رواية حقيقة أم سراب الفصل الثاني 2 بقلم لؤة وليد عبدالقادر

كل شخص مهما بلغت قسوته وعنفه فتاكد انه من الداخل هش جدا.

???????????????????????????? ????????????????????

كانت آسيا في طريقها إلى غرفتها فسالها والدها.

فاروق:شكلك مارخمتيش عليه زي كل مرة وبيقولي مستني الرد.

آسيا:قوله موافقه……????????انا قلت اي.

دخلت آسيا غرفتها وهي في حاله صدمه تامه وتحدث نفسها.

آسيا:انا ازاي قلت كدة ازاي اصلا مرتاحاله كدة في حاجه غريبه انا مش فاهمه حاجه.

ثم فتحت هاتفها لتجد رسائل كثيرة من حور.

حور:آسيا…يبنتي…..انتي فين طيب ردي طمنيني……. هو الصناره غمزت ولا اي????…..طب يبنتي ردي انتي اتاخرتي كدة لي……????لتكوني عملتي فيه حاجه……يبنتي رددددددي.

آسيا:حور الحقيني????.

حور:اي في اي خضيتيني.

آسيا:انا مش فاهمه حاجه ومش عارفه حاجه.

حور:يعني اي طب قوليلي اي الى حصل.

آسيا:اناا انا وافقت????????.

حور بسعاده:بجد طب الحمد لله خايفه من اي بقى.

آسيا:منا مش عارفه وافقت ازاي????.

حور:احنا هانستهبل بقى ماتقولي كلام يتفهم.

آسيا:بصي ماعرفتش ارد عليه اصلا اول ماشفته حسيت اني مش محتاره وخايفه ومش عارفه اقول حاجه بس كنت مرتاحه اوي واحنا بنتكلم رخمت اه بس كنت حاسه اني عايزه اتكلم معاه كتير ماعرفش لي وبعد مامشي بابا سالني لقيتني بقول موافقه وبعدين خدت بالي م الى قولته مش عارفه ازاي.

حور:يبقى السناره غمزت وهانلبس فساتين قريب????????????.

آسيا بغضب:يازفته مابهزرش انا بجد خايفه انا عمري مارتحت لحد بسرعه كدة ومش فاهمه اي الى حصل ولا ازاي اصلا وانتي عماله تهزري.

حور:بصي انا هاقولك حاجه واحدة هي الى هاتريحك اكتر وتطمنك…….استخيري ربنا وانتي هافهمي كل حاجه.

آسيا:انا اكيد هاعمل كدة بس انا برضوا خايفه….حور انتي عارفه انا مش عايزة اثق ف حد بسرعه كدة ومش عارفه ازاي ده حصل.

حور:اسمعي كلامي بس روحي استخيري ونامي وان شاء الله تصحى مرتاحه.

آسيا:تمام ماشي.

ذهبت آسيا لتصلي شعرت براحه كبيرة جدا أثناء صلاتها ثم ذهبت للنوم واثناء نومها حلمت بشيء صدمها اكثر ولم تفهم له معنى لو لم تريد الاقناع بهذا واستيقظت مع اذآن الفجر اخذت هاتفها وظلت ترسل العديد من الرسايل إلى حور فلم ترد اتصلت بها كثيرا حتى ردت وكانت نائمه يسيطر عليها النعاس.

حور بنعاس:اي مالك.

آسيا:افتحي واتس كلميني بسرعه.

حور:دلوقتي!!

آسيا بغضب:ايوة دلوقتي امال امتى.

حور:حاضر.

حور:اي كل ده واي الى صحاكي دلوقتي مالك.

آسيا:حلمت بحاجه غريبه اوي وصحيت مع الفجر.

حور باستغراب:حاجه اي….صليتي قبل ماتنامي.

آسيا:آه صليت…..حلمت..حلمت اني ف صحراء كبيييره مليانه شجر كتير ومافيهاش حد كنت خايفه اوي عماله ازعق واصوت اي حد يسمعني مكنش في حد بعد وقت طويل لقيت حد جاي يجري من بعيد وفضل ينده ويقولي تعالي تعالي فرحت جري عليه قلت هايخرجني من هنا بس اول ماوصلت لقيت إنه آدم الى جه امبارح ف اضايقت وفضلت ازعق معاه ومكنتش عايزه امشي معاه بس راح كتفني وزعق فيا جامد وقالي انا هاساعدك وهاخرجك من هنا بمزاجك او غصب عنك ساعتها مش عارفه ازاي لقيتني هديت ومشيت معاه….وصحيت لقيت الفجر بياذن مافهمتش ده معناه اي ولا المفروض اعمل اي.

