Uncategorized
رواية نور وسط الظلام الفصل الثاني 2 بقلم هنا سلامة
رواية نور وسط الظلام الفصل الثاني 2 بقلم هنا سلامة
 |
| رواية نور وسط الظلام الفصل الثاني 2 بقلم هنا سلامة |
رواية نور وسط الظلام الفصل الثاني 2 بقلم هنا سلامة
ادم : ايه الصوت ده؟!
نور : ده صوت صريخ جاي من تحت من المطبخ
في المطبخ
آدم : مالك يا داده؟!
داده ناديه: كنت بنضف سمك عشان أقلية بكره و المقص دخل في أيدي
نور : الف سلامه عليكي طيب في شاش و بلاستر و قطن
الداده :كلة في الدرج ده
آدم واقف متسمر و باين عليه الخوف و الارتباك
نور بملاحظه : مالك يا أدم في حاجه.. انت تعبان
ادم بنفس صوته طالع و شبه منهار : لا.. لا انا انا.. كويس.. ممكن اطلع دلوقتي
نور : اكيد طبعا اتفضل معايا..
على السلم
نور في نفسها : انت كل يوم هتطلعي و تنزلي السلم ده يا لهوي ده انا هخس بالكيلووات
آدم : كنت بتقوليلي سؤال انا بشتغل ايه صح؟!
نور : ده انا نسيت.. اها فعلاا
آدم : انا بشتغل في كل حاجه مش حرام يعني لبس منتجات البان قطع سيارات
نور بضحك : طبعا ما هو الغنى ده كله اكيد مش بتبيع ملبس
آدم : صحيني على العشاء الساعه ٩ و متنسيش الصبح الساعه ٦ بنصحى ٧ نكون في الشركه ٨ الاجتماع
نور : متخفش..
على العشاء
نور بتخبط جامد على باب القوضه و أدم مرضش اطرت تفتح الباب
نور : آدم آدم.. اصحى عشان العشاء
آدم بخوف و قلق و عنف شديد و هو مش مركز قام زقها نحيت الحيطة و حط ايده على الحيطة فكرها حرامي أو حد جاي يقتله
نور بخوف شديد و توتر و صوت عالي : في ايه يا أدم انا نور.. نور بتاعت الصبح.. مالك
آدم بدأ يهدى و بصوت خافت : انا اسف اووي انا.. انا كنت بحلم و افتكرتك حرامي
نور : لا ولا يهمك..
آدم : طيب اتفضلي انزلي و انا جاي
نور باستغراب : انزل ازاي و انت مسبتني زي الفار على الحيطة كده
آدم : اه انا اسف
على العشاء
آدم : ممكن سؤال
نور : اكيد
آدم : وفقتي ليه؟!
نور باستغراب : على ايه؟!
آدم : على الشغل.. خصوصا أن الإعلان مكتوب فيه أن انا أعمى
نور : انا محتاجة الفلوس بتاعت الشغل ده جداا عشان انكس البيت
آدم : هو انت ملكيش أهل خالص
نور: كانت ماما لكن خلاص الله يرحمها.. انا مليش حد من بعدها
آدم : زيي يعني.. لكن انا عندي ولاد و بنات عم ياكلوا مال النبي و مش سيبني في حالي
نور : معلش اصل مفيش حياه من غير مشاكل متبقاش حياه
آدم : انا خلصت خلاص هطلع انام ممكن تطلعيني؟
نور: اكيد اتفضل
آدم : متنسيش المواعيد يا نور
نور : حفظتهم صم
الساعة ١٢ في قوضه نور
نور : الو الو يا ريم ريم الحقيني انا عايشه في جناح
ريم بخضه : جناح فرخه حصلت يعني عنده قصر و انت مقعدك في جناح فرخه
نور : جناح فرخه ايه جناح يا بت زي بتاع الأفلام
ريم : بجد.. اجي انام معاكي
نور بضحك و انعره : مش كنتي بتحذريني من الشغلانه دي
ريم :انا كلبه و حماره
نور : طيب يا حماره اقفلي عشان هروح الشغل بدري سلام
الساعة ٢ في الجنينة
عم محمد : انت لسه صاحيه؟!
