رواية ليفل عالي الفصل الثاني 2 بقلم فدوى خالد

معاذ : هى دي مش بنت باسم الهواري ؟؟

شهاب بتدقيق” شكلها كدة …مش بقولك متعجرفة !

= هى بتتخانق مع الجرسون و المدير لية ؟؟

_ أكيد شكلهم وقفوا الكريدت كارد بتاعها و مش عارفة تدفع .

= طيب نساعدها .

_ بلا مبالاة ” خلاص مش مشكلة هطلع فلوس و أدفعلها .

معاذ : طيب أنا هروح أشوف عائشة .

شهاب : ماشي.

موني خلصت المكالمة و هى مش عارفة باباها ماله .

المدير : يا أنسه ..المفروض تدفعي الحساب مينفعش كدة ؟

موني : طيب أنا هشوف بابي و أجيب الفلوس .

المدير : شكلك كدة مش هتدفعي .

شهاب : الحساب بتاعك كام ؟

المدير : 2.500 جنية .

موني بغضب ” أنتَ مين عشان تدفعلي .

شهاب أتجاهل كلامها و دفع الحساب. 

شهاب : أتفضل الحساب .

المدير : كدة تمام .

شهاب لف و مشي و موني مشيت وراه .

موني بغضب” أنتَ أهبل ولا أية ؟ ازاى تدفع الفلوس أصلا .

شهاب لفيلها بملل و هو مش عايز يحتك بيها .

شهاب : نعم ! عاوزة أية ؟!

موني : ازاى تستجري تدفعلي الفلوس، أنا معايا على فكرة .

شهاب : سؤال ؟ هل أنتِ غبية ؟؟

موني : أنتَ ازاى …

شهاب : هش ..مش وقت خناقات ..مش عارفة أن الكريدت كارد بتاعك واقفة .

موني : نعم !! ازاى دة ؟؟

شهاب : أنتو مش فلستوا .

موني” بإستغراب ” بابي قال حاجة عن كدة بس مصدقتهوش .

شهاب ” بسخرية ” باباكي قال كدة و مصدقتهوش ..بجد بابي دة وحش جدًا .

موني “بغضب ” أنتَ بتتريق ..أنتَ مين أصلا عشان تتكلم معايا كدة !!

شهاب ” بضحك ” هى الأنسه متعرفش أني أنا شهاب الجندي …إلِ المفروض يقدم مساعدة ليكم .

موني ” بصدمة ” هو أنتَ الفلاح إلِ بابي عاوز يجوزني ليك .

شهاب مسكها من دراعها جامد و أتكلم بصوت حاد .

= اسمعك مرة تانية بتغلطي فيا أو أهلي هعيطك .

موني خافت شوية من صوته و بعد كدة أتكلمت بعجرفة كعادتها .

_ أنتَ ازاى تمسك إيدي أنتَ قليل الأدب على فكرة .

= بحدة ” قولتي أية ؟

_ بخوف ” مقولتش ..

= حلو ..أرجعي ورا بسرعة .

التليفون بتاع موني رن .

_الو يا بابي .

الخدامة” موني هانم ..بابكي فى غرفة العمليات دلوقتي .

_ أية ؟؟ أنتِ بتقولي أية ؟؟

الخدامة ” للأسف حالته خطرة ..النهاردة حجزوا على البيت و هو مستحملش و أغمى عليه .

_ أنا بحلم صح ؟!

الخدامة ” للأسف يا هانم محتاجين فلوس العملية إلِ بتتعمل .

_ أنا أجيبهم منين ؟ أنا معنديش فلوس خالص .

الخدامة ” اتصرفي ..غير كدة أنا و كل إلِ بيشتغلوا فى القصر محتاجين فلوسنا .

_ بغضب ” ما تستنوا بقا على ما نشوف بابي و إلِ بيحصله .

الخدامة ” مليش دعوة محتاجة فلوسي ..أنا ليا ولاد و مش هستحمل الموضوع دة .

قفلت معاها الخط و أنا مش عارفة المشاكل دي كلها بتتراكم عليا لية ؟؟ هو أنا عملت كل حاجة غلط فى حياتي بس أكيد مش هتعاقب بالطريقة دي..

شهاب “بتساؤل” هو فى أية ؟

موني : مشاكل ..

شهاب : باباكي كويس ؟

موني : بابا فى العمليات و الخدم عايز فلوس و الشركة وقفت و حياتي باظت حتى صحابي باعوني أكيد أنا فى حلم .