حور:طب عايزة اشارة اوضح من كدة اي مش فاهمه…والمفروض تعملي اي النفروض تكملي ربنا باعتلك اشارة بيقول انه نصيبك وهايساعدك تخرجي من وحدتك دي تقولي بقى خايفه ومش عارفه.

آسيا:ربنا يستر بجد مش عايزة حد يأذيني وخايفه اوي.

حور:ماتخافيش إن شاء الله خير.

آسيا:إن شاء الله……بقلك صحيح في كورس كدة شفته وقدمت فيه باسمي انا وانتي هانروح اخر الاسبوع…انا قلتلك بس عشان تعملي حسابك.

حور:يخربيت التدبيس هو اي الى قدمت باسمي واسمك????????هو كل مرة تعملي كدة.

آسيا:مش بمذاجك حاجه هاتستفادي منها واحنا كدة كدة فاضيين ومحتاجينها ماتروحيش لي يعني????.

حور:خلاص يستي هاجي ماهو اجبار شكله.

آسيا:اه اجبار اذا كان عاجبك…..وروحي كملي نوم بقى.

حور:طيب يختي.

???????????????????????? ????????????????????????

في منزل آدم.

كان آدم يجلس مع اخته ساره بعدما عادا من منزل آسيا.

ساره:آدم انت هاتتجوز البت دي.

آدم بتفكير :اه هو انا عايز افهمها لاني حاسس ان فيها حاجه غريبه فضول يعني بس هي مش وحشه برضوا اي المشكله اني اتجوزها.

ساره:بس دي بت رخمه وعامله فيها راجل كدة يعني مش مرتاحالها.

آدم:لي كدة بس والله شكلها طيبه وبعدين دي حتى سالت عليكي وعرفت اسمك حتى من غير ماقولها.

ساره????:لء ونبي ماتخوفنيش منها دي شكلها ملبوسه.

آدم????:يبنتي ملبوسه اي بس…..هي شكلها ارتاحتلك يعني عشان كدة سالت عليكي.

ساره????:مش موتافئله خالص.

آدم????:يبنتي……طب مش هتنامي بقى ولا اي.

ساره????:مش عايزه انام.

آدم:لي ان شاء الله مش عندك جامعه بكره.

ساره:عندي بس مش عايزه انام ماتيجي نشوف فيلم وبعدين ننام.

آدم:لء قومي نامي عشان بتطلعي عيني عشان اصحيكي.

ساره????:يووووو بجد زهقانه ومش عايزه انام خالص.

آدم:طب هاخرجك حاضر بس يومين كدة بس قومي نامي دلوقتي.

ساره????:ماشي.

*آدم دكتور تخاطب في سن27يعمل باحدي المستشفيات شخصيه عمليه جداً يعيش مع اخته الوحيده بعد وفاة والديهم وهو يحبها جداً ويعتبرها ابنته وليس اخته.

*ساره في سن20تدرس بكليه الفنون الجميله تحب الرسم جداً شخصيه طفوليه بعض الشيء طيبه جداً وتحب اخيها بشده ف منذ الصغر لا تعرف غيره فهو ابيها واخيها وصديقها وكل شيء لها.

???????????????????????? ????????????????????????

في الصباح.

استيقظ الجميع استعداداً ليوم جديد واحداث جديدة.

ذهبت آسيا إلى الجامعه في ملل شديد لا تعلم ما القادم ولا تعلم ماذا عليها ان تفعل.

حور:مالك ياحجه مبوزه لي.

آسيا????:مفيش.

حور:اه ماهو باين….هاتفضلي كدة طول اليوم.

آسيا بغضب:اعمل اي يعني اقوم اتشقلب.

حور????:لء مش للدرجادي يعني بس فكي كدة الدنيا مش مستاهله.

آسيا:خايفه اوي بجد ومش عارفه اعمل اي.

حور:طب اي الى يطمنك مش فاهمه.

آسيا:مش عارفه بقى سيبيني ف حالي.

حور:طب انا هاروح اجيب حاجه اكلها اجيبلك معايا.

آسيا:ماشي.

آسيا:راسيل انا بجد تايهه مش عارفه اعمل اي ولا عارفه ازاي مرتاحاله كدة ازاي.

