Uncategorized
رواية عشقت معاق الفصل الثالث 3 بقلم نادين محمد
رواية عشقت معاق الفصل الثالث 3 بقلم نادين محمد
 |
| رواية عشقت معاق الفصل الثالث 3 بقلم نادين محمد |
رواية عشقت معاق الفصل الثالث 3 بقلم نادين محمد
واول لما شربتها قعدت اكح جامد
ماسه:كح كح…كح كح…ااااه
عمر ببرود:في اي
عماله اكح ومش قادره ارد عليه خالص وكنت خلاص نفسي بيضيق وكنت علي وشك اني افارق الحياه
ادم بقلق: في اي مالك
بصتله وانا دايخه ومش قادره اتكلم لحد ما اغمي عليا
ادم:نهارسود اي ده ووطي يشيلها من عالارض
عمر ببرود:اي يعني مالها
ادم:انت ازاي بارد كده…البت بينها ماتت
عمر:ميفرقش معايا وسابهم وطلع
ادم شالها وطلع بيها علطول عالمستشفي
وهو فالطريق كان قاعد يتأملها وأزاي هي جميله وعيونها الزرق الجمال اللي شبه البحر الصافي… كان منيمها علي رجله كانها طفله صغيره… وقعد يملس علي وشها بحنيه وهو سرحان فيها وفجمالها…بس قاطعه صوت الشوفير فساعتها
الشوفير:وصلنا يابيه
ادم بسرحان:ها….احم حاضر
نزل من العربيه وشالها وهي طبعا نايمه فحطه راسها علي صدره(احاول ان اصنع رومانسيه ولكن الموضوع صعب????????)
دخل بيها المستشفي جري وهي تعبانه
ادم:ماسه… ماسه فوقي…ياكلاب ياللي هنا
دكتور:ايوه يافندم
ادم:اوضه بسرعه الانسه مغمي عليها
دكتور:سرير نقال بسرعه (معرفش اسمه????????????)
خدوها منه وحطوها عالسرير ودخلو بيها اوضه العمليات
وادم قعد عالكرسي قلقان
(في قصر عمر)
=البت بت الهبله اقولها ادي الكوبايه دي لعمر بيه تقولي ماشي وتشربها هي
_يااااه….دي باينها زكيه اوي ياسلمي
سلمي:تقريبا كده
_انا عايز البت دي
سلمي:وانا اجبهالك منين انشالاه
_باي طريقه البت دي لازم تكون عندي بكره الصبح..الا ما المسدس اللي انا ماسكه ده…هيتفرغ فراسك ياسلمي
سلمي:انشالله وقفلت فوشه ونفخت بحيره
(عند ادم فالمستشفي)
كان قاعد قلقان لقي عمر دخل. عليه
ادم:جاي ليه
عمر:جيت اتطمن
ادم:ده علي اساس انها فارقه معاك
عمر ببرود:البت دي شربت العصير وبعدها حصلها الكلام ده… لازم اجي اشوفها عشان مركزي مينزلش فالارض
ادم بصله نظره احتقار ورجع بص قدامه تاني
الدكتور بينهج: الحمدلله…لحقنا نلحقها
عمر ببرود:هي كان فيها اي اصلا
الدكتور:شربت او كلت حاجه قبل ما تيجي
ادم:ايوه عصير
الدكتور:العصير كان فيه سم..لحقناه قبل ما يمشي فجسمها كله
عمر & ادم بصدمه: اييه؟؟؟
(عند ام ماسه)
ماما:هي البت مالها اتأخرت كده ليه…اما ارن علي رنا اشوفها كده
رنت علي رنا ورنا ردت عليها علطول
ماما:ايوه يابت يارنا
رنا: ازيك ياطنط…هي ماسه فيها حاجه ولا اي
ماما:يوه..هي مش معاكي يابت
رنا:ها…اه اه معايا
ماما: طب ادهالي اكلمها