شهاب : هتعملي أية ؟

موني ” بلامبالاة ” هروح أقعد عند أي واحدة صحبيتي ..هنتحر !! مش عارفة. 

شهاب : تنتحري !.

موني “بصوت عالي ” أومال أعمل أية ؟؟ أتجوزك عشان أحل كل حاجة ؟؟ و مستوايا الأجتماعي .

شهاب : هامك مستواكي الأجتماعي أكتر من باباكي .

موني : لا رد ..

شهاب : ردي .

موني : موافقة عليك ..أدفع كل حاجة و خلص كل حاجة و أنا موافقة .

شهاب : هو أنا لعبة فى إيدك .

موني : على فكرة أنتَ ليك الشرف أنك هتتجوزني ؟!

شهاب : على فكرة أنا إلِ هنقذك ..

موني : و أنا إلِ هعلي مكانتك من فلاح لل high level …ليفل عالي …يعني بدال ما هتبقى ابن الريف هتبقى فى ليفل عالي .

شهاب : أنا فخور أني ابن الريف و أنتِ دلوقتي إلِ محتاجاني مش أنا ..بس بخلاف دة كله موافق ..موافق عشان أعرف أربيكِ .

موني : موني الهواري محدش يبقى لية سلطة عليها .

 شهاب ” و شهاب الجندي هيعلمك الأدب عشان محتاجاه .

__________________________

عند معاذ .

كان قاعد فى النص بين خالته و مامته و بيحاول يصالحهم .

معاذ : يا جماعة الصلح خير …يا جدعان .

خالته : هى إلِ غلطت و لازم تسمع كلام خالتك .

أمه : خالتك إلِ غلطت و لا تسمع كلامها .

عائشة : يا ماما يا حبيبتي مينفعش كدة !

خالته : بت أخرسي .

معاذ : يا جدعان عايز أتجوز البت ..البت خللت من الخطوبة .

أمه : اة ..ما أنتَ تتجوزها و تحب فيها و ترضي خالتك و فى الآخر تسيب أمك …أمك إلِ ربنتك و حملتك ٩ شهور فى بطنها .أمك .

معاذ ” بملل ” خلصتِ دراما .

أمه : أنا بعمل دراما .

عائشة : لا يا خالتي و الله هو ميقصدش، هو فى أحلى منك .

أمه ” بإستفزاز ” حبيبتي طالعالي .

خالته : قصدك أني وحشة .

أمه : حد قال كدة !!

خالته : مفيش جواز .

معاذ : يا خالتي عايز أتجوزها .

خالته : لا يعني لا ..أمك ..

معاذ : بس …..خلاص …أسطوانة كل يوم؟! أمك ؟؟ و خالتك، أعمل فيكوا أية؟؟

خالته : ما هى لو تبقى كويسة و كدة و متعملش مشاكل هيبقى حلو ..بس أمك بتحب المشاكل .

أمه : مين إلِ بيحب المشاكل ..دا أنتِ عقربة..فاكرة يوم ما زقتيني و أنا عندي سنتين .

معاذ : لا مفترية…ملكيش حق يا خالتي بتزوقيها ليه .

خالته : ما هو يرضيك تعضني .

معاذ : غلطانة يا حجة …بتعضيها لية ؟

عائشة: أنتو بتقولوا أية ؟؟ أنتوا فاكرين مين ضرب مين لما كنتوا سنتين .

معاذ بص ل عائشة و هو بيحاول يهرب منهم و نجح فى كدة…طلع البكونة و وقف مع عائشة .

معاذ : معلش بقا على الحاجات المتخلفة دي .

عائشة : عادي بقا متعودين .

معاذ : بحبك أوي يا عائش .

عائشة “بخجل” و أنا كمان بحبك أوي .

معاذ ” بحب ” بصي يا عائش مها يحصل ما بينهم احنا ملناش علاقة ..احنا اتفقنا نتجوز عشان بنحب بعض ..و خناقات أمي و خالتي حاجة عادية يعني .

عائشة : عادي.

معاذ : أحلى حاجة أنك عارفة .

تليفون معاذ رن 

= الو .

_ حضرتك تعرف شهاب الجندي .

= بإستغراب : أيوة ..

_ تعالى مستشفى ****** شهاب عمل حادثة .

= أية ؟؟