Uncategorized

رواية بنتين من الصعيد الفصل التاسع 9 بقلم إسراء القاضي

 رواية بنتين من الصعيد الفصل التاسع 9 بقلم إسراء القاضي

رواية بنتين من الصعيد الفصل التاسع 9 بقلم إسراء القاضي

رواية بنتين من الصعيد الفصل التاسع 9 بقلم إسراء القاضي

_ الحق يابويا مريم مش في اوضتها
_ بتقول ايه انت، مش في اوضتها ازاي يعني دور عليها هتلاقيها في البيت 
=دورت في كل حته في الفرانده وشقلبت البيت مش لاقيها روحتي فين يامريم بس
_ تعال ياولدي نشوفها يمكن تكون راجعت البيت تاني
_لا لا متتعبش نفسك خليك هنا علشان العذاء وانا هاروح اشوفها
=ماشي يابني بس ابقي طمني عاد
روحتلها البيت لاقيته مقفول زي ماكنت انا قافله، روحتي فين يامريم بس ياريتني ماسيبتك لوحدك ياريت. نور اكيد هلاقيها عند نور
(بلال راح لبيت نور) 
بلال_ سلام عليكم 
نور بصدمه_بلال!خير يابلال مريم حصلها حاجه هيا تعبت تاني 
_انا افتكرت مريم جاتلك هتكون فين بس ياربي
_انا من ساعة ما سيبتها الصبح مشوفتهاش تاني ايه الي حصل خلاها تسيب البيت كده اوعي تكون صفيه عملتلها حاجه وربي المرادي ما هسيبيها يابلال
___________________________
مريم بعياط وصريخ_بقيت خايفه قوي يابابا بقيت مرعوبه من غيرك اول مره اخاف من المستقبل واالي جاي سيبتوني لوحدي ومشيتو ليييييه! هلاقي مين تاني يقويني ويخليني اكمل وحشتني اووووي يابااااااابا
=قومي يامريم قومي ياحبيبتي انا معاكي متخفيش
_اناا قلبي واجعني اوي يابلال مش مصدقه والله ما مصدقه وحاسه اني في كابوس وحش اووي
_ربنا يرحمه يامريم متقوليش كده وبعدين انتي لازم تبقي اقوي من كده علشانك وعلشان فارس لازم تكملي مسيرتك يامريم وتعّلمي البنات من تاني وتخلي الشيخ سالم فخور وفرحان بيكي اكتر قومي يامريم هاتي ايدك خلينا نرجع
_انت عرفت مكاني ازاي 
روحت لنور قالتلي انك لما بتتعبي بتيجي هنا المقابر لأمك الله يرحمها 
_يارب ربنا يرحمهم ويقويني يارررب
بعد مرور شهر_
كنت قاعده في الفرانده بعيد عن الكل مبقتش حابه التجمعات او يمكن بقيت اهرب من صفيه اللي كل اما تشوفني تعايرني اني بقيت يتيمه ودايما بتحاول تعمل مشاكل بيني وبين الكل فوقت من شرودي لما  لقيت ليلي جايه عليا حقيقي البنت دي بحبها جداا صحيح انا مكنتش بتعامل معاها بسبب انها دايما جوا البيت ومكنتش بشوفها غير قليل لما بتكون مع بلال بس ببراءتها بتدخل القلب كده  حسيت بالنعمه اللي ربنا ادهالي انا عشت وكبرت وسط اهلي بس ليلي اتحرمت منهم قبل متنزل حتي اتحرمت من دفا اول حضن من الحب اللي باين في اول لقاء وكان اكتر حداتعلق بيها فارس وبقت معاه علي طول يمكن بسبب  بيحب الاطفال زي بالظبط او يمكن الاطفال اللي بيحبوه
_يااهلا بالست ليلي الجميله اخبارك ايه 
_انا كويسه بس انتي ليه بقيتي تقعدي يوحدك نين مش معانا(تقعدي لوحدك مش معانا) 
_ كنت بشيلها ولسه هتكلم لقيتها وقعت بين ايديا
سميره بصويت_يالهوي يالهوي الست مريم هَتموت ليلي الحقي ياستيي صفيه الحقوو
لقيت الكل جه علي صوتها وانا شايله ليلي بين ايديا حاولت اتكلم _انا انااا معملتش حاجه والله انا كنت بتكلم معاها وهيا اغمي عليها مره واحده 
صفيه _وه وه انتي اتجننتي يامريم وهتچتلي بت اختي عملتلك ايه هيا 
بلال بغضب وهو بيشد ليلي _ انا هاخدها للحكيم بسرعه يشوف مالها 
_استني انااا هشوفها 
بلال بغضب _انا مش عايز اشوف وشك هناا اطلعي علي اوضتك احسن وربي هيكون ليا تصرف تاني 
