Uncategorized

رواية قلبي ليس بيدي الفصل السادس والاربعون 46 بقلم حسناء رمضان

 رواية قلبي ليس بيدي الفصل السادس والاربعون 46 بقلم حسناء رمضان

رواية قلبي ليس بيدي الفصل السادس والاربعون 46 بقلم حسناء رمضان

رواية قلبي ليس بيدي الفصل السادس والاربعون 46 بقلم حسناء رمضان

لسنا إلا عابرين نبتغي حسن الختام وطيب الأثر ????????
ـــــــــــــــــــــــــــــــــــــــــــــــــــــ 
جاكي: جاااااك.. 
ــــــــــــــــــــــــــــــــــــــــــــــــــــــ 
فيروز: جيب العواقب سليمه يارب.. يارب خير.. بتتحدف علينا منين المصايب دي.. 
هند: انا خايفه قوي.. مين الناس دي.. وعايزين اي.. 
نور: دلوقتي جاك يرجع بيها وهنعرف.. 
سما: يارب يرجعوا بخير بس.. 
هند: هو بابا فين.. 
فيروز: ابوكي اول ماعرف طلع وراه ومعرفش راح فين.. 
نهى نزلت.. 
نهى: متجمعين عند النبي.. 
فيروز: عليه افضل الصلاة والسلام.. 
نهى: مالكوا في اي.. 
هند: جاكي اتخطفت…
نهى: اتخطفت!.. ودي هتتخطف ليه دي! 
هند: اي اللي هتتخطف ليه!.. بقولك مخطوفه..
نهى: وفين جاك!.. راح وراها طبعا.. 
فيروز: امال هيسيبها يعني! 
نهى: كان مالنا احنا بالحوارات دي.. هي كانت من بقيت عيلتنا! 
فيروز: لا حول ولا قوة الا بالله… ياشيخه دا بدل ماتدعيلهم ربنا يرجعهم بالسلامه! 
نهى: يولعوا.. الهي ييجي خبرهم.. 
فيروز: حسبي الله فيكي ياشيخه.. ولو ان مش بيأثر فيكي حاجه.. 
نهى: عطيااات.. عطيااات.. 
عطيات: نعم ياهانم.. 
نهى: حضريلي الاكل لو سمحتي.. وياريت العصير بتاعي.. 
عطيات بصتلهم.. 
نهى: مسمعتيش! 
عطيات: حاضر ياهانم.. 
ـــــــــــــــــــــــــــــــــــــــــــــــــــــــــــــــ 
ـ تؤتؤ.. مش هيموت بالسهوله دي..دا هيتعذب الاول.. 
جاكي: حرام عليك.. سيبه بقاا دا بيموت… والنبي كفايه… 
ـ خايفه عليه ياحلوه!.. متقلقيش.. هو لسه مشفش حاجه.. 
خلى الرجاله شالوه ودخلوه جوه ودخلني وراه… 
رموه ف الارض وخرجوا.. 
ـ اترزعي هنا.. مسمعش صوتك خالص.. 
سابنا وخرج وانا جريت ع جاك… 
جاكي بعياط: جاك.. جاك فوق.. جاك فوق والنبي.. حقك عليا.. انا السبب.. فوق والله وهمشي من حياتك خالص.. والنبي فوق.. جاك.. 
كان مرمي خالص وبيجيب دم من كل حته… كنت حاضناه وبعيط.. 
يادوب فتح عينيه.. 
جاك: جاكي.. 
جاكي: جاك.. انت كويس.. 
جاك بتعب: اشش.. متخافيش.. انا كويس.. حاولي تهربي من هنا.. 
جاكي: لا.. همشي معاك
جاك: هما عايزيني انا..
جاكي: لا… انا السبب ف كل دا.. حقك عليا.. 
رجليه كانت بتنزل دم كتير فروحت جبت طرحتي وربطتها بيه… 
ومسكت هدومي وقعدت امسحله الدم اللي ف وشه وانا بعيط.. 
فضلنا كدا شويه وبعدين دخل تاني.. 
ـ اووه.. اي الحلاوه دي.. مانتي حنينه اهوو.. امال معصلجه معايا ليه.. 
جاكي: ياخي والنبي.. مشيه من هنا.. هو ملهوش ذنب ف حاجه.. حرام عليك هيموت.. 
