Uncategorized

رواية لربما يعشقني الفصل الحادي عشر 11 بقلم حبيبة محمد

 رواية لربما يعشقني الفصل الحادي عشر 11 بقلم حبيبة محمد

رواية لربما يعشقني الفصل الحادي عشر 11 بقلم حبيبة محمد

رواية لربما يعشقني الفصل الحادي عشر 11 بقلم حبيبة محمد

دخلت ايلول وجميله وادم؛ وسيد اول ما سمع ضرب النار جه يجري في نفس الوقت وهما مصدومين كلهم ان شمس اضربت بالنار وهي حامل 
آدم من صدمته فضل باصص علي الدم البينزل من شمس ومركزش خالص مع فاروق الطلع يجري….
وجميله زقتهم كلهم نزلت لمستوي شمس وشمت ريحتها وفضلت تلمس في وشها وايلول مكانتش مصدقه نفسها وفرحانه جدا أنها لقت اختها 
آدم حركهم كلهم زي ما يكون رجع لوعيه وشال شمس علي ايده وركب العربيه وطلع يجري علي اقرب مستشفي 
*** 
سيد لفاروق: اهرب يا فاروق صدقني آدم مش هيسيبك 
ادم لو شافك هيسجنك صدقني انفد بنفسك 
فاروق بصله بأحتقار: وانت من امتي بتخاف علي مصلحتي اوي كدا 
سيد ضحك بسخريه وخرج فلوسه من جيبه: انا اغتنيت خلاص وفلوسي في جيبي 
ومش عايز صاحب الفضل العظيم دا يتسجن 
***
آدم دخل يجري بيها المستشفى وقلقان عليها اوي وكان كاتم دموعه في عينه مبينزلهاش 
جميله فضلت تعيط علي بنتها وعلي فرحتها في نفس الوقت 
أيلول كانت واقفه بعيد وعماله تفرك في ايدها وتفتكر ان اختها هي الشافتها اول يوم في قصر مالك!!!!! 
لقت مالك داخل المستشفى وهو مفزوع 
أيلول جريت عليه وحضنته بكل قوتها….
مالك طبطب علي ضهرها وبيحاول يخفف عنها
أيلول: مردتش اقولك عشان    ..
مالك بحزن: مش وقته خالص وبعدين انا عرفت انك هنا من جهاز التتبع ال في فونك ،  البيبي حصله حاجه؟
أيلول استغربت: يعني انت متعرفش انا هنا ليه 
مالك اتخض اكتر: اي حصل اي؟ قولي جيتي عشان اي؟
أيلول مسحت علي وشها وحاولت تتمالك نفسها وقالتله: انا لقيت اختي يا مالك 
مالك بفرحه : لقيتي!!  ازاي؟؟ وهي فين؟؟ كل ما حصل وانا في الشغل؟؟
ايلول دموعها نزلت منها بدون قصدها: اختي جوا في اوضه العمليات 
بابا وفاروق خطفوها وضربوها بالنار 
مالك بأستغراب: وهي تعرف فاروق منين
أيلول فضلت تلعن في فاروق في سرها ولفت لمالك : عشان شمس اختي تكون مرات ادم و زي ما كنت شاكه فيها ان هي اختي كان عندي احساس بسيط بسبب اسمها تخيل شوفت اختي لأول مره في حياتي 
شكلها جميل اوي يا مالك 
مالك حضن أيلول جامد وطبطب عليها وهي عماله تعيط والكلام بيطلع منها ملخبط 
أيلول شهقت بدموع: ا…اد..ادم حالت..حالته صعبه اوي 
مالك مسك ايد ايلول وخدها عشان يروح يطمن علي اخوه 
*** 
آدم كان رايح جاي في المستشفي بيدعي لشمس 
عشان في روحين في بطن شمس ؛ وشمس الروح التالته 
م هما توأم !!!
