رواية أنتِ لي وحدي الفصل السابع 7 بقلم إسراء أشرف

عاشقة القلم✍️????, [24 Jul 2021 at 12:25:39 PM]:

…_أشرقت شمس صباح يوم جديد أستيقظت حور قامت بكل حيوية أخذت شاور ثم صلت وخرجت لتتناول الفطار مع أسرتها 

-أحمد: صباح الورد علي أحلي حور في الدنيا 

-حور: صباح الفل عليك ياقلب أختك ثم نظرت لأبيها صباح الياسمين ياعبدة 

-عبدالحميد: صباح الجمال ياحبيبة قلب عبده

-حور: صباح السعادة يابطوط

-فاطمة: صباحك عسل ياحبيبة ماما 

-حور: يلا أخلع أنا عشان الحق 

-أحمد: مش انهارده محاضراتك هتبدأ متأخر 

-حور: اه بس في حاجه مهمة لازم اعملها 

-أحمد: بقيتي تخبي عليا ياأستاذة 

-حور: مش مخبية حاجه والله بس الموضوع ميخصنيش ومش من حقي احكيلك يلا بقا سلاااااموز 

-أحمد: لبن بالموز 

-حور: عصير وكلوكوز وبطل سرقة لأختراعاتي 

-أحمد: مش عارف من غير اخترعاتك كنا هنعمل أي 

-حور: خبطتة علي رأسه ثم قالت أبو شكشك ياشيخ وجريت نحو الباب 

-أحمد: لما ترجعي والله لهنفخك 

-حور: وهي علي السلم مش هتعرف ????ثم نزلت بسرعة 

__________________________________________

_كان جاسر ينعم بنوم مريح إلى أن شعر بيد تلامس شعرة وأحد يهمس بجانب أذنه 

-جاسر:قام بفزع عندما رأي بنت خالته توقظة ثم بصوت قوي أنتِ أزاي تدخلي الأوضة ومين اداكي الحق تصحيني بالطريقة دي 

-جاسمين:الناس تصحي تقول صباح الفل والياسمين مش تزعق كدا 

-جاسر:بقولك اي اللي بتعمليه دا لو ما كان ليه نهايه فأنا هوريكي الوش اللي محبش أنك تشوفيه 

-جاسمين:جاسر أنا بحبك ونفسي نتجوز

-جاسر:أنتِ أزاي كدا أي البجاحه دي وبعدين مستحيل تكوني زوجتي بصي لنفسك شوفي لبسك وأخلاقك 

-جاسمين:دا الموضة علي فكره وأحدث حاجه

-جاسر:والله ولما ربنا يسألك هتقولي كدا برضو 

-جاسمين:متغيرش الموضوع ياجاسر 

-جاسر:بره اطلعي بره والله لو اتكررت تاني مش هتعرفي هعمل أي 

-جاسمين:اوف بقا منك علي العموم الفطار جاهز ثم خرجت 

-جاسر:يارب ارحمني وثبتني وقويني علي طاعتك ياررب ثم اخذ شاور وصلي بعدما انهي صلاته دعي لأخته بالهدايه ولجميع عائلته ثم نزل لتناول الفطار 

_ألقي جاسر السلام علي والده ووالدته ثم سأل علي نرمين

-نيرة:خرجت عندها محاضره بدري انهارده

-جاسر:ربنا يوفقها ثم نظر لأبيه قائلا بابا كنت حابب أبلغك أن قررت اخطب 

-نيرة:نظرت لجاسمين بفرح قائلة اخيرا وافقت علي جوازك من جاسمين 

-جاسر:مين جاب سيره جاسمين لا طبعا أنا هخطب زوجه صالحة الانسانه اللي بتمناها من ربنا وهتعلي بيا وتربي اولادي صح وتكون سبب سعادتي 

-جاسمين:ومين دي ان شاء الله 

-جاسر:وقتها هتعرفي بعد أذنكم 

-مصطفى:ولو انا ومامتك مش موافقين 

-جاسر:رأيكم يحترم بس دي حياتي وأختار اللي يريحني طالما يرضي الله سلام ثم ركب سيارته متجها للشركة 

