Uncategorized
رواية قلبي ليس بيدي الفصل الرابع 4 بقلم حسناء رمضان
رواية قلبي ليس بيدي الفصل الرابع 4 بقلم حسناء رمضان
 |
| رواية قلبي ليس بيدي الفصل الرابع 4 بقلم حسناء رمضان |
رواية قلبي ليس بيدي الفصل الرابع 4 بقلم حسناء رمضان
صباااح جديد…
صحيت لقيت الساعه ٩.. اتوضيت وصليت ونزلت..
جاكي: صباح الخير
فيزو: صباح النور… نمتي كويس!
جاكي: ااه الحمد لله..
امال فين بابا؟..
فيزو: مع عمك بره..
جاكي: ماشي تمام..
طلعت لقيته واقف مع عمو احمد..
جاكي: بابا؟..
بابا: تعالي ياجاكي..
جاكي: لا عايزه حضرتك دقيقه بس..
ساب عمو احمد وجه..
بابا: خير في اي!..
جاكي: كنت عايزه اشتري شوية لبس عشان الجامعه…
بابا: ودا وقته؟..
جاكي: ليه؟..
بابا: بعدين بعدين..
“سابني ومشي من غير ماافهم كالعاده”
دخلت وحضرنا الفطار… والكل اتجمع…
محمد: صباح الخيييير..
فيزو: صباح النور.. اقعد افطر يلا..
محمد: لا افطر اي.. دانا يدوب الحق..
عمو احمد: تلحق اي ع الصبح كدا!..
محمد: مشوار ع السريع كدا يابابا وراجع..
فيزو: مشاويرك كترت قوووي الايام دي.. ماتتلم شويه
محمد: لا حول ولا قوة الا بالله… دايما ظالميني كدا…انا الحق نفسي بدل ما اسمعلي كلمتين كمان… يلا سلام..
خرج واحنا كملنا فطار..
عمو احمد: الا قوليلي يانور..
نور: نعم ياعمو..
عمو احمد: جاك اخباره اي!.. مش ناوي ييجي بقاا ولا ايه!..
نور: كويس الحمد لله.. هو كلمني امبارح وقالي انه جاي قريب..
عمو احمد: ع خير ان شاء الله..
بابا: عملت اي ياحمد ف الموضوع؟..
عمو احمد: “بتوتر”… والله مش عارف اقولك اي!..
بابا: اترفض!..
عمو احمد: للاسف.. حاولت كتير والله ومعرفتش..
بابا: كتر خيرك ع كدا..
فيزو: في حاجه ولا اي!!..
عمو احمد: لا لا مفيش… انا طالع الجنينه وخلي عطيات تجيب الشاي بره..
“خرج وبابا خرج وراه”…
خلصنا وانا طلعت اوضتي..
” اووف بقاا اي الملل دا.. هو كل يوم هيعدي كدا؟.. “
طلّعت موبايلي وقعدت اقلّب فيه.. وفجأه شوفت المسدج اللي جاتلي وانا مع محمد ف العربيه..
…..
شهد بنت عمي:” جاكي ازيك عامله ايه.. يعني مش باينين كدا.. انتوا فين!… هو باباكي طردك عشان اكلك ولا ايه????????… لا قوليله خلاص وشهد هتعلمني…
بس تعرفي!.. اللي يشوفك ويشوف شكلك، ميقولش انك فاشله كدا.. فاكره لما باباكي ضربك بالقلم قدام الناس ف الشارع عشان كلمتيني بطريقه وحشه!… معلش والله هو اكيد مكنش يقصد يعني.. وبعدين مانتي عارفه هو بيحبني قد اي????… يلا اسيبك بقاا عشان ورايا اكل????… جووود باااي”
“دموعي نزلت وانا بقرأ المسدج دي…بس الحق مش عليكي.. الحق ع بابا.. بابا هو اللي كسرني كدا قدامكوا”..
قفلت الفون وقومت اتوضيت وصليت….ونزلت اشوف البنات فين..
جاكي: امال فين البنات؟..
عطيات: في الجنينه ياهانم..
جاكي: اه ماشي شكرا.. بس ممكن بلاش هانم دي!..
عطيات: ليه ياهانم!..
جاكي: قوليلي جاكي عادي زيهم
عطيات: لا مينفعش ياهانم..
جاكي: لا ياست ينفع.. قولي جاكي وانا كمان هقولك عطعوط بعد كدا..
عطيات: “بضحك”.. عطعوط!.. اي عطعوط دي يابنتي!..
جاكي: لا اصلا هو لايق عليكي.. المهم مسمعش كلمة هانم دي تاني.. ماشي!
عطيات: ماشي..
سيبتها وطلعت للبنات..
جاكي: هاي يابناات..
هند: اخيرا نزلتي.. انتي عامله اعتكاف فوق ولا اي!..
جاكي: ياسلام ياختي… ع اساس انكوا قاعدين تعملوا حاجه مفيده.. مانتوا قاعدين ترغوا اهو..
سما: طب تعالوا نلعب..
نور: اه يلا وكدا كدا محمد مش هنا.. يعني محدش هيرخم علينا…
جاكي: اوكيه.. هنلعب اي..
هند: امممم.. تعالوا نلعب افلام..
جاكي: يعني اي!..
سما: يعني نقول حاجات عن الفيلم دا وتحاولي تعرفيه..
جاكي: ااه فهمت.. يلا
ـ من امتى بتلعبوا من غيري؟؟..
“بصينا كلنا.. لقيت شاب طويل عريض مفتول العضلات كدا، بس قمر..اي العيله اللي كلها ناس قمر دي!.. وكلهم جروا عليه..
هند: جااااك!!!!… لا مستحيل..
نور: وهي حاضناه وبتعيط:.. وحشتني قوووي.. اخرت كدا ليه!..
جاك: معلش غصب عني والله…
“سلموا ع بعض وانا واقفه اتفرج من بعيد”
بصلي وميل ع نور”..
جاك: امال مين القمر دا!..
نور: اه دي جاكي.. نسيت اعرفك..
جاكي دا جاك اخويا..
جاك: جاكي؟؟؟؟؟!؟!… دا اللي هو ازاي!!..
هند: ايوا ايوا ماحنا بردو خدنا الصدمه دي… انتوا الاتنين عندكوا نفس الاسم…
جاك: انتوا بتهزروا!!..
جاكي: في اعتراض ولا حاجه!؟
جاك: لا ابدا.. انا بس مستغرب من التشابه..
نور: طب يلا عشان تسلم ع فيزو..
“دخلوا وانا قعدت مكاني العب ف فوني”
……….
جاك: فيزووووو..
فيروز: “بفرحه”.. جاك!!…
“وجرت عليه حضنته”.. مش تقول انك جاي..
جاك: اي مينفعش اعملكوا مفاجأه يعني!..
سما: لا ينفع.. دي احلى مفاجأه اصلا..
جاك: امال فين عمي!..
فيزوو: عمك مشي ع الشغل..
تعالي اقعد بس، انت اكيد تعبان من السفر…
“قعد وفضلوا يضحكوا ويهزروا وسمعت صوت ضحكهم من بره”
……
ـ بخخخخخخ…
لفيت بخضه..
ـ جاكي: بخخ ف عينك.. انت تاني!!…
محمد: ماهو انا بصراحه كدا مش هرتاح غير لما ارجّع حقي..
