رواية عودة الماضي الفصل الأول 1 بقلم ملك شاهين

– ايه راجع ؟ قولي انك بتهزري يا ندي 

  =لا مبهزرش يا ديجا هو راجع فعلا والنهارده كمان 

-يعني ايه هو مش المفروض اتجوز وعاش حياته هناك يرجع ليييه فهميني 

=معرفش معرفش انا مالي يا ديجا 

– جدو فين اوعي كده …يا جدووو يا جدووو 

=ايه في ايه في ايه يا ديجا 

-ابن ابنك راجع ليه يا جدوو 

=وطي يا صووتك يا خديجه وجنانك ميطلعش عليا 

– هو انتم لسه شوفتوا جناان 

=جرا ايه يا خديجه هو محدش مالي عينك ولا ايه 

– وانت مال اهلك يا مرات عمي خليكي في حالك 

= الي بتتكلمي عنه ده ابني وحقه يجي بيته في اي وقت 

– طظ فيكي وفي ابنك يا مرات عمي اي رأيك بقي  والاحسن ليكي  متقفيش قدامي  علشان مفتحش في القديم واسودها على دماغك فهماني طبعا يا مرات عمي 

=خديجه بقوولك صووتك يوطي وتعرفي انت بتقولي ايه مش عامله اي احترام ليا ولا لاي حد اتكلمي بهدوء واحترام 

=وهي دي تعرف الاحترام 

– شايف شايف اوعي بقي كده …جرا يا مرات عمي هو سكتناله دخل بحماره ولا ايه متلعبيش معايا علشان انت عارفه ان نار هتولع فيكي مش هتحرق بس 

= قصدك اي يا خديجه 

– الي على رأسه باطحه يحسس عليها يا  جدو ولا ايه مراات عمي  ها فاهماني طبعا  ..يلا بقي هويني كده وشوفيلك شغلانه علشان عايزه جدو لوحده 

= سيبهالك مخضره يختي اقوم اجهز الاكل لابني حبيبي ونور عيني بيحبه اكيد راجع هفتان يا حبيبي  

– داهيه تاخدك انت وابنك يا حبيبتي 

= مش شايفه اسلوبك يا خديجه ده اسلوب واحده محترمه 

– هي الي بتستفزني وبتطلع اسوء ما عندي اسكتلها يعني ؟ وبعدين الزفت ده راجع ليه 

= بيته يرجع ليه وقت ميحب 

– والله ! تمام جداا انا بقي هسيب بيته ده يشبع بيه

= خديجه مش طالبه جنان 

– قولتلك يا جدو لسه مشفتوش جنان 

=اعقلي يا خديجه وعدي اليوم 

– ايه الي رجعه يا جدو هو مش اتجوز وعاش حياته برا راجع تاني لييه 

= لما يجي هنعرف كل حاجه 

– جدووو  يعني عايز تقنعني انك متعرفش هو رااجع ليه مش عليا يا جدو 

= عديها يا ديجا وهتعرفي لما يجي 

– مش عايزه اعرف حاجه خليه بس يتجنبني وملوش علاقه بيا ولا كأني موجوده علشان مطلعش الجنان بجد على البيت كله

بالليل في اوضه خديجه 

– زي مسمعت كده

=…..

– معرفش ايه الي رجعه 

=……

– اكيد هيصعبها عليا انت بتفكر ازاي 

=……

– بس هو مش سهل وفعلا هيصعب كل حاجه عليا وكل حاجه كنت بعملها هتتأخر 

=…..

– طب سلام دلوقتي لانه شكله شرف 

فتحت درج الكمودينو وخدت منه حاجه ونزلت علشان تستقبله 

( تحت  قدام باب البيت )

= حمدلله على سلامه يا قلب امك وحشتني يا نور عيني 

– الله يسلمك يا ماما انت كمان وحشتيني اوي 

= هي بس يا عز بيه  

– لا يا جدو مقدرش ده انت الي في القلب اومال فين ند… قطع كلامه صوت الرصاصه التي اصابته و ….