رواية تربع على عرش قلبي الفصل الحادي عشر 11 بقلم رحمة أيمن

مازن بغضب: اه مجنون، مجنون لاني مش فهمك… في اي!

رحمه بخوف من صوته:…. 

مازن: ممكن اعرف متغيره معايا لي،  عملت حاجه ديقتك طيب

رحمه:  تعالي نشوف ايدك الاول وبعدها نتكلم 

مازن بتنهيده حارقه:  رحمه! 

رحمه:  عشان خاطري يا مازن لو سمحت 

مازن:…… 

___________

“في الصاله” 

“يجلسون علي الكنبه وتضمد جرحه برفق” 

مازن:  مالك 

رحمه بتركيز للجرح:  مفيش 

مازن:  طيب حصل اي 

رحمه:  محصلش حاجه 

مازن:  يعني قفله علي نفسك في اوضه الاطفال ومبتتكلميش معايا ول بتزلي ول حتي لما رجع بتساليني وتزني عليا ممكن اعرف السبب 

 رحمه:  كده 

مازن بغضب:  رحمه انا مبحبش طريقه الاسلوب دي! 

رحمه بتوتر:  مبحبش حد يزعقلي 

مازن:  انتي عايزه تجنيني!

رحمه:  وانت مدايق لي من طريقه اسلوبي،  مش دي طريقتك كمان شوف نفسك بتعامل الناس ازاي وقرر بعدها 

مازن: بس دي طبيعتي انا علطول كده،  انما انتي مكنتيش كده

رحمه:  اتعود عليا بقي كده،  سيب ايدك كده يومين وهتخف متقلقش 

” تتحرك للغرفه وفي يدها علبه الاسعافات فيوقفها صوته “

مازن:  رحمه انتي وحشتيني جدا 

رحمه بنظر ورائها بخضه:  اي! 

مازن:  مش عارف اقلك اي بس انتي فعلا كده!  ،  مش عارف انام كويس ول اكل من غير رخامتك علي الاكل،  ولما ارجع متسليش وديقيني كنت فين ومع مين بتخوني صح هه، وحشني هبلك وجنانك وصداعك،  انا مكنتش برجع البيت يا رحمه بس بقيت برجع عشانك وعشان اشوفك،  انا مش عايز منك رد دلوقتي بس عايز اشوفك كويسه،  ورجعي زي الاول معايا،  اليوم ناقص حاجه من غيرك بجد! 

رحمه بصدمه وعدم كلام :….. 

مازن:  هخرج عشان مديقيش، سلام 

مشي وانا دخلت الاوضه وعيطت بحرقه علي وجعي لي ول نفسي،

وندمت علي كل دقيقه ضيعتها وانا بعيده عنه او فكرت انى بعتبره زي سمير ههه سمير مين بس، عشان الناس وكلمهم وعشان اي حد بيتكلم ميولع كلام الناس! ويولع اي حد بتكلم اصلاا!

اعرف بتحب اي وعيش اعمله لنفسك بس طبعا في رضي ربنا!

في قصه بتاعه جحا والحمار وابنه، كان راكب هو وابنه علي الحمار فعدا علي منطقه الناس الي فيها قالو يعيني هما لتنين ركبين علي الحمار ناس معندهاش رحمه!

مشي هو وركب ابنه علي الحمار بس وعده علي منطقه تانيه فناس يقولو اي الابن العاصي ده، يركب هو وابوه يمشي، عيال غير باره!

راح راكب هو ومنزل ابنه وعدو علي منطقه تلاته فيقولو، شوفو منزل ابنه وراكب هو ازاي، ابهات اخر زمن!

ببساطه الناس مبيعجبهاش العجب ومهما عملت عمرك ما هترضيهم وهيتكلمو برضه، اه وجود الناس ورائيهم في حياتك مهم بس مش كل الناس صح ول كل الناس شبه بعض كلنا مختلفين!

فعشان كده خليك عارف ديما انك تعمل الي يسعدك ويفرحك انت واكيد مش نتمرد عليهم ونقل زوق معاهم نتقبل الراي ونقد ونبتسم ونعمل برضه الي يريحنا، اصل احنا الي هنعيش فيها يابا احنا هنصيع!

بعدها قرارت ارجع تاني، مش رحمه الي وحشاه، رحمه الي بتحس بسعاده لما تكون جمبه، بترجع بسنين ول كانها عندها 20 سنه و بتحب تدايقه بس وبتفرح لما يعصبها عشان تديقه اكتر 

وبصراحه اكتر وحشني اكلو ابن الجامده ده !

اليوم التالي…

في الصباح…

“يفتح مازن بالمفتاح ويدخل بنعاس وملل”

رحمه بحماس: رجعلي الصبح يااض!، كنت بتخوني صح 

مازن بستغراب:؟؟؟

رحمه: تعالي عشان عملتلك شويه اكل ترميهم في الزباله علطول 

مازن: انتي لبسه تشرتي صح 

رحمه: امم اصل لونه احمر وبضعف، كنت بلم الغسيل وشوفته وب…..