نور : اه مش جيلي نوم دلوقتي.. قولت اسأل حضرتك عن شويه حاجات عن آدم
عم محمد : آدم…
نور : مالك يا عم محمد هو انت اتلجلجت كده ليه؟!
عم محمد : لا اصل آدم شخص واضح جداا رجل أعمال طيب و صغير مش متجوز و عايش في قصر و عنده فلوس و أهله ميتين و معندوش غير بنات و ولاد عم
نور : عم محمد انا عارفه كل ده منه.. انا عاوزه اعرف ليه بيتغض معظم الوقت كده.. و لما سمع كلمة المقص كان شكله تعبان اووي
عم محمد : مقص؟! هو حد جاب سيرة مقص قدامه؟!
نور : اه ما هو داده ناديه اتعورت..
عم محمد يقاطعها : نور لما تروحي الشغل ابعدي عنه سيره المقص دي خاالص
نور باستغراب : ليه؟!
عم محمد : منعرفش بس هو لما بيسمع سيرته بيتعب
نور : طيب و داده ناديه
عم محمد : مالها؟؟!!
نور : مش طيقاني من ساعه ما عرفت ان انا مديره البيت الجديده
عم محمد : معلش هي بتغير من خيالها يا بنتي و فاكره أن آدم بتاعها هي بس مفيش ست دخلت البيت من بعد مامت آدم غيرها لما شافتك اتديقت.. الساعه ٣ يا نور دلوقتي انت هتعرفي تصحى ازاي؟!
نور : عندك حق يا عم محمد تصبح على خير
عم محمد : و انت من اهله يا بنتي
الصبح الساعة ٦ المنبه رن
نور : لا لا، و قفلت المنبه
الساعة ٦ و نص
نور : لا و النبي، قفلت المنبه
الساعة ٧ و نص
نور : صباح الفل يا نور الساعه كام؟! يا نهار اسود و منيل الساعة ٧ و نص ده آدم هيترضني هقوم اصحيه و البس بسرعة
نور راحت على قوضه آدم بسرعه و فتحت الباب بعنف
آدم اتخض
نور : لا مش وقت خضه ابوس ايدك الشغل قوم بسرعه
آدم : حاسس ان نمت كتير النهارده ده اول مره احس كده
نور : لا مانت نمت كتير فعلاا
آدم : يعني ايه الساعه كام؟!
نور :هقولك بس و النبي..
آدم يقاطعها و بغضب : نور الساعة كام
نور : ٨ الا ربع
آدم : يا نهار اسود الاجتماع الشركه اول مره تيجي لينا
نور : معلش انا اسفه انا هلبس و طلعت لك لبسك سيب الجرافاته هعملها انا
آدم : طيب اطلعي بره يا زفته
نور : بص انا غلطانه بس شتيمة لا و هات ايدك كده انا ضربتك ضربه خفيفه لأنك نوتي
آدم : اطلعي عشان انت لسه مشوفتيش النوتي اطلعي
نور : ما تورينا النوتي
مسك ايدها جامد و لواها و سبتها على الحيطة
آدم : ايه رايك اكسرلك دراعك؟!
نور : اه اه سيبني انا هروح البس
بعد ١٠ دقايق
نور : انا خلصت ها أنت خلصت
آدم لسه الجاكيت و الجرافاته
نور : لا بسرعة هات انا هلبسك احكيلي كده هو المطلوب نعمل ايه
آدم : أن هما عاوزين يعملو من كل بلوزة شكل واحد و انا عاوز بنص و بكم و كات و هما عاوزين ٢٠ في الميه زيادة عن التمن إلى اتفقنا عليه
نور : طيب فهمت متخفش يلا بسرعه
آدم : براحه هقع على السلم
نور : متخفش انا ماسكه ايدك اهو يلا بس
آدم : هتودينا في داهيه.. عم محمد فين
نور: اكيد افتكر مفيش شغل النهارده ف راح يعمل حاجة
آدم : ٥ دقائق و الساعه تيجي ٨ هنعمل ايه
نور : هنجري
آدم : انت هبله؟! آدم الهواري يجري
نور : هيبقى أسرع من العربيه و الزحمه يلا هات ايدك بسرعه بسرعه
آدم : انت مجنونه
بعد ٣ دقايق
نور : الحمد لله وصلنا لسه دقيقتين لو وقفنا ناخد نفسنا كتير كده هيكونو وصلوا
ادم : طيب يلا بسرعه
نور : الورق إلى محتاجينه فين
آدم : افتحي الخزنه الرقم بتاعها.. هاتي ودنك
نور : يا عم اخلص
آدم : هاتي الورق إلى فى الرف إلى فوق
نور : ماشي
آدم : قوضه الاجتماع هناك هروح انا و حصليني بسرعه
نور : ماشي
نور في المكتب
نور : يا ترا من يونس إلى هو حطت اسمه لرقم الخزنه ده؟!