جاكي: ورجعته!!..
محمد: لا طبعا لسه… انتي لسه شوفتي حاجه!!..
المهم قاعده لوحدك ليه!..
جاكي: وانت مالك!..
محمد: اي الدبش دا!!..
جاكي: المهم فكك مني وادخل شوف عندكوا ضيوف..
محمد: ضيوف مين!
جاكي: معرفش
محمد: ماشي.. هشوف مين واجيلك تاني..
جاكي: لا متجيش
محمد:”بصلي بقرف”.. دبش دبش يعني…
“سابني ودخل”
………
محمد: جاااك!!!!… اي المفاجأة دي!..
جري عليه وحضنوا بعض…
محمد: اي الغيبه دي ياراجل!.. دانا قولت نسيتنا ع كدا..
جاك: لا طبعا مقدرش.. وبعدين هو انت مش هتبطل سرمحه بقااا… ع طول بره كدا..
محمد: لا اله الا الله.. حتى انت!!.. يعم والله دانا بقيت محترم جدا ومليش في الحاجات دي..
جاك: مين دا اللي محترم!… انت!.. يابا دانت اخر واحد ف الدنيا ممكن يمشي عدل..
محمد: طب فكك مني بقااا وتعالى احكيلي كل حاجه بالتفصيل..
جاك: لا لا مش دلوقتي.. انا جاي ميت.. يادوب اطلع انام شويه..
محمد: اشطا ماشي.. بس لينا قاعده..
جاك: اكيد.. هنروح من بعض فين..
فيزو: تعالى ياحبيبي اما اطلعك اوضتك..
وانتوا يابنات.. يلا ع المطبخ مع عطيات عشان تعملوا غدا لاخوكوا..
“طلعوا والبنات راحوا المطبخ “
…….
محمد: لسه قاعده مكانك!
جاكي: المفروض اروح فين يعني…
محمد: مدخلتيش ليه معانا جوا..
جاكي: ادخل لي!
محمد:اي اللي تدخلي لي..ادخلي اقعدي معانا
جاكي: انتوا عيله ف بعض.. اتدخل بينكوا ليه!..
محمد: اي اللي بتقوليه دا.. انتي بقيتي واحده مننا..
جاكي: بامارة اي!
محمد: بامارة انك قاعده معانا وبتهزري وبتضحكي وبتخرجي معانا كمان..
جاكي: انا مجرد ضيفه هناا..
محمد: لا مش ضيفه.. باباكي صاحب بابا واكتر من اخوات.. وانتي اتعودتي علينا وبقيتي مننا
جاكي: لا مينفعش اتعود عليكوا لان كلها شويه وماشيين.. اكيد مش هنقعد عندكوا العمر كله يعني..
محمد: مش هتمشوا..
جاكي: نعم؟
محمد: قصدي يعني اي اللي يخليكوا تمشوا.. انتوا مش مرتاحين هنا يعني!!..
جاكي: مش حكاية راحه.. مينفعش نقعد عند الناس وخلاص… لازم يكون في اسباب… وكمان مينفعش المده تطول.. انا اصلا معرفش احنا هنا ليه.. انا لو عليا امشي دلوقتي حالا..
محمد: “بزعل”.. للدرجادي مش حَبانا..
جاكي: لا والله مش حكايه حب… “اتنهدت”.. ف الاخر مسير كل واحد يروح بيته..
محمد: لو انا السبب فانا اسف.. مش هتكلم معاكي تاني لو عايزه..
جاكي: قولتلك قبل كدا ان مش انت السبب..
محمد: امال اي السبب!!… هاا.. اي السبب!!.. اصلا مفيش اسباب تخليكي تمشي.. طلاما مرتاحه معانا ومعتبرانا اخواتك واصحابك وجامعتك هنا، يبقاا فين السبب!..
جاكي: طب خلاص قفّل ع الموضوع داا..
محمد: ع فكره انا انتظمت جدا ف الصلاه.. من يوم ماكلمتك ف الفون وانا مسبتش فرض واحد… وبعمل كل اللي قولتي عليه.. وكمان قطعت علاقتي بصحابي اللي مش كويسين.. دا غير اني حرفيا بقيت حد تاني وانا نفسي حاسس بدا جداا… اقسم بالله ياجاكي بقيت حد تاني…
“كنت بصاله بامتنان وفرحه كبيره”
محمد: كنت عايز اطلب منك طلب..
جاكي: اي!..
محمد: ممكن تحفظيني قرآن!
جاكي: “بصدمه” هاا… انت بتتكلم بجد!..
محمد: ايوا.. بس مكنتش عارف اقولك..
جاكي: ومين قالك اني حافظه قرآن!..
محمد: انتي خاتمه القرآن ياجاكي
جاكي: عرفت منين!
محمد: مش مهم عرفت منين.. المهم اني عايز.. انا مصدقت حد فهمني وفهم انا محتاج اي..
عارفه!.. محدش فيهم مره قالي صلي.. لما كنت بقعد كدا، كانوا بيقولوا قوم اعمل حاجه مفيده، قوم ذاكر.. بس مفيش مره حد قالي قوم صلي..
جاكي: عمرك ماصليت خالص!.
محمد: “بشرود”.. كنت بصلي زمان.. مع ماما.. كانت منتظمه ف الصلاه.. مكنش في زيها.. هي اللي علمتني الصلاه، وانتظمت معاها..وكنت شخص تاني..الكل بيحلف باخلاقه.. بس من وقت ماماتت وانا معرفتش ارجع.. معرفتش ارجع نفس الشخص..
“عيونه دمعت”..
جاكي: ربنا يرحمها..
محمد: هتساعديني!..
جاكي: هساعدك… بس هتنتظم
محمد: اكيد… اكيد هنتظم… بس ياريت بقاا تنسي حوار انك تمشي دا..
جاكي: ماشي..
محمد: ع فكره انتي قولتيلي لو انتظمت ف الصلاه، هجيبلك حاجه حلوه.. فين!
جاكي: هي اي!..
محمد: الحاجه الحلوه..
جاكي: احم.. نسيت..
محمد: هعدي المرادي.. بس مش هعدي المره الجايه..
جاكي: خلاص اشطا يعم.. ليك عندي كل اسبوع هتنتظم فيه، حاجه حلوه..
محمد: اشطا..
جاكي: صحيح.. هي مامت نور فين!.. وباباها كمان مشوفتوش..
محمد: اممم… دا موضوع يطول شرحه بس تمام.. بصي ياستي.. نور باباها ومامتها انفصلوا من وهي صغيره…. وجاك بيسافر عند باباه ف اميركا وييجي عشان شغله هناك.. ومامته قاعده معانا هنا.. بس هي حاليا مسافره عند اهلها ولسه مرجعتش.. فهمتي..
جاكي: اهااا فهمت.. طب ونور مش بتسافر تشوف باباها!..
محمد: لا هو كان بييجي هنا مره كل سنه او سنتين عشان شغله.. غير كدا بيتكلموا فيديو كوول لو حبت تشوفه يعني..
جاكي: اهاا تمام…
“بصِلي”
محمد: ممكن اسالك سؤال!!..
جاكي: اه اتفضل
محمد: هو مين سمّاكي جاكي..
جاكي: غالبا بابا.. بس ليه!..
