رواية وقعت في شباك صعيدي الفصل الثالث 3 بقلم ميرولا ممدوح

توضيح بسيط بس كده قبل م ابدأ، انا غيرت اسم البطله بدال روح خلتها فرح علشان محدش يتلخبط تاني تمام

فرح _ يااااااااه عرفت اهرب منه تاني ده انا جباره بقي ههههه

مفيش دقيقتين ولقين حد ماسكني من قفايا 

= لو فاكره انك تجدري تهربي مني تبجي غلطانه

فرح _ اخر مره تخر مره صدقني

بصيت عليه لقيته إياد مش ادهم

فرح بغضب = يعني مش كفايه اخوك ياعم سيبني ف حالي وسع كده

إياد بضحك _ لو كونتي شوفتي منظرك دلوك عامل ازاي ههههههه

فرح = نعم بقي عايز ايه بسلامتك

إياد _ ابوكي رايدك

فرح = قوله مش فاضيه او راحت تستكشف المكان او اي حاجه م الحاجات دي

إياد _ انتي مخابراش اخوي عامل ازاي دلوك، بس ابجي خدي بالك بعد اكده عشان متجعيش ف يده ههههههه

فرح = هو فين دلوقتي

_ راح الشغل

فرح براحه = يعني كده البر امان

إياد بضحك _ صوح امان جوي هههههه

فرح = ممكن اطلب منك طلب

إياد _ اتفضلي

فرح = شكلك كده محترم وإبن ناس ف…….

إياد _ موافج موافج كتب الكتاب هيبجي ميته ههههههه

فرح = كتب كتاب ايه انت اتهبلت 

_ مش انتي بتجولي المجدمه دي علشان ف الاخر تجوليلي اتجوزني

= شكلك بتقرأ روايات كتير، يابني بطل تقرأ روايات دي هتلحس دماغك هههههه

_ اه معلش اندمجت حبتين هههههه

= ولا يهمك يا زميل ههههه، المهم بس قبل م انسي اخوك هييجي امتي م الشغل ؟

_ علي 9 كده، ليه ؟

= اشوف نفسي هبقي فين ف الوقت ده وأنفد بجلدي هههههه

_ اه اذا كان اكده هساعدك هههههه

= تشكر يا كبير هههههه

_ انتي مطوله اهنه ؟

= لأ اسبوع ونص كدم ولا حاجه وهمشي

_ ليه بس اكده، صدجيني البلد جميله وهتحبيها جوي

= انا عارفه انها جميله وكل حاجه بس عندي شغلي برضو وغير كده انا مش متأقلمه، ده غير اخوك المجنون ده هههههه

_ اه اذا كان اكده معاكي حج هههههه

= هو انت صح ف كلية ايه

_ انا بعيد عنك متخرج هههههه

= بجد ؟ فكرتك ف كليه لسه، طب خريج ايه ؟

_ حقوق، وانتي ف كلية ايه ؟

= انا بعيد عنك متخرجه برضو هههههه، انا بشتغل ديزاينر، مش لسه قايلالك اني همشي علشان الشغل، ده انت طلعت بتنسي بسرعه اوي هههههه

_ الكل بيجولي اكده ههههه

= واخوك بيشتغل ايه

_ جراح

= ينهار اسود، يعني متعود علي مسك السكاكين، انا كده همشي انهارده مش هستني اسبوع ههههه

_ لاااع اخوي طيب وكان هادي بس بجي حاله اكده من ساعة م ابوي مات الله يرحمه

= ربنا يرحمه

عدا اسبوع وانا وأدهم لسه بنغلس علي بعض كنت احيانا بحط ف لبسه لبان ودي كانت اكتر حركة اتغاظ منها الصراحه واحيانا كنت ببهدل الاكل بتاعه، كنت ببدع يعني بس كل مره كنت بفلت منه الحمد لله وكانت بتلحقني عمتو ربنا يخليهالي هههههه

عدا كام يوم تاني وجه اليوم اللي المفروض اني همشي فيه،

كنت حاسه ان المكان ده هيوحشني اوي مش علشان ادهم لأ ده علشان كنت بحب ردة فعله اوي وغضبه وعصبيته لما كنت بعمل مقالب فيه، الصراحه منظره كان بيضحك اوي لما بيتعصب

فرح لنفسها _ ياااااه مياده وحشتني اوي، ياتري اخبارها ايه دلوقتي

شكري = خلاص يابنتي نويتي تروحي

فرح _ اه يا بابا همشي علشان شغلي وبعدين عندي مصالح هناك وانت طول عمرك بتقولي ان مستقبلك ومصالحك اهم حاجه

شكري = عاي كيفك يا بنتي هتوحشيني جوي

فرح _ ايه يابابا انت مش علشان جيت هنا كام شهر ارجع الاقي نص كلامك عادي والنص التاني صعيدي ههههههه

