رواية بنتين من الصعيد الفصل الثاني 2 بقلم إسراء القاضي

راحت مريم تشوف ابوها في اوضته وشافت اللي عمرها ما كانت متخيله انو يحصل 

_ انتو انتو بتعملوا ايه هناا 

دخلت الاوضه لقت حوالي عشر رجاله من أهل البلد وابوها قاعد وسطهم بس باين عليه الحزن  ومن بينهم كان في ابو صفيه اللي هو عمدة البلد واخوها بلال (هنعرف قصة استاذ بلال ده ايه ????!) 

العمده_اهلا اهلا يابنتي احنا كنا مستنينك

واحد من الرجاله الوقفين_هه تعليم ايه اللي يقعد للعشاء ده تلاقيها هيا والبت صاحبتها كانو بيتسرمحو 

(مريم بتبصله بقرف وبلال سيكه كمان وهيخنقهم كلهم) 

_ياعمده انتو دخلتو بيتي ووقفتو تهددوني وانا مقلتش حاجه بس عند بنتي ومش هسمح ان حد يجيب سيرتها ابداا 

العمده _ معاك حق ياشيخ سالم وانا هوريه الزفت ده، لكن دلوقتي خلينا في المهم ، انت عارف التقاليد والعادات الي اتربينا عليها وان البنات مش للعلام وان احنا عندنا الرجاله بس اللي تتعلم علشان متجيش واحده وتبقي أعلي من جوزها و.. 

مريم بغضب_ رجاله بس االي تتعلم!؟ ياعمي انا بحترم حضرتك جدا وبحبك زي بابا بس ليه بتعمل كده، ليه التقاليد الظالمه دي،ليه عايزين تحرمو بناتكم وأخواتكم من التعليم ليييه؟ 

العمده وهو بيرفع عصايته ليها_ خُلص الكلام يابت الشيخ ده تقاليدنا من زمان واحنا موافقناش علي تعليمك انتي وصاحبتك بت عز الدين الله يرحمه غير علشان ابوكي وفضله علينا وعلي اهل البلد كلها، بس انك ترجع في الليالي كده معدش ينفع بقت كل بنت بتسأل اشمعنو انتو تفضلو رايحين جايين وهما لاه، كفايه لحد هنا يا دكتورره علشان شرفك وسمعتنا.

_ كفايه ايه انتو بتهزرو صح! اناا تعبت وشقيت لحد مابقيت هناا ومش هسمح اني اكون ضعيفه وأقبل بالظُلم ده، انتو ازاي تشككو في أخلاقي كده واخلاق نور اللي ابوها مات وسابها في حمايتكم، ماتتكلم يابابا وقولهم اني مش هسيب حلمي كده. 

(مريم بتبص لبلال ومستنياه يدافع عنها بأي كلمه، مستنياه يقول اي حاجه من ساعة ما جات وهو ساكت حتي مبصش عليهاا،) 

_ يابنتي انتي غلاوتك عندي من غلاوة صفيه وبلال بس مش انا اللي حطيت التقاليد ولا العادات دي احنا اتربينا وكبرنا عليها ان البنت من بيت ابوها لبيت جوزها مفيش مرواح للمدارس ولا تتعلم خاالص وانتي دلوقتي معدش ينفع ترجعي في الليالي كده وكل واحد يبص عليكي. 

واحد من اللي وقفين_ انا قولت خِلفة البنات عار محدش صدقني،

بلال اللي اتكلم لأول مره _ كلمه كمان ووالله هخليك تندم علي كل حرف قولته ويلاا خد الرجاله دي واستنونا بره _بصوت عالي: مش عايز اشوف حد في الأوضه غير العمده والشيخ سالم والدكتوره 

_أوامرك يا بلال بيه

(اخيررررا اتكلمت ياجدع ده انت كاريزما جدااا????????????‍♀️) 

سالم_ ياعمده هيا آخر السنه تخلصها وهتقعد بس بلاش تقعدها من دلوقتي البنت تعبت قوي حرام عليكم 

بلال_احمم انا عندي حل يرضي الكل

الكل باصص عليه بإهتمام حتي مريم اللي كانت سرحانه في اللي هيحصل وان ممكن احلامها تتدمر خلاص 

قاطع تفكيرها صوت بلال_ ياعمي انا طالب ايد الأنسه مريم منك وأظن ده الحل الوحيد اللي يرضي الكل

مريم_نعممممممممم

________________________

تاني يوم الصبح مريم بتصلي وبعد ما خلصت صلاه فضلت تدعي

_يااارب انا مش قد اللي بيحصلي ده كله يارب انا مش بالقوه دي مش مستعده اني اكون جاريه عندهم ياررب ساعدني يارررب، انا تعبانه قوي من جهة عايزه اوافق علشان بحب بلال من زمان ومن جهة خايفه اكون ضحيه ويطلع مش بيحبني ويعاملني زي ما بيعملو مع اخواتهم وبناتهم، ياارب ساعدني. 

