رواية قدري أنت الفصل الأول 1 بقلم شيرين زكي

-هو:- قرب منها ولسه بيلمسها بعدت عنه همس لها وقال مبروك يا أحلى عروسة أخيرا بقيتى ليا….

-هى:- في حاجة مهمة لازم تعرفها ولازم أقولك عليها

-هو:-حاجة ايه بس دلوقتي يا عروسة بعدين يلا بقا

-هى:-لأ بس دى حاجة مهمة أوى لأنك بعدها هتقرر إذا 

كنت هتكمل معايا ولا لأ

-هو:- نعم أكمل معاكى ولا لأ إنتى بتقولى ايه يا شغف

-هى:-باسم إنت لازم تسمعنى ولازم تعرف إنى مش بنت

-باسم بفزع:- شغف إنتى اتجننتى ايه اللى انتى بتقوليه

دا انتى ف وعيك ولا شاربة حاجة النهارده ليله دخلتنا

-شغف بدموع:- هى دى الحقيقة يا باسم وكان لازم تعرفها

لأن دا من حقك ومش هقدر أخبي عليك وكان لازم اقولك

-باسم بغضب وعيون حمرة ضربها بالقلم على وشها بقوة

لدرجة بوقها جاب دم وقالها انتى حقيرة وزباله وعديمة

التربية وجاية تقوليلي بعد ما كتبت كتابي عليكى

-شغف بتتنهد لأنها ضعفية أصلا والقلم أثر فيها جامد جدا

قالت له ممكن تسمعنى إدينى فرصة أفهمك والله اللى حصل

كله كان غصب عني أنا مش وحشه ولا قليله الأدب

-باسم بكل قوته ماسكها من دراعها وحدفها على السرير وقال

هو انتى لسه عايزه تتكلمى انتى ايه شيطانة….

-شغف بتصرخ من وجعها وبتترجاه يسمعها وهو ولا فارق معاه وبتوعد ليها وغضبه بيزيد وهى مازالت بنترجاه بس

إنه يسمعها وعايزه تفهمه بس هو غضبه عاميه نهائيا…..

-مسكها من شعرها وقرب منها وشدها وكانت لسه بفستان

فرحها بهدلها وخرجها بره الشقه وراح عند بيت أهلها وزعق

وفضل ينادى ف الشارع على أبوها وشغف وضعها صعب من

الضرب والعياط وبتتوسل ليه بس هو مفيش ونادى على…… بابها وقاله تعالى شوف بنتك قليله الأدب اللى معرفتش……. تربيها بتقول لعريسها ليلة دخلتها إنها مش بنت وإنها………

-نزل أبو شغف اللى هو محمد ومعاه نادية أخته لأن شغف أمها ماتت وهى بتولدها،،،،،،نزل لقى الشارع كله اتلم والناس

كلها بتتفرج وهو مش عارف يتكلم يقول ايه وباسم مسكتش

وبيزعق ويسب ويشتم وبعدها قاله انا جبتلك بنتك ربيها بقا

وبص لشغف وقالها إنتى طالق ومشي…. بقلمى شيرين ذكى

-“شغف دى بنوته جميله جدا وبسيطه جدا ملامحها هادئة وجذابه وعيونها عسلى وبشرتها ورديه عندها 22 سنه خريجه تجارة إنجلش ومحجبة”

-محمد مااستحملش الصدمة لأنه مريض سكر ووقع على الأرض وجنبه ناديه بتصوت وشغف ثابتة مكانها مش بتتحرك وشبه فاقدة النطق

ف المستشفى———————————————————

-شغف بتبكى وماسكه ايد والدها وبتقوله سامحنى يا بابا حقك عليا بس والله كان غصب عني صدقنى أنا مش وحشه

-والداها بحزن:- ليه يا شغف ليه يبنتى كدا انتى تعملى كدا

-شغف بعياط:- لا يابابا لا والله مكنش بايدى صدقنى انا معملتش حاجة غلط والله

-والدها حط ايده على وشها  وقال أنا ربيتك وراعيت ربنا فيكى وعارف انك لا يمكن تعملى كدا وانى مش دى كل… الحقيقة واتنهد وقال خدى بالك من نفسك يا شغف الدنيا 

مش بتدى حد كل حاجه وبعدها غمض عيونه للأبد…..

-شغف بتصرخ:- لا يا بابا لأ استنى متموتش استنى هفهمك

الحقيقة اسمعينى يا بابا أنا معملتش حاجة استنى لأ مش تسبنى هموت من غيرك وفضلت تبكى وانهارت ووقعت على

الأرض وجت الممرضه والدكتور وحاولوا يهدوها واخدت …

مهدئات كتير عشان تنام

&يوم جديد بتفتح شغف عيونها بتكون ف المستشفي &

-شغف بفزع:- انا فين ايه اللى بيحصل فيه ايه؟!!!!!!

