رواية أحببت مدمن الفصل العشرون 20 بقلم روان ابراهيم

إنچي:- أدخل يا حازم

حازم بضيق:- أنتي رايحة فين يا إنچي وايه القرف اللي أنتي لابساه دا

إنچي بغضب:- في ايه يا حازم أنت كل أما تشوفني تقول نفس الكلمتين

حازم بصوت مرتفع نسبيًا:- أنا سألت سؤال رايحة فين

إنچي بتوتر:-  أ أ أنا رايحة أعمل شوبينج

حازم بضيق:- وأنتي رايحة يا هانم تعملي شوبينج بالقرف دا 

(كانت إنچي ترتدي شورت چينز وتيشيرت قصير)

إنچي بلامُبالاة:- ماله لبسي يا حازم، أنت عارف إن دي طريقتي في اللبس

حازم وهو يغادر الغرفة:- يبقى مفيش شوبينج يا إنچي

إنچي مسرعة خلفه:- خلاص خلاص يا حازم أنا أنا رايحة ألبس حاجة تانية

(ثم دخلت غرفتها وغادر حازم القصر وظلت ملاك تستعد لدراستها)

في إيطاليا:-

ساندي:- هاي مستر عامر

عامر بعملية:- هاي ساندي، عايزك تبعتيلي كل المعلومات اللي تخص شركة السيوفي

ساندي بعملية:- أوكيه مستر عامر five minutes (خمس دقايق) وكل المعلومات تبقى عند حضرتك

عامر وهو يدخل مكتبه:- أوك، أبعتيلي ال coffee بتاعي

ساندي:- أوك مستر عامر

(شركة عامر الحديدي شركة عالمية ومُنافسة لشركة السيوفي والتي على وشك أن تصل للعالمية أيضًا، عامر يبغض حازم بشدة وذلك لأسباب سوف تُعرض في الفصول القادمة، عامر يتميز بالجمال الأوربي الساحر وعمره (٢٥))

في مكتب عامر:-

في الهاتف:-

عامر ببسمة:- چو حبيبي عامل ايه

چو وهو يشعل سيجارته:- بخير يا عامر أنت ايه الأخبار

عامر:- بخير يا حبيبي، مفيش جديد عندك في الصفقة ولا ايه

چو بمكر:- حازم قريب أوي هيبقى زي الخاتم في صباعنا يا عامر

عامر بتركيز:- قصدك ايه يا چو

چو بعملية:- قصدي إن الصفقة الجاية هتبقى القاضية يا عامر، أنت أكيد عارف إن حازم أتجوز وأكيد مراته نقطة ضعفه يا برنس وأنا حابب أديله قرصة ودن في حبيبة القلب ودا هيحصل قريب أوي علشان يقول حقي برقبتي ويرفض التعامل مع شركتنا كويس

(چو شريك عامر في الشركة وكان زعيم المافيا الذي يعمل معه حازم سابقًا وكان چو ومازال مُجرمًا يعشق دور المافيا لذلك تمركز في إيطاليا لتسهل عليه أعماله الغير شرعية)

عامر بتصفير:- الله عليك يا چو الله عليك يا برنس هو دا الكلام الصح قريب حازم هيبقى تحت رجلينا (ثم ضحكا الاثنين معًا بشر)

(ثم أنهى حديثه مع چو ودخلت عليه ساندي بالملفات وكوب القهوة)

ساندي بتمايع:- أتفضل مستر عامر دي كل المعلومات اللي تخص شركة السيوفي ودا الكوفي بتاع حضرتك

عامر بنظرة جريئة:- أوكيه يا ساندي(وكادت أن تغادر الغرفة ولكن أوقفها صوت عامر الذي نهض من على كرسي المكتب وأقترب منها)

عامر بجرأة وهو يحاوطها بيده:- النهاردة ألاقيكي في فندق… الساعة ١٠ 

ساندي بجرأة وهي تقبله:- أوكيه يا بيبي سي يو

عامر وهو يقبلها:- دي تصبيرة لحد بليل سي يو يا ديدا

(ساندي سكرتيرة عامر الشخصية وتعشقه بشدة ويفعلون ما حرمه الله وهي فتاة شقراء ذات جسد ممشوق وتبلغ من العمر ما يقرب ال٢٤)

