رواية زواج باطل الفصل الخامس 5 بقلم إسراء ابراهيم

خرجت دعاء ورايحة المطبخ ولكن الجرس رن

فراحت تفتح تشوف مين وقالت: أنت

ثروت: ايوا بس إيه اللي جابك هنا عند فاتن اها جاية تباركي ليها

دعاء: شئ ميخصكش قولي أنت جاي هنا ليه ما كفاية اللي عملته فيها دمرت حياتها مرتين 

جاي تعمل إيه تاني حرام عليك أنت عندك أخت مخوفتش إن يحصل كده مع أختك

أنت واحد قذ*ر واناني 

ثروت بندم: أنا جاي أعتذر من فاتن وعايزها تسامحني على اللي عملته

دعاء بسخرية: تسامحك على إيه قولي كده أنت مفكر إنك شتمتها ولا ضربتها دا أنت ضيعتها

وأكيد مش سهل خالص إنها تسامحك على عمايلك فيها دا أنت خليتها طول الأربع سنين اللي عدوا وهى بتعاني

وبتنام ودموعها على خدها رغم ده كله كانت بتبين للناس إنها قوية وعايشة حياتها عادي

لكن كانت بتموت من جواها وفي الآخر تسيبها 

بس هقول إيه لأنك فعلا مش راجل متبصليش كده

عشان أنت لو راجل كنت حافظت عليها وتخاف عليها مش تتحجج عشان تروح تتسلى وتاخد اللي عايزه

ثروت: أنا عارف إني غلطان وغلطي كبير ومكنش لازم اسيبها بس الظروف اللي حكمت عليا إني اسيبها

دعاء: وليه محطتش حساب الظروف اللي ممكن تظهر بدون ترتيب وتوقع ليه عملت فيها كده ومعملتش حساب إن ممكن يحصل حاجة تخليكوا متكملوش وتكونوا لبعض

ثروت:.آسف والله للأسف معملتش حساب إننا ممكن منكنش لبعض وده كمان اترد ليا في أختي

وساعتها عرفت إن كما تدين تدان وإن الله يمهل ولا يهمل

أنا جاي أطلب منها السماح لأن حياتي باظت بجد وكل حاجة بقت ضدي وتعبان جدا وبعد اللي حصل لأختي 

مستحملتش أمي اللي حصل لأختي وماتت

دعاء: اها يعني لو مكنش حصل معك ده كله مكنتش هتيجي وتطلب منها السماح بص يا ثروت ارجع مكان ما جيت

لأن فاتن دلوقتي تعبانة ولسه جايبنها من المستشفى ولو شافتك أكيد قلبها هيتعب تاني

ثروت بصدمة: إيه يعني دلوقتي قلبها تعبان

دعاء: ايوا ولو أي موضوع بسيط زعلها فكده ممكن تموت

ثروت: طب قوليلها إن هتكلم معها بس خمس دقايق وأقل كمان أنا بجد مبقتش مرتاح وأختي حابسة نفسها في اوضتها

وبجد بتعذب على حالتها دي

وهنا جه صلاح وقال مين اللي أنتي واقفة معاه يا دعاء

وهنا دخل ثروت ووقف ودعاء واقفة وخايفة

صلاح باستغراب وبيبص لدعاء ودعاء باصة لثروت

ثروت: أنا كنت خطيب فاتن وكنت جاي ولم يكمل كلامه

وانقض عليه صلاح بالضرب وفضل يضرب فيه ودعاء بتحاول تبعده عنه لأنه خانقه وهيموت في ايده

صلاح:.بقا يا حيو* ان ليك عين تيجي لحد هنا بعد كل اللي عملته فيها

ثروت مش قادر يتنفس ومش عارف يرد عليه

وصلاح نازل فيه ضرب لغاية ما كان هيغمي عليه

وطلعت فاتن وسندت عالحيطة ولما شافت ثروت دموعها نزلت أكتر وكل الأحداث اللي حصلت بدور في دماغها

وحست باختناق وإنها مبقتش قادرة تتنفس وحطيت ايدها على قلبها وقالت دعاء ووقعت عالارض

بصت دعاء على مصدر الصوت ولقيت فاتن واقعة عالارض

صرخت باسمها وجريت عليها

وصلاح ساب ثروت وجري عليها وثروت مقدرش يقف فقعد مكانه وشايفهم وهما عمالين يفوقوا فيها

دعاء بعياط: نفسها قل جدا يلا بينا عالمستشفى

حملها صلاح ونزل بيها ووراه دعاء وراحوا عالمستشفى

وثروت حاول يقوم ونزل ركب تاكسي وراح وراهم

وصلوا المستشفى ودخلوا الدكتور يكشف عليها ولقي قلبها وقف

خدوها على غرفة العناية المركزة وركبوا ليها أجهزة وجابوا الصدمات الكهربية

ودعاء وصلاح واقفين برا على أعصابهم والدكتور طلع ليهم وعلى وجه علامات الحزن

صلاح: مالها يا دكتور وفاقت ولا لسه

الدكتور بحزن: البقاء لله

وهنا وصل ثروت عند الجملة دي ووقف مصدوم مش مصدق

وكمان دعاء وصلاح مش مستوعبين اللي الدكتور قاله