رواية تار صعيدي الفصل الثامن 8 بقلم ملك شاهين

فراس جاله ماسدج على موبيله خليته يتصدم كانت من هيثم فقاام طلع على الجناح علطول دخل الجناح فجأه لقا فلير كانت بتتكلم في التليفون واول لما شافته نزلته وخبته

فراس بهدوء : كنتي بتكلمني مين

فلير بتوتر : بكلم بابا بس الخط قطع

فراس  وهو بيربع ايده قدام صدره: والله ! طب يا مسلمه احلفيلي كده على مصحف

فلير بتوتر  : انت مش مصدقني ليه انا مكدبش ع فكره وهكدب ليه اصلا قولت بكلم بابا

فراس : انا قولتلك انك بتكدبي دلوقتي ؟ بقولك احلفيلي علي مصحف ..واتمني تبقي عارفه كفاره الحلفان كدب على مصحف

فلير : لا مش هحلف على مصحف انا مش كدابه المفروض تصدقني من غير حلفان

فراس طلع تليفونه واتصل بباها وفتح الاسبيكر سالم رد عليه

فراس : الو ازيك يا عمي أسف على الازعاج

سالم : ازيك يا حبيبي لا مفيش ازعاج ولا حاجه…كمل بقلق..  هي فلير فيها حاجه

فراس : لا يا عمي هي كويسه مش هي لسه قافله معاك

سالم  باستغراب :  لا مكلمتنيش النهارده خالص هو في حاجه

فراس وهو بيبص للواقفه قدامه عماله تدعك في ايدها وباصه في الارض : لا يعمي مفيش اصل احنا اجلنا السفر فهي كانت هتتصل تعرفك بس

سالم : ليه يبني

فراس : طلعلي شغل مفاجأ كده هخلصه ونسافر

سالم : ماشي يا حبيبي سلميلي عليها بقي وقولها احتمال بقي مارب تبجب تقعد معاها كام يوم

فراس : يوصل يا عمي ..وتنور طبعا بيتها

فراس قفل الموبيل وحاطه في جيبه وراح قعد الكرسي الهزاز وحط رجل على رجل وفضل يهز في الكرسي وقال : لا صادقه فعلا ومش كدابه خالص

فلير بتوتر : انا انا ..بص هقولك

فراس : امممم سامعك

فلير  بتهته وتوتر : انا انا كنت بكلم ….قطعها صوت تخبيط على بابا فراس قام فتح الباب

الخدامه : فراس بيه بدر بيه مستنيك تحت

فراس : قوليله نازل

الخدامه: امرك يا بيه

فراس قفل الباب وبص لفلير

فراس : متفتكريش انك كده نفذتي انا طالعلك وهعرف كنتي بتكلمي مين لو مش منك يبقي بطريقتي

وخرج ورزع الباب وراه نسمه كانت واقفه برا اول لما شافت فراس خرج دخلت لفلير

نسمه وهي بتضربها في كتفها  : فلير فلير فلير

فلير كانت سرحانه

فلير : ها في ايه يا نسمه

نسمه : بقالي ساعه بناديكي …كملت بغمزه ايه الي واخد عقلك يا جميل

فلير : ولا حاجه كنتي عايزه حاجه

نسمه وهي بتديها تليفون وفتحاه على شات : بصي كده

فلير : ايه ده ده الي قولتيلي عليه

نسمه : ايوا بيحاول يرجعلي وندمان والهبل ده بس انا مش فارق معايا ع فكره

فلير : طب عيني في عينك كده

نسمه : يعني بصي اول لما بعت مصدقتش الصراحه وكنت هرد بس افتكرت كل حاجه عملها فالفرحه راحت وسبت تليفون وجتلك انا عارفه انك هتقولي خلاص انسي ومتحاوليش ترجعي تاني حتي لو هيتجوزني وانه لو كان خيرا لبقي والكلام ده بس انا فعلا كتت هنسي كل ده وهكلمه بس افتكرت كل الي عملع وكلامك فجيتلك

فلير : جدعه ..بس تعالي هنا ايه لو كان خيرا لبقي دي المقوله دي مش صح ع فكره ميمكن الخير انه مشي اصلا مش لازم اي حاجه راحت مننا او اي حد مشي وسبنا نقول  مهو ” لو كان خير لبقي ” لا الجمله الصح تتقال ” خيره كان في مضيه “

نسمه : عندك حق ..المهم هو في ايه فراس خارج مش طايق نفسه ومكشر ليه هو اه طول عمره مكشر ومبيضحكش الا كل اربع سنين مره بس حساه في حاجه