كان بيفتكر كل حاجه بينهم بيفتكر وقت ما هربو من فاروق 
Flash back 
وقفوا هما الاتنين بينهجوا من الجري 
شمس بتعب: انا ….انا خافه انت وترتني وخلتني انط معاك ليه؟
آدم بنهجان: خلاص لو عايزاني ارجعك تتجوزي ابويا تاني من عيني 
شمس : لا لا عشان خاطري كفاايا المر الشربته من بابا 
آدم غمض عينه وفتحها تاني بتساؤل: شوفتي اي
شمس: صدقني مش قادره احكي اي حاجه دلوقتي ومش قادره اجري تاني نفسي هيقف 
ادم شدها من ايدها: لازم تجري معايا….. هيلحقونا 
جري وشدها وراه 
شمس وقت ايده وحطت ايدها علي ركبتها وهي بتتنفس بصعوبه: مش قادره اجريي 
وقف وشالها علي من وسطها وحطها علي كتفه وطلع يجري 
Back 
الذكريات هتاكل دمااغه ومش عارف يعمل اي ، شمس لو حصلها حاجه آدم مش هيكون من غيرها 
افتكر تاني وقت ما عرف ان شمس حامل 
Flash back
شمس جابت لبس اطفال وفضلت تحركهم قدام ادم 
آدم بتريقه: أي دا بتلعبي لعبه الارجوز ولا اي 
شمس فضلت تحركهم تاني يمكن يفههم 
آدم بسخريه: اااه عرفت دا لبس اطفال 
شمس قعدت جمبه وبتستدرجه بالكلام: ها كمل 
آدم حرك كتفه: ايوه هتعملي اي بلبس الاطفال ؛ هتلبسيهم؟
قام من جمبها وهو فطسان من الضحك علي منظرها 
شمس زقته في كتفه: يوووه الواحد معرفش يتكلم معاك 
آدم حاول يوقف اضحك: طب خلاص قولي 
شمس حطت اللبس وهي بتبتسم: انا حامل يا آدم 
آدم فضل بصصلها وهو مش مصدق : اي؟ قولي تاني 
شمس : انا حامل 
آدم شالها من وسطها وفضل يلا بيها وهو فرحان وبيضحك بصوت عالي ونزلها ومسك اللبس ويحركه قدامها ويقولها: يعني !!!! يعني انا هبقي اب؟؟
وهيتقلي يا بابا!!!
شمس بتأمأ برأسها وهي بتضحك علي فرحه آدم 
Back 
آدم رجع لوعيه وعيونه نزلت دموع غصب عنه مقدرش يفتكر كل الذكريات دي وميدمعش 
جميله كانت بتعيط علي جنب: يعني يوم ما الاقي بنتي الاقيك يا سيد عامل فيها كل دا
قالت بحرقه: والله لو البت اضرت ولا حصلها حاجه هقتلك يا سيد ومش هيكفيني فيك ابدا هحرقك وهولع فيك بجاز وسخ 
مالك جه وهو معاه أيلول وقرب من آدم وهو بيحضنه: متخافش يا اخويا كل حاجه هتبقي تحسن من الأول 
يكفي بس انك تدعي ربنا انها تطلع بالسلامه 
آدم بصله بمعني انه نفسه أنها تطلع بالسلامه
*** 
سيد دخل من باب المستشفي وهو متخفي عشان لو ادم شافه ممكن يقتله 
وقاعد علي الكرسي جنب جميله ومحدش واخد باله 
مستني يعرف اي هيحصل 
الدكتور خرج 
آدم طلع يجري عليه وهو مخضوض: شمس …شمس كويسه؟؟
الدكتور خد نفسه وقاله: البيبي بخير ….
