Uncategorized
رواية مصائر مجهولة الفصل السادس عشر 16 بقلم سما محمد
رواية مصائر مجهولة الفصل السادس عشر 16 بقلم سما محمد
 |
| رواية مصائر مجهولة الفصل السادس عشر 16 بقلم سما محمد |
رواية مصائر مجهولة الفصل السادس عشر 16 بقلم سما محمد
صحيت من النوم وجت تنزل
_اععععععع
فريد:في اية يابنتي اهدي
ملك:انت مين انت ودخلت البيت ازاي وانت مالك شبه فريدة كدة ليه؟
فريد:طب اهدي كدة انزلي تحت وهنا هيفهموكي كل حاجة
ملك حطت أيدها علي قلبها من الخضه ونزلت
ملك: الجدو مين ده؟
الجد:ده يبقي فريد ابن عمك
ملك:ابن عمي ازاي
الجد: تعالي اقعدي وانا هفهمك
ملك قعدت والجد حكالها كل حاجة
ف بصت لفريد وقالت:انا اسفة والله مكنتش اعرف
فريد بهدوء:ولا يهمك
بص قدامه لقي حبيبته قدامه
علا بصتله لقته مركز معاها ف اتكسفت ونزلت راسها
ف شيرين قالت: تعالي يا حبيبي اقعد جمبي عشان أكلك
فريد اتخض وقال بهزار:نعم تأكليني؟
شيرين:اه انت مش ابني يعني وبعدين انا مشوفتكش خالص واتحرمت منك يرضيك يا مصطفى اللي بيحصل ده مش راضي يسمع الكلام
مصطفى بصلها وقال:لا طبعاً ازاي ميسمعش الكلام هيسمع متزعليش انتي ياقمر
وبص لفريد وغمز وقال:قوم خلي ماما تأكلك يلا
فريدة ضحكت علي اللي بيحصل وقالت: ربنا يكون في عونك
فريد ضحك وقال:شكلي هشقي هنا
شيرين بصتلهم وقالت :بتقولوا اية؟
فريد:احم لا ما بنقولش يا وسكت مرة واحدة
شيرين زعلت وقالتله:ماما نفسي اسمعها منك
فريد:يا ماما
راحت حضنته وقالت:يا خلاثي علي الجمال شوفت يا مصطفى حلوة منه ازاي
وراحت ماسكة خدوده وقالت:شوفت خدوده حلوين ازاي
كل العيله ضحكت وعلا ضحكت معاهم
فريد بصلها وضحك
شيرين:افتح بوقك يا جميل
زين همس لفريد وقال:ده انت هتشوف ايام جميلة معانا
فريد:انا لسة هشوف؟
زين:احم مش عاوز افاجئك واقولك أن دي لسة البداية
فريد بصله واتصدم:لا أنا أقوم اروح بقي
شيرين بصتله:بطل كلام ويلا عشان تخلص أكلك وعملتلك عصير فراولة باللبن جميل
فريد:اية ده انتي عرفتي منين اني بحب الفراولة باللبن
شيرين ابتسمت:لأني أنا كمان بحبه
فريد ابتسملها
مصطفى قال بغيره مصطنعة:علي فكرة بقي كدة مش ينفع عمال تدلعي فيه وانا قاعد
ضحكوا عليه وشيرين قالتله:الله! مش ابني ده ولا اية
فريدة:بابا قصده يقول يعني دلعيني انا كمان ولا اية ي حاج
مصطفى بهزار:بنت عيب
فضلوا كلهم يضحكوا فريد راح مطلع ورقة من جيبه وكتب فيها ونزل أيده من تحت السفرة واداها لعلا
علا اتخضت ومسكت الورقة لقت مكتوب عاوز اتكلم معاكي بره شويه ياريت تيجي ورايا
ف فريد قال:طب أنا هستأذن عشان اروح الجامعة
شيرين:طب مش تاكل؟
فريد ابتسم وقال:كل ده ومكلتش؟
طلع بره واستناها
ف علا قالت:احم انا كمان عندي جامعة بعد اذنكوا
طلعت وراه
علا:قولت عاوز نتكلم
فريد:فاكره لما قولتيلي هفضل مستنياك؟
علا اتكسفت ومردتش
فريد كمل وقال:انا رجعت اهو وعاوز اوفي بوعدي ف هل انتي لسة عند كلامك؟
علا قالت بكسوف وتوتر:تقدر تكلم بابا وراحت ركبت العربية
فريد ابتسم بسعاده كبيرة وقال:لو عاوزة اقولك شعر يبقي ضروري انا هوصف شكلك
ولو محتاجه لحبي فعل ف انا كنت في عز البعد ومفتكرك
(سما محمد)????
