Uncategorized
رواية أنت مرادي الفصل السابع 7 بقلم علا عبدالعظيم
رواية أنت مرادي الفصل السابع 7 بقلم علا عبدالعظيم
 |
| رواية أنت مرادي الفصل السابع 7 بقلم علا عبدالعظيم |
رواية أنت مرادي الفصل السابع 7 بقلم علا عبدالعظيم
السكرتيره : اتفضلي ادخلي
دخلت مريم و اول ما عمر شافها
عمر بصدمه : انتي؟؟؟؟؟؟؟؟
مريم بصت حواليها وقالت : انا !
عمر : ايوه انتي فكرتني مش عارفك ولا اي ؟
مريم : بجد تعرفني !
عمر : ايوه طبعاً .. انا شوفتك مع مراد
مريم بإستغراب : مراد مين ؟؟
عمر : على فكره مراد حكالي على كل حاجه
مريم : تاني هيقولي مراد
عمر : لا دا انتي تستني هنا شويه لحد ما أكلمه
و في بيت عبد الرحمن
عبدالرحمن: هنفضل مخبين عليها كتير ؟
سحر : انا مش هقدر اقولها حاجه
عبدالرحمن : البت كبرت وبقيت تروح كليه وبتشتغل ومسيرها تعرف اننا مش اهلها
سحر : احنا اللي ربناها يبقا احنا اهلها
عبدالرحمن : قصدك احنا اللي دفعنا للممرضه عشان تخطفها
سحر بدموع : مش هتعرف مش هتعرف
عبدالرحمن: لازم تعرف حتى لو مش من بره احنا لازم نعرفها
سحر قامت وقفت : لا يا عبده ولو حاولت تعرفها انا اللي همنعك
خرجت سحر من الأوضه
عبدالرحمن : ربنا يهديكي يا سحر
عند روز
روز بصدمه : انت ؟؟؟
مصطفى : ايوه انا .
روز : انا مش فاهمه حاجه خالص
مصطفى : اهدي بس كدا كل الموضوع اني بحبك وعاوز اتقدملك
روز بسخريه : بتحبني وبتطردني من السيكشن؟
مصطفى : تستاهلي عشان انا حذرتك من فاطمه ولسه بتمشي معاها
روز بدموع : بس انا مقولتش عليك كدا
مصطفى : انتي عيوطه كدا ليه ! قولتلك انا طردتك عشان لسه بتمشي مع فاطمه .. متعيطيش بقا
روز مسحت دموعها بطفوله ، ابتسم مصطفى على برائتها و قالها تشربي اي بقا
ابتسمت روز : عصير مانجا
مصطفى : وانا هشرب عندكوا عصير مانجا امتى !
ابتسمت روز بكسوف : هقول لبابا واخدلك منه معاد
مصطفى بفرحه : يعني انتي موافقه ؟
روز : اه بس بشرط
مصطفى : دا انتي تأمري
روز بطفوله : اوعى تطردني تاني
ضحك مصطفى : مش هتتكرر تاني
روز : وعد
مصطفى بحب : وعد
في مكتب مراد وكان فاتح صورة ملك وبيبصلها بحب فجأه تليفونه رن
مراد : اعوذ بالله .. عاوز اي يا زفت !
عمر : اللحق خطيبتك هنا .
مراد قام وقف :, هنا في الشركه
عمر :لا في مكتب اسكندريه
مراد بغضب : مش وقت هزار يا عمر
عمر: مبهزرش يا مراد مبهزرش ، ولما جيبت سيرتك عملت نفسها متعرفكش
مراد : انت بتخرف بتقول اي ؟
عمر : اللي سمعته ، ولو مش مصدقني ثانية هصورلك الملف بتاعها اللي فيه صورتها
مراد : صوره بسرعه
عمر : اي دا يا مراد ؟
مراد : في اي !
عمر : دي اسمها مريم عبد الرحمن مش ملك بس دي صورة ملك
مراد : طب اقفل وابعتلي الملف
عمر : حاضر
و في بيت ملك تليفونها بيرن
ملك بنوم : الو
مراد : صباح الخير
ملك : صباح النور
مراد : انتي فين كدا ؟
ملك : صوتي نايم يبقا فين ؟
مراد وهو شايف نفسه غبي: اصل انا شوفت واحده شبهك بالظبط افتكرتها انتي .
ملك بغيره : اممم لا انا ف البيت و عاوزه اكمل نوم .. سلام
مراد حس بغيرتها : استني بس انتي مروحتيش الكليه ليه النهارده ؟
ملك بغيظ: النهارده اجازتي على فكره .
مراد : اه معلش كنت ناسي
ملك : عادي بقا ما انتي مش فاضي وبتتفرج على البنات وتاعب نفسك ، يبقا هتفتكر مواعيد الكليه !
مراد بإبتسامه : انتي بتغيري بقا
ملك وشها إحمر : اغير ؟ اغير على مين يعني .. س سلام بقا
مراد ملحقش يتكلم وكانت ملك قفلت في وشه
في الوقت دا عمر كان بعت الملف ل مراد
مريم : هو انا عملت حاجه وانا مش واخده بالي ؟
عمر فتح صورة مراد و قالها : تعرفي دا ؟
مريم بإستغراب : هو المفروض اعرفه ليه ؟
عمر : لا ابدأ أصله صاحب الشغل
مريم : هو دا ابراهيم بيه؟
عمر حاسس ان في حاجه غلط : دا ابنه
مريم : تمام
مراد اخد صورة الملف وراح ل ابراهيم ..
ابراهيم : اي دا ؟
مراد : مش عارف انا جاي أسألك
ابراهيم دقق في الصوره وقال لمراد : هاتلي البنت دي ضروري
مراد : انا مش فاهم حاجه .. هي مين دي هفهمك دلوقتي
اتصل ابراهيم على محمود وحكاله اللي حصل
محمود : انت متأكد من الكلام دا يا ابراهيم ؟
ابراهيم : الصوره في أيدي اهي
محمود : انا عاوزه اشوفها يا ابراهيم
ابراهيم : متقلقش هجيبهالك ..سلام دلوقتي
محمود : مع السلامه
مراد : في اي ومين دي برضو
حكي ابراهيم لمراد عن خطف الاخت التوأم لملك .
مراد : خلاص متقلقش بس احنا لازم نتأكد .. لازم تحليل D N A
ابراهيم : ايوه بس دا هيحصل ازاي !
مراد : انا هتصرف.
عند عمر تليفونه رن
عمر : الوو يا مراد
مراد :, اقبل البنت دي للشغل وقولها تبدأ من بكرا .
عمر : تمام
وعند ملك تليفونها رن .
ملك : نعم
مراد : جهزي نفسك عشان رايحين بكرا اسكندريه ..