ـ بس انتي حلوه كدا ليه… تستاهلي والله كل الحوار دا.. 
وانت ياجاك باشا.. مش كتيره عليك دي!.. طب نقسمها مع بعض.. 
جاكي: انت حيوان.. انت لا يمكن تكون بني ادم.. 
لقيته شد جاك من شعره وجرجره وراه ووقفه وربط ايده وهو واقف ومتعلق وفضل يضرب فيه وانا عماله ازقه بعيد عنه.. راح زقني ودماغي اتخبطت ف الحيطه واتفتحت.. قومت تاني وانا بحاول ابعده عنه.. بس رجع ربطني تاني.. وانا عماله اصوت.. 
رجعله تاني وطلع السكينه وعوره ف جسمه.. قلعله القميص… فضل يشوه ف جسمه بالسكين وجاك بيصرخ من الالم وانا بصوت ومش عارفه اتحرك.. 
جسمه كله بقاا عباره عن دم… وتقرييا غاب عن الوعي.. 
سابه وطلع وانا لسه بصوت ومش عارفه اوصله.. 
جاكي: جاااااك.. جاك رد.. جاك والنبي متسيبنيش… جاك.. 
ــــــــــــــــــــــــــــــــــــــــــــــــــــــــــ 
هند: لا كدا اخروا قوي.. انا خلاص اعصابي سابت.. 
نور: طب هنعمل اي.. 
هند: انا هرن عليه تاني.. 
رنت بس محدش بيرد… 
فيروز: استرها يارب.. استرها معاهم دول غلابه يارب.. 
نهى: شاغلين بالكوا ع الفاضي… هيحصلهم اي يعني.. 
نور: انتي مش بني ادمه.. 
نهى: عارفه.. اخوكي قالي كدا بردو.. 
ـــــــــــــــــــــــــــــــــــــــــــــــــــــــ 
فضلنا كدا لحد الليل وهو لسه متعلق من ايده ومغمى عليه.. 
جاكي: جاك.. جاك فوق بقاا.. جاك انا خايفه والنبي.. حقك عليا والله.. 
دخل تاني وكان معاه اكل.. 
ـ خدي.. كلي.. 
جاكي:….. 
ـ سمعتي انا قولت اي.. 
جاكي: مش عايزه.. 
ـ بقالك يومين مكلتيش.. كلي عشان تقدري تقاومي.. 
جاكي بعياط: بالله عليك.. والنبي.. خليه يمشي.. وانا هعمل كل اللي انت عايزه.. والله هعمل كل حاجه بس خليه يمشي.. وكمان انت خدت الفلوس.. 
ـ تصدقي فكره.. اخد الفلوس واخدك ونمشي… 
انتي عارفه انا لو عملت كدا هيجرا فيا اي.. 
جاكي: حرام عليك هيموت.. 
ـ هو لسه مشفش حاجه.. 
جاكي: كفايه بقاا.. حرام والله.. 
مشي عليه ورفع راسه لقاه مش واعي… 
لقيت الباب اتفتح والراجل المرعب دا ف ايده سيخ سخن ومن كتر السخونه الدخانه طالعه منه.. 
جاكي بصريخ: لا.. لاااا.. لا حرام عليك.. حرام عليك هيموت.. والنبي يااخي.. والله هعملك اللي انت عايزه.. 
راح مسك السيخ منه وبابتسامه كلها غل راح حطها ع صدره وهو فاق بيصرخ… 
جاكي: يارب.. يارب شل ايده يارب.. 
راح قرب مني… 
ـ يشل ايدي!! 
راح حط السيخ ع كتفي وصرخت باعلى صوتي وبعدين محستش بحاجه…. 
ـــــــــــــــــــــــــــــــــــــــــــــــــــــــــــــــ
فيروز: ها عملت اي.. 
عمو احمد: ملهومش اثر.. مش لاقيهم ف اي حته.. 
فيروز: يعني اي.. يعني هنفضل كدا! 
عمو احمد: انا بلغت البوليس وهما بدأوا يدوروا.. 
هند: انا حاسه ان في حاجه.. 
نور: انا متاكده ان حصلهم حاجه.. 
عمو احمد: ان شاء الله خير يابنات.. ربنا يستر… 
ـــــــــــــــــــــــــــــــــــــــــــــــــــــــــــــــ 
فوقت ملقتش حد معانا وجاك جسمه كله حرق… قلبي كان متقطع عليه.. 
