رواية عشق السيوفي الفصل الخامس والثلاثون 35 بقلم شهد محمد

“في قصر سليمان المهدي”

بعد عده ساعات رجع كلا من عنود وعمار وطلع كل واحد لغرفته 

قابل عمر عمار بلكمه في فكه:

-قربت منها ليه 

بادله عمار لكمه:

-ايه الي قربت منها ليه هي بنت عمتي زيك بالظبط ولو علي انك بتحبها فا كلنا عارفين بس هي لسه مش ارتبطت بيك انت فااااهم وتركه ودخل الي غرفته

عمر في سره:

-طب ايه رايك بقي أنها هتكون ليا وانهارده قبل بكره يا ابن مصطفي ونزل عند جدته صفيه

فكانت قد سمعتهم ملك:

-بقي انت تحب دي يا ولد عمي يعني انا قصادك علطول وجاي تحب بتاعت بحري بس هي مش هتطول ضفرك حتي

*****************

“في الفندق”

“بعد ساعتين من كلام وهزار عشق ومراد وكل هذا تحت المراقبه”

وقف وامسك مراد يدها:

-همشي انا بقي يا عشقي وابقي ارجع اتطمن عليكي خلي بالك من نفسك 

نظرت له عشق بطفوليه:

-حاضر انت الي خلي بالك من نفسك اهم من كل حاجه يلا ربنا معاك 

مراد:

-امين يارب ادعيلي سلام 

عشق:

-بدعيلك والله من كل قلبي سلام 

وتركها مراد علي الشاطئ

رن هاتف عشق:

-الو مراد حاضر هطلع الأوضه 

___________

اقترب شخص مجهول من عشق:

-مراد بيه بعت ده لحضرتك 

أخذته عشق وبدأت أن تشرب من العصير:

-شكرا وبعد أن انتهت منه شعرت بعدم توازن وفقدت الوعي

************

“عند مراد”

جائته رساله من رقم غريب تجاهلها 

فهد:

-ايه يا عم عامل ايه وعامل ايه مع عشق

مراد:

-الحمدلله والله كويسين انت مفيش جديد 

فهد:

-لا اخر معلومات وصلت ليها أنها سافرت بره مصر

مراد:

-ان شاء الله خير تعال نشوف ايه اخبار العساكر 

واقتربوا من الكمين الخاص بهم

**************

“عند صفيه في قصر سليمان المهدي”

عمر:

-ممكن اتحدت معك شوي بخصوص بنت عمتي 

صفيه:

-خير يا ولدي ايه حوصل مالها عنود انطق

عمر:

-عايز اطلب يدها دلوك وراح اشيلها فوق راسي وانتي عارفه محدش هيحبها قدي

صفيه:

-عارفه بس لازم هي توافق 

ابتسم عمر بخبث:

-حاضر توافق وتقولها بلسانها اليوم 

صفيه:

-لو هي وافقت يا ولدي مفيش مشكله تكتب عليها من دلوك 

عمر:

-تمام هطلع اكلمها

وتركها عمر وتوجه الي غرفته قبل أن يذهب الي عنود 

***********

“في منزل مازن الخولي”

مازن وهو يقلد اخته:

-مقولتيش بقي هتروحوا فين شهر العسل

ادهم:

-هو احنا هنسافر انجلترا وهكمل دراسه وماجستير هناك 

ردت تيا بدهشه ممزوجه بفرح:

-بجد بحب انجلترا جدا طب دراستي لسه مخلصتش يا ادهم 

ادهم:

– منا عارف انك بتحبيها علشان كده اختارتها وعادي يا روح ادهم تكمليها هناك مفيش مشكله 

مازن:

-ايوه عادي هناك احسن حتي هتروحوا تسلموا علي الجماعه امتي 

تيا:

-هنروح بعدكم ادهم بس يخلص الشاي

انتهي ادهم من شرب الشاي

ادهم:

-يلا بينا يا تيتو علشان منتاخرش علي تجهيز الشنط بليل 

احتضنتهم والده مازن بحب:

-خلي بالكم من نفسك يا حبايبي

رد كلا من ادهم وتيا:

-حاضر وتوجهوا الي منزل حسين الرفاعي 

***********

“عند مراد”

ركب مراد سيارته بعصبيه وتوجه الي الفندق:

-وديني ما هسيبك يا بنت الرفاعي صح كلكم طلعتوا زي بعض مسيرك يقع تحت ايدي 

“في غرفه عشق”

عشق:

-اااااه بطني همووووت 

واتصلت علي مراد 

كنسل مراد المكالمه:

-وكمان ليكي عين تتصلي وجائته رساله صوتيه من عشق 

عشق بصوت مرهق وكاد أن يكون معدوم:

-مراد مش قادره الحقني هموت يا مراد والنبي بسرعه تعال 

“شعر مراد بأن قد أصابها مكروه فنسي ما كان في ذهنه واسرع في القياده لينقذها”

**************

“في قصر المهدي خاصه في غرفه عنود”

طرق باب غرفه عنود:

-ادخل 

دخل عمر وعليه ابتسامه بلهاء:

-اهلا عنود كنت عايز اتكلم معاكي في موضوع يخصك

جلست عنود علي كرسي في غرفه:

-اتفضل اقعد في ايه 

عمر:

-عنود تتجوزيني عارف انك هترفضي لانك لسه شيفاني وحش بس انا فعلا بحبك 

عنود:

-نعم يعني انت لو اخر حد في الدنيا مش اتجوزك برضه يا عمر انت اتجننت ولا ايه 

عمر:

– وليه كده واحنا من زمان بنحب بعض ليه تجرحيني

عنود:

-ايوه انا السبب مين الي كان بيقول لابوه أنه يقرب مني علشان الميراث مين الي كان عايز ينتقم مني مييييين يا عمر رد انا فعلا سمعت كلام عمار اني اعتبرك ابن خالي بس مش اكتر من كده 

اخرج عمر ورقه من جيبه:

-بس أنتي اصلا اتجوزتيني خلاص 

نزلت عليها تلك الجمله كالصاعقه:

-محصلش امتي ده لا مستحيل 

عمر:

-يوم ما خليتك مضيتي علي ورقه علشان تروحي لمامتك 

تذكرت عنود:

-تصدق انك أقذر شخص شوفته في حياتي انت ليه كده يا اخي 

عمر:

-معلش واعملي حسابك أن الفرح بكره وتركها وخرج 

“انهارت عنود في البكاء والقت كل ما علي التسريحه أرضا وكسرت المرايه”

يتبع..