رواية أنتِ لي وحدي الفصل الخامس 5 بقلم إسراء أشرف

عاشقة القلم✍️????, [22 Jul 2021 at 12:40:56 PM]:

…-سعيد:ليه ياحور

-حور:هو أي اللي ليه وبعدين الوقفة دي غلط بعد أذنك 

-سعيد:أمسك يدها بالله عليكي أستني 

-حور:بنرفزة ونبرة تهديد سيب أيدي وإلا هقول لبابا وأخواتي 

-سعيد:حور أنا بحبك وهتغير عشانك بجد بحبك 

-حور:اللي ميتغيرش عشان ربنا عمرة ما هيتغير عشان خلق الله وفي مقولة بحب أقولها جدا مبيصليش ميلزمنيش بعد أذنك 

_تركته وصعدت إلى الشقة وجدت الباب مفتوح وعلمت من نظرة أماني أنها كانت بتتجسس عليها وعلي معرفة بأنتظار أخوها سعيد

-حور:السلام عليكم يأهل الدار 

-زياد وأياد وملك:عندما سمعوا صوت حور جريوا عليها مرة واحدة وصراع مين يلحق يسلم عليها الأول 

-حور:وضعت ما بيدها علي المكتب حبايب قلبي زيزو وايدو وملوكة وحشتوني أووووووي 

-زياد:بجد ياخالتو 

-حور:بجد ياقلب خالتو 

-أياد:أي دا ياعمتو لما زياد قلبك أنا اي 

-حور:حبيب عمتو وقلبها وكل حاجه كمان 

-ملك:وأنا اي ياريري 

-حور: يلهوي بعد ريري دي أنتِ كل حياتي والله الحته الشمال كلها 

_خرجت حبيبة من المطبخ أرحموا سيبوها تاخد نفسها يا بهايم 

-حور:ملكيش دعوة أنتِ ياقلب أختك وخش في حضن اخوك يافواز ????????????

-حبيبة:وحشاني يامضروبه اوي 

-حور:أنتِ كمان والله ياقلب أختك والواد جوزك فين 

-حبيبة:مسعد جوه مع بابا ومازن وأحمد 

-حور:تمام هغير وأجي أساعدكم في تحضير الغداء 

_وبالفعل أتجهت حور نحو غرفتها خلفها الثلاث قرود أو بالمعني الأصح قردين وقردة ????????وبعدما أبدلت ملابسها ذهبت إلى المطبخ 

-فاطمة:كدا ياحور تخرجي انهارده من غير فطار 

-حور:خليها عليكي يا بطوط وبعدين مزعلاني أمبارح فكنت مش ليا نفس 

-فاطمة:حقك عليا ياحبيبتي مش هتتكرر تاني وواثقه أن الجاي كله خير 

-حور:تعجبني ثقتك بالله دي يابطوط وأدي بوستين علي أحلي خدين وحضن كمان 

-فاطمة:متحرمش منك ابدا 

-حبيبة:هو أنا مش بنتك برضو ولا الجو خلي لست حور 

-فاطمة:لا طبعا كلكم حبايبي وكمان أماني بنتي طبعا والمعزة واحدة 

-أماني:بغل ونظرة يملؤها الحقد تسلمي ياماما 

_أنتهت حور من وضع الأطباق علي السفرة ثم بصوت عالي ياقوم الغداء جاهز 

-مازن:خبطها علي دماغها قوم احنا في الجاهلية هتفضلي طفلة كدا 

-حور:ميزو حبيبي وقلب أختك بالحضن يا جدع ليك وحشه يأبو الصحاب????????

-مازن:بت أنتي خطافة قلوب بلوة والله 

-حور: تسلم زي أخويا الكبير ???????? 

-مسعد:أي ياحور هو أنا هوا ولا شفاف 

-حور:لا طبعا يا جوز أختي ياغالي ودي تيجي بس أستني علي رزقك ودورك جاي 

-مسعد:طيب أهو صبرت 

-حور:أي دا مسعد عندنا يادي النور يادي الهنا عاش من شافك والله ياراجل

-مسعد:ليه حاسس أنك متفاجأه من وجودي بس علي العموم عامله اي 

-حور:الحمد لله زي الفل دورك خلص ندخل علي ابو حميد واد يأحمد ساكت ليه 

-أحمد:ملكيش كلام معايا ياحور 

-حور:لا أنت خليك في الأخر هصالحك بالليل ان شاءالله ولا بكرا بعد ما الناس دي تمشي 

_ودلوقتي سكوووووووت ونركز في الأكل ضحك الجميع وجلسوا جميعا يتناولون الطعام في سعادة إلا أماني التي كانت تنظر بغل وحقد لحور 