حاولت افك نفسي لحد ماعرفت.. روحتله بسرعه وفكيت ايده ووقع ع الارض وانا قعدت وحضنته وانا بترعش ودموعي منشفتش… وعماله ادعي.. 
فضلت كدا لحد الصبح ماطلع… 
وهو دخل… 
ـ هاتوهم يارجاله.. 
شالوه وخرجوا وانا خرجت وراه وطلعنا بره البيت خالص… 
ـ دلوقتي بقاا اقدر اقتله… كدا اظن هو اتعذب كفايه… 
جاكي بتعب: لا.. لا… حرام عليك.. 
طلع المسدس ووجهه ناحية جاك وهو مرمي ع الارض.. 
مكنش عندي طاقه اصرخ ولا اعمل حاجه… اكتفيت بإني اتفرج وانا ساكته ودموعي نازله.. 
ـ مستعده تشوفيه وهو بيموت قدامك!…. واحد.. اتنين.. 
غمضت عيني برجاء اخير لربنا ف اخر لحظه… وفجأه لقيت ادم ومحمد قدامي وبيضربوهم… 
فضلوا يضربوا ف بعض وانا جريت ع جاك… 
والشرطه وصلوا وانا يادوب اخدت نفسي… 
ـ مش هتخلص كدا… 
راح مسك المسدس وكان هيضرب جاك بس انا وقفت قدامه والرصاصه جت فيا… 
كلبشوهم وركبوهم البوكس… بس الراجل المرعب دا مكنش معاهم لانه مخرجش من المكان اصلا… 
محمد وادم نقلونا العربيه وطلعوا ع المستشفى…  
ـــــــــــــــــــــــــــــــــــــــــــــــــــــــــــــــ 
فيروز والجماعه جم يجروا بسرعه… 
فيروز: طمني يابني.. الدكتور قالك اي.. 
محمد: لسه مخرجش.. 
عمو احمد: طب هو اي اللي حصل.. 
ادم: الاتنين مصابين.. 
فيروز: يالهوي.. يالهوي على ايامنا السوده.. عملوا اي ف حياتهم عشان يحصلهم كدا… بتعاقبهم ع اي يارب.. 
هند: ماما حرام اي اللي بتعمليه دا.. هيبقوا كويسين والله.. 
عمو احمد: فيروز اهدي… اهدي مش كدا.. 
نهى: اهي نمره بتتعمل كل مره.. 
نور بعياط: اخرسي بقاا.. اخويا بيموت وانتي ولا هامك.. انتي جيتي ليه اصلا.. 
عمو احمد: نور.. عيب احنا مش ف البيت هنا… 
فضلوا قاعدين مستنيين كتير لحد ماالدكتور طلع وجاك نقلوه اوضه عاديه.. 
فيروز: طمني يادكتور.. 
الدكتور: الشاب الحمد لله بقى كويس وطلعنا الرصاصه وشوية وقت وهيفوق.. 
محمد: وجاكي! 
الدكتور: مش عارف اقولكوا اي.. بس ادعولها.. 
محمد بصدمه: يعني اي ندعيلها!! 
الدكتور: الرصاصه جت قريبه من القلب واحنا بنحاول نخرجها من غير اضرار.. وربنا يستر.. 
الدكتور سابهم ومشي… 
فيروز: يالهوي عليكي يابنتي… متهنتيش بشبابك.. متهنتيش يابنتي… مشوفتيش غير المر… 
عمو احمد: هتبقى كويسه يافيروز.. بطلي اللي بتقوليه داا.. 
هند: ان شاء الله هتقوم بخير.. 
فضلوا مستنيين وقت طويل بره والكل ع اعصابه وعمالين يدعوا وبيعيطوا… 
واخيرا الدكتور طلع.. 
محمد: ها يادكتور.. 
الدكتور: الحمد لله قدرنا نطلع الرصاصه.. بس لسه مفاقتش.. 
ادم: ايوا يعني بقت كويسه ولا لا! 
الدكتور: مقدرش اقول حاجه غير لما تفوق وحالتها تستقر… 
الدكتور مشي ومحمد نزل…. 
جاك فاق ودخلوا يتطمنوا عليه..
