رواية هاربة إلى قلبي الفصل الثاني 2 بقلم مريم فهمي

طلعت اسيل تجري علي اوضتها وحضرت كل حاجه وحضرت هدومها ونامت شويه لحد ما طلع النهار وقررت تنزل 

اسيل : افتح يبني الباب 

الامن : افتح يبني لست اسيل بسرعه 

اسيل : تسلم يا عم محمد يا راجل يا طيب 

خدت عربيتها وبدات تبعد ، تبعد وهي سايبه ذكرياتها ما مامتها الي كانت بدافع عنها ديما بعدت وهي سايبه قسوة ابوها عليها 

Flash back

…..انتي يا زفته يالي اسمك ياسمين 

ياسمين : مش هتبطل الفاظك دي قدام البنت حرام عليك يا اخي اعتبرني مراتك ودي بنتك انا تعبت 

مسكها من شعرها ،بتعلي صوتك عليا ده انتي يومك اسود معايا بنتي اي ومراتي اي ده انتي حته مجبتليش الواد الي نفسي فيه هعمل اي بالست هانم الزفته التانيه بتمني تموتوا وتغوروا في داهيه 

Back

مسحت اسيل دموعها وركذت في السواقه لحد ما وصلت اسكندريه وراحت البحر قبل ما تروح لعنوان شركة خالتها 

نزلت من العربيه وراحت عند البحر وبدات تتكلم وتشكي للبحر همومها 

– جيت ليك وانا قلبي مليان هموم انا شفت الي محدش شافه شفت حاجات ميستحملهاش حد لما امي يكون عندها كانسر والبني ادم ده يرفض انه يعالجها ويقلها ربنا هيرحني منك اخيرا ميبقاش اب لما اشوف امي وهي بتتقطع من كتر الوجع وانا كمان مش قادرة اعملها حاجه شعور العجز علي اني اخليها كويسه كان بيقتلني ماتت اكتر شخص بحبه في حياتي ماتت بسمتي واملي في اني الحياه حلوة مين ممكن يعوضني حنانها او كلامها حسيت اني يتيمه من بعدها ….بدات تنهار من العياط لحد ما الناس بدات تبص عليها ،،لما حست انها هتلفت انتباه ركبت عربيتها وراحت لشركة خالتها 

الامن : رايحه فين يا انسه ..يا انسه رايحه فين 

اسيل : طالعه لمدام قمر 

الامن : مدام قمر مش موجوده دلوقتي حضرتك تبقي مين 

اسيل : انا بنت اختها ارجوك انا محتجاها ضروري انا لازم اخش 

الامن : طيب اطلعي فوق لاستاذ آدم ابنها وهو مدير الشركه 

اسيل : شكرا ..عن اذنك

طلعت فوق 

اسيل : لو سمحت لو سمحت 

بنت : نعم 

اسيل : عاوزة اعرف مكان مكتب المدير ادم 

بنت : تعالي معايا اوديكي للسكرتيره 

اسيل راحت معاها لحد مكتب السكرتيرة 

البنت : هند يا هند الانسه عاوزة مستر ادم 

هند (السكرتيره) : انتي مين… وبصت عليها من فوق لتحت 

…انا اسيل بنت اخت قمر هانم 

هند : انتي انتي يام خمار تبقي بنت اخت قممر هانم 

اسيل : ماله الخمار علي الاقل بنفذ شرع ربنا مش لابسه حاجات اتكسف اقعد بيها في البيت 

هند بسخريه…ومستر آدم مش جوة 

اسيل : لو سمحت عاوزة اخش لآدم 

هند وقفت : وانا بقلك هو مش جوة 

آدم خرج من اوضة المكتب بتاعه 

– هند خلصتي الاوراق الي طلبتها منك 

هند بارتباك …آدم اققصد مستر آدم 

آدم ….انتي مين ؟!

ردت اسيل ….انا اسيل بنت خالة حضرتك 

آدم ..احم ممكن تتفضلي جوة 

دخلت اسيل وقالت ..معلش يمكن انت اول مرة تشوفني بس انا محتاجلكوا انت وخالتو تقفوا جنبي ارجوك طبعا انت عارف كل حاجه وعارف اني امي ماتت ….وبدات تعيط 

آدم ..بس بس متعيطيش انا عارف كل حاجه من امي وعي زمانها علي وصول اروجوكي متعيطيش احنا مرتبين كل حاجه 

اسيل رفعت راسها وعنيها مليانه دموع …يعني هتساعدوني انا نفسي اشوف خالتي دي انا معرفش غير اسمها قمر بس 

آدم ..هي علي وصول 

الباب اتفتح ودخلت منه ست سنها يجي ٤٥ سنه 

قمر : آدم حبيبي انا جيت 

آدم وقف وقالها …ماما 

قمر : مين دي يا حبيبي 

لفت اسيل وشها وبصتلها 

آدم: اسيل يا ماما اسيل بنت ياسمين

قمر بصت بصدمه …اسيل اخيرا جيتي وحشتيني انتي شبه ياسمين بالظبط تعالي في حضني يا بنت الغاليه 

اسيل وهي بتتكلم في نفسها …حضنها دافي زي حضن ماما لاء وكمان شكل ماما جدا نفس ملامحها الهاديه حبيتها لانها من ريحة امي حسيت بحنانها بس يا تري هعيش سعيده ولا هواجه صعوبات

قمر : نورتي يا حبيبتي انا هحميكي من اي حد ممكن يمس شعرة منك تعالي معايا نروح 

راحت معاها اسيل ويا تري هل هتواجه صعوبات ولا لاء هتعرف تتعايش معاهم وابوها هيوصلها ولا لاء ❤️❤️❤️❤️????

يتبع…..