Uncategorized

رواية شيزوفرنيا الفصل الأول 1 بقلم الشيماء عبيد

 رواية شيزوفرنيا الفصل الأول 1 بقلم الشيماء عبيد

رواية شيزوفرنيا الفصل الأول 1 بقلم شيماء عبيد

رواية شيزوفرنيا الفصل الأول 1 بقلم الشيماء عبيد

…الدنيا رهان أصبحت أنا فيه خسران…
أنا مش زعلان علي حب زمان…
بس انا ياحبيبتي متجرح من الهجران…
أحلامي قديمة مليانة تراب…
كل اللي أنا فيه حقيقة ولا سراب!
#الشيماء_عبيد
غرام:ايه ده نزل  المطواة اللي في ايدك دي انا مبخافش انت متعرفش انا مين ولا ايه؟!
– الحرامي:لا معرفش ومش عاوز اعرف وطلعي معاكي احسنلك ياشاطرة 
غرام:ايه ده شاطرة ايه مين قالك اني شاطرة…
الحرام :انتي هتقعدي ترغي معايا بقولك طلعي اللي معاكي 
*جه من وراه شخص وضربه ووقع المطواة من ايده *
يونس:يلا معايا بسرعة معاكي عربية
غرام: اه بس عطلانة 
يونس:تمام سبيها دلوقتي ويلا قبل مايفوق 
غرام:لا طبعا مش همشي من غير عربيتي وبعدين انا مش خايفة منه 
يونس في سره:طلعتلي منين الغبية دي بس يارب انا غلطان كنت سبته يضربها وخلاص بدل اللماضة دي
غرام بنبرة سخرية:تعال طب شوف فيها ايه ولاهتفضل واقف تبرطم كده
يونس بأستغراب:ابرطم؟!انتي بتقولي ايه انتي؟!
*راح يشوف ايه اللي في العربية خمس دقايق وقال
يونس:ياستي مفيهاش حاجة دوري تاني كده 
*فاق الحرامي وجاب المطواة وقرب منه وضربه بيها في ضهره لف زين بسرعة وضربه وكان صلح العربية ركبوا الاتنين وساق عشان يبعد عن المنطقة خالص*
يونس :بيتك فين ؟
غرام :بيتي فين ايه اطلع عالمستشفي دم ده ولامش دم جرح ده ولامش جرح 
يونس:اللهم ماطولك وانتي مالك انا كنت اشتكتلك  ماهو حضرتك بطولة اللسان دي لازم اي مكان تتواجدي فيه يحصل كوارث 
غرام :لا علي فكرة محصلش دول اعداء النجاح كنت عاوزني استسلملهم يعني ولاايه لازم ابان اقوي مما يتخيلوا 
يونس بغضب:كفاية رغي صدعت 
غرام:ام انت قليل الذوق بشكل هو انا بتكلم من بوقك وبعدين انا مالي انك صدعت بتشكيلي همك ليه ها 
*وصل مستشفي قريبة ونزل عشان يخلص منها ودخل جوا طلب دكتور يشوفله الجرح الدكتور عقمله عالجرح وطالع افتكر انها اكيد مشيت ودعي انها متكونش لسه موجودة ولسه مكملش لاقها في وشه بس كانت طريقتها غير الطريقة المعتادة كانت بتتكلم بهدوء ورزانة استغربها منها*
غرام بأسف:الف سلامة عليك انا اسفة جدا بسبب اللي حصلك انت كويس دلوقتي طيب ولا ايه 
يونس:اه تمام الحمد لله ومفيش اسف ولاحاجة عادي رجولتي متسمحليش اني اشوف واحدة بتتثبت في الشارع واقف اتفرج 
غرام بنبرة عصبية :بس متقولش بتتثبت قولتلك دول اكيد اعداء النجاح 
يونس بضجر:لاده انتي مجنونة رسمي انا ماشي 
*غرام مسكت دراعه قبل ما يمشي طب استني طيب اوصلك انت تعبان هوصلك بسرعة عشان ترتاح *
يونس:لا شكرا مفيش داعي هاخد تاكسي 
غرام :ياأخي اعتبرني تاكسي واهو رد جميل يلا بس عشان محسش بالذنب 
يونس في سره: قال يعني انتي بتحسي اصلا 
*وصفلها العنوان لحد ماوصلت عند العنوان زي ماقال كان بيت بسيط وحارة شعبية*
غرام:هو ده البيت صح 
يونس:اه تمام شكرا علي التوصيلة 
غرام:لا عفوا وانا بشكرك على وقفتك جمبي 
يونس بهزار:ولايهمك خلي بالك من نفسك بقي عشان انا روحت ومش هبقي موجود
غرام ضحكت :متقلقش ولاد الحلال كتير 
يونس:عندك حق والله 
غرام بهزار:بس ولاد الحرام كتروا برضو
يونس في سره:مفيش فايدة في طولة لسانك 
*طلع بيته وهو مستغرب قد ايه بنت عفوية ولطيفة وبتتحول لعصبية ورغاية استغرب هزاره معاها كأن انجذاب فطري رغم احتلاف الطباع الواضح جدا بينهم*
يونس بصوت عالي:يازوزو ياأمي انتي فين 
عبد الله (والد يونس):ايه ياولد بتزعق ليه كده وبعدين اول ماتدخل تسأل عن زوزو مفيش عبده حبيبك 
يونس:ازاي بس ودي تيجي ده انت اللي في القلب ولاايه 