وسابها ومشي. 
طلعت اجري علي اوضتي ووقفت قصاد المرايا اتخضيت من شكلي بقي تحت عيوني اسود وبقي شكلي باهت ومطفيه وانسانه ضعيفه معقول ده  بلال  صدق ان ممكن اعمل كده هو ده السند والضهر هو ده اللي هيعوضني ااااااااااه يا بابا   للحظه افتكرت مريم اللي كانت عندها نشاط وتحدي وافتكرت الكليه اللي ماروحتهاش بقالي كتيير
=انااا مش ضعيفه مش مريم اللي حد يتحكم فيهاا ولا حد يقولي اعمل ايه ومعملش ايه بس كان غلطي من الاول اني جيت هناا بس خلاص العذاء انتهي وبيت بابا هيتفتح تاني لميت حاجتي وحاجه فارس ومن النهارده هكون مريم تاني هقوي بنفسي مش بيك يا بلال  واستأذنت من مرات عمي  اللي مكنتش راضيه تخليني امشي بسهوله واللي طمني مشوفتش فيها نظره الشك اللي شوفتها في بلال  بس انا كان لازم ارجع انا واخويا بيتنا. 
__________________________
هااا يابني ليلي مالها طمني عليها
ليلي بخير ياأمي مفيهاش حاجه بس هيا هتفضل نايمه شويه وبعدين هتصحي تاني 
احمم بلال ياولدي مريم بقت…. 
بلال_انا مش عايز حد يتكلم في الموضوع ده تاني انا طالع اوضتي 
بلال وهو طالع اوضته سمع صوت صفيه وسميره
_عفارم عليكي يابت ياسميره عرفتي تعملي زي ما قولتلك بالظبط
= انا معملتش حاجه ياستي صفيه بس متنسناش بقي في حلاوة اانك اتخلصتي من الدكتوره ورجعت بيتها
_ قوليلي انتي حطيتي البرشام الي حطتيه كله في كوبايه العصير بتاع ليلي ولا… 
في اللحظة دي بلال دخل عليهم وشد صفيه من شعرها جامد وطلعها بره
بلال بغضب وصوت عالي وهو بيشد فيها اكتر_انااا عايز افهم انتي هتتظبتي امتي وتبعدي عن مريم وبعدين انتي ايه ياشيخه قلبك ده حجر مبتحسيش مش بنت اختك دي اللي كنتي هتموتيها هيا دي الأمانه اللي اختك سايبهالنا عايزة توديها لامها عايزة لما تروحلها تقولها اهلك محافظوش علي الامانه
 انتي ايه  حجر بس خلاص ياصفيه انتي جيبتي آخرك معايا
يابويااا ياحجج 
_الاسبوع الجاي صفيه تكون في في بيت جوزها وإلا وقسما باللله ماهكون قاعد اناا فيها
صفيه_لا يابلال بلاش والنبي الله يخليك ياخويا بلاااش متسمعش كلامه يابويا والنبي 
العمده_ سيب اختك يابلال انتي هترفع ايدك عليها وانا عايش اومال لما اموت هتعمل ايه
_ يابويا صفيه لو ما راحتش بيت جوزها والله ما هتشوف وشي تاني بنتك بقت ماليانه حِقد وغل لدرجة انهاا كانت هتموت ليلي وهيا بغبائها مفكره انها كده هتبعد مريم عني 
_ مينفعش يابني انت ناسي ان عمك ميت ولا اه هنعمل فرح إياك وهو لسه معداش عليه شهر 
_مش لازم فرح اناا مستعد اخدها دلوقتي يابلال
صفيه بصريخ_ حَسان لاااااااا
___________________________
_ياااا مريم يلا بسرعة هنتأخر
_ يلا اجري بسرعه علشان نلحق القطر 
_بقولك صح هحكيلك في القطر علي حاجه عملتها انا وساره 
_ياااه ساره نسيتها بجد دي كانت عايزه تتعلم وانا اتلهيت في حياتي ونسيتها
_ياست كملي جري وانا هحكيلك بضحك _متخفيش صحبتك قامت بالواجب
_نهاااار ازرق يامريم ده بلال اللي واقف عند المحطه هنااك انتي ناويه ترجعيلو تاني. 
“كشخص مريض لا علاج له و ظهر علاجه معجزة من عند الله، كشخص مظلم داكن لا نور بداخله و ظهر المصباح و اناره، انا شخص فقد الثقة في الجميع و ظهرتي أنتِ، فكنتِ أنتِ العلاج و المصباح و المعجزة..????❤
يتبع…..
لقراءة الفصل العاشر : اضغط هنا
لقراءة باقي فصول الرواية : اضغط هنا
نرشح لك أيضاً رواية أحببته بعد زواجنا للكاتبة هند الحجار

اترك رد