Uncategorized
رواية أنت مرادي الفصل السادس 6 بقلم علا عبدالعظيم
رواية أنت مرادي الفصل السادس 6 بقلم علا عبدالعظيم
 |
| رواية أنت مرادي الفصل السادس 6 بقلم علا عبدالعظيم |
رواية أنت مرادي الفصل السادس 6 بقلم علا عبدالعظيم
دخلوا الكافتيريا
ملك : نعم عاوز اي !!
مراد : هنعمل اتفاق.
ملك : اي هو ؟
مراد : بص انا عارف انك مش معترضه على الجواز مني بس معترضه عشان تعليمك .
ملك : طلعت بتفهم اهو
مراد بغيظ : اعدلي كلامك بدل ما اقوم
ملك ببرود : حد ضربك على ايدك وقالك تيجي؟
مراد : تمام انا ماشي
ملك بتلقائيه : لا لا استنى
مراد بإبتسامه بيحاول يخفيها : نعم !
ملك : قول الاتفاق وبعدين امشي .
مراد : بصي ياستي احنا هنتجوز عشان نرضي اهلنا وأنا مش همنعك انك تكملي تعليمك وكمان هخليكي تدربي في الشركه لحد ما تتعلمي وتمسكي الحسابات
ابتسمت ملك بفرحه ، ثم أكمل مراد : وبعد ما تخلصي تعليم تقدري تطلقي وانا اللي هجيب الغلط عندي .
أتغيرت ملامح ملك لحزن ولاحظ مراد التغير دا وكان مبسوط اوي من جواه
مراد : مالك وشك قلب ليه ؟
ملك بتحاول تخفي زعلها : هاا ! لا أبداً مفيش حاجه انا بس اتأخرت وعاوزه اروح
مراد : تمام يلا هوصلك
ملك : تمام
و عند روز
روز : انت مين !!
الشخص : بعدين هتعرفي كل حاجه .
روز : طب انت عاوز اي ؟
الشخص : برضو بعدين هتعرفي بس اهم حاجه تخلي بالك من نفسك الفتره دي
روز : انا مش فاهمه حاجه .
الشخص : هتفهمي كل حاجه قريب اوي .
في كلية مريم ..
مريم : ازيك يا هاجر .
هاجر : انا كويسه بس الواد الملزق دا كل شويه يسأل عليكي .
مريم : اتقلي وشوفي اللي هعمله فيه .
هاجر : هتعملي اي ! اوعي تضيعينا .
مريم : قولتلك متقلقيش بقا .
هاجر : ربنا يستر
مريم : تعالي ورايا
هاجر : استر يارب استر يارب
مريم : لو سمحت يا عمو
بتاع الأمن : ايوه في حاجه
مريم : ايوه .. الولد اللي هناك دا بيعاكسني
بتاع الأمن : اللي هناك دا ؟
مريم بخبث : ايوه هو دا
بتاع الأمن : استنيني دقيقه
هاجر : يخربيتك يا مريم
مريم بضحكه عاليه : يستاهل
بتاع الأمن : ورايا على مكتب العميد
ايهاب : و انا عملت اي بس؟
بتاع الأمن : هتعرف فوق
ايهاب بص بغل لمريم اللي كانت ميته على نفسها من الضحك
روحت روز البيت وجالها رساله من نفس الشخص
الشخص : كنتي حلوه اوي النهارده
روز شافت الرساله و الفضول كان هيقتلها
روز : ممكن نتقابل ؟
الشخص : بعد بكرا .
روز : اشمعنا ؟
الشخص : هتعرفي وقتها .
روز : تمام
اليومين عدوا من غير أي أحداث تذكر غير أن مراد كل يوم بيحاول يقرب من ملك اكتر وملك كمان كانت مبسوطه بس بتحاول تخفي دا
و في يوم جديد
و في شركة ابراهيم السيوفي
ابراهيم : ساره ابعتيلي عمر على مكتبي
ساره : حاضر يا فندم
بعد شويه دخل عمر المكتب
ابراهيم : جهزت الاعلان
عمر : حصل يا باشا
ابراهيم : النهارده تنزل اسكندريه وتستقبل المتقدمين للوظيفه
عمر : اعتبره حصل يا هيما
ابراهيم : طب يلا يا اخويا جهز نفسك وامشي
عمر : حاضر
في كلية العلوم
روز : انا في الكلية انت فين !
الشخص : شوفتك .. انا جاي اهو .
روز وهي بتلف حواليها لحد ما شافته
روز بصدمه : انت !!!!!!!!
و في اسكندريه
رحمه : الو يا مريم
مريم : ازيك يا رحمه
رحمه : الحمدلله بخير
مريم : دايما
رحمه : انا كلمت صحبتي وقالت إن النهارده الموظفين الجداد هيتقدموا للوظيفه
مريم بخوف : هما ممكن يرفضوني عشان لسه بدرس صح ؟
رحمه بتحاول تطمنها : أن شاء الله تتقبلي وهستناكي تكلميني وتقوليلي أن كله تمام
مريم : يارب يا رحمه
رحمه : قومي بقا البسي عشان متتأخريش
مريم : حاضر باي
و في مكتب اسكندرية
السكرتيرة : مريم عبد الرحمن
مريم : ايوه ايوه انا
السكرتيره : اتفضلي ادخلي
دخلت مريم و اول ما عمر شافها
عمر بصدمه : انتي؟؟؟؟؟؟؟؟