رواية رهف الفصل السادس عشر 16 بقلم الكاتبة ندى رأفت

طلع ياسين علبه الدواء من الدرج وفتحها فلقى الدواء خلص فضحك ودخل العلبه تاني الدرج  وقال  :مش هلحق.. اجيب تاني.. اظاهر خلاص كدا ..وخد نفس …وبعدها نزل تحت ..

والده ياسين :يلا علشان منتأخرش يا ابني كل دا بتعمل ايه فوق ..

ياسين راح لوالدته و  حضنها جامد ..

والده ياسين حست بشعور غريب وقالت:مالك يا ابني في أيه ..

يوسف بسخريه :إظاهر بيخاف من الأفراح يا عمتو ..

ساب ياسين والدته وقال:يلا بقا علشان منتأخرش ..

فخرجوا من الفلا وركبوا العربيات وكان لكل عربيه شوفير ..ومشيوا ..

في العربيه …

والده ياسين مسكت إيد ياسين وقالت:أيه دا يا بني إيدك بارده اوي …

ياسين : لا يا ماما عادى إظاهر بردت شويه بسبب تكيف العربيه ..

والده ياسين :اقفل التكيف يا ابني ..تحب يا ياسين نرجع وتلبس جاكت اتقل من دا ..

ياسين :لا ملوش داعي يا ماما ..متقلقيش ..

والده ياسين بقلق :ماشي يا ابني ..وقالت بينها وبين نفسها :هو أنا ليه حاسه ان قلبي مقبوض كدا ..ولا ..دا ..يمكن احساس عادي ..

الكاتبه :Miyano shiho (ندى رافت) 

ووصلت العربيات قدام الكوافير ..

ونزل ياسين ويوسف ومنتظرين ..

وبعد فتره..خرجت انجي..والكل قاعد يزغرد ونزلت لياسين وقالت :ها إيه رأيك يا حبيبي .. 

ياسين كان هيرد فطلعت رهف ..وكانت ماسكه الفستان ومتبرجله بيه ..فقال ياسين :جميله وجميله اوي كمان ..فبصت انجي عليه فلقته باصص على رهف فبصتلها بغيظ ..ودخلت العربيه ..

نزلت رهف ليوسف ..

يوسف :قمر يا حبيبتي ..

رهف بخجل :شكرااا..

ودخلت العربيه ..

وبعدها ركب الكل العربيات واتجهو للقاعة  ..

في القاعه …

بعد الزفه ..

والد انجي :يلا بقا نكتب الكتاب..

انجي :خلينا نكتب كتاب يوسف على رهف الأول..علشان عايزه ازغرد لاخويا..

والد انجي :ومالو..يلا اتفضلو اقعدوا هنا يا عرسان ..

قعد يوسف ..

وياسين باصص على رهف وهي متجه للكرسي فبصتله وافتكرت (ياسين لما مسك ايدها ولبسها الخاتم وقال:الخاتم دا انا طلبت من بابا يعملهولي مخصوص ليكي ودا علشان كل ما تبصيله تفتكريني …)

وافتكر ياسين : (رهف وهي بتقول:هو انت مش راجع تاني ولا ايه يا ياسين ..

ياسين :ازاي دا انا هرجع وهتجوزك …) 

قعدت رهف على الكرسي ..

افتكر ياسين (رهف وهي بتقول :انا بكرهك يا ياسين بكرهك … )

وفجأه ابتدت تخف إيد ياسين الي ماسك بيها انجي ..فلاحظت انجي ..وبصتله..

ابتدت الرؤيه عند ياسين تخف ..وجفنه يتقل ..

يوسف :احنا مش هنكتب الكتاب ولا ايه 

راح المأذون لسه هيتكلم ..

فجأه ساب ياسين أيد انجي ووقع على الأرض…..

الصدمه سادت المكان للحظه ..

فجأه قالت أنجي :ياااااسين  …