Uncategorized

رواية شيزوفرنيا الفصل الثاني 2 بقلم الشيماء عبيد

 رواية شيزوفرنيا الفصل الثاني 2 بقلم الشيماء عبيد

رواية شيزوفرنيا الفصل الثاني 2 بقلم الشيماء عبيد

رواية شيزوفرنيا الفصل الثاني 2 بقلم الشيماء عبيد

أجمل ما في الصدف أنها تأتي دون انتظار!
غرام:مش تفتح ياجدع ولا ايه؟
يونس:أكيد مكنتش أقصد أخبط في سيادتك وبعدين ماتاخدي بالك انتي ماأنتي كمان خبطيني 
غرام:ايه…لا أصل كان فيه حدبينادي عليا فبشوفه أنت بقي ايه حجتك 
يونس:يخربيت الكدب بجد! يعني عشان متغلطيش نفسك تكدبي ؟ 
غرام:لا مبكدبش ولا حاجة 
يونس:اه ماهو واضح 
غرام:أنت بتعمل ايه هنا 
يونس برفعة حاجب:وانتي مالك؟!
غرام بغيظ :يخربيت الرزالة ماتقول ياجدع بتنيل ايه هنا؟!
يونس وهو بيمشي ويسبها:طب مش قايل 
*غرام مسكت أيده قبل ما يمشي وراحت دايسه علي رجله بكعب جزمتها جامد*
يونس بوجع:اه ياغبية 
غرام:عنك ماقولت ومشيت وسبته
*في مكتب غرام رايحة جايه بتكلم نفسها*
غرام:بني ادم بارد ومستفز ورزل فيه كل الصفات الوحشة اللي بتضايقني ليه الناس مش بسيطة ولطيفة زيي كده ليه هاا ليه
*دخل عليها شريف ابن عمها وهو مستغرب صوتها العالي وانها بتتكلم علي واحد*
شريف:غرام انتي بتكلمي نفسك 
غرام:انا لا طبعا
شريف:لا انا سمعتك وبعدين مين ده اللي رزل ومستفز
غرام بأستفزاز:وأنت مركز ليه ياشريف يعني
شريف:أركز براحتي مش بنت عمي ويهمني أعرف مالك 
غرام:عايز ايه ياشريف عالصبح واحد وخلاص عادي يعني وبعدين لما تدخل مكتبي ابقي اخبط زي ماانا لما بخبط بدخل مكتبك 
شريف بضيق:ماشي يا غرام هبقي اخبط حاجة تاني 
غرام:لا وبعدين انت اللي جاي مكتبي يبقي انت اللي عاوز ولاايه 
شريف بفضول:بتحبيه؟!
غرام باستغراب:هو مين ده 
شريف:الرزل المستفز اللي بتكلمي نفسك بسببه 
غرام بغضب:أنت اتجننت ولاايه حد ضايقني عادي والموضوع خدته في دماغي يبقي بحبه وبعدين احب اللي احبه انت مالك انت هتحقق معايا وتقولي كمان احب مين وامته وفين؟!
شريف بحرج:جرا ايه ياغرام مجرد فضول وخوف عليكي بس 
غرام:طيب ياشريف معلش انا كبرت الحوار بس من كتر اهتمامك اضايقت 
شريف:طيب انا كنت جاي اقولك فيه اجتماع كمان نص ساعة 
غرام:طيب تمام صحيح الصفقة اللي انت كنت ماسكها خلصت 
شريف:لا اديتها لعادل يكلمها وبشتغل انا علي صفقة أكبر 
غرام:وبعدين بقي هي الصفقة دي مش هتنتهي ولاايه 
شريف:متقلقيش عادل هينهيها هي صفقة صغيرة بس عاوزه حد يشتغل فيها كويس ولولا اني عاوز اخلص الصفقة اللي معايا دي كنت كملتها 
غرام:تمام اقابلك في الاجتماع 
*خرج شريف من مكتب غرام وهو مش فاهم غرام ليه بتخلي ديما الامور كبيرة وتحور علشان تنسي اللي قدامها الحوار ماكانت تقول لا وخلاص ليه اتضايقت كده*
$غرام بعد ماشريف خرج فضلت تاني تفكر ليه شريف ديما مهتم لوجابت سيرة اي راجل وعالطول يسالها بتحبي حد ولالا زهقت من تساؤلاته وتدقيقه معاه وبعدين رجعت تاني لزين شخص لاتعرف اسمه ولاحاجة عنه بس بيشغل تفكيرها ديما قامت بزهق تشرب قهوة  من اي كافيه لقت يونس واقف علي بابا الشركة ازاي مركزتش علي هدومه لما خبطته وعرفت انه من الامن$
