اسكريبت شريك قلبي الجزء الخامس 5 والأخير بقلم روان الطهطاوي

في اليوم التاني 

كانت نيره بدأت تفوق و حست ان في حاجه مكتفاها 

نيره بصوت نايم و عدم تركيز: لمي.. لمي انتي مكتفاني كده ليه عايزه اقوم.. لمي قومي هنتأخر..ايه العضلات دي.. لم.. يلاااهو….

لقت ايدين بتكتم صوتها 

عمر: صبااح الخير يا حياتي.. هاا بقا نمتي جمبي ولا جمب لمي.. هشيل ايدي من علي بوقك بس اقسم بالله لو صرختي لزعلك 

هزت نيره راسها بماشي

عمر: ايه رأيك عملت اللي قولت عايه ولا لأ

-سيبني اقوم يا عمر بالله 

_ليه يا حبيبتي خليكي فحضني شويه كمان 

نيره و عينيها كانت هتدمع من الكسوف: بالله سيبني اقوم 

عمر بضحكه خفيفه: خلاص خلاص قومي ده ايه اللي هتعيط عشان نامت جمب جوزها دي 

نيره بدموع: ايوه عشان انا جيت ابات مع لمي ونايمه جمبها اصحي الاقي نفسي فحض… 

عمر بخبث: في ايه 

قرب منها و قعد عالسرير و حضن وشها بأيده و مسحلها دموعها 

عمر: متزعليش بس صدقيني ده كان بالنسبالي حلم و حققته وبعدين انا عملت ايه يعني حضنتك وانتي نايمه بس.. 

نيره: يعني مش قادر تستني للفرح 

-منا تخيلت بقا اني متت مثلا قبل الفرح مكنش حققت حلمي و انا اصلا فيها انتي مراتي 

_بعد الشر عليك يا حيوان 

قعدت تعيط ف اخدها فحضنه 

-بعيدا عن حيوان دي بس متخافيش انا هفضل جمبك مش هسيبك مهما حصل.. متعيطيش تاني عشان انا مبحبش اشوف دموعك دي…. يلا بقا قومي عشان تجهزي انتي و لمي.

نيره بابتسامه: حاضر 

-حضرلك الخير يا حبيبتي.. ابقي تعالي باتي عندنا كتير 

_انت بتحلم.. انا عمري ما هبات هنا تاني.. انا اصلا ليا حساب مع الغداره دي 

-اه بالله عايزك تتوصي بيها دي لهفه مني خمسمية جنيه 

_كمان.. ده الصحاب فاجازه ولله 

ضحكو و قامو راحت نيره ل لمي و راح عمر يجهز نفسه عشان يروح لكريم 

عند نيره كانت بتخبط علي لمي 

نيره: ممكن اخش 

لمي بخوف: تعالي يا صاحبتي يا حبيبتي يا اللي مليش غيرك في الدنيا يا اجمل بنت شوفتها فحياتي 

نيره بنظرة احتقار: متخافيش مش هشلفطلك وشك النهارده 

-قد ايه انتي صاحبه عظيمه 

_هتعزميني علي اكل بنص الخمسمية جني

-قد ايه انتي صاحبه حقيره بس ماشي حاضر وانا ليا غيرك يلا نروح الكوافير مع العلم اني مش هحط ميك اب انا هعمل ماسكات بس..انا مش بحب الميكب الكتير 

-وانا زيك…اصلا اخوكي مش هيرضي يخليني احط ميك اب كتير 

_يلا استعني عالشقا بالله 

فون لمي رن 

-ده كريم 

نيره بغمزه:اسيبك انا بقا يجميل..الله يسهلو 

حدفتها لمي بالشبشب بس جه في الباب 

لمي:حيوانه….الوو 

كريم:عامله ايه 

-كويسه الحمدلله انت اي اخبارك 

_مش قادر اقولك حاسس اني طاير مش ماشي عالارض 

-يا نوحي يا نوحي يا عم دنت داخل علي مرار طافح انا ابويا محكالكش عني ولا ايه 

_مش محتاج..انا عارف كل حاجه..ده هيبقي اجمل مرار طافح في حياتي علي فكره 

لمي بكسوف:بقولك ايه انا هقفل عشان متاخرش سلام 

وقفلت السكه فوشه ولقته بعتلها رساله كان محتواها 

“انت مكسوفه علي دي….اومال هتعملي ايه بليل بعد كتب الكتاب”