محمد: انتي مش شايفه تشابه اسمك مع جاك!.. دا تقريبا نفس الاسم..
جاكي: ااه خدت بالي..
محمد: عندي سؤال تاني معلش..
جاكي: ارغي..
محمد: هو انتي ليه زعلتي لما كنا ع التراس وانا سالتك ع مامتك!
جاكي: اححم.. لا مزعلتش
محمد: لا زعلتي.. وزعلتي جامد كمان.. واليوم اللي بعديه نزلتي متأخر ومفطرتيش معانا.. ونزلتي قولتي كلمتين وطلعتي ع طول.. وكمان كنتي واقفه ف البلاكونه وانا شاورتلك من تحت وانتي اخدتي وقت لحد ماشاورتيلي..
جاكي: بس بس اي كل دا؟..
محمد: طب زعلتي لي بقاا!..
جاكي: ممكن تقفل الموضوع دا؟..
محمد: انا اسف.. مكنش قصدي وقتها اتدخل ف حاجه خاصه.. السؤال جه بعفويه كدا والله مش اكتر..
جاكي: عارفه.. المهم فكك من الحوار دا..
صحيح حد عرف موضوع الخناقه!
محمد: خناقة اي!..
جاكي: لما اتخانقت واحنا بنقدِم..
محمد: اااه افتكرت.. لما اتعصبت عليكي..
جاكي: ايون ايون.. لما اتعصبت عليا قدام الناس..
محمد: ماخلاص يعم بقاا قولنا مكناش نقصد وبعدين اصلا انتي كنتي غلطانه..
جاكي: كمان انا اللي الغلطانه!..
محمد: ايواا.. انا قولتلك متنزليش من العربيه، ونزلتي واديكي شوفتي اللي حصل..
جاكي: وانا يعني اللي كنت قولتلهم يبصولي كدا..ولّا كنت قولت للواد دا ييجي يكلمني!!!!..
محمد: لا بس انا كنت عارف ان كل دا هيحصل..
جاكي: عارف ازاي!..
محمد: انتي مُلفِته جدا للنظر.. ومش معقول الشباب هتشوف واحده بالحلاوه دي ومش هيبصوا..فَكُنت عارف ان دا هيحصل وكنت حاسس اني هتخانق.. يابنتي دا حتى البنات كانت بتبص.. لدرجة اني سمعت واحده بتقول للتانيه ‘الله شوفي المزه دي’… البنات بتقول كدا.. مابالك بالولاد بقاا
جاكي: اي يعم كل دا؟.. مش للدرجادي.. هو كان حد قالك اني الاميره ديانا..
محمد: احلى والله..
جاكي: هاا..
محمد: اا قصدي كنتي بتسألي لي ع الخناقه يعني!!..
جاكي: اصل كنت خايفه وقتها لتقول لحد وبابا يعرف..
محمد: واي المشكله..
جاكي: بابا مكنش هيعدي الموضوع كدا وكان هيتعصب عليا جامد.. خاصة اني مكملتش كام يوم هنا..
محمد: لا ياستي متقلقيش محدش عرف.. ومحدش هيعرف..
جاكي: ثانكس مااان.. يلا بقاا انا همشي عشان اشوف البنات بيعملوا اي…
محمد:”بقرف” هادمَة اللذات.. ماتخليكي قاعده هما يعني بيخترعوا الذره جواا؟!..
جاكي: يابا احنا بقالنا اكتر من ساعتين بنتكلم… اي مشبعتش رغي!!..
محمد: لا اصل الكلام معاكي حلو… دا غير اني محستش بالوقت اصلا..
جاكي: طب يلا سلام..
محمد: “اتنهد” سلام..
“سيبته ودخلت لقيت البنات بيطبخوا “..
جاكي: هاا ياقمراات بتعملوا اي!..
هند: كنتي فين كل دا!..
جاكي: كنت ف الجنينه..
سما: اه كانت مع محمد ف الجنينه.. بس اي دا كله!.. بقالكوا اكتر من ساعتين بترغوا.. هي غمزت ولا اي يقمر ” راحت غمزتلي”..
هند: الله الله.. انتي كل دا قاعده مع محمد!… وبعدين غريبه يعني، محمد مبيقعدش هادي ف اي مكان.. لازم يعمل دوشه… وانا مسمعتش صوته خالص.. دي شكلها غمزت بجد بقاا “بضحك”..
جاكي: اي حيلك حيلك انتي وهي.. مش للدرجادي.. هنكون بنتكلم ف اي يعني.. اهو كلام عادي وخلاص.. وبعدين محمد زي اخويا مش اكتر…
نور: طب تعالي بقااا لفي ورق العنب دا عشان انتي بتلفيه حلو واحكيلنا بقااا كنتوا بترغوا ف اي!!
جاكي: ااه انتوا مصدقتوا لقيتوا موضوع ترغوا فيه وهتقعدوا تحفلوا عليا..
هند: مش ملاحظين يابنات ان محمد اتغير عن الاول فعلا!!… حتى مبقاش يقول الالفاظ اللي كان بيقولها ف الاول.. ومبقاش يسهر بره مع صحابه.. حتي طول ماهو هنا مبيتكلمش ف الفون كتير..
نور:” بصتلي وضحكت”.. تاااب ياهند.. تاااب…اصل بعيد عنك كدا القلب اعمى.. واللي بيحب بيعمل اي حاجه..
جاكي: وهو محمد بيحب!!..
سما: جايز..
جاكي: طب خلاص سيبوا الواد ف حاله وركزوا ف اللي بتعملوه…
هند “بغمزه”: ماشي ياعم هنسيبه ف حاله..
جاكي: مجانين والله…
ـ بتعملوا اي يابنات!..
“بصينا كلنا وطلع جاك”
نور: بنعمل الغدا..
هند: انت اي اللي صحّاك دلوقتي!.. مش قولت تعبان..
جاك: نمت شويه وصحيت.. وبعدين مش عارف انام ف الاوضه دي.. “راح بصلي”.. متعود ع اوضتي..
سما: معلش بقاا اوضتك قاعده فيها جاكي.. وبعدين مفرقتش كتير يعني..
جاكي: لا انا ممكن انقل حاجتي وهو يرجع اوضته..
جاك: لا لا مش قصدي خالص.. انا جاوبت ع سؤالهم بس..
جاكي: لا مش مضطر تقعد ف مكان مش مرتاح فيه طلاما اوضتك موجوده… انا مكنتش اعرف انها اوضتك اصلا.. هطلع انقل حاجتي و….
جاك: بس بس.. اي كل دا؟.. قولتلك مش مستاهله… خليكي زي مانتي.. دانتي تنوريها والله..
جاكي: احم شكرا..
هند: عاملين شوية اكل، هتاكل صوابعك وراهم.
جاك: ايوا بالله عليكوا دانا ميت من الجوع اصلا..
هند: احنا خلاص قربنا نخلص..
جاكي: خدي انا خلصت دا… انا هطلع فوق بقاا…
هند: اي دا لي!.. خليكي معانا.. وبعدين الاكل خلاص هيستوي وهنقعد ناكل..
جاكي: معلش محتاجه اطلع فوق شويه..
عن اذنكم..
” كنت طالعه ع السلم وسمعته بيقولهم..
جاك: هي مين القمر دي !..
