رواية أحببت مدمن الفصل التاسع عشر 19 بقلم روان ابراهيم

حازم بشك:- مين يا إنچي

إنچي بتوتر:- دا دا رقم كدا أنا أنا هروح أشوف مين وأجي

حازم وهو يتناول الطعام ويتصنع اللامُبالاة:- أوك 

(ثم غادرت إنچي الغرفة)

ملاك لحازم:- حازم مالها إنچي أتوترت كدا ليه لما فونها رن

حازم وهو ينهي الموضوع:- ملناش دعوة يا ملاك ويلا قومي علشان عندك درس

ملاك بخجل:- حا حازم ممكن أطلب منك طلب

حازم وهو يمسك يدها:- أنتي تؤمريني يا ملاك، قولي عايزة ايه

ملاك بعين دامعة:- بابي وحشني يا حازم عايزة أكلمه بليز

حازم وهو ينهض من مكانه:- ملاك أنا مش عايز يبقى لينا علاقة بماجد بيه

ملاك بصدمة وصوت مرتفع:- يعني ايه الكلام دا يا حازم هو دا وعدك ليا بإنك تخليني أزور بابي أنت واحد كداب يا حازم كدااااب وأنا هزور بابي غصب عنك

حازم بغضب وهو يضربها على وجهها:- ملااااك أخرسي

ملاك ببكاء وهي تضع يدها على وجهها:- أنت معدوم الإحساس يا حازم ومحدش يقدر يبعدني عن بابي

(ثم ركضت على غرفتها وهي تبكي بشدة)

حازم وهو يمسك شعره بقوة:- ايه اللي أنا هببته دا من أمتى وبمد إيدي على بنت ويوم ما أمد إيدي يكون على مراتي غبي يا حازم غبي بس ملاك غلطت محدش يقدر يتطاول عليا تيجي عيلة صغيرة وتمد إيديها على حازم السيوفي!!!

(إنچي أنهت حديثها على الهاتف سريعا وشاهدت ذلك المشهد حازم وهو يصفع زوجته مما جعل إنچي تبتسم بشماتة على تلك الصغيرة ملاك ثم صعدت إنچي غرفتها و…)

إنچي لنفسها:- اللعبة بدأت يا ملاك النهاردة حازم ضربك بالقلم بكره يطلعك من قلبه، من قلبه ايه دا من القصر كله وطلوعك هيبقى على إيدي يا ملاك هانم(ثم ضحكت بشر على ما خططت له)

إنچي بتخطيط:- أنا لازم أشوف طريقة أقدر أخرج بيها من القصر

عند ملاك:- 

(ملاك كانت تبكي بشدة حتى وجدت من يضع يده على شعرها)

ملاك وهي تبعد يده:- أطلع بره يا حازم أنا بكرهك

حازم بندم وهو يجلسها أمامه مُمسكًا يديها:- ملاك حقك عليا متزعليش مني أنا أول مرة أمد إيدي على بنت أنا مش عارف عملت كدا أزاي ملاك أنا آسف(ثم جذبها لأحضانه وظل يقبل شعرها) ملاك متزعليش مني 

ملاك وهي تبعده بقوة:- أبعد يا حازم تضربني وبعد كدا تقولي آسف وأنا أخدت ايه من آسفك دا(وظلت تضربه على صدره وهي تبكي) أنت ملكش حق تضربني يا حازم ملكش حق خالص، بابي عمره ما عملها تيجي أنت وتضربني

حازم بآسف:- آسف يا ملاكي(ثم جذبها وقبلها بلطف) قلبك أبيض يا ملاك متزعليش بقا يا ست البنات

ملاك بطفولة:- خلاص صافي يا لبن يا حازم

حازم بضحك:- حليب يا قشطة يا ملاكي(ثم أحتضنها وقبلها على رأسها) لسه زعلانة مني!

ملاك ببرائة:- تؤتؤتؤ مش زعلانة، بس لو عملت كدا تاني أنا مش هسامحك خالص وصدقني هزعل منك جامد وهسيبلك القصر

حازم وهو يجذبها من أذنها:- بتقولي يا شاطرة تسيبي ايه ياختي!

ملاك بضحك طفولي:- خلاص خلاص مش هسيب حاجة، سيب ودني بقا يا حازم

حازم بهدوء:- قومي يلا كلمي باباكي

ملاك بفرحة:- هييييه هكلم بابي حبيبي هييييه يحيا حازم السيوفي هييييه(ثم ضحكوا بشدة)

حازم بضحك:- ولا كأني متجوز بنت أختي

ملاك بضحك:- هقوم أكلم بابي بقا

ملاك بتذكر:- أه صحيح هكلمه إزاي وأنا مش معايا فون

حازم بتعجب:- أومال فونك فين يا ملاك

ملاك وهي تذكره:- في واحد كدا أسمه حازم السيوفي خطفني وفوني وقع مني في الوقت دا الله يسامحه بقا حرمني من الفون بتاعي ألا صحيح أنت تعرف حازم السيوفي!!

حازم بضحك:- لاء معرفهوش

ملاك بمشاكسة:- يا راجل عيني في عينك كدا

حازم وهو يلعب بشعره:- ما خلاص يا ملاك مش لازم تفكريني باللي حصل، أوعدك أنا هعوضك عن اللي فات كله

ملاك وهي تمسك يده:- أنا مش عايزاك تعوضني عن اللي فات أنا عايزاك تتغير يا حازم، أنت قلبك طيب جدا وأنا أكتر واحدة شايفة دا، أنا شوفت عصبيتك وشوفت حنانك وطيبتك وخوفك عليا، ليه يا حازم بتأذي نفسك وأنتَ ماشي في السكة الحرام

حازم وهو يعطيها ظهره:- ملاك قفلي على السيرة دي ومتفتحيش الموضوع دا تاني

ملاك بحب:- أنا خايفة عليك يا حازم وعايزاك تتغير

حازم بتحذير:- ملاااك قولتلك بلاش كلام في أم السيرة دي خلص الكلام يلا قومي جهزي نفسك عندك درس بعد ساعة

ملاك بهدوء:- حاضر يا حازم

(ثم غادر الغرفة وذهب لغرفة إنچي وظل يطرق على باب الغرفة و..)