عمر قاعد زهقان ف راح مسك تليفونه وقال:انا بقول اكلم مراتي عشان وحشتني وميرضيش حد اللي بيحصل كدة
رن ف ملك ردت علي طول
فقالت: السلام عليكم
عمر بحب:وعليكم السلام
ملك:عامل اية
عمر: صراحة والله كنت مخنوق من شوية بس اول لما اتكلمت معاكي اتبسطت
ملك بكسوف:احم ربنا يبسطك علي طول
عمر:بيقولك مرة واحدة بقت طماطم
ملك ابتسمت وقال:لا اله الا الله ما انت اللي بتقول كلام بيخليني مكسوفه
عمر :ببقي قاصد عشان بحب اشوفك مكسوفه
ملك:طب انا بقول اقوم اجيب تلج عشان خدودي
عمر ضحك وقالها: خلاص خلاص مش هقول حاجة تاني
ملك بعفويه:كدة أنا بحبك
عمر بحب: قولتي انتي اية؟
ملك بتوتر:ها؟ مقولتش حاجة
عمر بمشاكسة:امال انا سمعت اية من شوية
ملك بتوتر:انا قولتها كدة بعفويه والله
عمر:يعني انتي مش بتحبيني؟
ملك:لا مش قصدي
عمر بزعل مصطنع:لا قولي بقي انك مش بتحبيني؟
ملك: مش قصدي انا والله بحبك
عمر ابتسم وقال:وانا كمان بحبك اوي
ملك:علي فكرة انت مش مؤدب بقي ها
عمر ضحك:الاه ليه بس؟
ملك: عشان خلتني اقول كدة
عمر:طب وأية اللي فيها يا ملاكي؟
ملك بتوتر:اصل مش ينفع
عمر:احنا اتجوزنا يا ملاكي يعني عادي لو اعترفتي بمشاعرك ليا وانا كمان قولتلك اللي في قلبي ليكي مش فيها لا حرام ولا عيب انا عارف ان انتي متوترة ومكسوفة من كلامي وده شئ طبيعي ودي اكتر حاجه بحبها فيكي
ملك:احم عمر انا اسفة بس والله أنا مش متعودة علي الكلام ده
عمر:بس يا قلب عمر متعتذريش عن حاجة انا مقدر كسوفك وتوترك
وكمل بهزار:بس ده مش مانع اني اعاكسك كل شوية
ملك ضحكت
وفضلوا يضحكوا سوا ويهزروا مع بعض
ف ملك افتكرت وقالتله:صحيح نسيت اقولك
عمر:قولي يا ملاكي
ملك:انا كله ليا ابن عم تاني و
حكت القصة كلها
عمر قال بغيره:ماشي بس وانت طالعة من اوضتك تكوني لابسة خمارك وهدومك واسعة ومش عاوز اي نوع من الهزار معاه أو مع زين ولا اي كلام معاهم يبقي احسن
وكمل بهزار عشان مش تزعل منه لأنها حساسة:لو عاوزة تهزري هزري معايا وكلميني واقعد احب فيكي وتحبي فيا وهيبقي يوم جميل اه والله
انما تكلمي راجل غيري مهما كان يقربلك ممنوع تماما عشان أنا بغير جدا وغيرتي صعبة
ملك:انت عارف اني مش بكلم ولا هكلم غيرك انت وانت الوحيد اللي خدت قلبي ومحدش غيرك هياخد مكانتك عندي مهما كان وعلي فكرة انا مبسوطة انك بتغير عليا
عمر: معلش بس ثواني انا معايا ملك مراتي صح؟
ملك ضحكت وقالت:اه هي مش تقلق
عمر:كل الكلام الحلو ده مخبياه عني فين
ملك:انا كسوفي هو اللي بيمنعني اقولك كلام حلو بس ده حقك عليا اني اقولك كل اللي في قلبي واني احم ادلعك يعني
عمر:اللهم صل عليك يا نبي يلهوي علي جمالك
ملك:طب أنا بقول اقفل بقي عشان يعني …اصل
عمر:قمر وانتي مكسوفة وقمر وانتي جريئه على فكرة
ملك مردتش من كسوفها
ف قالها:عاوز اقولك
أيا حبراً ضممتُكَ دون راءٍ
إلي قلمي وان الميمَ باءُ
ويا سحراً بغير الحاء يُتليٰ
علي قلبي فتسمعهُ السماءُ
_لقائلها
يتبع…..
لقراءة الفصل السابع عشر : اضغط هنا
لقراءة باقي فصول الرواية : اضغط هنا
نرشح لك أيضاً رواية نبض السيف للكاتبة سارة محمد
????????