…..:&

آسيا:طب انا المفروض اعمل اي اكمل ولا لء….ولو لء المفروض اعمل اي…انا باجي قدامه واتلجم ماباعرفش اتكلم.

….:&

آسيا:يعني اي هاتفضل معايا طيب ما كدة انا مش محتاجه لحد تاني.

….:&

آسيا:يووووو انا تعبت……..????ماتسبنيش ياراسيل ادم اكيد مش هايحبني زيك.

….:&

آسيا????:مش هاتسيبني صح….خليك معايا….عشان خاطري ماتسيبنيش.

كانت حور قد عادت وسمعت ماقالته آسيا ولكنها لم تريد ان تزعجها.

حور:انا جييت….اتاخرت!؟

آسيا بحزن:ااا لء ماتاخرتيش.

حور:مالك طب زعلانه لي تاني.

آسيا:مفيش والله بس مخنوقه اوي.

حور:اممممم تعالي معايا طيب احنا نروح نصلي يمكن ترتاحي.

آسيا:اه ياريت فعلا.

ذهبتا إلى مسجد الكليه وبعد انتهائهم من الصلاه.

آسيا:يالهوي فاضل خمس دقايق ع المحاضرة.

حور:طب يلا بسرعه بقى لانتطرد.

آسيا:اجري يختي????.

بعد انتهاء المحاضره وجدت آسيا كثير من المكالمات من رقم لاتعرفه.

آسيا باستغراب:مين بيرن كل ده في اي.

حور:طب اتصلي عليه شوفي مين.

آسيا:مش عارفه اهو بيرن تاني…..سلام عليكم.

…:عليكم السلام..صباح الخير.

آسيا:صباح النور يسيدي من حضرتك.

…:اي ده معقول ماتعرفينيش كدة.

آسيا:لء ماعرفكش وانجز قول مين بدل ماقفل ف وشك مش ناقصه استهبال ع الصبح.

…????:طب براحه يبنتي انتي هاتفضلي كدة طول عمرك.

آسيا:يعم قول مين ماتخلينيش اتغابى عليك.

…:لء مش هاقول….ماهو انتي ياحبيبتي المفروض تعرفيني لوحدك برضوا مش معنى اننا بعدنا كام سنه تنسيني واحنا طفولتنا كلها كانت مع بعض.

آسيا باستغراب:ايوه مين يعني ماعرفش.

…:عمتا انا متأكد انك هاتعرفيني بس حبيت اقولك إني راجع م السفر قريب ونفسي تكوني ف استقبالي ولو ماعرفتينيش هاتبقى اول حد اروحله وادشدش دماغه ولو يستي نسيتي صوتي فهاقولك انك كبرتي على ايدي وانا الى علمتك البلطجه دي لازم تفتكريني إنتي بنتي.

آسيا????:طب والله مافاكره.

…:تبقى واطيه وهاجي افتح دماغك.

آسيا????:تفتح دماغ مين ياااض.

…:اااايوة هي دي تربيتي….بس برضوا ان مافتكرتيش هافتح دماغك????سلاموز.

آسيا:مين ده.

حور:هو اي الى مين ده لما انتي ماتعرفيهوش كل ده بتتكلموا ف اي.

آسيا:بيقول اني اعرفه بس انا مش فاكره مين ده وراجع م السفر قريب برضوا انا مش فاكره اني اعرف حد مسافر.

حور:يمكن حد بيشتغلك فكك منه.

آسيا:ماشي????‍♀️.

???????????????????????? ????????????????????????

بعد مرور يومان لم يحدث بهما شيء غريب كان ذالك اليوم الثالث بعد مقابله آدم وحور هاتف آدم والد حور ليعرف منه الرد.

آدم:السلام عليكم ااا ازيك يعمي.

فاروق:بخير يبني الحمد لله.

آدم:يارب دايما بخير….ااا انا يعني كنت باتطمن على حضرتك وبرضوا يعني عايز اعرف الرد كان اي.

فاروق:والله يبني هي موافقه.

آدم????:بجد.

فاروق????:منا اتصدمت زيك كدة بس هي ماقالتش سبب وماتكلمتش ف الموضوع تاني.

آدم:طب الحمد لله…..اقدر اجي النهارده عشان نكمل كلامنا.

فاروق:اه طبعا تنور.

آدم:تمام هاكون عندك النهارده مش هاتاخر.

في المساء كانت آسيا قد علمت بمجيء آدم ولكنها تظاهرت بعدم الاهتمام على عكس انها كانت خائفه جدا من مقابلتها معه مره اخرى فهي لا تعلم ماذا يحدث لها حين يتحدث ومن اي تأتي تلك الراحه الغريبه.