= طب روحي يله هتتأخري ع القطر بتاعك ههههه

_ سلام يا بابا

= هتوحشيني اوي، خدي بالك من نفسك

_ وانت كمان يا بابا، حاضر هاخد بالي من نفسي اوي اوي ههههه

= انتي مبتتكلميش جد خالص

_ لأ انا جد من يومي علفكره بس الجد بتاعي مختلف شويه عن بتاعكوا هههههه

= ربنا معاكي يا حبيبتي، سلمي علي عمتك جبل م تمشي

_ حاضر

فرح لساره = باي يا عمتو انا ماشيه دلوقتي

ساره _ بسرعه اكده، طب افطري الاول عشان مإتعشيتيش منيح عشيه

فرح = لأ همشي دلوقتي يا عمتو علشان القطر بتاعي ميفوتش

ساره بحزن _ سلام با بنت اخوي، ابجي تعالي زيارات خلينا نشوفك علشان بأتوحشك جوي جوي

فرح = حاضر يا عمتو هبقي اجي كل فتره وفتره زياره هنا

ساره _ ربنا يجويكي يا حبيبتي

فرح = تسلمي يا عمتو، يله انا ماشيه دلوقتي سلام

ساره _ سلام يا حبيبتي

فرح سلمت علي إياد ورائد

فرح = انا همشي دلوقتي يا رأئد ولما اجي المره اللي جايه هجيبلك معايا حاجات كتير حلوه ماشي

رائد _ يعني هتيجي تاني يا فرح

فرح بإبتسامه = اكيد، هاجي تاني علشان العب معاك كتير زي المره دي كده

رائد حضن فرح _ هتوحشك جوي يا فرح

فرح بتدمع = وانت كمان هتوحشني اوي يا رائد، يله ذاكر كويس بقي علشان تبقي رائد فضاء قد الدنيا زي م انت عايز

رائد _ حاضر يا فرح، سلام

إياد بحزن = هتمشي دلوك يا فرح

فرح _ اه همشي دلوقتي وان شاء الله ابقي تجي تاني

إياد = ربنا يعينك يا فرح، تروحي وتيجي بالسلامه

فرح بإبتسامه _ الله يسلمك، هو فين ادهم صح ؟

إياد = ف الشغل، هو مخابرش لدلوك انك رايحه انهارده

فرح _ اممم، طب كويس اوي خليه كده احسن ليا علشان مأتبهدلش ههههههه

إياد = هيتضايج جوي لو خبر انك مشيتي

فرح _ يتضايق ايه ياعم ده انا ما هصدق ارتاح منه وهو م هيصدق يخلص مني هههههه

إياد = علي كيفك يا فرح، ابجي عاودي علينا متنسيناش خالص

فرح _ حاضر ياسيدي هبقي اجي بس كده

مشيت وانا متضايقه وفرحانه ف نفس الوقت.

كنت متضايقه اني هسيب البلد وعمتي وبابا وكنت مبسوطه اني هرجع لشغلي تاني واشوف الانتيم بتاعتي مياده تاني، وحشتني اوي البت دي.

___________________

بعد م رجع ادهم م الشغل…..

ادهم بصوت عالي وغضب = مش هحلك يا فرح اطلعي دلوك انتي زودتيها جوي

إياد _ ايه في ايه يا ادهم صوتك جايب اخر الدنيا

ادهم = الاستاذه فرح جصتلي تلت تيشرتات وبهدلتهم

إياد _ دي هديتها ليك قبل م تمشي تجريبا ههههههه

ادهم = تمشي فين ؟

اياد بتوتر _ اااااه صح م انا نسيت اجولك

ادهم = تجولي ايه ؟

اياد _ فرح رجعت لدارها انهارده الصبح

ادهم بغضب = ومحدش جالي ليه ؟

اياد _ م…م….م انا لسه عارف الصبح اصلا

ادهم بغضب = يعني تعمليها فيا وتجري يا فرح، حسابك معايا بعدين

اياد _ م خلاص هي مشيت بجي ومخابرش عاترجع تاني ولا لأ

ادهم = احسن برضو مصيبه وإنزاحت من صدري

ادهم دخل الاوضه بتاعته واول م دخل لقي رساله علي مكتبه، مسكها واول م قرأ اللي مكتوب ع الغلاف

( انا فرح وكنت عايزه اقولك حاجه قبل م امشي مقدرتش اقولهالك وانا عندكوا ف قررت اني اكتبلك الرساله دي )

مسك الرساله وفتحها وهو ايده بترتعش، هو مكان عارف ليه اتوتر كده بس فتحها وإتصدم لما قرأ اللي فيها

كان مكتوب فيها……..

يتبع…..