتسامة:مراتي القمر زعلانه ليه

ملاك ابتسمت بسخرية:قلتلك الطريق قدمنا طويل اوي ومش سهل وصعب اننا نكمل

سيف مسك اديها بحب:وانا قلتلك طول ما احنا ادينا في ادين بعض والحب مالي قلوبنا هنتخطي كل حاجة

ملاك بصتله بحزن

سيف بتفكير:بقلك ايه قومي اللبسي

ملاك:ليه

سيف:بقلك يلا هنروح لبباكي وهنفهمه كل حاجة بهدوء وبالذوق ولو مجاش بالذوق يبقي نبعت ناس تخلص عليها

ملاك بعبوس:بس بقي دا مهما كان مهما كان ب ب بابا

سيف بأبتسامة:شايفة رغم كل قساوته وكل حاجة إلا ان في ذرة حب موجودة في قلبك ليه واظن ذرة حب وحدة تكفي انك تديله فرصة

ملاك بحزن:تفتكر

سيف بأبتسامة:انا واثق يلا قومي اللبسي عشان نرحله

ملاك وافقت سيف خرج وهي إخدة شاور وحاولت تمحي اثر العياط ولبست دريس لافندر في حزام ابيض وكوتشي ابيض وخرجت

سيف بأبتسامة:والله مراتي قمر

ملاك ضحكت:ارجوك متقلش الكلمة دي قدامه بتعصبه

سيف قرب منها مسك اديها: أنتي مراتي غصب عن عين ابوكي ي روح قلبي

ملاك بحدة:سيف احترم نفسك لحسن وإلا ا..