حضر آدم واخته ساره وتمت قرائه الفاتحه ولكن آسيا رفضت اقامة الخطوبه.

آدم:ااا هو انا اشتريت الشبكه بس طبعا عايزين نتفق على معاد الخطوبه.

آسيا:مش عايزه.

فاروق:مش عايزة اي!!؟

آسيا:مش عايزه خطوبه مابحبش الدوشه والزحمه فمش هاعمل خطوبه.

فاروق:بس يبنتي.

آدم:خلاص يعمي مفيش مشكله المهم تكون مبسوطه….وبما ان مفيش خطوبه وكده ممكن البسك الشبكه دلوقتي.

آسيا????:اتفضل.

آدم بهمس:بطلي غتاته.

آسيا:????????.

آدم:طب اااا ممكن يعمي اخدها وننزل نتمشى شويه وساره معانا.

فارق:تمام بس ماتتاخروش.

آدم:حاضر.

ذهبوا الثلاثه وركبوا السياره في اتجاههم لاحد المطاعم ولم يدور بينهم اي حديث فقط نظرات متبادله بين الثلاثه فكانت نظرات الطمأنيه والحب من آدم ونظرات الغيره والحقد من ساره ونظرات القلق والخوف من آسيا حتى وصلوا.

آدم:بصوا هو انا مابحبش آكل ف مطاعم عشان كده هاجيب الاكل ونشوف مكان تاني ناكل فيه اشطا.

ساره:اشطا.

آسيا:مفيش مشكله.

آدم:طيب انزلوا.

نزل الجميع ولكن اتجه آدم الى آسيا.

آدم:انتي في حاجه مضايقاكي.

آسيا:ااا لء.

آدم:طب مالك.

آسيا:مفيش حاجه انا كويسه.

آدم:أكيد.

آسيا:????????.

آدم:خلاص دا انتي رخمه.

ثم اتجه إلى ساره.

آدم:حبيبتي خليكوا هنا بس حاولي ماتضايقيهاش وهي أكيد مش هاتضايقك.

ساره:لايعم مش عايزه انا افضل مع البت الرخمه دي.

آدم:يبنتي ولا رخمه ولا حاجه انا هاسيبكوا بس تتكلموا شويه واروح انا اجيب الحاجه.

ساره بغضب:انا مش عارفه اي الى حاجه ف البت دي على طول ساكته واما تتكلم تقول كلام يخنق ورخمه كدة اي القرف ده.

آسيا????:هي مين دي الى رخمه وكلامها يخنق.

ساره:انتي هو انتي شايفه نفسك كده حلوه وانتي شبه الرجاله ده اخويا بيشفقك عليكي اصلا بمنظرك ده.

نظرت لها آسيا بحزن فقد شعرت لوهله انها يمكن ان تصبح صديقه لها وهذا كان السبب انها وافقت على الارتباط ب آدم ولكنها جرحتها بكلامها نظرت لها ثم نظرت لآدم وتركتهم ورحلت في صمت.

آدم بغضب:ينفع الى عملتيه ده بقلك ماتضايقيهاش وخدي بالك منها تقومي تعملي كدة.

ساره:انت ماشفتهاش ردت ازاي.

آدم:لء هي كده ماردتش وانتي الى جرحتيها بكلامك.

ساره بندم:طب انا المفروض اعمل اي دلوقتي وهي مشيت.

آدم:هاحاول ارن عليها اشوفها راحت فين.

ركبوا السياره واخذ آدم هاتفه ليرن عليها فوجد هاتفها وحقيبتها في السياره.

آدم:سابت حاجتها طب راحت فين.

ساره:مش عارفه بس خلينا نمشي ف الاتجاه الى مشيت فيه يمكن نلاقيها.

آدم:طيب.

اخذ يسير بسيارته في نفس الاتجاه الذي اتخذتها آسيا وكان كل منهما ينظر يميناً ويساراً حتى يجدوها وفجأه صرخت ساره.

ساره:أهي أهي يا آدم واقفه هناك.

كانت حور تقف على كورنيش النيل بمفردها وتبكي.

آسيا????:راسيل هو انا وحشه اوي كده…وحشه لدرجة محدش يستحملني ولا يحبني.

….:&

آسيا????:لي كلهم بيكرهوني…لي كلهم بيبعدوا عني…..لي كلهم بيجرحوني ويأذوني انا ماأذيتش حد وماجرحتش حد انا بجد تعبت.