غرام بابتسامة نصر:عرفت انه بيشتغل ايه كويس الفضول كان هيقتلني 
غرام بهيام:بس قمر بعيونه الزرقاء دي يخربيته 
*بعد الشغل يونس راح يشتري هدية لعيد ميلاد أمه ويجيبلها تورتة عشان يحتفلوا سوا أفتكر ان هدي كانت بتنقي معاه الهدية كل عيد وكانت بتصر تجبلها هي كمان هدية ابتسم بسخرية علي الايام دي وعلي صاحبتها*
$في نفس المول اللي فيه يونس$
غرام:بكام السلسلة دي لو سمحتي؟!
البايع: الفضة بالوزن ياأفندم 
*غرام لمحت يونس ابتسمت وحبت ترزل عليه فرحتله* 
غرام وهي ماشية ناحية يونس:طب اوزنها ثانية وجاية 
غرام واقفة وراء يونس وهو مش واخد باله وحطت ايدها علي كتفه بالراحة:بخ انا جيت 
يونس بخضة:طربتيني ياشيخة ياريتك ماجيتي؟!
غرام بتضحك:انت طلعت بتتخض اهو 
يونس بسخرية:بني ادم عادي يعني 
غرام:طب الحمد لله انك بتعرف تعمل حاجة غير الرزالة 
يونس:شوف مين بتتكلم ؟
غرام بابتسامة:غرام 
يونس:غرام مين ؟
غرام:أنا غرام اللي بتتكلم اللي هو أنا 
يونس:طيب ياستي تشرفنا صحيح انتي بتراقبيني وماشية ورايا ولاايه ؟!
غرام بضحك:والله ابدا انت اللي الحظ وقعك تحت ايدي 
يونس:حظ مهبب 
غرام:طب بتعمل ايه يابرنس هنا بقي
يونس:اولا اسمي يونس برنس دي لما تكوني بتكلمي واحد بتاع كشري ثانيا انتي ديما فضولية كده وبتسالي ولاالاوبشن ده لما بتشوفي خلقتي انا بس 
غرام:حلو اسم يونس ده لا الاوبشن ده لما بشوف خلقتك انت وبس ها بتعمل ايه بقي 
يونس برفعة حاجب:طب مش قايل 
غرام بغيظ:هو اوبشن الرزالة ده عندك ديما ولالما بتشوف خلقتي بس 
يونس ضحك:بجيب هدية لعيد ميلاد والدتي ها ايه تاني 
غرام:طب هتجبلها ايه 
يونس بحيرة:مش عارف صراحة
غرام:هاتلها سلسلة فضة هتعجبها الفضة شيك اوي وبتدي طاقة ايجابية 
… 
يونس:لا انا عرفت هجبلها ايه 
غرام:ايه؟!
يونس:مصحف كبير بالحامل بتاعه هتفرح بيه جدا خاصة ان نظرها قل وعاوزه مصاحف كبيرة تقرأ فيها القران 
غرام:فكرة حلوة خلاص وانا هجبلها السلسلة الفضة
يونس باستغراب:وانتي مالك انتي تجبلها ليه؟ 
غرام بزعل:ايه ده انا كنت فاكرك هتعزمني وكده علي عيد الميلاد ولاانت بخيل ولا ايه 
يونس بتردد:مش الحوار بس احنا منطقة شعبية ولبسك ده مش لطيف تاني حاجة ان لو حد شافك معايا يقول عليكي ايه وكمان اهلي ميعرفوكيش ادخلهم بيكي كده واقولهم مين دي وانا معرفش غير اسمك تالت حاجة هتقولي لاهلك راحة فين؟!
غرام باستغراب:ماله لبسي 
يونس بسخرية:عريان 
غرام :خلاص هشتري بنطلون وبلوزة من هنا ام انا اساسا مش من المنطقة عشان حد يتكلم عليا رابعا اقول لاهلك زميلتي في الشغل انا بشتغل في نفس الشركة اللي انت بتشتغل فيها وبعدين نتعرف في الطريق وكمان متقلقش انا اهلي مديني الحرية الكاملة 
يونس:مش فاهم هتستفادي ايه تيجي بيت حد متعرفيهوش  وتثقي فيه بالشكل ده 
غرام بحزن:خلاص يايونس مش هاجي انا اسفة عالتطفل 