فيروز بعياط: حمدلله ع سلامتك ياحبيبي.. 
جاك بتعب: جاكي فين!.. 
عمو احمد: كويسه.. كويسه يابني.. المهم انت كويس! 
جاك: مش كويسه.. جاكي فين!.. 
نور: كويسه ياجاك.. بس هي مرهقه شويه فنامت.. 
جاك: لا.. لو كانت كويسه كنت هفوق الاقيها جنبي.. 
هند: ماهي كانت جنبك.. بس تعبت شويه وراحت تنام.. 
جاك: انتوا بتكدبوا ليه!.. انا عارف.. جاكي مش كويسه… 
جاكي خدت الرصاصه مكاني… 
فيروز: رصاصة اي! 
جاك: كنت هتضرب بالرصاص.. بس هي خدتها مكاني.. 
انا هروحلها.. 
لسه هيقوم بس اتوجع جامد وهما نيموه تاني.. 
فيروز: لا يابني انت تعبان… هتبقى كويسه.. والله هتبقى كويسه.. 
نهى: اي جو التلزيق دا.. مالدكتور قال هتفوق وهنشوف.. وهو كويس اهو.. اي المناحه دي.. 
جاك: طلعوها بره.. 
فيروز: اطلعي بره.. اطلعي بره ربنا ينتقم منك ياشيخه.. 
سابتهم وطلعت بكل برود… 
ــــــــــــــــــــــــــــــــــــــــــــــــــــــــــ 
محمد كان ف المسجد بيصلي… كان عمال يدعي ويترجى ربنا اني ابقاا كويسه… 
فضل كدا كتير… 
بعدين طلع راحلي الاوضه لقاني لسه نايمه.. قعد يتفرج عليا من بره…. 
محمد: يلا.. فوقي.. فوقي بقاا.. 
فضلوا كدا لحد الليل… 
بدأت احرك ايدي وهو اول ماشافني كدا ابتسم ودخل.. 
قعد جنبي وانا بدات افتح عيني.. 
جاكي: جاك.. 
الابتسامه اختفت تدريجيا من ع وشه.. 
محمد: انتي كويسه! 
جاكي: جاك فين! 
محمد: جاك كويس.. ارتاحي انتي بس.. 
جاكي: انا عايزه اشوفه.. 
محمد: صدقيني كويس واتنقل اوضه عاديه من بدري.. انتي اللي كانت حالتك صعبه والحمد لله فوقتي.. 
جاكي: اااه.. 
محمد: اي.. 
جاكي: كتفي.. 
محمد: ااه دا مكان الحرق.. معلش هما لفوه وهيصحى دلوقتي.. 
جاكي: واجعني قوي.. 
فتحت عيني قوي وافتكرت.. 
جاكي: جاك… جاك جسمه كله حرق.. 
محمد: اهدي.. جاك كويس.. 
جاكي: عايزه اشوفه.. 
محمد: والله بقاا كويس.. اهدي انتي عشان متتعبيش.. 
هو بقاا كويس والباقيين معاه… 
شويه ودخلت فيروز.. 
فيروز: الحمد لله يابنتي انك صحيتي.. عامله اي دلوقتي.. 
جاكي بعياط: فيروز.. جاك فين
فيروز: جاك كويس ياروحي.. اهدي بس وبطلي عياط انتي تعبانه.. 
جاكي: حصله اي.. انا عايزه اشوفه.. 
فيروز: والله صحي وبقاا كويس.. اهدي انتي عشان انتي اللي لسه تعبانه.. 
الدكتور دخل.. 
الدكتور: مينفعش كدا… لو سمحتوا اتفضلوا عشان متتعبش.. 
محمد: طب هي كدا بقت كويسه يادكتور! 
الدكتور: لازم يعدي وقت عشان نتطمن… دي مصابه ف مكان مش سهل وممكن يحصل اي حاجه.. فلو سمحتوا اتفضلوا بره دلوقتي عشان ترتاح.. 
سابوني وطلعوا وفيروز راحت لجاك ومحمد وقف بره الاوضه عندي.. 
ــــــــــــــــــــــــــــــــــــــــــــــــــــ
جاك: فيروز.. جاكي عملت اي.. 
فيروز: فاقت ياحبيبي.. بس الدكتور قال نسيبها ترتاح شويه عشان متتعبش.. 
جاك: انا عايز اشوفها.. 
