رواية عشقت طالبة الفصل الخامس 5 بقلم خلود الطحان

-علشان ساعتها هيكون ادبس في وصلات وشيكات ولو معملش ال انا هقوله هيتحبس ومستقبل بنته الوحيده هيروح

=يلهوي ايه دماغك دي

-انا مكنتش كدا انت متعرفش حاجه انا بس كنت عايز اعيش حياه عاديه بس القدر كان ليه رأي تاني

=أنا مش فاهم حاجه وعايز اعرف انت ليه عايز تنتقم من ابوها وامها

-هييجي وقت وتفهم كل حاجه

عند خلود

-الحمد لله ي بنتي عدت على خير

=بكسوف… طنط ممكن تشكريلي ابيه ياسين عشان ضرب مصطفى دا

-ولا شكر ولا حاجه دا واجبه

=طب وليه ماما تشكرني انا قدامك اهو ولو عايزه تشكريني بجد اعمليلي عصير مانجا عشان بحبه منك

-ابيه انت هنا من امتى

=من ساعة اشكريه يلا هتعمليلي المانجا ولا اروح

-لا ي ابيه خليك شويه بقالك كتير مش قعدت معايا

=طب يلا اعمليلي العصير ممكن

-بسعاده… حالا هيكون العصير جاهز

=ياه دا انا لما بقولها تعمل حاجه مبتبقاش فرحانه كدا وبتبوز ف وشي وتقولي تعبانه ي ماما ماشي ي عم ياسين تعالى كل يوم بقا قولها تروق الشقه

-لالا دا خوخه مشاء الله عليها بتساعدك من غير حاجه

مامت ياسين ومامت خلود خدوا بالهم ان ياسين عمال يبص يشوف خلود بس مش عارف 

-بضحك… روح روح ي ياسين شوف خلود خلصت ولا ايه

=بتوتر… ها لا انا بس فكرتها بتنده بس ي ماما

-شكلها فعلا بتنده روح شوف هيا عايزه ايه على بال ما اكلم مامتك ف حاجه

=بسعاده مخفيه… ماشي هروح

ياسين راح المطبخ لقى خلود مش طايله الكوبيات

-بضحك… وسعي ي اوزعه انت هجيبهم انا

=ابيه انا مش اوزعه انت ال طويل

-وانت خليتي فيها ابيه

=بكسوف… مش قصدي والله

-طب خلاص خلاص هقولك على حاجه انت ف سنه كام دلوقتي

=داخله أولى ثانوي

-خلاص انت كدا كبرتي بقا على ابيه دي قوليلي ياسين وانا هقولك ي خوخه

=بس انت ي ابيه على طول بتقولي ي خوخه ولما بتزعق بتقول ي خلود

-يلهوي دا انت قلبك اسود اوي خلاص مش من مره يعني وبعد كدا متقوليش ابيه انت كبرتي وبعدين دول خمس سنين يعني

=يعني اقول اسمك كدا من غير ابيه لالا مش هعرف

-ليه بس طب جربي كدا

=اعمل ايه

-مثلا قوليلي هات الكوبيات ي ياسين عشان انا اوزعه ومش طايلاهم

=بلماضه… هات الكوبيات دي ي ياسين عشان انت طويل وانا مش اوزعه

-ايه دا لا قولي ابيه تاني وسعي كدا اما اجيب الكوبيات ي اوزعه

=بغضب طفولي… مش اوزعه قولتلك بقا

-طب خلاص انت ست البنات كلهم

=بفرحه… بجد يعني انا حلوه عن البنات ال ف الكليه بتاعتك

-بمكر… هوا انت ف عيني احلى من اي بنت بس انت عرفتي موضوع بنات الكليه دا منين

=بتوتر… ابدا كنت سامعه طنط بتقول ان في بنات حلوه انت بتشوفهم كل يوم

-بضحك على توترها… لا يستي هيا بنت حلوه بشوفها وهيا راجعه كل يوم من درسها بس مبقتش اشوفها عشان اخدت الاجازه 