آدم سكت شويه وقال للدكتور: وشمس؟
الدكتور بحزن: حالتها مش كويسه خالص هي فاقت من تأثير البنج من شويه وقالت أنها عايزاك انت بس
جميله سكتت ومدخلتش ولا هي ولا ايلول
آدم دخل الاوضه ولما صدق أنها تفوق مسك ايدها بلهفه وشوق
ودموعه خانته غصب عنه فضل يبوس في ايد شمس: هتبقي كويسه متخافيش كل حاجه هتكون كويسه وهنربي البيبي مع بعض 
شمس بتعب ومكنتش عارفه تتكلم خالص : عايزاك تعرف اني بحبك وحبيتك لأخر نفس في عمري عايزاك تعرف اني معشقتش غيرك ومش هعرف احب غيرك انت يا ادم 
آدم فضل يعيط زي ما يكون في حضن امه وخايف أنها تبعد عنه 
جميله دخلت الاوضه وايلول معاها 
جميله باست رأس شمس وباست ايدها وفضلت حضناها 
بعدت عنها وهي بتقول: انا ماما …انا امك يا شمس …
شمس خدت نفسها بالعافيه وحضنت مامتها وهي بتعيط: ماما…. !!!! كملت كلامها بدموع: ماما أخيرا قدرت اقول يا ماما علي اقل  لو لمره واحده
أيلول من الناحيه التانيه فضلت تلمس في شعرها: انا اختك يا شمس انا أيلول 
اكملت كلامها بدموع: اختك الفضلت تحارب أنها تشوفك 
شمس اتقهرت اكتر ووشها كله احمر من الدموع وكانت عايزه تقوم بأيي شكل
آدم بخوف عليها: بلاش تقومي يا شمس غلط
شمس بأصرار: عايزه  اقوم
آدم مسكها من ضهرها وريح ضهرها علي السرير 
شمس حضنت أيلول ودموع البتنزل من عينها مبتخلصش قالتلها بأرهاق: انا …. 
مكانتش عارفه تتكلم: انا كان نفسي اشوفك واشوف مااما طول عمري؛ كان نفسي حد ينقذني من بابا واشوف حنيه منكم وأخيرا لقيتكم
أيلول فضلت تعيط وهي ساكته في حضن شمس
شمس بعدت أيلول عنها وهي بتبص لبطن ايلول وبتبستم بحزن وبتلمس بطن ايلول: ازيك يا حبيب خالته …. معلش يا روحي مش هعرف اشوفك
بس بعد كدا اكيد ماما هتحكيلك عني وهتقولك قد اي كان عندك خاله كويسه 
آدم وقف علب جنب ومش قادر يوقف دموعه 
جميله مسكت ايد شمس: لا يا شمس متقوليش كدا ….دا احنا هنكون عيله جميله اوي وعمرنا ما هنبعد عن بعض 
شمس بصت لأدم وبعدين بصت لبطنها لقتها فاضيه اتخضت وقالت لأدم: فين البيبي 
آدم ابتسملها وقالها: في الحضانه مستنيكي تخرجي عشان ينام في حضنك 
أيلول مسكت ايد شمس جامد: هروح اصوره واجيلك 
جميله: خديني معاكي يا ايلول 
أيلول خرجت ومالك معاها 
آدم قعد علي السرير جنب شمس وهو بيبوس ايدها: متخافيش يا روحي هتطلعي وهتشوفي البيبي 
شمس حضنته وهي بتبكي: انا خايفه ابعد عنك….خايفه اسيبك وامشي يا ادم 
مش عايزه ابعد عنك كان نفسي افضل جمبك
احساس وحش اوي يا آدم انك تحس انك هتبعد عن حد انت بتحبه اوي احساس وحش اوي لما تبعد عن اكتر الناس الأنا حبيتها في حياتك
فضلت تعيط وهي بتقوله: هتوحشني اوي يا آدم كل حاجه فيك هتوحشني 