رنا بتوتر:احم لا هو..الو…الو…. ياطنط… الشبكه هنا زي الزفت والله ياطنط… ألو وقفلت
رنا بارتياح:اخيراااا..يارب استر
(عند ماسه فالمستشفي)
عمر بزعيق:انت بتقول اي ياجدع انت
الدكتور:بقول العصير فيه سم واحنا الحمدلله. لحقناها
ادم:طب هي كويسه
الدكتور:ايوه..بس هي نايمه يعني ممكن خمس دقايق وتفوق
ادم:طب ممكن ندخل
الدكتور: اتفضلو
ادم دخل وعمر وراه
ماسه كانت نايمه مغمضه عنيها وباين عليها تعبانه
ادم:البت شكلها تعبانه
عمر بلا مبالاه:تتفلق
ادم:اي ياعمر ده
عمر ببرود: طبيعي…انت عارف اني مش بحب البنات
ادم:بس مش لدرجه القسوه دي
فالوقت ده ماسه بدأت تفوق
ادم:ماسه انتي فوقتي
ماسه بتعب:انا فين…انا فين… خرجوني من هنا وعماله ترتعش
ادم قرب منها وقالها: اهدي اهدي بس اهدي خالص انتي تعبتي وجبناكي هنا المستشفي
ماسه بخوف:لا انا متعبتش خرجوني من هنا انا عايزه اروح لماما
وعمر بيبصلها بسخريه
ادم:طب خدي اشربي مايه
خدت منه كوبايه المايه وهي بتترعش وشربتها كلها
ادم بضحك:للدرجادي كنتي عطشانه
ماسه بدأت تفتكر
فلاااش باك
سلمي:خدي الكوبايه دي لعمر بيه
ماسه باستغراب:اشمعنا
سلمي:اديهاله وخلاص
ماسه بشك:طيب
طلعت بره من المطبخ وكانت هتدي الكوبايه لعمر فعلا بس الشك زاد وقررت تشربها هي واول ما شربتها…
باااك
ماسه:سلمي…سلمي… هي..هي…ايوه هي
عمر باستغراب:مالها سلمي
ماسه بصتله وعيطت:هي اللي قالتلي ادي الكوبايه دي لعمر بيه وانا شكيت فيها وشربتها…اكيد هي اللي حطت حاجه… والله هي
عمر بزعيق:انتي بتقولي اي انتي اتجننتي؟؟
ماسه بزعيق:لا متجننتش…ولو عايز تراجع كاميرات المراقبة راجعها عشان تتأكد…انا مليش حجه اني اكدب
عمر بسخريه:لا طبعا ليكي عشان تنطرد وتاخدي انتي مكانها
ماسه باستحقار وانا ميشرفنيش اني اشتغل عن واحد زيك اناني وعديم الانسانيه ومش بيفهم ومعندهوش فقلبه ذره رحمه…انا جيت الحفله ومكنتش اعرف انك كده ابدا…مكنتش اعرف انك زباله من جوا ونضيف من بره
عمر:شايف بتقول اي
ادم واقف ساكت مش بيتكلم
ماسه:اي…مش عايزني اتكلم…طبعا….ما انت اناني ومش بتفكر غير فنفسك وفمركزك بس…وغمضت عينيها وقالت…نفسي يكون ليا مره واحده ضهر وسند… حتي لو كان ميعرفنيش…يعوضني عن حنان الاب اللي اتحرمت منه…اللي كنت محتاجه حضنه لما حد يكسرني..اللي كنت محتاجاه يجي يهزر معايا ويفكني لما ببقي زعلانه… بس انا اتحرمت منه خلاص مش هلاقيه تاني وفتحت عينيها وكانت عيطت…ادم انا عايزه اروح لو سمحت
ادم: معرفش هتروحي امتي والله…هسأل الدكتور
ابتسمت وسابها ومشي
ماسه بابتسامه:انا اسفه اني جرحت مشاعرك ومركزك اوي كده…كان نفسي اساعد حد مش اكتر…لما شكيت شربتها انا… وقولت اني من واجبي احميك وعشان انسانيتي….بس متوقعتش ان الحاجه دي ممكن تهز كرامتك اوي كده..
