رواية وسيم قلبي الفصل الثامن 8 بقلم سما محمد

“لقد تعاهدنا علي عدم الفراق، ولكنك خالفت ذلك” 

تاني يوم

_صحيت زينه علي صوت خبط جامد علي الباب لقت زين نايم جنبها

_زينه بخوف:زين في حد بيخبط

_زين بنوم:حاضر هقوم اشوف مين وآجي متخافيش

قام زين فتح الباب لقاه اسماعيل

_اسماعيل: ايه كل ده نوم ده انا كان ناقص اكسر الباب علشان تفتحوا

_زين:معلش يا بابا اتفضل

خرجت زينه وقالت:ازيك يا عمو

_اسماعيل:الحمدلله يا بنتي قولت اجيب الفطار واجي افطر معاكوا

_زينه بإبتسامة:يااه ده حضرتك نورتنا والله

قعدوا مع بعض وكلوا وكانت زينه مبسوطه بأنها وسط عيله

***********

مر اسبوع ومفيش اي حاجه بتتغير بين زين وزينه وكان كل يوم اسماعيل يجي يقعد معاهم الصبح شويه

وفي يوم صحيت زينه بدري والباب رن

زينه:اكيد ده عمو اسماعيل

فتحت زينه الباببس اتفاجئت

_حسام بخبث:ايه يا عروسه متوقعتيش زيارتي صُح

_زينه بخوف:ع عمي؟

_حسام:مفيش اتفضل ولا ايه

_زينه:لا لا طبعاً اتفضل

دخلت زينه علشان تصحي زين اللي كان نايم

_زينه بخوف ودموع:زين قوم

_زين بنوم: زينه سيبيني شويه كمان وانت اقعدي مع بابا

_زينه: مش عمو اسماعيل اللي بره 

_زينه فاق: اومال مين و ايه ده انتي بتعيطي ليه

_زينه: عمي

_زين: طب اهدي متخافيش وبعدين انا معاكي اهو

خرج زين وهو محاوط زينه بإيديه وعلي وشه ابتسامه بارده

_زين: اهلاً اهلاً ايه الزياره دي

_حسام: جولت آجي اشوف بت اخوي

_زين: كتر خيرك والله

_حسام بخبث: الا مش دي شجة (شقة) زينه 

_زينه: اه

_حسام: هو الزمن ده بجا الراجل هو اللي بيجعد في شجة مرته

_زينه: عمي انا اللي طلبت من زين نقعد في الشقه دي علشان نبقى جنب عمو اسماعيل وكمان علشان ريحة ماما في الشقه وهو احترم رغبتي ووافق وبعدين زين جوزي ومفيش اي فرق بينا سواء شقته او شقتي وكمان دي امور خاصه بيا انا وجوزي بس ياعمي ومحبش حد يدخل فيها ونورتنا الشويه دول كان نفسي تقعد معانا شويه كمان بس شكلك مستعجل

_حسام بغضب مكتوم: ماشي يبت اخوي اني ماشي

مشي حسام وزين سرحان وفاق علي صوت زينه 

_زينه: زين روحت فين 

_زين: ها اه معاكي اهو

_زينه: سرحت في ايه 

_زين: لا ولا حاجه 

_زينه: بس انا مش مرتاحه انه يجي ويمشي كده 

زين كان قلقان وخصوصاً انه مش هيجي ويمشي بالساهل كده الا لو ناوي علي حاجه بس محبش يقول كده قدامها عشان ميخوفهاش

_زين:لا تلاقيه جاي يشوفك وخلاص عادي

_زينه بقلق: لا مش مرتاحة

***********

بالليل

_زينه:زين..زين…زين..زييييييين

_زين: ايه خرمتي وداني انا قاعد جنبك والله مستني هتقولي ايه بعد زين لكن انتي علقتي

_زينه: ما انت اللي مش بترد افتكرتك مُت

_زين: بعد الشر عليا

_زينه: المهم يعني ما تنزل تجيبلي كريب عشان جعانه

_زين: لا مكسل انزل والله 

_زينه: قوم بجد عشان جعانه وهكلك دلوقتي وعقبال ما تيجي اكون شوفت فيلم حلو نتفرج عليه ايه رأيك؟

_زين بتفكير: خلاص ماشي

_زينه: معلش هنتقل عليك بس انت زي جوزي يعني

_زين: انجزي عايزه ايه تاني

_زينه: شويه حاجات خفيفه كده..بيبسي وشيبسي علي شويه كيكات وشوكلاتات وايس كريم وكام كيس اندومي وشويه لب وسوداني 

_زين بصدمه: دول الحاجات الخفيفه

_زينه: انت شكلك بخيل وانا اتخميت فيك يا حظي ال…

_زين بمقاطعه: اهدي خلاص هجيب

_زينه: بالله اجدع قرة عين عالكوكب

نزل قرة عيني وانا قعدت ادور علي فيلم نتفرج عليه….بس هو اتأخر اووي ورنيت عليه كتير ومش بيرد قولت مبدهاش بقا وخبطت علي عمو

_اسماعيل بنوم: ايه يا بنتي بتخبطي عليا في وقت زي ده ليه زين عملك حاجه

_زينه بقلق:عمو هو زين كلمك

_اسماعيل: لا هو مش معاكي جوه

_زينه: لا اه بص هو نزل يجيب اكل لينا ومرجعش لحد دلوقتي

_اسماعيل بخوف: يعني ايه الكلام ده طب رني عليه

_زينه بدموع: مش بيرد

وفجأه فون زينه رن برقم زين

_زينه بفرحه: ده زين يا عمي

_اسماعيل بلهفه: طب ردي بسرعه

_زينه بعتاب: انت فين يا زين كده تقلقنا عليك

_مجهول:حضرتك صاحب الرقم ده عمل حادثه وهو حالياً في مستشفى****

_زينه بصدمه: زيين

_اسماعيل بخوف: في ايه يا بنتي

_زينه ببكاء: زين يا عمي..انا لازم اروحله عمل حادثه

_اسماعيل بخوف:طب استني هاجي معاكي

لبسوا وراحوا بسرعه علي المستشفى

_زينه: لو سمحت في واحد جه في حادثه هنا

_موظف الاستقبال: ايوة يا فندم هو في غرفه رقم***

طلعت زينه واسماعيل بسرعه عشان يطمنوا عليه قابلوا الدكتور في طريقهم

_زينه: لو سمحت يا دكتور اللي في غرفه*** حالته ايه

_الدكتور بأسف وحزن :البقاء لله

_زينه بصويت وبكاااء: انت بتقول ايه مستحيييل زيييييين