هند: دي بنت عمو مصطفي صاحب بابا.. وقاعدين عندنا شويه…
جاك: اخيرا الوحد رِجع ع حاجه حلوه ف البيت…
سما: اي دا يعني احنا مش حلوين يعني!!…
جاك: لا ياقمر طبعا حلوين… بس دي غير..
“سمعت اللي قاله… قمر ف عينك.. اما انت مهزء بصحيح.. هو انت يعني عشان قموور حبتين هسيبك تتغزل فيا كدا!!.. دانتوا عيله تشل والله”..
طلعت اوضتي وقفلت ع نفسي وقعدت ع السرير..” ياربي بقاا.. هو كل يوم هييجي حد جديد.. انا حاسه اني تقيله هنا.. عيب نقعد عند الناس كل دا.. اووف بقاا”
“قعدت اكلم صحابي وعدا شوية وقت ونادوا عليا عشان الغدا.. فنزلت”
فيزو: يلا ياجاكي اقعدي..
جاكي: هو بابا لسه مجاش!..
فيزو: لا لسه.. هيتأخروا عشان عندهم شغل كتير.. يلا اقعدي
.. قعدت جنب نور وكنت ف قمة احراجي والله…
فيزو: وناوي تقعد معانا قد اي ياجاك؟..
جاك: اي دا.. انتوا لحقتوا زهقتوا مني!..
فيزو: هو حد يزهق من القمر دا بردو!.. بس انا مش عايزاك تسافر تاني.. كفايه كدا واقعد معانا..
جاك: واسيب الشغل لمين!.. مانتي عارفه ان انا اللي ماسك كل حاجه…
نور: ايوا بس تقدر تنقل شغلك هنا زي زمان وتبقى وسطينا.. والنبي ياجاك بلاش تمشي..
جاك: الموضوع مش بالسهوله دي… دي حوارات كبيره جدا.. بس متقلقوش هقعد معاكوا فتره كويسه عشان في شغل مهم هعمله هنا..
نور: “بحزن”.. يعني انت اصلا جاي عشان الشغل مش عشاني..
جاك: لا طبعا.. اي اللي بتقوليه دا.. انا كنت جاي من قبل مااعرف ان في شغل هنا.. وبالصدفه عرفت وانا جاي.. فقولت كويس عشان اقعد معاكوا فتره كبيره..
محمد: بس اي الحلاوه دي يعم… انت اتجوزت من ورانا ولا اي..
جاك: يعم اتلهي.. اتجوز اي بس..
فيزو: ومتتجوزش ليه يعني!… دانت قمر والف واحده تتمناك..
جاك:”بابتسامة”.. خلاص اتجوزيني انتي..
فيزو: ياريت ينفع.. هو حد يطول يتجوز القمر داا..
نور: لا بجد ياجاك.. مش ناوي ولا اي!
جاك: في اي انتي وهي!.. من امتى وانتوا بتتكلموا ف حوار الجواز دا؟..
هند: يعم عايزين نفرح بيك..
جاك: عندك عروسه!..
هند: عندي..وافق انت بس
جاك: حلوه!
هند: قمر مش حلوه بس..
جاك: لا بردو..
نور: اه تلاقيك انت مركز ع حد كدا مانا عارفاك..
جاك: انا بتاع الكلام دا بردو..
نور: يعني مفيش حب كدا ولا كدا!..
جاك: “بَصِلي”.. يمكن..
فيزو: ااه.. ياريت يابني والله..
جاك: ياريت اي!..
فيزو: لا ولا حاجه.. كمل اكلك
جاكي: عن اذنكوا..
محمد: ع فين!..
جاكي: كلت
محمد: كلتي اي.. الاكل زي ماهو..
فيزو: فعلا ياجي الاكل زي ماهو.. اقعدي كملي اكلك يابنتي..
جاك: يمكن مكسوفه مني..
جاكي: لا مش مكسوفه ولا حاجه.. انا شبعت الحمد لله.. عن اذنكم..
” سيبتهم وطلعت”
….
محمد: هو اي موضوع جي دا!..
فيزو: بندلعها.. مالك انت!!.
جاك: انتوا خدتوا ع بعض لدرجة انكوا بتدلعوها!
فيزو: ااه دي بنت طيبه وعسوله خالص..
نور: فعلا دي جميله قووي وتحسها جدعه كدا.. انا والله حبيتها من اول ماشوفتها..
جاك: واضح فعلا..
محمد: واضح اي!..
جاك: لا ولا حاجه..
فيزو: بطلوا كلام وكملوا اكل بقاا..
……….
“قعدت ف اوضتي مش عارفه اعمل اي ف الملل دا.. يعني هو انا كنت بعرف اتحرك وهما موجودين عشان اعرف اتحرك والأخ دا كمان هنا!.. اوووف”
قومت اخدت شاور وطلعت شغلت اغاني وقعدت ارسم..
جتلي مسدج..
محمد: جاكي..
جاكي: نعم..
محمد: تحبي تتمشي معايا!..
“اي دا عرفت منين اني قاعده زهقانه.. بالله انت عيل عسل والله.. بس.. بس بابا.. لو عرف!”
جاكي: طب وبابا؟!..
محمد: ماله؟
جاكي: هيتخانق فيا لو عرف اني خرجت من غير اذنه..
محمد: لا متقلقيش.. انا هستأذن من فيزو وبالمره لو كانت محتاجه حاجه نبقاا نشتريها عشان يبقاا لينا حِجه..
جاكي: متأكد!
محمد: متقلقيش.. بس البسي وانزلي بسرعه قبل ماييجوا.. وااه صح.. متقوليش لحد من البنات عشان ميقولوش اشمعنى..
جاكي: اشطا..
“قومت غيرت هدومي ولبست اي دريس مفتوح وتحتيه بنطلون وشوز اسود وطرحه سودا وحطيت روج خفيف كدا”
نزلت.. لقيته واقف مع فيزو..
جاكي: احم..
محمد: اخيرا.. ماشي يافيزو زي ماتفقنا…
فيزو: ماشي خدوا الورقه دي وهاتوا الطلبات اللي فيها ومتتأخروش ولو ابوك رجع هقوله انا اللي بعتهم..
محمد: اي كل الحاجات دي!! هو استغلال ولا اي!
فيزو: كدا كدا كنت هقولك روح هاتهم من غير ماتتكلم.. يبقااا تجيبهم بالمره بما انكوا خارجين..
محمد: ماشي يلا سلام..
خرجنا واتمشينا طول الطريق..
محمد: هتفضلي ساكته كدا!..
جاكي: اقول اي!..
محمد: اي حاجه..
جاكي: معنديش حاجه اقولها..
محمد: ممكن اسالك سؤال!
جاكي: ولو قولتلك لا مش هتسال؟!!.
محمد: “بابتسامة”.. لا هسأل بردو..
جاكي: يبقا تسأل ع طول من غير مقدمات ملهاش لازمه..
محمد: ليه مبتاكليش!..
جاكي: هااا؟
محمد: هاا اي!.. ليه مبتاكليش معانا!..
جاكي: امال باكل عند مين!..
محمد: قصدي بتقعدي وتقومي ع طول.. مش بتاكلي حاجه.. الاكل مش بيعجبك ولّا بتبقي مكسوفه!