سيف قاطعها:لحسن وإلا ايه ي عمري

ملاك بغيظ:مش هجوزك

سيف قرب منها بغيظ وسحبها من شعرها بهزار ومشيو

بعد وقت وصلو المستشفي نزلو هما الاتنين ودخلو

وصلو في الدور اللي في مكتب سليم

ملاك بتفكير:سيف خليك هنا

سيف بعدم فهم:ليه

ملاك:عشان خاطري خليني انا ادخل الاول ولو احتاجك هقلك تدخل

سيف نفخ بضيق

ملاك مسكت ايده بحنيه

ملاك بأبتسامة:عشان خاطري

سيف بحب:ماشي يستي

ياسين من وراهم:الله الله ايه المسخرة اللي بتحصل دي

ملاك بهمس:نهار اسود

ملاك بتجز علي سنانها بهمس: ياسين

سيف بنرفزة وغيظ:انت تاني انت تاني

ياسين قرب منه بعنين حادة:اه ي قلبي انا تاني بس المرادي العكس

واكمل بابتسامة وخبث:انا ابقي اخو البنت اللي بتحبها

وقرب من ملاك مسك اديها

سيف ابتسم بغضب:لا دنتي يظهر مش ناوي تجبها البر

سيف قرب منه وكان هيمسكه من لياقة القميص

ملاك وقفت وسطهم بخوف:بااس بااس عشان خاطري بااس انتو الاتنين كفاية اللي حصل

ياسين بغيظ: أنتي ايه اللي عيزاه من البني ادم دا

ملاك:بحبه

سيف بغيظ اكتر: أنتي بتحامي للكائن دا ليه

ملاك:عشان اخويا

ياسين:علي جثتي انك تتجوزها

سيف ضحك بسخرية:طب كويس هنقرا الفاتحه عليك انت وابوك

ياسين قرب منه وكان هيضربه بس كانت ايد ادهم الاسرع

ادهم بحدة:في ايه هو انتو ديما مسكين في بعض

ياسين بضيق:عشان بكره

سيف بسخرية:قال يعني انا اللي ميت في دباديبك دنتا لولا للاسف اخو مراتي كنت قتلتك

ملاك وقفة تلطم

ادهم ساب ياسين ادهم قرب من وش سيف

أدهم بحدة:مرات مين ي بشمهندس

سيف ببرود:مراتي بس هي لسة هتبقي مراتي واكيد هنعزمكم في الفرح سلام ي شباب

سيف لف وكان هيمشي بس ادهم مسكه لفه ليه تاني

سيف بصله ببرود:ايه عايز حاجة اكيد متفاجأ وهي احلي مفجأة

ادهم بنرفزة وغيظ:ياد ايه البرود اللي فيك دا يخربيتك

سيف بصله من فوق لتحت بأستفزاز

ملاك ادخلت:سيف انزل استناني تحت وانتو خلاص

ياسين وادهم في نفس واحد:هو ايه اللي خلاص انتي التانيه

ملاك خافت منهم هما الاتنين

سيف وقف جنبها وهي كانت في ضهره

سيف بعنين حادة:اياك حد فيكم يزعلها ولا بخوفها انتو سمعين

ياسين بسخرية:لا ماشاء الله طلع في من روميو نسخ مصريه

سيف بصله بغيظ

سيف لملاك:انا هنزل ولو حد كلمك رني وانا هطلع اطلع عين اللي جابوه

ياسين مسكو بعصبية:لا انت فعلا عايز تتربي

ادهم بيبعدهم عن بعض لكن هو نفسه يضرب سيف

ملاك وقفه خايفه

باسل كان معدي

باسل جاي يجري:في ايه

ملتك بتلطم:اهي كملت

ياسين بيبعد عن سيف بالغصب:ابدا البيه بيبلغنا انو هيجوز الهانم وهيعزمنا علي الفرح

سيف بأستفزاز:انا هعزم الكل إلا انت

 ياسين اتعصب جدا ومسكه من لياقة القميص

ادهم بحدة: ياااسين خلاص كفاية فرهتني وانت ي استاذ اتفضل كفاية مشاكل

سيف بعد عنه بغضب

سيف مشي كام خطوة وبص لملاك وابتسم بأستفزاز و بعتلها بوسه في الهوا

ادهم بغضب:لا انت محدش مالي عينك بقي

وقرب منه مسكه من لياقة القميص

سيف ببرود:طب ابعد ي يسطا عشان معملش حاجة تزعلك انت شكلك محترم مش زي ناس

ياسين اتنرفز وبقي عامل زي الطور الهايج

ياسين مسكه من رقبته وسيف كذاك:متحترم نفسك بقي ها انت مش قد بوكس مني

سيف بصدمه مصطنعه:اوووو لالا انا خوفت حقيقي خفت طب انا همشي بقي وكفاية فضايح جتكم القرف كلكلم

واكمل بابتسامة:ما عدا ملوكتي

وطلع يجري وادهم كان هيجري وراه

ملاك وقفه تضحك بهمس

يحيي جه عليهم:في ايه صوتكم جايب لاخر المستشفي ليه

باسل بسخرية:اسكت فاتك حتت شوو انما ايه

يحيي بعدم فهم:شووو ايه

ادهم بغيظ:ابدا الاستاذ اللي بيحب اختك المستفز

يحيي بغيظ وغيرة:بيحبها

ملاك بتبص لقيت الاربعه بيبصلها بعنين حادة

ملاك وهي بتجري بخوف:عاااا ي سيف اللحقني

ملاك سابتهم وهما ضحكو

ياسين بغيظ:انا الواد دا مش هسكتله لازم نتصرف معاه

باسل:احنا نرحله احنا الاربعة ونوقعه وسطينا ونكسره

ادهم بتفكير:الواد دا مش سهل ويقدر علي عشرة زينا وواضح انو فعلا بيحب ملاك والتعامل معاه مش سهل

يحيي:والحل

ادهم بغموض:هقلكم..

::::::::::::::::::::::::::::::::::::::::::::::::::::::::::::::::::::::::::::: عند ملاك

ملاك اخدة نفسها وخبطت

سليم وهو باصص للورق:ادخل

ملاك دخلت ووقفت قدامه ولأنه كان مركز مع الورق كان فاكر السكرتيرة

سليم وهو باصص للورق:في ايه اتكلمي

ملاك بأرتباك:احم احم

سليم بصلها بسرعة رمي الورق اللي في ايده قام وقف قدمها بسرعة

سليم بابتسامة وحب:ملاك معقول جيا بنفسك وحشتيني اوي

وحضنها جامد ملاك مكنتش عرفة تعمل ايه لكن في النهاية اتأقلمت معاه وبدلته الحضن وهو كان مصدوم من الفرحة

بعد وقت بعد سليم عنها

سليم بابتسامة:خلاص قررتي قررتي انك هتعيشي معايا علي طول

ملاك بأسف: لا للاسف انا مقررتش لان قرار زي دا صعب يتاخد انا جيا اتكلم معاك شوية

سليم قعد بحزن:اتفضلي

ملاك قعدة

:::::::::::::::::::::::::::::::::::::::::::::::::::::::::::::في الخارج

سيف كان قاعد في جنينة المستشفي وبيشرب شاي

جه من وراه ادهم وباسل وياسين ويحيي

ادهم ربط علي كتفه:ابو سيوف منور مستشفى الجيار عقبال من نحجزلك فيها اوضة كامله

سيف بصله من فوق لتحت بضيق

الاربعة قعدو حواليه

سيف وهو بيشرب ببرود:ايه خير جيين جماعه كدة هنقرا الفاتحه ولا ايه لا لو سمحتم انا لسة مش مستعد وبعدين بردو دا مش كمان نقرأ في فاتحتي انا وملوكتي

ياسين جز علي سنانه

باسل بغيظ: الفتحه دي ي ابو السيوف هنقرأها علي روحك قريب

سيف ضحك ببرود

يحيي:قلي ي ياسين انت فعلا بتحب ملاك

سيف ببرود:بس ي بابا

يحيي بغضب:دا كائن التعامل معاه غلط لانه مش من فصيلة البني ادمين اصلا

سيف ببرود:امال زيك من فصيلة القوارد

ياسين مقدرش يستحمل وقام اداله بوكس

سيف ابتسم بغضب وردهوله

وادهم وباسل بعدوهم عن بعض

سيف بحدة:بقلكم ايه متحولوش تعملو عليا رباطية انتو مش قدي

كلهم بصوله بغيظ وهو ضحك بأستفزاز وسابهم ومشي

ياسين حاطت ايده علي خده:اااااه ي متخلف بقي

باسل بغيظ:منتا كمان ادته بوكس طير بقه قلنا هنتنيل نتكلم معاه براحة لسة هنبدء نتكلم قمت ادتله بوكس ومسكته في بعض