فيروز: لا يابني متقومش.. هتتعب.. هي دلوقتي نايمه.. لما تبقى تفوق ابقى شوفها.. اهدوا بقاا.. هي كمان عايزه تيجي تشوفك… 
هند: انا هروح اشوفها.. 
فيروز: لا استني.. الدكتور قال مينفعش تدخلوا عندها.. 
نور: طب هي اخبارها اي يعني! 
فيروز: هي كانت بتتنفس بصعوبه وهي بتتكلم وتعبت والدكتور قال نسيبها ترتاح… 
ـــــــــــــــــــــــــــــــــــــــــــــــــــــــــــــــ 
مجهول بغضب: اغبيه.. مهمه تافهه مقدرتوش تنفذوها… انا مشغل معايا شوية بهايم.. 
مجهول: يافندم البوليس وصل وقبض عليهم وانا يدوب عرفت اهرب.. 
مجهول: وانا مالي ياخويا.. انا مش عاطيكوا فلوس عشان تخلصوا عليه!!!… 
مجهول: هيحصل يافندم… 
مجهول: والبنت… لازم البنت تموت عشان هي اللي فضلت معاكوا وممكن تكون سمعت حاجه وتودينا ف داهيه.. 
مجهول: اعتبره حصل ياباشاا… 
ـــــــــــــــــــــــــــــــــــــــــــــــــــــــــــــــ 
عمو احمد: طب هي هتفضل كدا كتير يادكتور! 
الدكتور: كويس انها فاقت بخير… وبعدين لما اجهدت نفسها واتكلمت تعبت… لازم نتابع الحاله عشان ميحصلش مضاعفات… 
عمو احمد: ماشي يادكتور… 
الدكتور سابهم ومشي… 
عمو احمد: روح لجاك يامحمد وانا قاعد هنا.. 
محمد: ماكلهم مع جاك.. اسيبها لوحدها يعني! 
عمو احمد: ع الاقل اتطمن عليه.. وبعدين مانا معاها اهو.. روح احسن يحتاجوا حاجه.. 
محمد: ماشي.. 
ـــــــــــــــــــــــــــــــــــــــــــــــــــــــــ 
نهى دخلت.. 
نهى: ها.. هنفضل كدا.. 
فيروز: ماتغوري تروحي بقاا.. دا اي القرف دا.. 
نهى: ماتحترمي نفسك.. انتي مالك اصلا.. 
نور: ياست امشي بقاا.. محدش هنا عايزك.. 
نهى: انا قاعده مع ابني.. انتوا مالكوا.. 
جاك: امشي.. انا مش عايزك.. 
نهى: مش بمزاجك.. 
محمد دخل.. 
جاك: مشيها يامحمد.. 
محمد: لو سمحتوا اخرجوا كلكوا عشان يرتاح.. 
يلا يافيروز نقعد بره.. مينفعش اللمه دي.. 
خرجوا وسابوهم… 
جاك: محمد.. جاكي بخير.. صح! 
محمد: لسه معرفش.. هي فاقت.. بس كانت تعبانه.. 
جاك: يعني اي! 
محمد: متشغلش بالك انت وارتاح.. هي هتبقى كويسه.. 
جاك: لازم تعرف مين اللي عمل كدا.. ورحمة اسيل ماهسيبه… 
محمد: بيحققوا معاهم دلوقتي.. ولو وصلوا لحاجه هيبلغوني.. 
ـــــــــــــــــــــــــــــــــــــــــــــــــــــــــــــــ 
ـ لو سمحت… يااستاذ
عمو احمد: نعم يابنتي! 
ـ لو سمحت اتفضل عايزينك عشان تملى البيانات.. 
عمو احمد: حاضر.. 
مشي معاها والشخص دا وصل… 
كان متنكر ومداري وشه… راح لجاك لقاهم كلهم بره… دور ع اوضتي وراحلي… 
ملقاش حد.. فتح الباب ودخل… مسك المخده وقرب مني وحطها ع وشي.. كنت بحاول اقاوم بس مكنتش قادره.. فضل كدا وبعدين محستش بحاجه…. 
ـ انت بتعمل اي!!!! 
يتبع..
لقراءة الفصل السابع والاربعون : اضغط هنا
لقراءة جميع فصول الرواية : اضغط هنا

اترك رد