جاكي: لا دا ولا دا… انا اكلي كدا..
محمد: دا ملوش علاقه بإنك بتاكلي كتير او قليل.. لانك مش بتاكلي اصلا..
جاكي: وانت مركِز ف اكلي لي!..
محمد: لا مش حكاية مركز.. بس لفت نظري انك بتقومي بسرعه.. دا غير انك طول ماحنا قاعدين بتفضلي باصه ف طبقك ودا يدل ع انك مكسوفه..
جاكي: دا ان دل، يدل ع انك مركز معايا جامد..
محمد: اعتبريه فضول مثلا..
جاكي: طبيعي ابقاا كدا لاني مش في بيتي..
محمد: بردو!!!
جاكي: يابن الناس انا ضيفه عندكوا.. ودي حقيقه مفروغ منها.. اوكي بعتبركوا اخواتي وكل حاجه بس ف الاول والاخر انا هفضل ضيفه…
محمد: اخواتك!
جاكي: احم مش قصدي.. عارفه انكوا مش اخواتي بس انا بعتبركوا كدا يعني…
محمد: لا لا مش قصدي كدا خالص.. هو احنا نطول!..
جاكي: امال تقصد اي!
محمد: “بصلي شويه”.. لا لا مفيش..
سكتنا شويه..
جاكي: هو جاك بيشتغل اي!
“ملامحه اتغيرت”
محمد: بتسألي عليه ليه!
جاكي: فضول مثلا..
محمد:”بضيق”.. ااه.. جاك عنده شركات ف اميركا.. يعني شاب كويس ومحترم وناجح ف حياته ووسيم ومحبوب كمان.. يعني كامل..
جاكي: انا مالي بكل دا؟.. انا سألت بيشتغل اي بس..
محمد: “بزعل” يمكن يهمك ف حاجه..
جاكي: هيهمني ف اي يعني دانا اول مره اشوفه.. دا غير اني مش مستلطفاه اصلا..
محمد: “بفرحه”.. بجد!!!!
“بصيتله باستغراب”..
محمد: اا قصدي يعني لي!..
جاكي: مش عارفه.. حساه غريب كدا.. يعني مثلا انت اول ماشوفتك كنت مرتاحه عادي.. حتى انا اصلا كلامي ف العادي قليل جدا ومع ذلك بقيت بتكلم معاك كتير.. ودا لاني مستلطفاك… اما هو مرتاحتلوش.. وف الاول والاخر انا مليش دعوه بيه اصلا..
“حسيت بفرحه غير مفهومه ف عنيه”..
محمد: دا بجد!..
جاكي: ايوا مستغرب ليه!
محمد: لا اصل مفيش حد مبيحبش جاك..
جاكي: لا مش حوار مش بحبه.. هو ف حاله وانا ف حالي.. دا غير اني اصلا مُحرجه منه..
محمد: ليه!
جاكي: اكتشفت ان الاوضه اللي انا قاعده فيها دي بتاعته..
1. محمد: ااه فعلا بتاعته.. بس اي المشكله.. هي اصلا مقفوله من زمان لانه مش موجود..
جاكي: بس دلوقتي موجود.. وهو اولى بيها.. وهو بنفسه قال مش بيرتاح غير ف اوضته..
محمد: خلاص.. تعالي اوضتي..
جاكي: نعم؟؟؟؟!!!..
محمد: قصدي يعني انا انقل ف اوضه تانيه وانتي اقعدي ف اوضتي..
جاكي: ااه..لا خلاص.. ماهو قالي مش مستاهله انقل حاجه..
محمد: انتوا لحقتوا اتكلمتوا!..
جاكي: لا متكلمناش.. هو كان بيكلم البنات وانا كنت واقفه فرديت عليه…
محمد: “بتنهيد” ااه تمام
“وصلنا السوبر ماركت ودخلنا نشتري الطلبات”
………..
ف الڤيلا….
جاك: فيزو امال فين محمد..
فيروز: محمد خرج مع جاكي..
جاك: اي!!.. خرجوا لي!
فيروز: راحوا يشتروا شوية طلبات..
جاك: ومفيش غير جاكي اللي تروح يعني!..
فيروز: واي المشكله!
جاك: لا يعني قصدي انها ضيفه ومينفعش نخليها تخرج تجيب طلبات..
فيروز: لا متقلقش.. خرجت بمزاجها..
جاك: اممم.. ماشي.. طب وفين البنات..
فيروز: هتلاقيهم ف الجنينه..
جاك: ماشي.
“فجأه بابا وعمو احمد وصلوا”..
عمو احمد: اهلا اهلا بحبيب قلبي اللي واحشني..
جاك مشي عليه وحضنه..
جاك: انت اللي واحشني والله ياعمي… عامل اي..
عمو احمد: الحمد لله بخير طول مانت بخير يابني… جيت امتى!..
جاك: لسه واصل النهارده..
عمو احمد: طب مقولتش لي عشان نستناك ف المطار؟..
جاك: محبتش اتعبكوا وكمان قولت اخليها مفاجأه…
عمو احمد: حمدلله ع سلامتك.. سلم ع عمك مصطفي..
جاك: ازاي حضرتك ياعمي!
بابا: الحمد لله يابني بخير.. كبرت قووي ياجاك.. انت اكيد مش فاكرني..
جاك: لا والله مش واخد بالي..
بابا: دانت مكنتش بتسيبني وانت صغير..
جاك: اي دا بجد!..
“قعدوا يدردشوا”
…………
ف السوبر ماركت
محمد: اتفضلي
جاكي: اي دا!..
محمد: نوتيلا..
جاكي: ايوا عارفه.. بس دا مش مكتوب ف الورقه..
محمد: لا دا ليكي..
جاكي: تاني!!
محمد: مش فاهم اي المشكله!
جاكي: رجعها مكانها ويلا عشان نمشي..
محمد: مينفعش ارجعها..
جاكي: ليه؟
محمد: الراجل قالي اللي بياخد حاجه مش بيرجعها تاني.. ولو رجعها بيتضرب.. يرضيكي اتضرب!..
جاكي: بطّل استهبال يامحمد وحط الحاجه مكانها…
محمد: طب خديها عشان خاطري..
جاكي: يابني قولتلك قبل كدا مبحبش الشيكولاته.. بس هتفتكر ازاي.. مانت البنات واكلين دماغك..
محمد: هتصدقيني لو قولتلك قطعت علاقتي بكل البنات اللي اعرفهم!
جاكي: طب شطور… رجّعها بقاا ويلا عشان اتأخرنا..
محمد: ع فكره هزعل لو مخدتيهاش..
جاكي: محمد بلاش كدا والنبي.. فعلا مبحبش حد يجيبلي حاجه..
“بصلي بزعل”
محمد: ماشي..
جاكي: تعالى تعالي خلاص.. هي ناقصه قلبان وش.. هات وامري لله.. بس دي اخر مره بجد.. مفهوم..
محمد: “بابتسامة”.. مفهوم..
جاكي: يلا نحاسب بقاا..
حاسبنا وخدنا الطريق مشي…
كان هو شايل شنطتين وانا شنطتين..
محمد: عَنِك..
جاكي: لا لا خليهم..
محمد: تقيل عليكي..
جاكي: يعم اتنيل.. انت قادر تشيل اللي معاك..