قوضه الاجتماع
آدم : صباح الخير يا جماعه
نور : صباح الفل يا جماعه
مدحت بيه : مين البنت الجديده دي يا أدم
آدم : دي نور دي دراعي اليمين و الشمال و الله كمان
نور بوش احمر مكسوف : طيب اتفضلوا
مدحت بيه : ها هتعملو ايه
نور : بص يا فندم الموضوع بتاع أن البلوزه يكون ليها كذا شكل ده مفيد ليكم قبل لينا فاحنا بنعمل فيكم خدمة
مدحت بيه : ازاي؟!
نور : يعني يا فندم انتم بتاخدوا ٦٠ في الميه من الفلوس و احنا ٤٠ في الميه لما البلوزات يكون في منها كات و نص و كم كل طبقات المجتمع و كل البنات هتلبس من عندكم المحجبه و الي بشعرها
مدحت بيه : اقتنعت خلاص يبقى ١٥ في الميه مش ٢٠ عشان خطرك
نور : طيب عشان خطري و خطرك و خاطر آدم بيه و خاطر الشعب المصري و الشعوب المجاورة ٥ في الميه
آدم بصوت واطي : انت بتقولي ايه ده كان عاوزهم ٢٠ في الميه تقولي ٥
نور بصوت واطي : اسكت انت
مدحت بيه : طيب ١٠ يا نور
نور : ٥ و مش هيبقى آخر تعامل بينا خالص
مدحت : طيب ٥
نور : طيب اكتب يا ابني في العقد ٢ في الميه زياده على التمن بتاع الدفعة
مدحت بيه : مش قولنا ٥؟!
نور : ايه الفرق يا فندم كده كده ال ٢ في الميه ليكم مش لينا
مدحت : و النبي
نور : خلاص أمضى بقى
مدحت: ماشي يا ستي.. مكنتش اعرف انك بتشغل ناس شاطره عندك يا أدم
آدم : شاطره و متأخرة.. احم قصدي شاطره و جميله و ذكيه و رقيقه جدااا مش قادره اقولك
مدحت : ده انا أمضى معاكي يا نور
نور:… آدم بيه انا هستناك بره و هاخد العقود
ادم : اتفضلي
آدم : مدحت مينفعش تاخد البنت دي تشتغل معاك.. ماضيه معايا عقد خلاص و غير كده انا مرتاح معاها
مدحت : خلاص يا سيدي مبروك عليك
آدم : على ايه!؟
مدحت : على الصفقة يا ولا
آدم: احم.. افتكرت حاجه تانيه
مدحت بيه : سلام يا نور
نور: سلام يا فندم
آدم : انا مش مصدق
نور : ده انا نور و الأجر على الله
آدم: ده كان عاوزها ب ٢٠ خلتيها ٢ في قاعده واحده؟!
نور : شوفت بقى تأخير النهارده مجاش بضرر اهو
آدم : لا بس دي اخر مره تأخريني فيها دي اول مرة في حياتي اتأخر على شغلي
نور : انت معايا هتعمل آول مره كتير اووي.. قصدي يعني
آدم يقطعها : طيب يلا روحي اتعرف على الموظفين
نور : تمام
بعد ٥ دقائق
آدم: هو انت؟!
يتبع…..
لقراءة الفصل الثالث : اضغط هنا
لقراءة باقي فصول الرواية : اضغط هنا
نرشح لك أيضاً رواية حكايتي في الثانوي للكاتبة إسراء ابراهيم