=بكسوف… طب ممكن توسع عشان اصب العصير 

-بضحك… يخراشي عليكي وانت متورده كدا

خلود ضحكت وصبت العصير

عند مامت ياسين ومامات خلود

-بذمتك مش لايقين على بعض

=لاقيين ايه بس دي لسه صغيره

-مسيرها تكبر وانا وانت عارفين ان هما بيحبوا بعض من زمان دي كانت منهاره من العياط واول ما شافت الواد الإبتسامه بقت من الودن للودن

=جرا ايه قصدك ان بنتي مدلوقه ولا ايه دي الف مين يتمناها

-يعني هوا ابني اى تقيل دا مفضوح والاتنين ميالين لبعض

=منكرش ان خوخه بتحب ياسين اوي دس كانت قبل ما نيجي هنا كانت بتتكسف من خيالها وهوا كمان بيحبها وبيحب يفسحها ويجيبلها لعب من وهيا صغيره

-طيب انا عايزه اضمن

=بضحك… تضمني ايه بس

-اضمن ان خوخه ل ياسين

=مش وقته الكلام دا عشان هيا لسه صغيره كفايه ال حصلها النهارده

-انا بس عايزه اعرف رايك انت ورأي ابوها وهوا مستنيها لحد ما تكبر

=والله هوا من نحيتي مش هلاقي زي ياسين ل بنتي كفايه حنيته عليها وانا عارفه ان هوا راجل وهيحافظلي عليها

-طيب وابوها

=لا سيبيلي انا ابوها هوا هيلاقي زي ياسين فين

-الحمد لله انا عارفه ان سعادت ابني معاها ربنا يخليها ويحفظها

فجأه الباب اتفتح

-خلود بمرح… بتقولوا ايه

=يجزمه خضتينا

-مش مهم بقا ي ماما اتفضلي ي طنط العصير 

مامت ياسين وهيا بتاخد العصير

-بهمس… شوفتي ابن الهبله بيبص للبت إزاي

=بهمس… يعني بصي بنت العبيطة عامله رقيقه اوي وهيا بتديله العصير آل يعني بتتكسف اوي

-احلى عصير فعلا مبشربوش إلا هنا من ايدك 

=شكرا ي ياسين

-خلود ايه ياسين دي عيب قولي ابيه

=لا ما خلاص اصل ابيه يوووه قصدي ياسين قالي انت كبرتي خلاص وهما خمس سنين ف مش لازم اقوله ابيه

-مامته بهمس… مش بقولك

=بتقولي ايه ي ماما

-لا ابدا ي حبيبي دا موضوع بيني وبين طنط

قعدوا ضحكوا سوا وجه رضا

-سلامو عليكو اهلا اذيك ي ياسين مش كنت سايب تحت

=اه منا قابلت صاحبي كان عايزني ف حاجه ف الشغل

-طب تعالى نقعد ف البلكونه وتقولي عملت ايه ف شغلك بقالي كتير مقعدتش معاك

=اه يلا وكمان عايز اخد راي حضرتك ف حاجه

-ماشي تعالى يلا اعمليلنا قهوه ي خوخه

=بابا انت بتتعب منها انا عامله عصير مانجا انت بتحبها هجيبه احسن

-مقدرش اقولك حاجه ي ست خوخه

=هروح اجبلك العصير اهو واهصبلك كمان مره عشان انت بتحبه 

خلود راحت عشان تصب المانجا

-محدش بيقدر يقولها لا ف البيت دا

=والله يعمي مش ف البيت دا بس انا نفسي مبعرفش اقولها لا

-يلا تعالى بقا عشان تحكيلي

=والله يعمي من ساعة م بابا مات ومحدش بيسمعني ولا بيفهمني غيرك فعلا حضرتك عوضتني

-ي واد عيب كدا انا زي ابوك بالظبط انا اصلا كان نفسي ف ولد ذيك كدا ادب وأخلاق وناجح مشاء الله عليك بس يلا ربنا رزقني ببنت

=ربنا يخليك يعمي بس دا لو خوخه سمعتك هتقلبها علينا ومش هتخلينا نشرب مانجا

-بضحك… على رأيك ومش هتخلينا احضنها اسبوع قدام المهم بس عايزني ف ايه تبع الشغل

=كنت عايز اعمل…

فجأه مامت خلود فتحت عليهم باب البلكونه وهيا بتعيط

-بعياط… رضاااا الحق خلوود

=……..