-بقولك ايه متيجي نأجل الخطوبه 

_ده عند طنط سعاد 

-شكرا يمحترم 

-العفو 

بعد فتره

عند مروه 

مروه بحيره:البس انهي البس انهيي انا هلبس ده 

اختارت فستان احمر ضهره مفتوح و طويل لحد كعبها و بحمالات رفيعه 

لقت فونها بيرن و ردت 

-الوو 

_ازيك يا مروه 

-انا تمام يا علي انت ايه الاخبار 

_انا كويس اوي بس محتار بين بدلتين ف كنت عايز اخد رايك 

مروه بابتسامه:يا سلام ابعتلي صورتهم طيب و انا اساعدك 

علي:حاضر 

بعد دقايق 

مروه:i think ان اول بدله دي احلي عليك من التانيه 

علي:خلاص هلبسها… تحبي اعدي عليكي نروح سوا 

_ممممم ماشي موافقه….يلا باي 

-باي 

مروه فنفسها “بقيت بحس ان في حاجه جوايا بتتحرك لما اكلمه..لا لا انا بحب عمر…بس عمر متجوز و بيحب مراته…هو انا ليه وحشه كده ليه كنت عايزاهم يسيبو بعض..انا حتي مكنتش بحب عمر انا كنت معجبه بيه بس.. مكنش لازم ادي اهتمام لعمر اكتر من اللازم…انا لازم اطلعو من دماغي..هو هيبقا زميل شغل و صديق مش اكتر…وكمان لازم امنع اي حاجه تجاه علي..هو بيحب وانا مش لازم اقف في طريقه.. انا متلخبطه اوي”اتنهدت تنهيده طويله و راحت تكمل تجهيز نفسها 

عند لمي كانت خلصت ماسكاتها هي و نيره و خلاص المفروض يمشو بس 

لمي:يا ستي انا مش عايزه اتمكيچ يا ستي لا الاه الا الله 

الكوافيره:يا ابله هو في عروسه من غير مكياچ الله ده ايه ده هما غاصبينك ا اختشي 

لمي:يا ستي انتي مالك انا مبحبش المكياچ مش بحبه و اي غاصبينك دي انتي مالك اصلا 

نيره:اهدي يا لمي اهدي 

كوافيره:يا ابله اسمعي كلامي كده العريس هيطفش 

لمي:لا انا مش قادره مش قادره انا مجادلتش حد زنان كده ف حياتي 

كوافيره:الله يسامحك يا استاذه هو انتو عشان ولاد ناس تيجو عالغلابه اللي زي حلاتنا اهئ اهئ 

لمي:يا بنتي انا جيت جمبك ده ايه الهم ده ياربي 

جت مديرة المكان بعد ما حد ناداها 

المديره:في ايه بتعيطي لي يا سماح 

لمي:حضرتك انا خطوبتي النهارده ف جيت اعمل ماسكات و تنضيف بشره و الانسه مصممه تحطلي مكياچ و انا مش عايزه احط مكياچ ولله 

سماح:جرا ايه يا ابله انتشي بخيله ليه 

لمي:هتشل هتششششل انا هطلع احاسب قبل ما تطلع روحي 

نيره بضحك مش قادره توقفه:يلا يا ابله يلا 

-بت انتي متنرفزنيش 

_خلاص ولله هسكت اهه

طلعت نيره ولمي الشقه تاني و دخلو اوضة لمي 

بدأت لمي تحط مكياج خفيف اوي و لبست فستانها و جهزت نفسها و كانت بدأت الناس تيجي  و وصل كريم و عمر و اهل كريم و دخلو و طلعت لمي و نيره من الاوضه 