-جاسمين:شوفتي ياخالتو 

-نيرة:بنبرة قسوة متقلقيش هنخطط ونطفشها ومحدش هيتجوزه غيرك ياقلب خالتو 

-جاسمين:بمكر حبيبتي ياخالتو 

__________________________________________

_وصلت حور إلى الجامعة متجهه نحو كلية أداب قسم انجلش 

بعدما دخلت المدرج ووجدت عدد كبير وقفت مكان الدكتور

-حور:السلام عليكم ممكن هدوء عشان الكل يسمعني وبالفعل بدأ الجميع يهدئ فأكملت حور أنا قولت بما ان الدكتور اتأخر أتكلم معاكم شويه وقبل دا أعرفكم بنفسي أنا حور عبدالحميد 

-نرمين:عندما سمعت الاسم أنتبهت ونظرت لها بفرحه

-حور:كنت حابة أتكلم معاكم عن الابتلاء وأزاي نتعامل معاه

شوفت ناس كتير اوي لما ربنا بيبتليها بتبعد عن الاشخاص اللي كانوا سند وحمي وطوق نجاه ليهم وتبدأ تدور علي أشخاص جديدة وفي الغالب بيكون الاختيار غلط مش معني أنك اتخطبتي لشخص سئ يبقا القيامة قامت ولا معني ان قلبك أتكسر أن خلاص مش هيتصلح تاني كل دا ابتلاء وربنا سبحانه وتعالي دايما بيبتلي المؤمن عشان يختبر صبره وعنده عزيمة واصرار وايمان صادق بكلام ربنا ولا لا والابتلاء بنوعيه خير لصاحبة اوعوا عشان أي أبتلاء تتجهوا لطريق الفساد وتبعدوا عن أكتر ناس بتتمنالكم الخير راجعوا نفسكم اللي مقاطع صديق او أخ او أخت او اي حد عاوز يكون طوق نجاه ليك يرجع يصلح دا أتمني تكون رسالتي وصلت وربنا يوفقكم جميعا 

_بعدما أنهت حور حديثها صفق لها الجميع بما فيهم الدكتور الذي جاء ولم يريد مقاطعتها ووقف ليستمع لها 

-الدكتور:أحستني يابنتي ربنا يحفظك ثم قال المحاضره انتهت معادنا المحاضره الجاية ان شاءالله وخرج من المدرج 

-نرمين:أمسكت يد حور قبل أن تخرج وجذبتها إلي حضنها قائلة 

وحشتيني اوي اوي وظلت تبكي

-حور:أهدي عشان خاطري أنا معاكي أهو 

-نرمين:أسفه علي غبائي ربنا يعلم وحشاني قد أي 

-حور:أنتِ أكتر تعالي ننزل زمان العيال بيدوروا عليا وهيعلقوني

…

… ومني 

-مها:لسه بدري ياهانم 

-حور:والله هنا من سبعه الصبح أعرفكم نرمين مش قولتلك يامها من فترة أنتِ ومني ان صحاب الثانوي هيرجعوا بس ببلاوي 

-مني:اه قولتي كدا 

-حور:وبالفعل نرمين وسالي رجعوا تاني ودي نرمين 

-مها:نورتي ياموزه 

-حور:خبطتها علي رأسها قائلة بيئه من يومك 

-مها:مش بنرحب بالقمر اللي انضم لشلتنا 

-مني:ههههه مها دي اتعدت من حور بس نورتي يا حبيبتي 

-نرمين:تسلموا بجد أنتوا محظوظين بأن حور صحبتكم يابختكم بجد 

_في هذه اللحظة جاءت سالي من خلف حور ووضعت يدها علي عين حور قائلة أنا مين 

-حور:سالي اكيد لسه فاكره الحركة دي واللمسه والصوت كمان 

-مها ومني:لا بقا احنا هنبدأ نغير علي حور لتخطفوها منا 

-حور:فشر لا أحد يستطيع خطفي وبعدين أنتوا كلكوا حبايب قلبي وساكنين في الحته الشمال ولا داعي للغيرة ????يلا بقا من غير مطرود كل واحد علي محاضراته وعلي تليفونات يانرمين عشان عاوزه نحدد معاد ونتقابل تمام 