انت حبتني اوي يا آدم؛ وحمتني وحسستني بالأمان وطمنتني وفوق كل دا عشقتني 
آدم كان بيعيط وماسك راسها وهو بيقولها: متخافيش انتي هتبقي كويسه 
كانت بيتكلم بتوتر ونص الكلام بيقع منه: انا جيبتلك كل حاجه انتي عايزاها للبيبي حي بصي اهو اللبس اهو 
أيلول دخلت وهي بتبسم بأمل لشمس ووريتها التلفون وهي بتقولها: جيبتي بنت وولد توأم زي القمر 
شمس مسكت الفون وقربت علي ملامحهم وهي بتبكي ودموعها نازله علي الشاشه 
باست الصوره وهي بتاخد نفس عميق وحضنت الفون 
آدم قعد جمبها وهو بيديها امل: بصي…بصي اسيل ومالك حلوين ازاي؟؟
شمس بصت لأيلول وهي بتقولها: تعالي …عايزه احضنك لأخر مره في حياتي…هتكون مره واحده بس عندي بالدنيا 
أيلول حضنتها وهي بتدمع بسكوت مش عارفه تتكلم 
بعدت ايلول عنها وحضنت مامتها 
وهي بتقولها: كان نفسي انام في حضنك لو لمره واحده يا ماما كان نفسي اربي اسيل ومالك في حضني ومحسسهمش بأن امهم مش موجوده كان نفسي اطلع كل احساس الامومه المشوفتهوش منك لأسيل ومالك بس حتي دول كمان مش هياخدوا حنيتي 
اما بحبك اوي يا ماما…خدي بالك كويس اوي من اسيل ومالك عرفيهم ان مامتهم بتحبهم اوي 
جميله بعدت عنها دموعها الماليه وشها….
وكان سيد واقف برا بيبص من ازاز الاوضه ولأول مره يدمع علي شمس 
آدم حضن شمس وبيديها امل: متخافيش يا روحي هتبقي كويسه 
شمس بتعب وصوت مرهق في حضنه قالتله بهمس وصوت دافي:  انا حبيتك وعلي قد ما انا حبيتك وثقت فيك اكتر من اي حد في الدنيا…..شوفت في عينيك كل حاجه حلوه….شوفت حنيه كافيه……
حتي الشوارع والبيوت وكل حاجه احنا عيشناها هتشهد قد اي انا بحبك 
هتشهد علي نظراتي ليك وعلي دقات قلبي الكانت بتدق لما بتقولي كلمه حلوه 
قالت ببكاء ودموع شديده :مش عايزه اسيبك وامشي 
خلي بالك كويس اوي من اسيل ومالك قالت بدموع: عشان خاطري خلي بالك منهم واوعا تقسي عليهم في يوم مش عايزاهم يحسوا بنفس احساسي لما بابا كان بيقسي عليا
قالت بهمس وصوت واطي اكتر: عايزاك تجيبلهم العاب وتفسحهم وتبسطهم ومتخليهمش يحسوا بفرق ابدا عايزاك توريهم صورتي وتعرفهم عليا وتقولهم دي ماما….
قالت بدموع وكل حاجه فيها حرفيا منهاره : قولهم اني بحبهم اووووووي اوي يا آدم قولهم ماما بتبوسكم بس بوسه علي الهوا عشان مقدرتش تشوفكم او تاخدكم في حضنها 
قولهم اني عانيت كتير اوي في حياتي يا آدم عانيت كتير اوي عشان بس بحبك عشان بس كان نفسي بابا يبعد عني ويسيبني في حالي قولهم ماما هتحس بيكم حتي لو مش جمبكم 
حضنت آدم اكتر وخلاص مبقاش عندها القدره انها تتكلم 
شمس بتعب : قولهم ماما عايشه معاكم بس انتوا مش شيفينها وحاسه بيكم وامانه عليك تعرفهم اني كان نفسي اشوفهم اوي بس والله ما عرفت مش ذنبي صدقني…. 