يونس:لا ياغرام استني تعالي وبعدين اهلي هيرحبوا بيكي جدا وبدماغك الطقة وعفويتك الزيادة دي 
غرام بحزن:شفقة دي 
يونس:لا صدقة تعالي ياغرام نشتري الهدايا عشان نخلص 
غرام بمرح:اوكي يلا 
*اشتروا الهدايا وراحوا بعربية غرام اشتروا التورتة وراحوا البيت وطالعين ويونس مستغرب حماس غرام وثقتها الزيادة فيه قابلتهم هدي عالسلم *
هدي بضيق:من دي يايونس 
يونس:وانتي مالك خليكي في نفسك وسابها وشد غرام وطلع 
غرام:ايه ده هي مش قريبتك 
يونس:لا دي جارتي 
غرام:امال كانت بتتكلم كده ليه 
يونس بسخرية:مش عارف يمكن عشم زيادة كل من الإنسان بيتعشم بيبقي الزعل أكبر تقريبا 
$غرام مستغربة رده جدا طلعوا البيت فتح يونس الباب بالراحة وهو شايل الهدايا وهي شايلة التورتة$
يونس:ياماما ياحبيبتي انتي فين كده 
فوزية وهي خارجة من الاوضة:ايه ياحبيبي انا هنا اهو 
يونس:كل سنة وانتي طيبة يا ست الكل وكل سنة وانتي منورة حياتنا كده
فوزية:حبيبي ربنا يحفظك ليا ومتحرمش منك ديما تاعب ومكلف نفسك كده 
يونس:ده ولا حاجة اصلا جمب اللي انتي عملتيه تعالي بقي اعرفك 
*غرام كانت واقفة تبصلهم بابتسامة ودموع قد ايه ناس بسيطة وجميلة قد ايه الام مزيج حلو من كل حاجة حلوة في الدنيا*
يونس:غرام انتي بتعيطي 
غرام:لا مبعيطش ولا حاجة بس اتاثرت افتكرت ماما الله يرحمها 
يونس بأسف:الله يرحمها 
فوزية بطيبة خدت غرام في حضنها:اعتبريني زي ماما ولا منفعش 
غرام بحب:لا طبعا احلي ماما دي ولاايه 
يونس ببتسامة:ماما دي غرام بتشتغل في نفس الشركة معايا وشافتني وانا يجيب الهدية واصرت انها تيجي تقولك كل سنة وانتي طيبة بنفسها 
غرام وهي بتديها الهدية :اه كل سنة وحضرتك طيبة
فوزية:بحب وانتي طيبة يابنتي استني لحظة واحدة وعمك عبد الله يخلص صلاة وناكل لقمة مع بعض بقي عشان يبقي عيش وملح بقي 
غرام:لا شكرا ياطنط كلوا انتوا انا بجد مش جعانة 
فوزية:ايه كلوا انتوا دي لا طبعا هتاكلي معانا مينفعش غير كده ده انا عاملة محشي وبط ايه مقولكيش علي طعمته 
غرام بابتسامة:تمام ياطنط 
يونس بمرح:شكلها مكلتش محشي من القرن العشرين تقريبا 
غرام:فعلا عمري ماكلت محشي تقريبا 
يونس بصدمة:نعم؟!
غرام:انا عايشة مع بابا وهو بيحب الاكل الهيلثي 
يونس بضحك:لا المحشي ده حوار تاني مش مصدق ازاي تبقي مصرية ومكلتيش محشي قبل كده  
غرام بمرح:ماانا هجربه بقي 
*قضوا اليوم كله ضحك وهزار غرام انبسطت معاهم جدا ووعدتهم انها هتيجي تزورهم تاني*
غرام:شكرا اوي يايونس عاليوم ده وبجد انتوا ناس جميلة جدا 
يونس بهزار:عجبك المحشي
غرام بضحك:جدا بس هتخن يجي خمسة كيلو كده بسببك 
يونس بهزار :خلاص ابقي تعالي زورينا تاني لحد ماتبقي زي الفيل ونوديكي حديقة الحيوان
غرام بضيق:حيوان في عينك ياشيخ مابتكملش جميلك للاخر ابدا انا ماشية باي 
يونس:باي 
يتبع …..
لقراءة الفصل الثالث : اضغط هنا
لقراءة باقي فصول الرواية : اضغط هنا
نرشح لك أيضاً رواية عروسة جدي للكاتبة بنت الجنوب

اترك رد