Uncategorized
رواية زوجتي الحامل الفصل الخامس 5 والأخير بقلم إسراء ابراهيم
رواية زوجتي الحامل الفصل الخامس 5 بقلم إسراء ابراهيم
 |
| رواية زوجتي الحامل الفصل الخامس 5 بقلم إسراء ابراهيم |
رواية زوجتي الحامل الفصل الخامس 5 والأخير بقلم إسراء ابراهيم
وقف جوزها مصدوم ومبقاش بيتحرك خلاص وباصص للسما
هى: أنت بقيت زي التمثال كده ليه ومبتردش ليه رد عليا
ولكن مفيش رد وقالت تقريبا اتجمد طب أروح أجيب بنزين واولع فيك عشان تفك ولا تسيح
خلاص هروح أجيب واجي اوعى تقع بس
(البت دي هتولع فيه حد بسرعة يروح يلحقها قبل ما تنفذ المصيبة دي وتقتل الراجل????????)
راحت تجيب الولاعة والبنزين وهو كان هعيط وجري قفل باب الأوضة وقاعد خايف من هبلها
أنا كده بقيت أخاف أنام معها ممكن تموتني مبقاش ليها أمان
أعمل إيه في مشكلتي دي
اتصل على أهلها يجوا ياخدوها تقعد عندهم لغاية ما تولد
ومفيش حل غير ده وجاب موبايله ولسه رايح يتصل
جت هى وبتخبط عليه وهو اتخض والموبايل وقع منه
هى: أنت يابني أنت قفلت الباب إزاي وأنت متجمد معقولة الشمس سيحتك
هو من ورا الباب: تسيحني إزاي حد قالك إني زبدة
وبعدين شمس إيه دلوقتي احنا بالليل ياما
هى: تصدق كلامك صح معلش ما أنا برضوا مستغربة أنت فكيت إزاي
هو: فكيت إيه يا هبلة هو أنا لوح تلج يا غبية
هى: طب افتح الباب خلينا نقعد ونتكلم مع بعض
هو: لا مبفتحش عشان غلط تشوفيني
هى: ليه أنت قا*لع يالا
هو: لا قصدي اها يلا بقى عشان بتكسف
هى: يا نهار أبيض إزاي تقعد في بيت محترم وشريف كده
معندكش دم خالص ومفيش حيا
هو: ليه قاعد مع جارتي عشان تقولي ليا كده أنتي دماغك صموايلها مفوتة
هى: هات المفك وتعالى صلحهم ما تفتح يابني أحسن ما اعمل حاجة متعجبكش
هو بخوف: ناوية على إيه يا مصيبة اهدي كده وهفتح
هى: ماشي يلا بسرعة
فتح الباب براحة ولكن هى زقته وراحت حضنته وبتعيط
وهو اتاثر وطبطب عليها وقال أنا وحشتك صح
هى بعياط: لا طبعا أنا بس كنت خايفة لتطير من غيري وتسيبني
هو بصدمة:.ايييه يارب الرحمة
هى: مالك يابني ومصدوم كده ليه يالا بقا عشان نطير
هو:.نطير من جناحات يعني أنتي طلعتي ليا منين أنا بضرب نفسي بالجزمة على اليوم اللي روحت اتقدمتلك فيه
مش ناوية تولدي ولا إيه أنا زهقت
هى: أنا لسه في الشهر السادس
هو: خلاص أنا بقى أروح أقعد عند أمي لغاية ما تولدي
هى: وأنا هاجي معاك يلا بقى هروح اجهز الشنط
هو: شنط إيه أنتي مجنونة أمي ساكنة في الدور اللي تحتينا
مش في المريخ يعني
هى: طب وإيه يعني
هو: أنا الصراحة مبقتش عارف أعمل إيه معاكي أنتي دماغك دي فين
هى:.هنا في راسي وبعدين بتسأل ليه
هو:.لأ متاخديش في بالك كنت بتاكد بس
هى: أنا عايزة أنام يلا بقى نكمل بكرة
هو: ربنا يستر يلا ياختي
وعدى شهر وطبعا رفعتله الضغط
وبقت في الشهر السابع
قاعدين بياكلوا وهى قالت: بقولك إيه
هو:.قولي ياختي ابهريني
هى:.أنا لما أولد طبعا الناس هتسال الاتنين دول جاين منين
هو: هنقول ليهم نازلين عرض عالاول
هى:.ليه هو كيس اريل وخد عليه واحد مجاني
هو: يابنتي ليه مش عايزة تفهمي إن دول عيالنا
هى: لأ منا فهمت لكن مين هيفهم الناس
هو: متشغليش بالك هما فاهمين لوحدهم
هى: لا برضوا احنا أحسن حاجة ننقل من المكان ده
هو: الطموح حلو قومي شوفي هتعملي وأنا رايح الشغل
هى بتعب: أنا باين كده هولد
هو: تولدي إزاي
هى: زي اللي بيولدوا يا غبي
هو: أنا قصدي أنتي لسه في السابع
هى:.وأنت مالك العيال زهقت وعايزة تنزل بدل ما يموتوا من الخنقة جوا
هو: لا طبعا أنتي بيتهيألك إنك عايزة تولدي معلش استحملي لغاية التاسع
هى بتعب أكتر: أنت أهبل لو مش عاجبك نزلهم من بطني وحطهم في بطنك يكملوا فيه اهو بطنك كبيرة إزاي
وتاخد عشر عيال مش تلاتة بس
هو بخضة حط ايده على بطنه: أنتي هبلة بتحسديني
هى بصريخ: اخلص يالا مش وقت أسئلة وديني للدكتور
هو بخوف عليها: حاضر وخدها نزلها وخبط على أمه وراحوا المستشفى
وهما مدخلينها تولد بتقوله: بص يالا هات أي حاجة عشان نخبي العيال التانية
هو: ليه
هى: عشان الناس متقولش حاجة ونبعد عن المشاكل
هو: ربنا يشفيكي ودخلت تولد
وبعد ساعة سمعوا صوت البيبيهات بيعطوا
وهو كان فرحان إنه خلاص عياله جم عالدنيا ويملوا حياته
ودخلوها أوضة عادية وهو وأمه دخلوا ليهم
هى: فتحت عينها وقالت عايزة أشوف عيالي
هو: هما دلوقتي في الحضانة بس صورتهم ليكي اهو خدي شوفيهم
هى بصدمة: إيه ده
هو بخضة: إيه يابنتي خضتيني
حماتها: في إيه يابنتي
هى: دا العيال كلهم شبه بعض ليه وأنا هفرق بينهم إزاي
دخلوهم بطني تاني عشان يكملوا فيها وكل واحد ياخد شكله
هو: ليه هما نسيوا يطلعوا شكلهم من بطنك
هى: ايوا روح اسأل الدكتور
هو بص لأمه وأمه بصتله وقال: أنا جالي ذبحة صدرية ووقع من طوله
أمه بصت عليهم ووقعت جنبه( تقريبا هى دخلت في غيبوبة سكر????????)
#تمت
لقراءة باقي فصول الرواية : اضغط هنا
نرشح لك أيضاً رواية حكايتي في الثانوي للكاتبة إسراء ابراهيم