Uncategorized

رواية وقعت في شباك صعيدي الفصل الثاني 2 بقلم ميرولا ممدوح

 رواية وقعت في شباك صعيدي الفصل الثاني 2 بقلم ميرولا ممدوح

رواية وقعت في شباك صعيدي الفصل الثاني 2 بقلم ميرولا ممدوح

رواية وقعت في شباك صعيدي الفصل الثاني 2 بقلم ميرولا ممدوح

روح بعصبيه _ ايه القرف ده، شايف نفسك علي ايه لتكون الريس ولا حاجه، يامامي خوفتني
مسك شعرها وكلمها بعصبيه = انا حذرتك لما اجتلك دلوك بجي متلوميش الا غيرك
وطلع مسدس ووجهه علي راسها
= انا الزعيم اهنه وكل اللي ف البلد عاد بيمشوا علي كلمتي انا
روح _ عاااااااا، بااااباااااااااا…..
لقيت ملامح وشه متدلش ع الخير، ايه ده هو هيقتلني بجد ولا ايه، ده شكله مش بيهزر
محستش بنفسي غير وانا بضربه برجلي ف بطنه وانا كنت لابسه جزمه بكعب وطبعا الكعب صعب اصلا ف تقريبا كده لو مكانش هيقتلني بسبب كلامي ف هو هيقتلني بسبب الضربه دي
مسك بطنه ب ايده وانا قعدت اجري
روح وهي بتجري = هاجتلك هاجتلك ههههههه ده شكله ميعرفتيش لحد دلوقتي ده انا روح اللي الجن نفسه يهرب من….. عاااااااااااااا
مكملتش كلامي ولقيته ف وشي، مش عارفه هو لحقني ازاي ده
_ مش جولتلك بلاش انا
بصيت وراه وقولت بصوت عالي = عاااااااا يا حا الظابك يا حا الظابط الواد ده حرامي تعالي امسكه
وهو طبعا انطلت عليه الحيله وبص وراه
_ متصدجهاش ده ان…… هو فين
وبص علي روح بغضب
_ انتي بتضحكي عل……
طبعا انا كنت جريت م انا مش مستغنيه عن روحي يعني
روح وهي بتجري = هههههه وهربت منيهم هربت منيهم هههههه
روحت للمكان اللي بابا وصفهولي
شكري _ تعالي يا بنتي سلمي علي عمتك
روح = حاضر يا بابا
روحت سلمت علي عمتو
ساره _ واحشاني جوي جوي جوي يا بنت اخوي
روح بإبتسامه = وانتي كمان واحشاني اوي يا عمتو
ساره _ تعالي كلي جبل م الواكل يبرد
روح = انا كلت قبل م اجي ف هبقي اكل شويه كده
ساره _ واكل ايه اللي واكلاه جبل متيجي ده، ده انتي هفتانه خالص تعالي كلي واكل يرم عضمك
روح بضحك = لأ يا عمتو انا اكلي كده هههههه
ساره _ علي كيفك يا بنت اخوي، دي الاوضه بتاعتك لو احتاجتي حاجه جوليلي ماشي
روح = ماشي يا عمتو، انا هنام دلوقتي علشان تعبانه م السفر
ساره _ براحتك خالص البيت مطرحك يا شجيجتي
روح = تسلمي يا عمتو
روحت علشان انام علي اساس اني المفروض هتعشي بليل بقي وكده لقيت حد بيصحيني بصيت لقيتها عمتو
روح بنعس _ نعم يا عمتو
ساره = مش هتاكلي الواكل بتاعك
روح _ حاضر شويه كده صدقيني انا هريح دلوقتي علشان المشوار كان طويل عليا
ساره = خلاص براحتك ( وطلعت )
مكملتش نص ساعه ولقيت حد تاني بيصحيني
رائد _ يا روح يا روح
روح = في ايه يا رائد
( رائد ده يبقي ابن سارة وهو صغير وعنده ٧ سنين )
رائد _ امي بتجولك جومي كلي زمانك هبطانه
روح بنعس = حاضر قولها اني هاجي شويه كده
رائد _ ماشي
بعد حوالي ساعه اللا ربع كده لقيت حد تاني بيصحيني
روح بنعس = سيبيني شويه يا عمتو وحيات ابوكي عايزه انام
أدهم كتم ضحكته
روح = يا عم رائد قول لأمك اني هاكل بعد م اقوم علشان عايزه انام
أدهم _ ههههه انتي بتجولي ايه
روح لنفسها = انا عارفه الصوت ده مش غريب عليا
أدهم _ انتي مين وبتعملي ايه اهنه