-الممرضه:- حمد الله على سلامتك أخيرا فوقتى

-شغف:- فوقت من ايه؟! فيه ايه ؟!وايه جبنى هنا؟!

-الممرضه:- انتى كنتى ف غيبوبة بقالك 48 ساعة حمد الله على سلامتك

-شغف بدأت تستوعب اللى حصل وافتكرت كل حاجه وقالت

:بابا فين حصله ايه

-الممرضه:- ادعيله بالرحمة هو دلوقتي عند اللى أحسن منى ومنك

-شغف بعياط:- لأ مستحيل انتى كذابه ازاى يمشى ويسبنى

وهو عارف إنى محتاجاه إزاى هونت عليه

-الممرضه:- لازم تهدى لأن وضعك صعب وكدا هتتعبي تانى

-شغف وبتزيد ف بكاها:- مات بسببي فاكر انى وحشه حتى مستناش أقوله الحقيقة اللى خبيتها ما دا عشان خايفه عليه

-وهنا بتدخل ناديه:- بتزعق ف شغف وتقول موتيه ارتحتى فضحتيه اهو مات بحسرته منك لله بقيتى السبب ف موتهم

الاتنين أمك وهى بتولدك وأبوكى بعارك

-شغف بضعف:- لا يا عمتى لا انا معملتش حاجة غلط والله

-ناديه:- عملتى بقا ولا معملتيش أهو سابهالك ومات واطلقتى

واياكى تفكرى ترجعى البيت.. بعد فضحتك دى كفايه سيرته اللى وسختيها يا فا*** بعميلك دى من هنا ورايح انسي.. أن ليكى حد روحى دورى على الأماكن الوس** اللى عملتى فيها كدا وخليكى هناك مش عايزه اشوف وشك دا تانى وسابتها ومشيت وشغف منهارة وبتنادى يا عمتى استنى اسمعينى حرام عليكى خلينى افهمك حد يسمعنى بقا

-شغف وقعت على الأرض والممرضه ساعدتها وبدأت تتمالك

نفسها وطلبت من الممرضه أنها تجبلها لبس وفعلا جابتلها…. ولبست شغف دريس وعليه طرحه وكان دا استايل لبسها…..

وخرجت شغف من المستشفى ومكنتش عارفه تعمل ايه بس 

افتكرت أن ليها واحده صاحبتها عايشه ف القاهره لوحدها

فكلمتها ورحبت بشغف وقالتلها تعالى وسابتلها المفتاح مع البواب وفعلا شغف كانت ف طريقها للقاهره بس مكنش… معاها فلوس فركبت عربيه وقفت لها وهى على الطريق من

غير ما  تفكر هيحصلها ايه…..

&ف مكان تانى كان زين خلص شغله ف اسكندريه &

وف طريقه للقاهره….”زين دا شاب وسيم عنده 25 سنة بس رجل أعمال كبير وشاطر جدا ف شغله وبيحبه وعايش مع والده ووالدتها وأخته الصغيره وليه صاحب هو بالنسبة ليه أكتر من أخ اسمه كريم من نفس سنه وشغال معاه في الشركه

-كريم:- ألو ايه يا زين فينك

-زين:- خلاص أهو يا كريم كلها ساعتين مسافه الطريق بس

-كريم:- توصل بالسلامه يا صاحبي مستنيك وكل حاجه تمام

-زين:-ماشى تمام نتقابل على خير بإذن الله وقفل معاه…..

-شغف لما ركبت العربيه مع الشاب كان كل هدفها إنها تمشي وخلاص مش مهم ازاى مفكرتش أنه هيفكرها مش تمام لأنها

ركبت معاه وكدا وفعلا كان هو دا تفكيره وعشان كدا وهما ف العربيه قرب منها وحط ايده عليها وحاول معاها بس شغف ..

مش سكتت زقته وضربته بالقلم على وشه وفتحت العربيه ونزلت بس هو وقف ومش استسلم وفضل يجرى وراها وهى بتصرخ وبتنادى على أى حد يساعدها بس مفيش لأنه طريق سفر بس هى مش يأست وفضلت تجرى بس هى كانت تعبت

خلاص ومره. واحده وقفت خبطتها عربية……ونزل منها شاب

جرى عليها وهى فتحت عينيها وقالت انت…..وبعدها فقدت وعيها وبعدها هو اتخانق مع الشاب بس الشاب خبطته على دماغه بمسدس ف جيبه وسابه ومشى وبعدها أغمى عليه هو كمان…… بقلمى شيرين ذكى

-زين وشغف وايه حكايتها وحكايه ماضيها؟! وايه اللى هيحصل معاها ومين اللى خبطتها تعرفه ولا لأ؟!!!!