….:&

آسيا????:راسيل انا مابحبش حد ومش عايزه حد انا بكره كل الناس مش عايزه افضل مع حد ومش عايزه حد معايا محدش بيفهمني قدك ومحدش هايحبني قدك.

تلك الجمله سمعها آدم عندما كانت يقترب منها ليتحدث معها.

آدم????:هو مين ده الى محدش هايحبها قده وهي بتكلم مين اصلا….ماشي أكيد هافهم بعدين.

اقترب منها آدم.

آدم:آسيا انتي كويسه.

التفت اليه بعد ان مسحت دموعها.

آسيا بجمود:انا كويسه.

آدم:طب…. وجدت هاتفها يرن فأعطاه لها.

آسيا:ده بابا…..ايوة يابابا.

فاروق:اي يبنتي مش اتاخرتوا كده.

آسيا:حاضر جايه على طول اهو.

اغلقت الهاتف مع والدها ثم نظرت اليها.

آسيا:انا لازم امشي عايزه شنطتي.

آدم:طب هاوصلك.

آسيا:لء هاروح لوحدي.

آدم:عدي قدامي.

آسيا بغضب:قلت هاروح لوحدي.

آدم بغضب????:عدي قدامي وكلمه كمان هاتغبى عليكي.

آسيا:ماباخافش على فكره وقلت.

سحبها آدم خلفه وادخلها السياره وركبها امام المقود وانطلق بسرعه وغضب الى ان وصل امام منزلها نزلت آسيا بغضب وصعدت الى منزلها وبمجرد دخولها.

سلمى:عملتوا اي.

آسيا:الحمد لله.

سملى:مش هتاكلي.

آسيا:لء تعبانه هنام.

دخلت آسيا غرفتها حتى ثم تذكرت شيء مهم ففتحت الهاتف وارسلت لحور.

آسيا:صاحيه ولا.

حور:صاحيه اه.

آسيا:طب ماتنسيش بكره معاد الكورس.

حور:ااه انا كنت ناسيه فعلا ????خلاص اشطا اشوف بكره????.

آسيا:اشطا تصبحي على خير❤️.

???????????????????????? ????????????????????????

في اليوم التالي التقى الفتاتان للذهاب إلى كورس طبي للتدريب.

حور:هو انتي متأكده ان الكورس ده شهادته معتمدة.

آسيا:يبنتي ولو مش معتمده اهو هاتستفادي وتتعلمي العملي ازاي.

حور????:طيب مع اني مش مرتاحه.

آسيا:يستي مش خسرانيين حاجه.

حضروا الكورس ولكن في نهايه الكورس كان هناك محاضره تنميه بشريه لمده ساعه.

ريان:سلام عليكم انا دكتور ريان هاتكلم معاكم النهارده ف شويه حاجات منها ازاي تقدروا تنموا مواهبكم وازاي تقدروا تستغلوا وقتكم و………..

*ريان طبيب نفسي في سن27 وهو صديق آدم المقرب يعمل بإحدى المستشفيات سوري الجنسيه لكنه يتقن لغه المصريين فهو يعيش بمصر منذ الصغر.

آسيا:هو بيبصلك كدة لي.

حور:انا عارفه????‍♀️.

آسيا:اي بالجاحه دي هو مفيش غير ف المكان مانزلش عينك من عليكي من ساعه مادخل.

حور:يبنتي سيبك منه يعني هانعمله اي.

آسيا:لء دي قله ادب مش كده.

حور????:يستي يمكن معجب.

آسيا:????.

حور????:اي بيتغيري.

آسيا:????????.

حور:اه بتغيري مانتي مش هاتلاقي حد يبصلك كده ياجعفر هانم.

تحولت نظرات آسيا إلى حزن شديد فلم تتوقعها من اقرب الناس لها وصديقتها الوحيده.

آسيا:????.

حور:آسيا انا ماقصدش والله بهزر ماتزعليش منى.

آسيا:????.

حور:يبنتي والله ماقصد ماتزعليش بجد حقك عليا بقى.

آسيا بجمود:خلاص.

لم تلاحظ آسيا وجود آدم في القاعه وكان ايضا يجلس خلفها فسمع الحوار بينها وبين حور واستشف من ذلك حساسيتها ضد الكلام فمن اقل كلمه تحزن بشده.

بعد انتهاء المحاضره خرجت آسيا بسرعه وكانت حور تجري خلفها إلى ان توقفت آسيا فقد قطع آدم طريقها.