وبصت لعمر بصه تعبر عن كل حاجه… عن كل الكسره اللي جواها…عن كل حاجه مرت بيها فحياتها…واتدريت وحضنت المخده وقعدت تعيط من غير صوت
وعمر طبعا متهزش فيه حاجه وسابها طلع بره
ادم؛تقدري تروحي دلوقتي…هوصلك
ماسه:لا مفيش داعي انا هروح
ادم: لا هوصلك
ماسه:برااحتك..ااااااه
ادم:في اي
ماسه بوجع:مش قادره اقوم
ادم بتسرع: تعالي
وقرب منها وشالها وهي مكسوفه وعماله تتهرب انها عينها تيجي فعينه
ادم بضحك:فاهمك فاهمك…مضتطر اعمل كده
ماسه بكسوف:طب مش يلا
ادم:يلا
ادم شالها وطلع بيها وعمر وراهم وكالعاده(بااااارد)
ادم نزل وحطها فالعربيه الكنبه اللي ورا وبدا انه يساعد عمر عشان يركب… ولسوء الحظ ادم قعد عمر جمب ماسه…ليه مش عارفه
ماسه بعدت شويه وبصتله بقرف كده وبصت للشباك
عدي الوقت وكلهم فالطريق للبيت عشان بعيد وماسه كانت بتنام علي نفسها..عماله تغفي وكل ما تغفي تصحي تاني عشان هي لو غفت هتنام علي كتف عمر…حاولت كتير اوي بس النوم غلبها ونامت علي كتف عمر
عمر بصلها ولأول مره ملامح وشه تفك شويه…قعد يتأملها بعيونها اللي مجنناهم هما الاتنين????????..وشفايفها الحمره وملامحها الطفوليه…فوسط ما هو سرحان زاح شعرها من علي وشها براحه ولكن فاق لنفسه وبص قدامه تاني
بعد شويه وماسه لسه نايمه وصلو اخيرا
عمر ببرود: تعالي خد البت دي من هنا
ادم:هي نامت
عمر بزعيق:انت شايف اي يعني
مردش عليه وشالها وطلع بيها وخبط عالباب
ماما:اي يابني ده…في اي
ادم:مفيش ياطنط ماسه تعبت شويه فجبتها
ماما: طب هي مالها
ادم: نايمه بس مفيش حاجه والله
ماما:طب شكرا يبني
نزلها ونزل وامها سندتها ودخلت جوا وقعدت تفوق فيها
ماما:نور..نور يابت فوقي
نور بنوم:اممم….ادم
ماما:ادم مين يابت
نور بفزع؛ماما… معلش مخدتش بالي
ماما:ادم مين يابت ومين اللي جابك ده
نور:تلاقيه ادم….كان معايا فالحفله ياماما
ماما:اهه..طيب يلا خشي نامي
نور:سلام
سبتها ودخلت غيرت هدومي لبيجامه وقعدت اذاكر شويه…..وافتكر كل حاجه حصلت…وازاي الزباله ده اتهمني…وحجات يعني
خلصت مذاكره وقعدت اقلب فالفيس لحد ما نمت..
قومت الصبح الساعه ٩ الصبح لقيتني متأخره فقومت لبست توب قصير وبنطلون ابيض واسع وعملت شعري ديل حصان وحطيت ميكب خفيف
ونزلت علطول من غير ما افطر وركبت الباص ووصلت الكليه اخيرا
رنا:عملتي اي يابت
ماسه:هبقي احكيلك بعد ما نخلص
رنا:اشطا
دخلنا الكليه وخلصنا محاضرات عالساعه ٢ الضهر
رنا:ها ياستي احكيلي
حكتلها كل حاجه بالتفصيل
رنا:الواد ادم ده قمر
ماسه:وعمر ده…بااارد بروووود
رنا:صح…عملتي اي فحكايه العريس
ماسه:متفكرنيش مش عارفه
رنا:هتعملي اي يعني
ماسه:مش عارفهههه
رنا:طب هتعملي اي
ماسه: امشي يابت من وشي
رنا:خلاص يسطا بهزر معاك
ماسه:طب الوقت أتأخر انا هروح
رنا: ربنا معاكي…باي
ماسه:باي
سلمت عليها وطلعت جري عالبيت اني اخد نفسي من العريس اللي جاي ده..عدي ساعتين وانا قاعده فاوضتي دلوقتي بقت الساعه٤ العصر
ماما:قومي يلا البسي اهل العريس جايين
ماسه:ياماما انا مش موافقه كام مره هقولك
ماما:انجزي يا ماسه…وسابتني ومشيت
خرجت وانا لبست احلي حاجه عندي…ليه مش عارفه
لبست فستان جميل اوي وحطيت ميكب خفيف ولبست ايكسسوار (صورته جمب صوره الغلاف)
ماما:يختي قمر… اهل العريس برا
ماسه بتردد:يارب استر يارب…طب اطلعي وانا هاجي وراكي
ماما طلعت بره وانا بصيت من ورا الباب.. وانصدمت
هو انت!!!!!