مش عارفه اي لازمة العضلات دي.. ولّا دول نفخ ولا اي دنيتك!..
محمد: نفخ اي حرام عليكي.. دا تعبي وشقايا… انتي متعرفيش انا تعبت فيهم ازاي دول..
جاكي: والحمد لله ملهومش لازمه.. حتى الشنط مش قادر تشيلهم..
محمد: عيب عليكي دانا اشيل الشنط واشيلك معاهم كمان…
جاكي: هاهووو.. شيل نفسك الاول..
محمد: تعالي اوريكي..
جاكي: اي اي رايح فين!!… انت اتجننت ولا اي!..
محمد: بثبتلك اني اقدر..
جاكي: لا يعم متثبتش حاجه.. دانت عايز تودينا ف داهيه…
“سكتنا شويه”
محمد: طب قوليلي..
جاكي: اي تاني!..
محمد: بتحبي مين اكتر مغني..
جاكي: ملكش دعوه..
محمد: لا بجد..
جاكي: لا مش هقولك..
محمد: هزعل..
جاكي: ازعل..
محمد: “بزعل” ماشي..
جاكي: خلاص خلاص استنى.. مش عارفه انت قمووصه كدا ليه..
محمد: قموصه!..
جاكي: ايوا قموصه ونص كمان واياك تقول لا..
محمد: طب يلا قولي..
جاكي: لازم يعني!..
محمد: ايون لازم..
جاكي: “اتنهدت”.. عامر منيب..
محمد: ااه عشان كدا اندمجتي قووي ف العربيه مع الاغنيه بتاعته…
جاكي: ايووون مظبوط كدا..
محمد: اشطا..
جاكي: كنت عايز تعرف لي بقاا!..
محمد: ملكيش دعوه..
جاكي: بقاا كدا!
محمد: ايوااا
جاكي: طب والله انا غلطانه اني قولتلك ياوجه البرص انت..
“ضحِك بصوت عالي… طب بالله ضحكته حلوه المهزء دا… “
محمد: وجه اي!!…
جاكي: وجه برص..
محمد: اناا وجه برص!
جاكي: ايوون حتى شوف نفس الشنب اهوو..
محمد: بس انا مش فيا شنب ولا البرص فيه شنب..
جاكي: شوفت طلعتوا اخوات اهوو..
محمد: “بتناحه”..تصدقي اقنعتيني…
جاكي: ايون انا مش بقول حاجه غلط اصلا..
محمد: طب يلا ياختي وصلنا..
“وقفت مكاني وتنحت”
محمد: في اي!..
جاكي: “بخوف”.. بابا جوه..
محمد: واي المشكله!.. ماحنا عارفين هنعمل اي لو قفَش..
جاكي:” برعب”… هيزعقلي..
محمد: اهدي بس مالك خايفه كدا ليه!..
“كنت متبته فيه بخوف”
محمد: ممكن تهدي… متقلقيش انا معاكي.. مش هيقول حاجه..
“دخلنا وانا كنت مرعوبه”
عمو احمد: كنتوا فين!
محمد: كنا بنشتري طلبات لمرات عمي..
عمو احمد: وواخد جاكي معاك ليه!.. هتسندك ولّا هتوريك الطريق!…
“فيروز طلعت”
فيروز: انا اللي قولتلها تروح تجيبلي الطلبات دي عشان هي اللي هتعرف تنقيهم كويس وكمان قولت لمحمد يمشي معاها عشان يوريها الطريق ومتبقاش لوحدها..
عمو احمد: وفين باقي البنات!.. انتوا لازم تتعبوها معاكوا!…
فيزو: لا قولت تغير جو بدل حبستها ف الاوضه دي.. وهي معترضتش..
بابا: خلاص ياحمد محصلش حاجه وبعدين هي مش غريبه.. اي المشكله لما تساعدهم…
“بصينا لبعض انا ومحمد واحنا مصدومين من رد فعل بابا”
فيزو: يلا دخلوا الحاجات دي جوه المطبح.. “غمزتلنا”
دخلنا…
محمد: عمي متعصبش ولا قال حاجه.. امال انتي كنتي خايفه لي!..
جاكي: معرفش هو اي اللي حصل.. بابا بيتعصب لما بخرج من غير اذنه..
محمد: الحمد لله عدت ع خير وفيزو انقذتنا ف الوقت المناسب..
جاك دخل..
جاك: محمد عايزك..
محمد: خير..
جاك: تعالى معايا..
“خرجوا وانا حطيت الحاجات وطلعت اوضتي بسرعه”
اتوضيت وصليت وطلعت قعدت ف البلاكونه شويه.. عدا شوية وقت ونادوا عليا عشان العشااا..
“هو انتوا مفيش ف حياتكوا غير الاكل!.. كل ماطلع تنادوا عليا عشان الاكل!.. سيبوني شوووويه.. كله اكل اكل!”.. نزلت لقيت البنات بيحطوا الاكل ع السفره..
فيروز: جاكي يلا اقعدي..
قعدت والباقيين قعدوا.. ومحمد قعد قصادي وجنبه جاك.. “بصينا لبعض وابتسمنا ع اللي حصل النهارده وجاك لاحظ ولقيته بيبصلي بحِده”…
“اي دا ماله دا!.. بيبصلي كدا ليه!.. هي ناقصه رعب”
هند: بابا.. كنا محتاجين نخرج انا والبنات نجيب شوية حاجات كدا عشان الجامعه..
عمو احمد: هتروحوا امتى!
هند: بكرا مثلا..
عمو احمد: خلاص ماشي.. روحوا وخدوا جاكي معاكوا… وكمان محمد او جاك يروحوا معاكوا..
“بصيت لبابا عشان هو مكنش موافق”
جاكي: لا ياعمو انا هخرج بعدين..
عمو احمد: بعدين ليه؟.. انتي مش محتاجه حاجات للجامعه!
جاكي: محتاجه بس.. هما يخرجوا براحتهم وانا هخرج مع بابا بعدين..
هند: طب ليه ياجاكي!.. ماحنا خارجين.. تعالي معانا بالمره.. ولّا انتي مش حابه تخرجي معانا!..
جاكي: لا مش كدا والله.. بس
محمد: مبسش.. معندكيش سبب مقنع.. بما اننا خارجين يبقاا تيجي معانا وخلاص بالمره.. دا غير ان عمي عنده شغل.. ولا اي ياعمي؟..
بابا: ايوا معاه حق.. انا عندي شغل كتير ومش هفضى اروح معاكي.. روحي معاهم بالمره..
محمد: ملكيش حِجه اهو..
نور: ايوا ياجاكي بلاش رخامه والنبي.. تعالي معانا عشان نقضي اليوم مع بعض
جاكي: ماشي
عمو احمد: خلاص كدا اتحلت.. البنات يروحوا مع بعض وحد من الشباب يوصلهم…
محمد: انا كمان محتاج شوية حاجات.. فهروح معاهم اناا.
سما: وانت ياجاك… تعالى معانا غيّر جو..
جاك: لا انا عندي شغل..
سما: يعم دا يوم مش حوار يعني.. تعالى عشان نروح كلنا..
هند: ايوا ياجاك تعالى معانا انت كمان..
فيزو: روح معاهم يابني.. اهو ع الاقل ترتاح من الشغل شويه..
جاك: ماشي هحاول..
