رواية شيزوفرنيا الفصل الثالث 3 بقلم الشيماء عبيد

هذا الانتظار علي عتبة الامل ممل جدا لا يحتمل!!

*صحي يونس من النوم ولبس هدومه عشان يروح شغله*

*في الشغل*

عادل:صباح الخير يا يونس

يونس:صباح النور ياأستاذ عادل 

عادل:معلش عشان مستعجل وعايز أمشي ممكن تدي الملف ده لاستاذ شريف 

يونس:تمام ماشي بس أستاذ شريف تقريبا لسه مجاش 

عادل:خلاص حطه علي مكتبه علي مايجي مع السلامة 

يونس:مع السلامة 

*طلع يونس يدي الملف لشريف وفضوله خلاه يفتح الملف لقي الملف ناقص شغل فنسي نفسه وقعد عالمكتب كمله فيونس من اوائل دفعته في كلية تجارة قسم إدارة أعمال وككثيرا من الخرجيين الجدد لن تقبل بتعينهم الشركات دون سنين خبرة تتعدي أعمارهم وكأي شاب بحث بالكثير عن فرصة عمل بشهادته ولكن أستسلم للامر الواقع وصار فرد أمن في شركة كبيرة وكأن الحظ يعاند حلمه بغرور*

 خلص الملف ونزل تحت تاني وافتكر ان عادل نسي يكمل الملف وانه كده انقذه علي الاقل قدام غضب شريف*

&وصل شريف للشركة وطلع لقي ملف الصفقة فتحه لقي كامل ولقي ان عادل خلصه بذكاء فاتصل عليه يشكره&

شريف:الو ياعادل انت في الشركة 

عادل:لا يابني انا مشيت وطلعتلك الملف مع يونس اتصرف فيه بقي وكمله 

شريف:انت عبيط ولا ايه ماالملف قدامي وكامل اهو 

عادل: نعم كامل مين انا محطتش فيه قلم ولا لمسته اصلا وقولت هسيبهولك لاني مش عارف اتصرف وكنت رايح مشوار مهم النهاردة ومستعجل اديته ليونس يطلعهولك 

شريف:ياعادل الملف قدامي وكامل طب بقولك ايه تعال الشركة حالا الموضوع غريب  

_____

*في مكان تاني ….فيلا منير الصفتي*

منير:آسر آسر أصحي يازفت 

آسر بنوم:ايه يابابا بقي بتصحيني عالصبح كده ليه؟!

منيربغضب:صبح في عينك ياأخي الساعة خمسة العصر قوم قولي كنت فين امبارح للفجر ياصايع يازبالة قوم 

 آسر بضجر:أيه يابابا فيه ايه مصحيني من سابع نومة عشان تقولي كنت فين 

منير:اه ويلا قول كنت فين 

آسر بتردد:كنت عند واحد صاحبي بنذاكر 

منير:يعني صايع و كمان كداب ده انا بدفع للدكاترة فلوس عشان ينجوحك ياساقط 

آسر بزهق:يوه يابابا بقي فيه ايه 

منير:انطق كنت فين 

آسر:_____

منير بعصبية:كنت في الكباريه صح 

آسر بخوف:ايه لا ده كان واحد صاحبي عايزاني اوصله بالعربية 

منير بأمر :اياك اشوفك رايح الزفت الكباريه تاني ولا بتشرب وتيجي الشركة تشوف الشغل بقي ثم اردف بسخرية:بقي انت اللي هسيبله ممكلة الصفتي جاتك القرف 

___

*في الشركة اللي بيشتغل فيها يونس*

عادل:طب ماخلاص الملف اهو كامل ومتضبط نعمل الصفقة بقي واللي كلمه كمله مش موضعنا بس شكله ذكي اوي اللي كمله 

شريف:انت عبيط يعني ايه اللي كمله مش موضعنا ونكمل شغل في الصفقة عادي لا طبعا اللي كمله ده بيستغفلنا ومش همه ولازم نوقفه عند حده وبعدين احنا كنا نقدر نكمله بس اتشغلنا شوية 

عادل:انا اعرف ان يونس كلية تجارة ادارة اعمال وانه كان من اوائل دفعته مع انه كان بيشتغل في كافيه وهو في الكلية ولد مجتهد كده ومبيتكبرش عالشغل بالعكس انا من رأيي نكافئه مش نعاقبه ده ساعدنا 

شريف بهجوم:وانت مالك بتدافع عنه كده ليه كان من بقية عيلتك وبعدين لا هيتعاقب علي اللي عمله وانا اصلا مش محتاج مساعدته 

عادل بأسف:أنت حر ياشريف اعمل اللي انت عاوزه بس خلي بالك ان ده ظلم وربنا ميرضاش بالظلم 

شريف:انا هوري شريط الفيديو وهو بيكمل الملف ده لحسين بيه وهو يقرر هيعمل ايه ماشي ياسيدي 

عادل:هتوريه لحسين بيه بس ولا هتسم أفكارك لحسين بيه عشان يرفده

شريف باستنكار مصتنع :انا وبعدين من امته بقطع عيش حد ولامن امته حسين بيه بيسمعلي 

عادل:تمام انا ماشي عاوز حاجة 

شريف:لا شكرا ايعتلي يونس اكلمه 

عادل:تمام 

عادل:يونس يونس 

يونس:نعم 

عادل:احم… أستاذ شريف عاوزك 

يونس بقلق:فيه حاجة ولاايه 

عادل:مين قالك تلعب في الملف اللي ادتهولك 

يونس:والله يااستاذ عادل انا فكرت حضرتك من الاستعجال نسيت تكمله وكنت بحاول اصلح الموقف بس انا اسف طبعا 

عادل:طب حصل خير عالعموم انت صلحته بذكاء عجبني انا شخصيا بس ياريت الغلطة دي متتكررش تاني اتفضل اطلع كلم مستر شريف بقي 

يونس:تمام حاضر 

*في مكتب شريف*

يونس :مستر عادل قالي ان حضرتك عاوزني

شريف:انت ازاي تكمل الملف اللي مستر عادل قالك تطلعهولي 

يونس:أنا اسف حضرتك انا بس كنت بحاول اساعد مستر عادل مش اكتر 

شريف:ليه مستر عادل اشتكالك ولا ايه طلب منك مساعدة 

يونس بضيق:انا مش فاهم حضرتك فيه غلط في الملف ولا حاجة مثلا 

شريف بزعيق:انت نسيت نفسك ولا ايه انت هنا مجرد فرد أمن لا أكتر ولا أقل ملكش دعوة بالملفات ولا بأي حاجة هنا في الشركة تمام انا بس جبتك الفت نظرك واعرفك مقامك ياريت تتفضل ومشوفكش بتعمل اي حاجة غير شغلك تمام