و بدأت اصوات الزغاريط تعلي 

كريم:ايه الحلاوه دي..انتي بجد كدا 

لمي بكسوف:احم احم هو ايه ده اللي انتي بجد كدا 

كريم:اصلي حاسك خارجه من فيلم اجنبي..ايه الجمال ده 

لمي:يسطا كفايه يسطا وشي بيطلع اشعه تحت الحمراء يسطا 

كريم بضحك:خلاص كلها نص ساعه و المأذون يوصل و اقيسلك انا الحراره 

لمي:يارب ميجيش 

كريم:طب يارب يجي 

عند عمر و نيره 

عمر: كأني بشوفه عليكي لأول مره 

نيره بابتسامه واسعه:حلو صح 

عمر:انتي الي محلياه 

نيره:يجدع كفايه تثبيت فيا بقا 

ضحك عمر ضحكه خفيفه 

عند مروه 

علي:الو يا مروه انا وصلت تحت مستنيكي 

-تمام يا علي انا خلصت و نازله اهه 

علي:اوك 

خرج علي وقف سند علي العربيه و كان وشه للباب اللي هتخرج منه مروه 

خرجت مروه و شافها علي و تنح كده شويه و بعدين فاق 

علي:ايه اللي انت لابساه ده 

مروه بتعجب:ايه فستان هو وحش 

علي: ده  مفتوح اوي 

مروه:طب و ايه المشكله 

علي:من غير كلام كتير اطلعي غيريه 

مروه:لا طبعا مفيش وقت احنا اتأخرنا 

علي بعند:اطلعي يا مروه والا ولله مفيش مرواح 

مروه:علي في ايه انت اول مره تتعامل معايا كده مالك وانت من امتي بتعلق علي لبسي وتقولي اعمل ايه و معملش ايه 

علي:من دلوقتي 

قرب منها-انا بحبك من زمان و مش هستحمل ان حد يبصلك بصه كده ولا كده لاني وقتها مش هرحمه 

مروه بعيون مدمعه:بتحبني انا….انا..دنا عمري ما حبيت الخير لحد..انا اوحش من اني اتحب 

مسحلها دموعها

علي:لا انتي مش وحشه انتي كان فيكي حته صغننه بس هي اللي وحشه وانا شايف انها راحت خلاص..تتجوزيني 

مروه بدموع:اه اه موافقه 

-امسحي دوعك بقا و اطلعي غيري بسرعه عشان نروح نسلم عالعرسان خمس دقايق بالظبط و تكوني قدامي 

مروه بابتسامه:حاضر 

لفت عشان تطلع تاني 

علي:كمان ضهره مفتوح..الصبر من عندك يارب..الحمدلله 

طلعت غيرت لبست فستان مقفول شويه و طويل و سرحت شعرها القصير و نزلت 

علي:يلا بينا 

مروه:يلا بينا 

وصل المأذون بيت لمي 

و تمت مراسم كتب الكتاب و قال المأذون جملته الاخيره 

-بارك الله لكما و بارك عليكما و جمع بينكما في خير 

قام كريم حضن لمي حضن طويل مع كسوف لمي واحراجها 

-مبروووك 

_الله يبارك فيك 

وصل علي و مروه ماسكين ايد بعض 

عمر:لأ متقولش 

علي بضحك:حصل اعترفتلها 

حضن عمر علي:الف مبروك يا صاحبي..مبروك يا مروه 

كانت نيره مش فاهمه

عمر: نيره تعالي باركي لعلي و مروه 

نيره:الف مبروك 

علي و مروه:الله يبارك فيكي..هنروح نبارك للعرسان بقا 

نيره:هو انا باركتلهم علي ايه 

-علي يا ستي اعترف بحبه بمروه عارفه كان بيحبها بقالو كتير اوي ربنا يهنيهم 

نيره برتياح:يارب 

بعد انتهاء الحفله 

كريم:عمي انا هخرج انا و لمي شويه 

-متتاخروش و خلي بالك منها 

_في عيني 

خرجت لمي مع كريم و وصلو لمكان جميل اوي و هادي كان شاطئ عالبحر و محدش موجود غيرهم و في خيمه جاهزه و شموع و حاجه عظمه يعني 

لمي:الله ايه الجمال ده..انا مش مصدقه بجد 

كريم:المكان ده جهزتو مخصوص عشان اقولك حاجه 

لمي:قول 

كريم:انا بحبك اوي انا مش بس بحبك انا عديت المرحله دي من زمان انا بعشقك بقالي تلت سنين بحبك و عشان مفكرتش اعمل حاجه غلط ربنا كرمني بيكي في الاخر 

لمي:وانا كمان بحبك اوي و من زمان علي فكرا 

حضنها كريم و لف بيها كتير 

كريم بضحك:انا بجد مش مصدق نفسي..انتي بتحبيني بجد 

لمي:اه ولله 

حضنها تاني 

كريم انا عايز اقولك حاجه تاني 

لمي:قول 

كريم: انا احلي حاجه فحياتي انك بقيتي كل حياتي ❤

النهاية