“يقربها مازن لها ويعانقها بقوه ودفن راسه علي كتفها برفق”

رحمه: احم لاء احنا متفقناش علي كده! استنا بس!

مازن: اوووف، لو كنت اعرف انه الكلمتين الي هقلهم دول هيرجعوكي كنت قلتهم من زمان 

رحمه: قصدك اي بقي 

مازن: بتثبتي بكلمتين يعني هتريحيني قدام 

” تبتعد رحمه عنه بقوه وغضب “

رحمه: انت عيل بارد وربنا!

مازن:  روحي اقلعي التشرت ده عشان بحبه 

رحمه:  روح كل جاتوووو 

__________

علي السفره… 

مازن بتعبير وجه غير مرضيه:  اااه مش قادر 

رحمه:  اي جميل صح 

مازن:  قصدك يويديك علي القبر علطول،  طعم بشع حقيقي اااه 

رحمه:  شالله يخليك وتفتح نفسي كده ديما يا رب 

مازن:  اوعي تدخلي المطبخ تاني،  بجد كرسه! 

رحمه:  متافورش ياض الاه 

مازن:  والله انتي الي متافوريش وتعملي اكل تاني يا شيخه الله يكرمك 

رحمه:  انت في التشجيع معنكدش يما ارحميني

مازن:  عشان تعرفي بس

رحمه:  خلصانه لما اديقني هطبخلك ههه

مازن بقلق:  لاء!  مش هديقك في حياتي ابدا!  بالله بلاش اكل تاني 

رحمه:  هعيط وربنا! 

______________

رحمه:  اوعي تسقطت مني،  انا بقلك اهو 

مازن:  بتردهالي يعني!  طلعتي سوده من جواكي يا بت 

رحمه:  اومال هعديهالك بساهل،  مش هتنام غير لم…  مازن!  مازن انت نمت طاايب 

قربت من اززاه المايه وبفتح فيها لقيته شدني جاامد ونيمني علي دراعه جمبه علي الكنبه!  ولا انت عِنيف لي!  

رحمه:  مازن كنت عايزه اسالك حاجه 

مازن بنوم وتغميض عينيه:  بعدين 

رحمه:  طيب طنط شاديه عاي… 

مازن:  بكره 

رحمه:  مازززن 

مازن:  امم 

رحمه:  الساعه 12 الضهر ومش عايزه انام شالله يخليك لعيالك يا رب

مازن:  ههه طيب لو عايزه تقومي قومي بس انا فصلت خلاص 

رحمهو: طيب نسبه الشحن قد اي هق هق

مازن:…… 

حط ايده علي وشي كده الي هو انا مش عايز اعرفك بعد النكته القذره دي تاني منك لله! 

رحمه بخوف:  خلاص والله اني اسف ههه 

مازن:  اكتمي بقي يخربيت الرغي 

رحمه: خلاص اتخمد 

حولت اقوم معرفتش ههه بهزر مقدرتش،  بصيت لي حوالي 10 دقايق وبقول لنفسي هو في حد ممكن يكون ابيض لدرجه دي بجد! ورموشه طويله كده ووقتها عرفت اني كنت عاميه ل هبله حاجه في الرنج ده! 

في بيت العائله… 

رحمه:  صباح الخير 

شاديه بفرحه:  رحممه!  فينك يا بنتي مبتظهريش ول بشوفك كتير حصل حاجه معاكي 

رحمه:  متقلقش يا طنط بقيت كويسه 

شاديه:  فطرتي 

رحمه:  اه الحمد لله،  الجماعه فين 

شاديه:  رافت في المصنع وخالد في شركته ربنا يوفقهم يا رب 

رحمه:  يا رب 

شاديه:  احم ومازن،  مازن كويس 

رحمه:  متقلقيش عليه،  هحاول معاه صدقيني و….. 

ترن ترن ترن 

رحمه:؟؟؟ 

شاديه:  مين 

رحمه:  مش عرفه رقم غريب 

شاديه:  طيب ردي 

رحمه:  الو 

خالد:  الو يا رحمه،  عذرا لو ازعجتك 

رحمه:  خالد!  ههه ازيك، مزعجتنيش ول حاجه انا مع طنط شاديه تحت اصلا 

خالد:  الحمد لله يا ستي،  كنت عايزك في خدمه كده 

رحمه:  خدمه اي 

خالد:  لاء البسي هجي اخدك مشوار ف سريع

رحمه:  في حاجه ول اي 

خالد:  متقلقيش مش هخطفك ههه 

رحمه: ههه طيب هجهز علطول اهو عبال ما توصل سلام 

خالد: استني انا… قفلت 

_________

شاديه: في اي

رحمه: معرفش عايزني في خدمه، عايزه حاجه اعملهالك 

شاديه بتوتر: رحمه بنسبه لخالد متأ….