عمو احمد: خلاص روحوا بكرا مع بعض واشتروا اللي انتوا عايزينه..
جاكي: عن اذنكم..
عمو احمد: اي حكايتك يابنتي!.. يعني مبتاكليش خالص.. خلاص يافيروز ابقي طلعيلها الاكل فوق بعد كدا عشان تاكل براحتها..
جاكي: لا لا مش كدا خالص والله ياعمو.. بس انا اكلي كدا… يعني اكيد مش هقوم جعانه..
فيروز: بس كدا مينفعش يابنتي… اكلك قليل خالص.. ودا مش كويس عشانك..
بابا: سيبوها هي حره.. ماعنها ماكلت..
“بصيتله بحزن”
جاكي: عن اذنكم..
سيبتهم وطلعت اوضتي..
عمو احمد: هي مالها يامصطفي!.. انت مزعلها ولا ايه!..
بابا: لا مش مزعلها ولا حاجه.. هي ع طول قالبه وشها كدا… معرفش اعمل معاها اي!..
هند: لا ع فكره ياعمو دي عسوله خالص وبتهزر وتضحك عادي.. هي بس في حاجه مضايقاها…
بابا: لا مفيش حاجه يابنتي.. هي كدا من زمان.. كل شويه بمزاج شكل..
فيروز: ابقوا حاولوا تطلعوها من الحاله دي بكرا لما تخرجوا وفسحوها يمكن مزاجها يتغير شويه..
كملوا اكل.. وانا طلعت اوضتي.. العشا اذنت.. “اما اقوم اصلي.. وبالمره افكر محمد يمكن ناسي..
بعتله مسدج..
جاكي: الصلاه…
محمد: انا ف طريقي للمسجد ناوو ياقمر..
جاكي: شطور.. يلا باي..
محمد: باي..
قومت اتوضيت وصليت وقعدت قريت قرآن…وقومت اقعد ف البلاكونه.. وبالصدفه شوفت علبة النوتيلا..
” ودي هرميها دي ولا هعمل اي!.. ماقولتله مبحبهاش وجه البرص دا.. “.. فتحتها وقولت ادوق لعل وعسى..
” هي حلوه بس مبحبهاش بردوو”.. حطيتها مكانها.. وطلعت البلاكونه لقيت جاك واقف ف البلاكونه اللي جنبي.. بصيت قدامي وعملت نفسي مش واخده بالي..
فجاه موبايله رن..
جاك: الو..
مجهول:…….
جاك: “بعصبيه”.. ايوا يعني انا المفروض اعمل اي دلوقتي!..
مجهول:………
جاك: بقولك اي انا مش فاضي للعب العيال دا.. لما تبقوا جاهزين بالورق ابقوا كلموني..
“وقفل السكه ف وشه”
حطيت الهاند فري عشان مزعجوش بالاغاني..
شغلت عامر منيب كالعاده وسرحت مع الاغنيه وكنت بغني معاها من غير صوت عشان متفضحش…
حسيت بحاجه غريبه.. فبصيت عليه لقيته باصصلي واول ماشافني لف وشه بعيد.. “احيه انت باصصلي من بدري!.. يالهوي عليا يعني هو لازم اسرح مع الاغنيه.. لا انا ادخل احسن من الاحراج دا”…
دخلت وكملت جوا وقعدت العب ف الفون لحد مانعست…
……………
صباااح جديد..
صحيت لقيت الساعه ٧.. اي دا اي النشاط دا!.. من امتى وانا بقوم بدري كدا!..
قومت صليت وكنت عايزه اشرب شاي كالعاده.. فنزلت اعمل…
نزلت لقيته واقف ف المطبخ.. “ياربي.. هو انت لازم تنزل دلوقتي يعني.. اي الزفت دا.. هدخل ازاي انا دلوقتي”…
جاكي: احم احم..
جاك: “بحده”.. اسمها صباح الخير..
جاكي: ااه ص صباح الخير..
جاك: صباح النور..
جاكي: گن كنت جايه عشان اعمل شاي..
جاك: وهو انا ماسكك!
جاكي: احم لا..
دخلت اعمل”بيتكلم كدا ليه المهزء دا!.. ولّا عشان انا محترمه يعني”
“حطيت المايه تغلي ووقفت جنبها وانا مكسوفه وعايزه الارض تنشق وتبلعني والله”..
جاك: يابنتي… انتي يامااا..
جاكي: هااا اي!….
جاك: ها اي!.. سرحانه ف اي كل دا!!… المايه بقالها ساعه تغلي..
جاكي: ااه اه مخدتش بالي..
جاك: ابقي خديه المره الجايه..
جاكي: هو انت بتكلمني كده ليه؟..
جاك: ازاي يعني!..
جاكي: “بعصبيه”.. بتكلمني بقرف كدا ليه… لو عشان قاعده ف اوضتك، قولتلك مستعده افضيها وانت اللي قولت لا..
جاك: اهدي اهدي بس.. ليه كل دا.. انت مقولتش حاجه..
جاكي: عن اذنك..
سيبته وطلعت وحتى مخدتش الشاي معايا بسبب المهزء داا..
………
الساعه جت ٩ والباب خبط..
سما: يلا عشان نفطر ونمشي..
جاكي: جايه وراكي..
عدلت لبسي ونزلت وقعدنا وانا باصه ف طبقي…
هند: كُلي كويس بقاا ياجاكي عشان اليوم هيبقى طويل وهنلف كتير..
جاكي: حاضر..
بصيت كدا لقيته باصصلي المهزء..
بصيت ف طبقي وشويه وقومت…
نور: يلا ياجاكي اطلعي البسي عشان نمشي..
جاكي: هو لازم اجي يعني!..
محمد: ايوا لازم..
جاكي: بتطلع منين انت كمان!..
محمد: من اي حته عادي.. المهم مش عايزه تيجي معانا لي.. متخافيش مش هنخطفك..
جاكي: هيهيني اي الخفه دي..
نور: سيبك منه واطلعي البسي والنبي عشان نلحق نلف شويه…
جاكي: ماشي..
فيزو: معلش يابنات خدوا هاتوا الطلبات دي معاكوا..
محمد: طلبات اي احنا مش لسه جايبين امبارح!
فيزو: معلش.. محتاجه الحاجات دي ضروري.. وبعدين امبارح انتوا جبتوا حاجات قليله عشان دي كانت حِجه..
نور: حِجة اي!
محمد: لا لا مفيش.. هاتي ياست لما نشوف اخرتها..
فيزو: جاكي ابقي نقي انتي الحاجات دي والنبي عشان دول فاشلين..
جاكي: حاضر..
“سيبتهم وطلعت.. ماهو بردو مينفعش اروح معاهم.. هما هيبقوا مع بعض وانا لوحدي.. طب لي الاحراج دا..
فجأه الباب خبط..
جاكي: بابا!.. خير في حاجه!..
دخل وقفلت الباب..
بابا: لا مفيش.. كنت جاي عشان اديكي الفلوس اللي هتروحي بيها..
جاكي: اي دا صح.. دانا نسيت خالص وكنت هروح من غير فلوس… كويس ان حضرتك افتكرت..
“طلع مبلغ كبير من جيبه”
جاكي: اي كل دا؟..