__________________________________________

_نروح بقا لسالي التي عادت من الجامعة إلي غرفتها مباشرة 

-عزة:سالي مش هتتغدي 

-سالي:لا مليش نفس 

-عزة:طيب أعملي حسابك أن أخر الأسبوع هنحدد معاد الخطوبه 

-سالي:ماما أزاي وأنا لسه مردتش عليكي وأصلا مش مستريحة 

-عزة:الكلام أنتهي وعندك أبوكي ولا أي يا عزت 

-عزت:سالي أنتِ مش عارفه مصلحتك قدنا 

-عزة:وكمان يابنتي نفسي أنا وأبوكي نفرح بيكي قبل ما نقابل وجه رب كريم 

-سالي:ربنا يحفظكم يأمي بس

-عزة:مفيش بس الواد مدرس ومحترم 

-سالي:تمام ياماما هدخل أنام 

_ظلت سالي تبكي وتتمنى أن تجد حل لأنها لا تريد هذا الشاب أن يكن زوجها وبعد تفكير طويل مفيش غيرك هيحلها محتجالك أوي لازم أقعد معاكي ونتكلم مفيش حل تاني ثم فوضت أمرها إلى الله وعزمت علي الذهاب غدا إلي الشخصية الوحيده التي تري انها من ستحل هذه المشكلة 

__________________________________________

_كانت الساعة تدق الثانية عشر منتصف الليل وكانت الأسرة بأكملها في سعادة ومرح ومن كثرة ما تفعلة حور كان الكل يشعر ببهجة 

-حور:يلا كفاية عليكوا كدا وأقوم انا وحبايبي ننام ثم أخذت زياد وأياد وملك وذهبت إلى غرفتها 

-زياد:يلا ياخالتو أحكي قصة دينية 

-حور:حاضر ياحبيبي نظبط النومة الأول زياد هنا وأياد هنا عشان كل واحد يبقي جمبي اما ملوكه بقا تنام في النص 

-أياد:أزاي بقا وأنتِ 

-حور:في النص برضو بس ملك تنام في حته نونو كدا 

-زياد:لا كدا مش هنبقا جمبك 

-حور: والله أنا أحترت 

…

… 

كله كدا نايم ومرتاح 

_رد جميعهم اه يلا احكي 

-حور:حاضر وبدأت بسرد قصة سيدنا أدم عليه السلام إلى أن أنتهت القصة ووجدت الكل في سبات عميق فأغلقت النور كي تسعد بنوم هادئ هي الأخري ولكن أوقفها أياد عن النوم 

-أياد:عمتو 

-حور:لسه صاحي ياايدو 

-أياد:عاوز أقولك حاجه 

-حور:قول ياحبيبي أنا سمعاك 

-أياد:هي ليه ماما بتكرهك مع أن أنتِ طيبة أوي ياعمتو 

-حور:مين قالك كدا بس مامتك مش بتكرهني ولا أنا كمان 

-أياد:أنا سمعتها بتقول لخالو وتيته أنا مش هسيب حور في حالها أبدا طول ما أنا عايشة وقولتلها ليه ياماما دي عمتو طيبة وأنا بحبها قالتلي غور وأياك تقول أنك بتحبها تاني أو تقرب منها وبعدين قولتلها أنا بكرهك وبحب عمتو وسيبتها ودخلت أوضتي وزعلت عشانك 

-حور:ياحبيبي وأنا كمان بحبك أوي مفيش حاجه هي بس تلاقيها زعلانه مني وهصالحها ياعم ابسط بس خد هنا بقا مش عيب راجل بشنب في أولي أعدادي يفتن وكمان علي أمه 

-أياد:أنا خايف عليكي ياعمتو والله

-حور:بس الفتنه حرام وأشد من القتل ومش صح نسمع حاجه ونقولها لحد تاني 

-أياد:حاضر ياعمتو مش هكررها 

-زياد:طيب أنا سمعت كل حاجه بس مش هقول أي حاجه ????????

-حور:أستاذ تانية أعدادي صاحي يارب ملوكة أم خمس سنين مش تصحي هي كمان يلا نوم وبالفعل نام الجميع بعد يوم طويل ملئ بالسعادة والفرح والبهجة 

__________________________________________

_أشرقت شمس صباح يوم جديد علي كل من في هذه الأسرة الجميلة 

-حبيبة:حور ياحووووور 

-حور:اي يابنتي 

-حبيبة:يلا عشان صلاة الجمعة العيال أشطر منك وصحيوا بدري 

-حور:أهو صحيت 

-حبيبة:صحيح قوليلي بقا قبل ما الكل يرجع من الصلاة في أي بينك وبين أماني يخليها تبات عند أمها وأخوكي هنا ومش تبات معانا 

-حور:هي أصلا بتستغل أن أمها بيتها قصادنا ومفيش غير انها يا أتجوز أخوها غصب يا تتلوي عليا 

-حبيبة:سيبك منها وأن شاء الله تتجوزي اللي يريحك بلا هم مش كفاية هي أتجوزت أخوكي وغيرته 

-حور:ربنا يصلح ويهدي أنا بقول أقوم أصلي بدل ما هناكل لحم أخينا ميت بالنميمة والغيبة دي 

-حبيبة:والله الواحد لو اتفتح فيها بس بنقول عشان ربنا وعشان محدش يجي علينا وربنا يهديها ويبعد عنها شيطانها 

-حور:يارررررب 

_وبعدما رجع الجميع من صلاة الجمعة تناولوا الغداء ثم رحل كل واحد وزوجته واولادة الي بيتهم علي وعد بموعد جديد 

_في المساء كانت الساعة السابعة دق جرس الباب قام أحمد متجها إلى الباب ليفتح فوجد

…

يتبع…..