صحيت وانا ناويه اضربهم كلهم، واولهم اللي كان بيصحيني بس لقيته نفس الراجل اللي ضربته برجلي، يالهوييييي ده ايه اللي جابه هنا ده
أدهم بصدمه = انتي ؟!
روح _ عااااااااااا يا باباااااااا الحقونيييييي
لقيت البيت كله اتلم عليا وأدهم كان ماسكني من شعري
أدهم = وجعتي ف يدي يا جليلة الحيا
ساره _ سيب بنت خالك ميصوحش اكده يا ولدي
روح بعد استيعاب = هو ده ابنك
ساره بضحك _ ايوه ههههه
أدهم بعدم استيعاب ايضا لشكري = دي تبجي بنتك يا خال
شكري بضحك _ ايوه يابني دي بنتي ههههه
روح ببكاء زائف = الحقيني يا عمتو ابنك عايز يقتلني من ساعة م حطيت رجلي ف البلد، زي ميكون مستقصدني خليه يسيبني يا عمتو علشان خاطري
أدهم _ يامي هي ك…….
ساره = ولا كلمه يا ولدي، انا علمتك اكده، سيب بنت خالك وجدرها شوي البنت ضيفه عندنا ومش عايزين نبهدلها ميصوحش اكده
روح لنفسها _ احسن احسن انا هربيه علشان يفكر بعد كده يبصلي تاني حتي ههههه
أدهم بصلي بغضب كده وبعدين طلع
ساره = تعالي يا بنتي الواكل برد
وقتها بس كان جوايا كده حاجه زي ميكون بركان وإنفجر تقريبا كانت مرارتي
قومت كلت وكملت نوم تاني وبعدين صحيت لقيتهم كلهم نايمين، طلعت بره اتمشي شويه وشوفت السماء، شكلها هنا احلي بكتير م القاهره، قصدي ع السما طبعا، الدنيا هنا رايقه كده ومفيش تلوث يمنع النجوم من انها تبان وتعمل لوحه فنيه ف السما بين السحاب الخفيف اللي بيكمل اللوحه الجميله دي
رجعت تاني البيت وشوفو ادهم بالصدفه وهو نايم علشان باب الاوضه بتاعته كان مفتوح
روح لنفسها _ شكلي كده مش هبطل عادة المقالب دي ههههههه
روحت ورسمت علي وشه حاجات كتير بالاقلام الجاف وكنت بحاول ابقي حريصه علشان ميحسش بيا ويصحي، لقيته بيقول وهو نايم متسيبينيش يا زينب، ف الاول كنت مستغربه بس عادي يعني مإدتش للموضوع ده اهتمام اوي
تاني يوم الصبح صحيت بدري، او المفروض اقول اني منمتش من ساعة م صحيت بليل علشان مكنش جايلي نوم
روح = صباح الخير يا عمتو، صباح الخير يا بابا
ساره _ صباح الخير يا بنتي
شكري = صباح الخير يا روح، يعني صاحيه بدري انهارده مش عوايدك دي ههههه
روح _ م انا صحيت بليل ومعرفتش انام
شكري = اه م انا بقول برضو في حاجه غريبه ف الموضوع ههههه
مكملتش حاجه ولقيت ادهم صحي واول م لمحني بصلي بإستحقار كده
بس اول م بصيتله وشوفت الحاجات اللي رسمتها علي وشه لفيت وشي وقعدت اضحك، ممسكتش تفسي الصراحه كان شكله يضحك اوي ههههه
بابا وعمتو ورائد وإياد بصوله وماتوا كلهم من الضحك
( إياد ده اخو ادهم عنده 25 سنه ف بيشتغل محامي )
اياد = ده مين اللي علم عليك ياخوي ههههه
ادهم مكنش فاهم حاجه _ عاتضحكوا علي ايه ؟
رائد = في رسمه علي وشك هههههه
ادهم راح بص ف المرايه وزي ميكون كده عرف ان انا اللي عملت كده ف طلع لقاني طلعت بره جري منه ف جري ورايا وبعدين افتكر انه مغسلش وشه ف روح غسل وشه وانا الحقيقه فلت منه وكنت عامله احتفال
روح _ يااااااااه عرفت اهرب منه تاني ده انا جباره بقي ههههه
مفيش دقيقتين ولقين حد ماسكني من قفايا 
= لو فاكره انك تجدري تهربي مني تبجي غلطانه
يتبع…..
لقراءة الفصل الثالث : اضغط هنا
لقراءة باقي فصول الرواية : اضغط هنا
نرشح لك أيضاً رواية حكايتي في الثانوي للكاتبة إسراء ابراهيم

اترك رد