وعرفهم اني جيبالهم العاب كتير شيلاها في الرف الأخير في اوضه الاطفال 
امانه عليك ما تنسي تعرفهم 
قالتله وهي بتحاول تاخد نفسها: اوعي تنساني يا آدم دا احنا كل حاجه عيشناها مع بعض اوعي تنسي شكلي وكل اما يطلع يوم جديد والشمس تطلع افتكرني وبصلي 
اوعي اكملت وهي بتشهق بدموع: اوعي تنسي حبنا لبعض 
ومش عايزاك تزعل انا عايزاك تفرح ايسل ومالك وتعرفهم علي جدتهم وخالتهم وعمهم عايزاك كل اما تفتح الشباك تبص للشمس عشان انت هتوحشني اوي قالتها مره كمان بهمس:هتوحشني  
آدم حضنها وهو بيعيط ومش قادر يوقف عياط:متقوليش كدا يا شمس متوجعيش قلبي خلي عندك امل انك هتبقي كويسه 
يلا عشان هنودي ايسل ومالك المدرسه ونكبرهم مع بعض 
اكمل ببكاء: يلا عشان …عشان خاطري….
مش هقدر ابعد عنك يا شمس ارجوكي خلي عندك امل انك هتبقي كويسه 
هتسيبيني لوحدي…لمين؟ 
انا حبيتك اكتر من اي حاجه في حياتي انا من غيرك ولا حاجه…
بعدها عنه وهو بيقولها يلا عشان 
لقاها اعصابها سايبه خالص 
آدم بيقول بأمل: دي نامت صح؟ صح يا دكتور؟ ها ؟
جميله فضلت تصوتت ورمت نفسها في الارض وهي بتصوت 
وايلول وقعت من طولها 
مالك خدها وداها لأوضه عمليات تانيه عشان هي حامل وهتولد 
آدم كل دا مش فايق للبيحصل 
آدم بص للدكتور: نامت؟ 
الدكتور بيحاول يتصرف بس للأسف
الجهاز صفر وقلبها وقف  
آدم بص للجهاز وهو مبرق!!!
وبص علي امها العماله تتمرمغ في الارض 
*** 
كان سيد واقف حاطت ايده علي بوئه وهو بيعيط : انا العملت كدا في بنتي…. انااا!!!
***
آدم قرب من شمس وهو ماسك وشها وبيدمع: انتي!! 
انتي عايشه….عايشه!!
الدكتور بصله وهو بيقوله: البقاء لله 
آدم كأن فيه مليون احساس اتحرك فيه اتحركت فيه مليون ذكره وكلام كتير حاجات كتير اوي وقفت عند كلمه البقاء لله 
آدم وقع علي الارض جمب الجهاز وعمال يمرمغ رجله في الارض و مالك ماسكه من ورا: 
لا لا هي عايشه….عايشه 
فضل يعيط ودموعه مبتخلصش: ارجوووووووكي يا شمس ….
ارجوكيي خليكي معايا…..
اكمل بدموع وهو بيشد في مالك: قولها تبطل هزار يا مالك 
قولها!!!!
مالك بصله بشفقه كبيره بصله بنظره مش عارف يوصفها!!  
آدم بدموع قرب من شمس وهو بيعيط في وشها: فوقي فوقي يا شمسسس….فوقي وخليكي معايا ارجوووووووووكي 
جميله عماله تعيط: ياااااا شمس.. يا بنتيييي…. 
****
في المقابر 
الشيخ: اعوذ بالله من الشيطان الرجيم بسم الله الرحمن الرحيم 
**
الفاااااااااااااتحه
كان آدم ماسك الفاس وعمال بيرمي علي حبيبته تراب المقابر!!!! 
بيقفل عليها الاوضه العمرها ما هتخرج منها تاني بيودعها لأخر مره بالتراب!!
