رواية بنتين من الصعيد الفصل الأول 1 بقلم إسراء القاضي

“إكسر للبنت ضلع يطلعلها اربعه وعشرين، اصل العيب مش عليها العيب علي الشيخ ابوها اللي سابها تتعلم لحد ما بقت ضكتوره خلاها كل اما تشوف حد تديه محاضره في العلام” نفس الكلام اللي بيتكرر كل يوم ذنبي ايه اني رفضت تقاليد البلد انا ونور صاحبتي واتعلمنا لحد ما بقيت انا الدكتوره مريم  بنت الشيخ سالم وهيا تكون المهندسه نور عز الدين البنتين اللي حاربو التقاليد والعادات بتاعت البلد وبقي مفيش غير بنتين بس هما اللي اتعلمو في البلد كلها فوقت من شرودي علي صوت نور. 

_ يلا يا مريم هنتأخر سرحتي في ايه القطر هيفوتنا اجري بسرعه

_ كنت بسمع الكلام اللي بيتقال زي كل يوم انا بقيت خايفه يانور يقتلونا بس خلاص هانت هيا آخر سنه ونتخرج بقي. 

_ ياااه يابنتي فكك من كلامهم واساسا المفروض تكوني اتعودتي احنا بقالنا سنيييين ع الحال ده، واجري بقي علشان نلحق القطر بسرعه. 

«في بيت قديم من بيوت القريه الي عايشه فيها نور ومريم» 

_ بنات آخر زمن شوفي بيجرو ازاي وهما رايحين المحطه يابت

_ حرام عليكي بقي يا صفيه سبيهم في حالهم احنا مالناش دعوه بيهم

_ وه وه مالك يابت الشيخ هما لعبو في دماغك انتي كمان ولا اي. 

_ هما معملوش حاجه ولا قالولي حاجه بس انا مشفتش منهم إلا الخير 

_ وجه منين الخير بقي دول وقفو في وش رجالة البلد وتقوليلي معملوش حاجه إياكي يا ساره إياك اشوفك تتعاملي معاهم يابت عمي وإلا واللي خلق الخلق ما هكون ليا كلام معاكي تاني.

_ يووووه بقي انا سايبهالك وماشيه وقرصي انتي باقي الفطير بقي.

هما ليه اهل البلد بيكرهو مريم ونور ليه مكنتش زيهم وحاربت علشان اتعلم هما طيبين قوي ويستاهلو الخير بس ليه بيبعدونا عنهم!! 

_______________________

_ ما لسه بدري يابنات هو في جامعه هتقعد لحد العشا إياك! 

مريم_ إزيك ياصفيه اخبارك

نور_ ما انتي مجربتيش المواصلات اللي بتبقي من القاهره لحد البلد عامله ازاي متخفيش علينا انتي بس.

(نور ومريم عارفين ان صفيه بتحقد عليهم وبتكرهم بس نور دبش ومبتعرفش تتحكم في اعصابها زي مريم)

صفيه_ماشي يا نور

قاطعتهم مريم:ده آذان العشاء ياجماعه يلا نصلي بقالي كتير مصلتش في الجامع

صفيه بكره_ ما اكيد مش هتصلي يابت الشيخ هتصلي امتي وانتي بترجع في اليالي اكده بحجة العلام

ريم وهيا بتشمر اكمامها_ لا بقي انا ساكتالك من الصبح يابت انتي تعاليلي.

مريم _ كفااايه بقي انا تعبانه لوحدي يلا يانور امشي خلينا نصلي وانتي ياصفيه لو سمحتي مالكيش دعوه بينا وكفايه كلام علينا ده احنا بنات زي بعض. 

صفيه بحقد: اسيبكو ايه يادكتوره انا مش عارفه اشمعنا انتو اللي اتعلمتو واحنا لاء فيكو ايه زياده عننا ده انتو لسه مشوفتوش حاجه مني. 

_شوفتي يامريم انا قولتلك ناخد سكن جمب الجامعه وانتي مردتيش ينفع اللي بيحصل كل يوم ده كنتي سيبيني عليها وانا اربيها

مريم_ سكن ايه بس يانور طيب وبابا اسيبه لمين انتي ناسيه انو تعبان وانا اللي بهتم بيه علشان فارس لسه صغير مش هيعرف يديه الأدويه

_ ربنا يقومه بالسلامه يارب،هو الي كان بيصلي بالناس دلوقتي وحقيقي صوت الراجل ابوكي ده بيخطف قلبي كده 

_طيب امشي بقي من وشي وخلينا ادخل اشوف بابا يلا خلي بالك من نفسك ياصحبي

*«في منزل مريم»*

_ياحاااااااااج سالم بتك جات ياحاججج انت فين 

راحت مريم تشوف ابوها في اوضته وشافت اللي عمرها ما كانت متخيله انو يحصل…

يتبع…..