خالد: اهلا اهلا بحلويات العيله ههه 

شاديه: اهلا يا حبيبي 

خالد: كنت هقلك اني قدام البوابه ههه 

رحمه: خلاص هشوف كده مازن وبعدها نخرج 

خالد: مازن؟!

رحمه: امم فوق بس نايم، عن اذنكو 

شاديه: خالد بتفكر في اي 

خالد: مش فاهم قصدك 

شاديه: وانا مبقتش فهماك كمان، ربنا يستر 

خالد: متقلقيش مفيش حاجه صدقيني 

في الشقه…

رحمه: مااازن، انا هخرج مع خالد عشان عايزني 

مازن:….

رحمه: مااازن فوق بس نتكلم ونام تاني 

مازن:……..

ولانه مستحيل يقوم، عملت ورقه علي التربيزه اني خرجه مع خالد ويبقي يرن عليا بقي وترددت اخرج الصراحه وبعدها خرجت.

في السياره…

خالد: احم من بابا، خدته من بابا ههه 

رحمه: انا مبحبش حد يفهمني من غير ما اتكلم علفكره 

خالد: انتي الي بريئه زياده عن الزوم واسالتك مقفوشه 

رحمه: هه طيب احنا هنروح فين 

خالد: شركتي، انهرده تعرض عليا ابني بيت واختار الالون والحاجات الي تخصه ومهندسه الديكور مجتش انهرده وانا محتار ومراته عايزه حاجه معينه وانا مبفهمش في الحاجات دي فساعديني بقي 

رحمه: اشطا مفيش مشاكل بس ايدك علي تمن الموضوع انا مبعملش حاجه بلاش 

خالد: هعزمك علي بيتزا تاني 

رحمه: انت كل ما تشوفني تاكل بيتزا يا عم انت 

خالد: ههه خلاص يا عم نجيب كريب ها 

رحمه: اي ده وفقت سبحانه الله، قلتلي شركتك منين 

خالد: ههه يا طفسه 

دخلنا الشركه وهزر علي الموظفين شويه ودخلنا المكتب بمرح، شركه صغيره بس قمر اوي وناس شغاله فيها بضمير وبحبه الشغل فيها مش مرغبين عليه وده حاجه لذيذه جدا 

خالد: اوووه شكرا شكرا بجد 

رحمه: اي خدعه ههه 

خالد: بس برافو عليكي بجد، انا متوقعتش تكوني شطره كده 

رحمه: الجامد مبقلش علي نفسه انو جامد يا رايق ههه 

خالد: ههه اقنعتيني 

رحمه: احم عايزه اقلك اني خريجه إداره اعمال ودرست التخصص ده بس استحي 

خالد: بجد!

رحمه: امم مع اني دورت علي شغل كتير اكون متدربه بس وكده وملقتش رغم انه درجاتي كانت حلوه جدا بس حظي بقى

خالد: تعالي اشتغلي معايا، مكانك موجود 

رحمه: هههه شكرا يا عم مليش في شغل الواسطه انا 

خالد: علفكره التلات تيام الي غبتيهم دول فرقوا جدا، البيت كان ناقصه حاجه 

رحمه: بطبلي طيب يا سيدي شكرا ههه 

خالد: ههه ها تاكلي اي بقي 

جبنا بيتزا للموظفين علي قفاه طبعا هيهي واشترينا انا وهو كريب ورجعنا بقي بالعربيه 

خالد: كان يوم جميل جدا شكرا 

رحمه: العفو بقي، كفايه شكر عادي والله  ههه

خالد: كنت عايز اخد رائيك في حاجه، عيد ميلاد نسمه قرب وعايزه عربيه وطلبتها، مش عارف اجبها ول اي 

رحمه: نعم!، عربيه هديه، لي نجيب سويرس حضرتك وانت بتفكر اصلا!، البت دي طفسه وربنا 

خالد: جواها حاجه حلوه، انا حاسس كده، هقدر اغيرها، حبي ليها ممكن يغيرها 

رحمه: ههه انت طيب اوي يا خالد بتمني يحصل ده فعلا رغم انها معصباني الا هساعدك لو عوزت حاجه 

خالد: بنسبه للعرض الي قلته في الشركه ع…

ترن ترن ترن 

رحمه: دقيقه كده يا خالد… الو 

مازن: انتي فين يا هانم 

رحمه: في الطريق ورجعه مع خالد بالعربيه، لي 

مازن: انا قدامكو خلي يوقف 

رحمه: قدامنا!

خالد: في اي 

رحمه: عربيه مازن اهو وقف كده يا خالد 

نزلت اشوفه لقيته بركان او تنين مجنح حبه وهيحرقنا كلنا!، ومسك ايدي جامد وحرفيا ورمت ووجعتني!

رحمه بالم: اييي يا مازن ايدي!

خالد: مازن انت بتعمل اي هنا، وماسك ايدها كده لي في اي!

مازن: ملكش دعوه بيها يا خالد سامع، مراتي وانا حر  

خالد:…..