Flash back
آدم بحنو: طول ما انا جمبك هتكوني في امان 
طول ما انت جمبك هحطك في عيوني 
  شمس احساسها ومشاعرها غلبتها وحضنت آدم بقوه 
****** 
شمس بصويت عااااااا بسم الله الرحمن الرحيم 
آدم بهمس : ششش وطي صوتك العالي دا ابوكي هيسمعنا 
شمس بخوف : انت انت جايلي ليه 
آدم بهمس: ههربك من ابويا ابويا زمانه جاي في الطريق دلوقتي وهتكوني مراته….غصب عنك هتكوني مرات راجل عجوز!!! هتحطي ايدك في ايدي واهربك ولا لأ؟
شمس بتوتر: حطت ايدها في ايده : الحق بابا هيفتح الباب 
نطت في حضنه ووقعوا هما الاتنين علي الارض 
Back 
رجع تاني للبيعمله و في وسط  الدفن مقدرش يكمل مسك الفاس وفضل باصص علي القبر بدموعه 
جميله واقفه بتتحسر علي بنتها 
وايلول كانت بتولد؛ و مالك واقف بيدفن مع اخوه و نغم صاحبه شمس واقفه بتعيط وتدعيلها 
آدم خلص دفن وبص للقبر بحزن
ودموعه مبتوقفش: 
وداعا ايتها الشمس الدفيئه  وداعا للضوء الذي ينير حياتي وعندما اقترب منك تدفئيني بحرارتك 
وداعا أيتها الشمس الذي كانت تنير حياتي وتعطي للحياه شكل جديد 
وداعا يا شمسي!!!
***** 
بعد ٥ سنين 
جميله: يلا يا ولاد تعالوا عشان تفطروا
يلا يا ايسل فوقي بقا 
وانت يا واد يا مالك روح اندهه بابا عشان يفطر 
أيلول بأبتسامه: صباح الخير 
جميله: صباح الورد  اي فين شمس؟ 
أيلول بأبتسامه: تعالي يا شمس كلمي تيته….
** 
آدم كان خارج من الدش و قعد شويه يقرأ كتاب 
مالك: بابا ….بابا افتح 
آدم فتح الباب لمالك 
وشاله وهو بيضحكلي: اووووبح 
صباح الخير يا احلي مالك في الدنيا 
مالك بطفوله  : بابا ينفع اسأل سؤال 
آدم بحنيه: طبعا يا حبيبي 
مالك :انت قولتلي ان ماما كانت بتحبني اوي وان ماما دلوقتي مش هنا ماما عند ربنا 
قولتلي ان هي مخبيه العاب كتير ليا هي فين بقا 
مالك غمض عينه لما سمع اسم ماما من مالك وقاله بحنيه: حاضر يا مالك هجيبلك الالعاب بس خلي شمس  وايسل يلعبوا معاك….
مالك :حاضر 
آدم خرج كيس الالعاب وهو بيلمس الكيس وبيشم ريحه شمس الماليه الكيس 
واداله كوره  صغيره خالص يلعب بيها
مالك: الله 
شاط الكوره لا الكوره اترمت ورا الدولاب 
ادم: خلاص متعيطش هجبهالك 
آدم زق الدولاب شويه وجابله الكوره وكان تحت الكوره دفتر صغير اوي 
آدم مسك الدفتر ومسح الرمل من عليه وقال لمالك:اخرج انت العب مع ايسل وشمس وانا هاجي وراك يا روحي ماشي 
مالك قفل الباب ومسك الدفتر
آدم فتح الدفتر وهو بيقرأ الكلام الشمس كتباه 
****
: بس آدم دفعلي تمن كل الحنيه دي .؛ دا كان حضنه بس كفايا عليا وبيدفيني 
: وانا هحاول علي قد ما اقدر اربي بنتي وابني وهديهم حنيه كافيه 
: وهفضل أحب ادم وقلبي هيفضل ينبض ليه لحد ما اموت 
: هفضل احس بشعور حلو اتجاهه ومش هزهق ابدا من اني احبه… وعلي فكره يا آدم فيه فلاشه صغيره في شنطه الالعاب بتاعت مالك وايسل حطها في اللاب وشوفها 
: وعايزه اقولك اني لو موتت برضو هفضل احبك واخر نبض ليا هيكون ليك انت
قفل النوته وهو بيمسح دموعه 
وبيفتكر يوم ما ماتت في حضنه 
وافتكر يوم ما فاروق وسيد اتسجنوا وكل ما يفتكرهم يلعن فيهم اكتر 
قفل النوته وهو بيبوسها وحطها في خزنته 
ومسك اللاب توب بتاعه وخرج الفلاشه من الشنطه ودمعه من 
دموعه نزلت علي الفلاش مسح دموعه وشم ريحه الفلاش ريحتها ايد شمس كل حاجه ليها علاقه بشمس افتكرها 
مسك الفلاشه وخد اللاب ونزل علي السفره تحت 
قعدوا كلهم علب سفره الفطار 
جميله: يلا يا آدم مش هتفطر؟
ايلول: شغل اي دا ياربي!!