بابا: انتي رايحه تجيبي حاجات للجامعه.. يعني هتجيبي حاجات كتير وهتحتاجي فلوس.. ومينفعش حد منهم يدفعلك..
جاكي: بس دا كتير قووي يابابا..
بابا: انتي مش اقل منهم.. خدي واشتري اللي انتي عايزاه كله..
جاكي: شكرا..
“خرج وقفلت الباب.. اي دا! هو بابا من امتى بيكلمني كدا!.. ماعلينا المهم اما اقوم البس عشان نخلص من الحوار دا”
قومت لبست..
لبست دريس اسود طويل ومفتوح من عند الركبه وتحتيه بنطلون وطرحه حمرا وحطيت ميكب خفيف كالعاده ولبست شنطتي ونزلت..
نور: اخرتي كدا ليه ياجي… بس اي الشياكه دي..
جاكي: انت اللي قمر ياقمر.. امال فين الباقي!..
نور: واقفين بره..
طلعنا.. اي دا اي دا!.. اي الجمااال داا.. كان جاك ساند ع العربيه وبيتكلم ف الفون ومحمد واقف مع البنات.. بس اي الجمال داا.. الاتنين احلى من بعض والله.. يخربيت كدا”..
جاكي: يلا!..
“محمد كان متنح معرفش لي.. وجاك لف ع صوتي وتنح هو التاني.. اي دا هو في اي!.. هو انا برقص!.. “
نور: يلا ياجماعه عشان منتأخرش..
هند: جاك!.. جاااك!..
جاك: هاا ايوا
هند: ايوا اي!.. متنح كدا ليه.. يلا عشان نمشي..
جاك: ماشي يلا.. بس هتركبوا ازاي!..
محمد: هركب انا وسما وجاكي في عربيتي.. وانت ونور وهند ف عربيتك..
جاك: “بصله بصه طويله”… ماشي يلا..
لسه هركب راح فتحلي الباب اللي قدام…
جاكي: لا انا هركب وراا..
محمد: ليه هو انا بعُض!.. ماتركبي..
جاكي: “اتنهدت” وركبت.. ومشينا..
محمد: سرحانه ف اي!..
جاكي: لا ولا حاجه..
محمد: تحبي تسمعي اي!..
جاكي: ولا حاجه..
راح شغل اغنية لتامر حسني..
فضلنا ساكتين…
محمد: هتفضلوا ساكتين كدا…
سما: انت رغاي لي ياابني… ماتفصل شويه..
محمد: الحق عليا اني عايز افرفشكوا والله.. وبعدين انتي اي اللي ركبك معانا اصلا.. كنتي ركبتي مع جاك..
سما: ياريت والله كنت هرتاح من رَغيك..
كنت ساكته وباصه من الشباك..
………..
في عربية جاك..
جاك: هتأخروا!..
هند: يعم واحنا ورانا اي يعني!.. ماحنا قاعدين ف البيت.. خلينا نلف شويه..
جاك: اتكلمي عن نفسك.. انا عندي شغل..
نور: يعم دا يوم مش حوار يعني.. وبعدين احنا هنلف كتير فمتقعدش تزن علينا..
جاك: ماشي ياختي..
..
جاك: هي جاكي زعلانه لي!..
هند: مش زعلانه ولا حاجه.. بس لي!..
جاك: بصي عليها كدا..
هند بصت لقتني سانده راسي ع الشباك ف عربيه محمد وسرحانه خالص..
هند: لا لا هي كدا.. هتلاقيها ع طول سرحانه وقاعده لوحدها..
جاك: هما قاعدين عندنا لي!..
نور: انت عايزهم يمشوا ولا اي!
جاك: لا لا مش قصدي.. انا بسال ع السبب بس..
هند: محدش فينا يعرف السبب.. ولا حتى هي..
جاك: يعني اي!..
هند: يعني هي زيها زينا.. اتفاجئت بباباها بيقولها لمي شنطك وتعالي معايا.. بس معرفش لي مش عايز يقولها ع السبب.. ولا حتى بابا راضي يقولي..
جاك: هما مطولين يعني!..
هند: اظن كدا عشان دي نقلت جامعتها هنا..
جاك: اي دا بجد!.. طب كويس والله
نور: اي اللي كويس..
جاك: هاا.. لا مفيش
هند: بس ياريت بقاا بلاش تسال الاسئله دي قدامها عشان متضايقش…
جاك: لا متقلقيش..
وصلنا…. نزلنا كلنا ودخلنا مول كبير..
…………….
جاك: ياشباب شوفوا هتعملوا اي عشان منضعش من بعض..
هند: احنا هنروح مع بعض ونشتري حاجتنا..
وانت ومحمد روحوا مع بعض..
محمد: ولو حد ضايقكوا ان شاء الله!
هند: لا متقلقش محدش هيضايقنا ولو حصل حاجه هنرن عليكوا..
جاك: خلاص ماشي.. روحوا بس متأخروش..
دخلنا وقعدنا نلف انا والبنات وبنشوف اللبس..
نور: جاكي..
جاكي: نعم
نور: شوفي دا كدا!.. هيبقى تحفه عليكي..
جاكي: اه حلوو.. شوفي دا كدا!..
نور: تحفه.. جبتيه منين دا..
جاكي: مبروك عليكي..
نور: هو ليا!..
جاكي: اه ياقمر ليكي..
قعدنا ندور وكل واحده خدت جنب وجابت اللي هي عايزاه وجبنا حاجات كتير..
سما: يابنات انا عايزه اروح الحمام..
هند: ودا وقته يعني..
جاكي: خلاص خلاص انا هروح معاها..
مشينا انا وهي وهي دخلت وانا استنيتها بره…
ـ يا انسه… انسه..
لفيت لقيت شاب ورايا..
جاكي: نعم
ـ………..
جاكي: في حاجه..
ـ……..
جاكي: انت يا اخ..
ـ هاا.. اا الشنطه دي وقعت منك..
جاكي: ااه شكرا..
ـ العفو..
“مشي وهو عنيه هتطلع من مكانها.. مالك يابني في اي!.. دا اهبل ياحرام”
…
ـلو سمحتي..
جاكي: نعم!..
ـ ممكن بس اعرف حضرتك اسمك اي!..
جاكي: وانت مالك..
ـ مش قصدي حاجه والله.. انا بس….
ـ وانت عايز تعرف اسمها لي ياروح امك!..
“بصيت لقيته جاك جاي من بعيد ومتعصب”
ـ وانت مالك انت..
جاك: انا مالي ااه.. “راح ضربه بالبوكس ف وشه..
” احييييه.. انتوا مفيش حاجه عندكوا غير الضرب!.. نهاااار ابيض”..
جاكي: بس انت بتعمل اي!..
مسك فيه تاني وفضلوا يضربوا ف بعض..
جاكي: جاك بس خلاص هو معملش حاجه لكل دا..
الناس اتلمت وحاشوه عنه بالعافيه وفضوا الخناقه..
جاكي: انت اتجننت!.. مين قالك تعمل كدا!..
جاك: والله!.. المفروض اني اشوفه بيضايقك واقف اتفرج..
جاكي: هو لحق قال حاجه!..
جاك: “بعصبيه” وانتي اي اللي جابك هنا اصلا.. ااه مانتي تلاقيكي انتي اللي جايباه وراكي والموضوع ع هواكي…….