-نرمين:تمام أنا فعلاً محتاجه أقابلك ونتكلم 

-حور:تمام ياقلبي❤️

_وبالفعل اتجه كل منهم إلى مدرجه لحضور المحاضرات 

__________________________________________

_داخل شركة جاسر 

-حسام:بقولك صحيح اي اخبار الديكورات الجديده اللي بعتهالك 

-جاسر:هايلة بصراحه عاش جدا

-حسام:مش بتوعي دا شغل حور

-جاسر:بجد 

-حسام:اه والله هي موهوبه دا غير انها في كليه هندسه ديكورات بس هي شغالة في قسم الحسابات 

-جاسر:اه عارف دا وعلي فكره قررت اخطبها هفاتح أحمد ان شاءالله 

-حسام:الف مبروك ربنا يفرحك وبصراحه حور محترمة جدا 

-جاسر:عقبالك ياصحبي خد بقا التصاميم وخلي حور تيجي اول ما توصل 

-حسام:تمام 

_وصلت حور الشركة وعلمت بطلب جاسر لحضورها مكتبة 

-حور:وائل مستر جاسر موجود 

-وائل:اه وقال لما تيجي تدخلي 

-حور:تمام بعد أذنك وبالفعل دقت باب المكتب ودخلت بعدما أذن لها جاسر بالدخول 

-جاسر:أتفضلي ياحور أسف بقيت أطلبك كتير بس والله غصب عني عاوز اطمن عملتي اي مع نرمين 

-حور:لا ولا يهمك انا انهارده قعدت معاها وهي فرحت جدا لما دخلت وكلمتها ورجعنا أصدقاء تاني وأقوي من الأول وان شاءالله هتبقا نرمين بتاعة زمان وأفضل 

-جاسر:تمام فرحتيني بجد علي فكره هي بتحبك اوي دا اللي فهمته من كلامي معاها امبارح 

-حور:ربنا يعلم انا بعزها قد اي هي اختي مش بس صحبتي 

-جاسر:طيب واي اخبار موضوع خطفك 

-حور:مفيش جديد من ساعة ما كلمت عادل وفعلاً نظرتي طلعت صح هو انسان كويس بس مش لاقي اللي ياخد بإيده للصح وحسن شخص سئ ربنا يهديه 

-جاسر:يارب بس خلي بالك علي نفسك ومتخرجيش لوحدك 

-حور:متقلقش حضرتك أحمد حبيب قلبي معايا دايما هستأذن أنا عشان اخلص شغلي 

-جاسر:تمام اه صحيح الديكورات اللي عملتيها هايلة جدا

-حور:تسلم ولسه هعمل افضل بإذن الله سلام ثم خرجت 

_بعدما أنهت حور عملها أتصلت علي أحمد 

-أحمد:يلا أنا واقف تحت الشركة

-حور:تمام نازلة حالا سلام وبالفعل غادرت الشركة وعادت إلي البيت هي وأخيها 

_في المساء خرجت حور من غرفتها شعرت بهدوء في المنزل ووجدت أمها في المطبخ فذهبت إليها 

-حور:بطوط هو أحمد لسه مجاش 

-فاطمة:رجع قاعد في اوضه الضيوف 

-حور:تمام ثم خرجت مسرعه نحو الغرفة ودخلت دون سابق إنذار وجدت أحمد يجلس في وجهها بجانب أبيها أنت يابارد فين الشيكولا اللي قولتلك هاتها وأنت راجع من مشوارك 

ثم أقتربت منه وامسكت بشعره موجهه حديثها لوالدها سوري ياعبده بس لازم أعاقبه وحدفته بالمخده بعدما تركت شعره 

-أحمد:هو أنا مش قولت تقولي بابا 

-حور:انت مالك انا وعبده اتفقنا طول ما أحنا لوحدنا أقول لبابا عبده ولماما بطوط غيران لي وظلت تضربه 

-عبدالحميد:ظل يضحك طيب خلاص يا قلب بابا 

-حور:مليش دعوة أنزل وتاني وهات الشيكولاته 

-أحمد:طيب بصي وراكي كدا ياحور 

-حور: تركته ونظرت خلفها قائله ياخبر أبيض ????