*طلعت فوزية والداته من المطبخ وهي بتقول ايه ياقلب أمك دقيقتين والاكل هيكون جاهز علي متغير هدومك وتصلي العصر*
يونس:لا ياأمي تسلم أيدك انا هدخل أخد شاور وارتاح اصل أنا تعبان جامد 
فوزية:ايه تعبان مالك ايه اللي حصلك 
عبد الله:مالك يابني 
يونس:ياجماعة مفيش حاجة كبيرة يعني كنت جاي من الشغل لقيت واحد مثبت واحدة بالمطواة في الشارع فجيت ادافع عنها ضربني بالمطواة في ضهري وروحت المستشفي عقمت الجرح واطمنت انه مش محتاج خياطة ولا حاجة الموضوع بسيط 
عبد الله:ربنايحفظك ياحبيبي طب تعال يابني كل بس الاول عشان الاكل  مايبردش 
فوزية بحزن:طب وريني كده الجرح بيتعبك منه لله حسبي الله ونعم الوكيل هما ولاد الحرام خلوا لولاد الحلال حاجة 
يونس:خلاص ياأمي حصل خير
فوزية برجاء:طب يلا أقعد كل عشان خاطر أمك 
زين وهو بيبوس ايديها :حاضر 
*بعد ماخلصوا أكل سمعوا صوت زغاريط كتير وأغاني*
يونس بدهشة: ايه الزغاريط دي يابابا 
عبد الله:بتردد دي خطوبة هدي
يونس بعدم تصديق :هدي مين 
عبدالله:هدي جارتنا يابني 
… 
قام يونس بأسف دخل اوضته وقالهم انه عايز يبقي لوحده قعد علي سريره حاسس ان كل الحياة ضده الدنيا ديما بتحطه في اختبار اصعب من اللي قبله وهو مبقاش قادر واخيرا كأن جفونه بتحن عليه وبتسلمه للنوم بدل التفكيراللي تاعبه كل يوم غمض عينيه وهو بيحلم بالحلم اللي اتكرر كتير ولكن رؤية مشوشة
*واحدة في المستشفي بتتكلم بسرعة من تحت جهاز التنفس بكلام متقطع: اهربي  …هيقتله زي ماقتلني ….مظلومة…مش لازم يشترك في الظلم ده
وطفل بيعيط وهو بيمشي بخطي متثقالة وهو مش فاهم حاجة وبيبص وراه*
*قام من النوم مفزوع وهو بياخد نفسه وبيفكر تاني ايه الحلم ده ومين الست دي والطفل ده للاسف حتي النوم مرحموش من التفكير بل زود خانات التفكير خانة لحلم غريب بيتكرر وناس ميعرفهمش او يعرفهم من كتر ماهو مش شايف وشوشهم مش عارف يحدد أستعاذ بالله من الشيطان الرجيم وقام يصلي بص من شباكه علي بلكونة جارته هدي وأفتكر قد ايه كانوا بيحبوا بعض وازاي وعدته انها ديما هتفضل جمبه ومش هتكون لحد غيره هدي اللي كانت عبارة عن طفولته ومراهقته وشبابه دلوقتي المفروض يركنها للماضي دلوقتي هتكون لشخص تاني وتكمل معاه بقيت حياته كان لازم يعرف أن كل الاحلام اللي بتتبني وهم وكذبة عقلنا الباطن بيحب شئ بيمسك فيه ويصوروه علي انه حقيقة في يوم هندركها*
فوزية وهي داخلة أوضة أبنها بأسف:هتفضل قاعد كده يعني ولاايه وبعدين يابني كل شئ نصيب الحياة مبتقفش علي حد ربنا يعوضك بالأحسن منها ويعوضها بالأحسن منك وبعدين ما أنا قولتلك علي الحل وأنت ماوافقتش 
يونس:لا ياأمي انا أستحالة أخلي أبويايأخد قرض او يستلف من حد ويبقي شايل الهم عشان مصلحتي وبعدين زي ماأنتي قولتي الدنيا مبتقفش علي حد وكل شئ قسمة ونصيب 
فوزيةبتهوين:طب قوم تعال نتفرج علي التليفزيون شوية انا وانت 
يونس:لا ياأمي انا هنام عشان عندي شغل الصبح بدري 
فوزية:طيب ياحبيبي نام ربنا معاك 
يونس:ماما انا بشوف حلم غريب بقالي فترة 
فوزية:خير يابني 
زين:ناس معرفهمش ست مرضية ومستشفى وطفل بيعيط وحد بيشده بس مش بشوف الشخصيات دي بوضوح بس تقريبا ست وكلام مش مفهوم 
فوزية بأستغراب:مش عارفه يابني بس يمكن كابوس ولاحاجة صلي ركعتين وأستعيذ بالله من الشيطان الرجيم ونام 
يونس:تصبحي على خير ياأمي 
فوزية:وأنت بخير ياحبيب أمك 
*نام وصحي الصبح بدري لشغله لبس بسرعة عشان يلحق يفطر وفطر وراح الشغل وفجاة ماشي مش مركز لقي حد اتخبط فيه بيبص يشوف مين*
يونس بدهشة:هو أنتي؟!
غرام:أيه ده هو أنت؟
يتبع …..
لقراءة الفصل الثاني : اضغط هنا
لقراءة باقي فصول الرواية : اضغط هنا
نرشح لك أيضاً رواية عروسة جدي للكاتبة بنت الجنوب

اترك رد