ياسين بضيق:مش شايفه بيتكلم ازاي

كلهم نفخو بضيق وقعدو

:::::::::::::::::::::::::::::::::::::::::::::::::::::::::::::::فوق في مكتب سليم

سليم:نعم عايزة ايه

ملاك بهدوء:حضرتك اللي عايز ايه

سليم:مش فاهم

ملاك:يعني مش معقول كل شوية هتظهر في حياتي تضايقني وتمشي عايزة اعرف عايز مني ايه

سليم مسك قلبه واتكلم بألم:انا مش عايز حاجة من الدنيا غير ان اقرب منك اعوضك عن كل اللي فات اغدك في حضني ونقعد مع بعض نفهم بعض

ملاك:طب تمام بس انا مش مستعدة لدا دلوقت انا مش هقدر اسيب بابا وماما وسيف بسهولة

سليم بنرفزة وغيظ:الواد دا بذات تبعدي عنه انا عايزك تعيشي معايا عشان ميقربش منك

ملاك بنرفزة هي الاخري:بس سيف بيحبني وهيتجوزني

سليم بحدة:وانا ابوكي وبقلك مش هتجوزيه

ملاك ضحكت بسخرية:ههه ابويا ايوا صح

ووصلت عند الباب

سليم بوجع:اااااه ااااااه قلبي

وهوب سليم وقع علي الارض

ملاك خافت جدا وقلبها كان هيقف

ملاك جريت عليه

ملاك بتوتر وارتباك:ب با ببابباا باااابااااا

فضلت تصرخ

بعد مرور ساعة

كان سليم في اوضة ودكتورة بيكشف عليه وبرا واقف ياسين وادهم وباسل ويحيي وملاك وسيف والكل ظاهر علي وشه الخوف والتوتر

باسل بحزن:هو ايه اللي خلاه يحصله كدة ي ملاك

ملاك بدموع:مش عرفة احنا كنا بنتكلم عادي بس هو كل شوية كان بيمسك قلبه وأنا ماشية راح وقع

ادهم بقلق:ربنا يستر

سيف مسك ايد ملاك بحنيه: أهدي هيبقي كويس

ملاك بصتله بحزن

بعد وقت قصير خرج الدكتور والكل جري عليه

ياسين:بابا ماله ي دكتور هو كويس صح

الدكتور: اهدي ي دكتور ياسين الوالد كويس الحمدلله

يحيي:امال اللي حصله دا سبببه ايه

الدكتور:يظهر الفترة دي بيتعرض لضغط عصبي كتير ودا سبب وجع قلبه وكمان ضغطه عالي وأنا عملتله اللازم تقدرو تشفوه

الكل بص لبعض بحزن واولهم ملاك اللي حثت ان كل دا بسببها

ادهم بتفهم:ادخلي انتي ي ملاك دلوقت

ملاك هزت راسها بحزن ودخلت كان سليم نايم علي سرير ومتوصل بيه اجهز ونايم

ملاك قربت منه قعدة قدامه

ملاك مسكت ايده

ملاك بحزن وصوت واطي:انا اسفة اكيد كل دا حصلك بسببي بس انا مليش ذنب انت ظهرت فجأة في حياتي دمرتها وعايزني اسيب اهلي اللي ربوني واجي اعيش معاك متخيل يعني ايه اعيش مع ابويا إللي رماني في الزبالة ها بس خلاص انا هحاول اسامحك وانسي الماضي هحاول

سليم تبت في اديها وفتح عينه بالم

سليم بأبتسامة وتعب: أنا اسف سامحيني يبنتي

ملاك بدموع:مسمحاك ي ب با بابا

سليم شد اديها وخضنها جامد لاول مرة تقوله بابا وتكون طلعة من قلبها بجد

بعد وقت

كان قاعد سليم علي السرير وحواليه اولاده كلهم وسيف

سيف بأبتسامة:يلل بقي ي حمايا شد حيلك واخرج من هنا عشان تحضر فرحي أنا وبنتك

ياسين بصله بغيظ:مش هتجوزها

سيف بأبتسامة مستفزة:هجوزها غصب عنك

ياسين بغيظ:يلااا بكرهك يلااا

سيف بأستفزاز:me too  ي حب

سليم بحدة:خلاص بقي انتو الاتنين

الكل سكت

سليم:انا موافق انك تتجوز ملاك

سيف وملاك فرحو

سليم:بس بشرط

ملاك بخوف:واللي هوا ايه

سليم:..