آدم:رايحه فين.

آسيا بغضب:غايره ف داهيه اوعى من قدامي.

آدم:طب اهدي عايز اتكلم معاكي.

آسيابزعيق:مش عايزه اتكلم وسيبني امشي بقى.

خبطها آدم بيده في رأسها:صوتك مايعلاش…..وقلت هانتكلم يعندي هاتقعدي وتسمعي هايجي معايا انتي وصاحبتك وهاروح اجيب ساره وهانتكلم كلنا وكلمه واحده مش عارف ممكن اعمل اي.

آسيا:????.

حور:آسيا بلاش عناد عايزين نتكلم بجد ماينفعش كده.

آسيا:طيب خلاص.

آدم:تمام اركبوا هانروح نجيب ساره وبعدين نشوف مكان نقعد نتكلم فيه.

ركب الجميع وانطلق آدم بسيارته نحو منزله وفي طريقه هاتفه ريان صديقه.

ريان:اي يعم خرجت مالقيتكش رحت فين.

آدم:اااه دانا نسيت خالص طب خلاص شوف اي مكان كده نقعد فيه وابعتلي اللوكيشن هاروح بس اجيب سارح واجيلك.

ريان:تمام.

وصل آدم امام منزله وكانت ساره ف انتظاره.

آدم:اركبي يلا واقفه لي.

ساره????:عايزه اركب مكاني.

فكانت آسيا تجلس بجوار آدم وحور تجلس بالخلف وساره اعتادت على ان تجلس بجوار آدم.

نظر آدم ل آسيا ولكنها لم تحرك ساكناً.

آدم:طب آسيا ممكن.

آسيا:لء.

آدم:طب ياساره.

ساره:لء.

آدم:امممممم اركبوا انتوا الاتنيين ورا مش عايز حد جنبي.

جلس الاثنين ف الخلف بغضب ثم نظرت ساره ل آسيا.

ساره:انا ماعرفش حد غير آدم من وانا صغيره هو ابويا واخويا وصحبي وكل حاجه تخيلي بقى تيجي واحده وتاخد مني كل الناس فلحظه انا هاعمل اي بغير على آدم اوي كان قصدي اضايقك عشان تتخانقوا وتسيبيه بس انتي رخمه برضوا وماسيبتيهوش.

كانت آسيا تنظر لها وتبكي من كلامها فكانت تريد حب كهذا في حياتها ولكن تحولت ملامحها مع آخر جمله.

آسيا????:انا اي.

ساره????:رخمه.

ضحكت آسيا وحتضنتها????:منا عارفه اني رخمه.

حور:????????الموضوع مؤثر اوي.

ضربتها آسيا في وجهها.

حور:اه براحه يابومه???? ثم احتضنتها ايضاً.

آدم بسعاده:يسلاااام دا الواحد كان فاكر انه داخل على حرب اي السهوله دي يعم.

آسيا:خليك ف حالك انت.

آدم:طب انزلي يهتي منك ليها وصلنا.

نزل الجميع ودخلوا احد الكافيهات وجدوا ريان في انتظارهم ف جلس الجميع ودار الحوار في عدة مواضيع.

ريان:هو انتي اسمك حور صح.

حور:اه.

ريان:حلو اسمك.

حور:شكرا.

ريان:ممكن رقمك.

حور:نعم.

ريان:اقصد يعني عشان الكورس.

آدم????:يعم بس.

ريان:استنى بس اصل الشغل هايبوظ لو ماخدتش رقمها بصراحه.

حور:لء ممكن اديك رقم بابا????.

ريان:لء دا انتي واقعه بقى????.

حور:نعم????.

ريان:اي مالك زعلتي لي.

حور:على فكره آسيا لو سمعتك ماضمنش ممكن تعمل اي.

ريان:لء خلاص الطيب احسن.

ولكن آسيا كانت شارده طوال الوقت احيانا تبتسم واحيانا تعبس ف لاحظ ذلك ريان وظل يتابع تغيراتها طوال الوقت حتى قرروا الرحيل.

ذهب آدم وريان لدفع الحساب وكانت آسيا تقف وحدها وتتحدث بسعاده.

آسيا:راسيل انا حاسه إني مبسوطه اوي بس خايفه الفرحه دي ماتدومش ويبعدوا عني ويجرحوني زي الباقي.

في تلك اللحظه سمعها ريان وصدم مما سمعه فنظر إليها بصدمه ثم نظر لآدم و…………..