سالم_صباح الخير يامريومه اخبارك ايه دلوقتي 

مريم _الحمدلله يابابا، خدت أدويتك ولا لسه 

سالم_خدتها من بدري يابنتي، تعالي اقعدي جمبي بس عايزك في كلمتين 

_بصي يابنتي من وانتي صغيره انا عمري ما غصبتك علي حاجه ومن ساعة ما أمك الله يرحمها ماتت وانا بحاول أعوضك عنها، بس انا مش دايملك انتي واخوكي يا مريم، وبلال هو اللي هيقدر يحميكي ويحافظ عليكي ومتخفيش من صفيه اخته هيا مكتوب كتابها وهتتجوز خلاص يعني مش هتعرف تأذيكي ولا تتعرض ليكي تاني، يابنتي فكري كويس وانا مش هغصبك علي حاجه 

مريم_ ربنا يباركلي فيك ياحاج ويديك طولة العمر، انا هاروح البس بقي علشان متأخرش ع الكليه وكمان هلاقي الست نور نطالنا دلوقتي 

بعد ما مريم لبست ومشيت هيا ونور علي المحطه لقت حد مستنيهم هنااك علشان يمشو معاه

مريم ونور بصوت واحد_ساااره … 

_ في حاجه يا ساره ولا ايه

_انتي جيتي ازاي لوحدك في حد حصله حاجه 

ساره_مفيش حاجه حصلت بس انا عايزة اقولكم علي حاجه ومالقتش غير الحل ده علشان اتكلم معاكم براحتنا..

مريم_ انطقي طيب قلقتينا 

ساره_ بصي يامريم انا فكرت كتير اوي،انا عايزه ابقي زيك انتي ونور عايزه اتعلم واعرف افكر زيكو كده ويكون ليا رأيي انا مش عايزه اكون جاهله كده علميني يامريم خليني اتعلم حتي لو القرايه والكتابه بس ارجوكي وافقي يا مريم  

ساره بعياط:انا انا نفسي اتعلم يامريم ارجوكي ساعديني وقوليلي ابدأ ازاي 

(الصبر ياختي ده انتي لو كنتي اتعلمتي كان اتعمل منك شاورما في الامتحانات تعالي ذاكري بدااااالي????????)

مريم ساكته ومردتش عليها خالص قطع تفكيرها صوت نور

نور_ لا طبعاً استحاله نعمل كده يامريم مش محتاجه تفكري يامريم مش هنعلمهم .

مريم_ ماشي ياساره انا موافقه طبعا لما نرجع من الكليه هستناكي في الجامع انا ونور ونشوف هنعمل ايه حقيقي براڤووو علي قرارك ده

ساره من فرحته حضنت مريم وفضلت تشكرها،ونور في حالة ذهول 

ساره_بجد شكرا يامريم عمري ما هنسالك الجميل ده ابدااا

مريم _ العفو ياحبيبتي  يلا سلام بقي علشان نلحق القطر

ساره_ احم مريم هو انتي حقيقي هتتجوزي بلال خلاص يعني قصدي انك انتي وصفيه علاقتكم بايظه خاللص يعني انا بسأل من باب الفضول .

نور بذهول- نعم تتجوز مييييييين.

مريم_ ربنا يسهل ياساره سلام خلي بالك من نفسك

_ اقفلي بوقك المفتوح ده انتي كمان ويلا هحكيلك كل حاجه في القطر 

_____________________

_ انتي بتهزري يامريم اوعي توافقي،انتي بتحبي بلال من زمان صحيح بس انتي عارفه صفيه اخته شرانيه ازاي وممكن تعملك حاجه  يالهوي دي هتبقي معاكي في نفس البيت كمان لا يامريم بلاش المغامره دي علشان خاطري 

مريم_  مش عارفه بقي يانور بس انا شايفه انو بلال كويس اوي وهيقدر يحميني وهو محاسب شاطر اووي ومش هلاقي زيه وبعدين صفيه مكتوبه كتابها علي ابن عمها يعني مش هتقعد معانا في البيت بقولك قفلي ع الموضوع ده. 

نور_ طيب فكك من الموضوع ده انتي حقيقي ناويه تعلمي ساره ده انتي بعد اللي حكتهولي ده هما مستنين لينا اي غلطه تقومي انتي تديهالهم علي طبق من دهب يامريم انتي اتجننتي 

مريم بتحدي وإصرار_ انا مش هعلم ساره بس انا وانتي هنعلم باقي البنات،هما فاكرين ان احنا جواري عندهم بس لاء انا هثبتلهم ان احنا مش للجواز بس واننا لينا كيان بردو ونقدر نعمل حجات كتيررر دايما بيقللو من قيمتنا يانور بس جه الوقت اللي يعرفوا في ان البنت زي الولد وان اللي بيعملوه ده ظلم كبير ربنا هيحاسبهم عليه.

نور_ معاكي حق يامريومه انا اتكلمت مع ساره كده علشان كنت خايفه ليعملو فينا حاجه وهما مستنيين منا اي غلطه اصلا،بس احنا هنعلمهم فين وازاي يامريم

مريم بإصرار_ في الاول هعلمهم في السر وهجمعهم في الجامع بتاعنا بس لازم يتعلمو حتي لو هعلم واحده بس 

نور بخضه_ يالهوووي يامريم..

” معاذ آلله والله ما كنا ابداا عارٍ لأحد بل نحن وصية رسول الله???? ✨♥️”

ياتري مريم هتوافق وتتجوز بلال ولا تعليمها ومستقبلها أهم؟ مريم هتعلم البنات فين وازاي، وبلال هيساعدها ولا اخته هتعملهم حاجه تدمرها..؟