فلير بصوت واطي  : انا عارفه عاملي فيها المحقق كونان

نسمه : بتقولي ايه

فلير :  هاا  بقولك حلقه المحقق كونان هتبدأ دلوقتي افتحي التلفزيون يلا

تحت عند فراس وبدر

فراس بضيق : خير يا بدر

بدر : ايه يا بني مالك ضارب بوز كده ليه

فراس  بعصبيه : قولتلك خير يا بدر اخلص

بدر : في ايه يا فراس اوماال لو مكنتش واحد صحبك كنت هتعاملني ازاي

فراس بيحاول يسيطر على نفسه : مفيش يا بني عادي شويه مشاكل غي الشغل ها بقي في ايه

بدر: مفيش حاجه يا فراس كنت جاي اشوفك ..كمل وهو بيوقف..على العموم ان شاء الله المشاكل الي في الشغل تتحل عن اذنك

فراس مسكه من من دراعه قبل اما يمشي : انت زعلت ولا يا بدر خلاص يا عم قلبك ابيض  قولتلك مضايق شويه

بدر : لا مزعلتش وعادي خلاص انا همشي وهبقي اكلمك ونبقي نتقابل برا

فراس : خلاص تمام

بدر مشي وفراس طلع على فوق لقا الجده خارجه من جناحه ومعاها نسمه وفلير

فراس : ايه ده هو في ايه

الجده : ابدا يا ولدي رايده نسمه وفلير يناموا ويايا عندك مانع لحسن مراتك جالت انك هتمانع ولازمن اجولك متعرفش تأثير ستك عليه

فراس بصلها جامد وهي نزلت عينيها  في الارض وبعدين بصت لجدته : تمام يا تيته مفيش مشكله

تاني يوم الصبح على الفطار كانوا كلهم متجمعين حتي فراس

دخلت الخدامه عليهم : فراس بيه خيت فلير هانم برا و..

فراس : خليها تدخل انت موقفاها برا ليه

فلير بصتله وبعدين بصت لطبقها

ماري دخلت : هاي

هارون وهو بيقوم لانه خلص اكل : كيفك يا بتي اجعدي افطري وياهم

ماري : كويسه ..لا لا انا مش بفطر على الصبح كده

هارون باستغراب : وه اومال بتفطري باللييل

ماري : ooh no اكيد مش قصدي كده يعني انا مش باكل لما بصحي حاجه علشان وزني ميبوظش

هارون سابها ومشي

ماري : ازيك يا فراس

فراس : كويس

ماري : ياريت مكونش هتقل عليكم بقعدتي هنا

فراس : انت بتقولي ايه ده بيتك

ماري : ميرسي

فلير بعصبيه وهي بتقوم من على الاكل علشان تطلع : عند اذنكم شبعت

ماري : استني يا فلير هطلع معاكي عيزاكي في موضوع كده

بعدها دخلت سميه

سميه : كيفك يا ستي

الجده : بخير يا بتي اجعدي كلي

سميه :  لا سبجتك ..بصت لفراس ..كيفك يا ولد خالي

فراس : كويس ازيك انت يا نسمه

سميه : بخير اومال فينها مرتك

الجده : طلعت مع خيتها جايه تجعد معاها كام يوم

سميه : انا كمان جايه اجعد معاكم كام يوم اكده

الجده : وه بيتك يا بتي تنوري طبعا

فراس : عن اذنكم انا طالع

نسمه وهي بتكام نفسها  : هو انا شفااف محدش عاملي اعتبار خالص كده ..يلا الله يعينك يا فلير على الحربيتين دول الايام الي جايه

ماري وفلير طلعوا فوق ودخلوا الجناح ماري كانت متأكده ان فراس هيطلع وراهم

فلير : خير عايزه ايه

ماري بخبث : هعوز منك ايه انا جايه اقولك الي بتعمليه غلط

فلير بعصبيه : وانت مالك اصلا غلط ولا صح

ماري بمسكنه : يعني انا غلطانه اني خايفه على اختي

فلير : اختك لا يشيخه وده من امتي بقي

ماري وهي بتبص على باب من تحت واتأكدت ان فراس واقف : اه اختي وبقولك يا فلير ان الي بتعمليه غلط

فلير : انا مبعملش حاجه غلط يا ماري تمام وملكيش دعوه بيا ولا بحياتي متعمليش دور الاخت الكبيره الناصحه الي خايفه على اختها لحسن الدور مش لايق عليكي

ماري بصوت عالي : يعني انت عايزاني افضل ساكته واقف اتفرج على اختي وهي بتخون جوزها حتي لو مش بتحبه ومتجوزاه غثب بس ده ميدكي شالحق انك تعملي كده خلاص يستي اطلقي منه وروحي اتجوزي حبيبك

فلير كانت مصدومه ولسه هتتكلم وترد عليه الباب اتفتح ودخل فراس الي عينه كانت بطلع شرار من الي سمعه

فلير بتقطيع وصدمه  : ف ف فراااس

يتبع…..