مالك: يلا بقا يا آدم أفطر معانا 
آدم حط اللاب وقالهم: تعالو كلكوا جمبي
مالك وايلول وجميله حسوا ان في حاجه 
قربوا من آدم 
آدم شال مالك الصغير وحطه علي رجله وجاب ايسل علي الرجل التانيه وندهه علي شمس الصغيره 
وفتح اللاب عشان يشوف الفلاشه فيها اي 
شمس بدأت بأبتسامه بارده وهي بتقول صبااااح الخير 
يا اجمل أب في الدنيا… ااه انت لسه مبقتش أب بس عن قريب هتبقي اب 
وكمان انا اختارت اني هسمي بنتي ايسل ولو عندي ولد هسميه مالك عارف لو سميتهم غير كدا كملت بضحكتها الجميله: مش هعملك اي حاجه
وعلي فكره اول ما اعرف البيبي ولد ولا بنت مش هقولك برضو خليها مفاجأه 
طبعا انت بتقول دلوقتي هي عامله الفيديو دا ليه؟. 
مسكت ايدها وهي بتقول: عامله الفيديو عشان خايفه من الحمل وخايفه من الولاده لو لقدر الله حصلي حاجه ابقا اتفرج علي الفيديو 
قالت وهي بتضحك: عايزاك تبقي تسلم عل ايسل او علي مالك لو حد فيهم اتولد قولهم ماما  بتسلم عليكم وبتديكم بوسه كبيره اوي وجيبالكم العاب كتير اوي 
بحبك اوي يا آدم والله خايفه اوي خايفه اسيبك 
واسيب ايسل ومالك 
بس لا انشاء الله يعني هنكون مع بعض كلنا 
وكمان كان نفسي اقول حاجه كمان لو ماما واختي عايشين لسه!!! خليهم يشوفوا الفيديو وقولهم 
شمس كان نفسها تشوفكم وتقضي معاكم وقت اكبر 
بحبكم اوي كلكم 
آدم شيفاك متعيطش لو سمحت  وانتي يا أيلول كفايا خلاص بقا يا ماما 
شاطره يا ايسل مبتعيطيش خد بوسه يا مالك
آدم كان حاطت ايده علي عينه وبيمسح دموعه 
شمس بتبوسهم بأيدها: هتوحشوني اوي 
قفلت الفيديو وادم قفل اللاب وهو بيدمع ومنهار علي شمس 
جميله باستها وهي بتقول: هتوحشيني اوي يا بنتي 
ضربت ايلول في ايدها: خلاص  أيلول قالت محدش يعيط
أيلول بدموع: غصب عني يا ماما 
آدم مسح دموعه ومالك بيطبطب عليه 
آدم قام وقف وشال ايسل ومالك وهو بيبوسهم: بصوا بقا ماما قالت ايه 
قالت كل لما تحبوا تشوفوني افتحوا الشباك وبصوا للشمس 
آدم فتح الشباك وهو بيبص للشمس وبياخد نفس عميق
جميله وايلول ومالك وقفوا قدام الشباك جمب ادم وشمس الصغيره و مالك ابن ادم وايسل واقفين كلهم بيبتسموا للشمس 
وداعا أيتها الشمس الذي تنير حياتي❤️
يتبع…..
لقراءة الفصل الثاني عشر : اضغط هنا
لقراءة باقي فصول الرواية : اضغط هنا
نرشح لك أيضاً رواية اغتصبت خطيبة أخي للكاتبة مهرائيل ماجد

اترك رد