(نعود مرة أخرى لعروس البحر الأبيض المتوسط اسكندرية وفي قصر السيوفي تحديدًا)

(ذهبت إنچي للتسوق كما أدعت، وعاد حازم للقصر ووجد ملاك تذاكر دروسها في غرفة الجلوس)

حازم بشغب:- ملوكة بتعمل ايه لوحدها كدا

ملاك بانشغال:- بذاكر يا حازم مش فاضيالك أنا لسه مخلصة الدرس بتاعي وعايزة أخلص المذاكرة وصحيح نسيت أقولك شكرا يا حازم

حازم بتعجب:- على ايه يا ملاك

ملاك وهي تعطيه الاهتمام:- على كل حاجة بتعملها معايا يا حازم وعلفكرة الميس شرحها حلو أووووي ومبسوطة جدا إنها بتديني

حازم بفرحة لفرحتها:- عايزك ترفعي راسي يا ملاك وتجيبي مجموع عالي علشان تحققي ذاتك 

ملاك بفرحة:- إن شاء الله يا حازم 

حازم وهو يعطيها علبة:- خدي يا ملاك

ملاك بتعجب:- ايه العلبة دي يا حازم

حازم بحنان:- دي هدية مني ليكي تعويض لكل حاجة وحشة عملتها فيكي

ملاك وهي تفتح العلبة:- موبايل جديد الله شكرا جدا يا حااازم(ثم أحتضنته بشدة)

حازم وهو يبادلها الحضن:- مبسوطة يا ملاك

ملاك بفرحة:- مبسوطة بس!! دا أنا طايرة من الفرحة يا حازم ربنا يخليك ليا

حازم وهو يحتضنها:- ويخليكي ليا يا ملوكة يلا أفتحي الموب وهتلاقي عندك رقمي وقومي كلمي باباكي يلا

ملاك بسعادة بالغة:- أنت طيوب خالص يا حازم وجميل جدا، أنا رايحة أكلم بابي

(ثم ركضت لغرفتها ولكن عادت مرة أخرى و..)

حازم:- رجعتي تاني ليه نسيتي حاجة؟

ملاك بخجل:- أه نسيت حاجة مهمة جدا

حازم بتساؤل:- ايه هي يا ملوكة

ملاك بخجل وهي تقترب منه:- نسيت دي يا حازم(ثم قبلته من خده، ولكن تلك القبلة الصغيرة أثارت مشاعر حازم فقبلها بشدة من ثغرها ولكن قطعت تلك اللحظة الشهقة التي أصدرتها إنچي عند رؤيتها لذلك المنظر)

حازم وهو يحمحم ليعيد صوته الرجولي:- احم احم أنتي رجعتي يا إنچي

إنچي بكره لملاك:- علفكرة يا حازم ليكوا أوضة أعملوا فيها اللي أنتوا عايزينه

حازم بصوت رجولي:- ودي حاجة متخصكيش يا إنچي أنا حر مع مراتي وأعمل اللي أنا عايزه في المكان اللي يريحني معتقدش إن دي حاجة تزعلك وياريت تخليكي في حالك

إنچي بغضب شديد من كلامه:- براحتك طبعا يا حازم أسيبكم تكملوا أنا طالعة أوضتي

حازم وهو يوقفها:- ألا صحيح يا إنچي فين الحاجة اللي أشترتيها

إنچي بتوتر وهي تفرك يدها:- أنا أنا مجبتش غير غير الشنطة دي قولت أنزل مرة تاني لإن الجو حر جدا ومستحملتش ورجعت

حازم بشك خفي:- وايه اللي موجود في الشنطة بقا، فرجينا معاكي عايز أشوف زوقك

إنچي بتوتر ظاهر وهي تحكم غلق الشنطة:- م م مينفعش يا حازم دي دي حاجة بنات ومينفعش تشوفها

(كاد أن يسئلها حازم ولكن أوقفته ملاك التي لم تخرج من حضن حازم لشدة خجلها)

ملاك برقة:- سيبها يا حازم مينفعش نشوف حاجة تخصها عيب كدا سيبها تطلع أوضتها (أضطر حازم أن يستمع لحديث ملاك وقرر أن يكتشف بنفسه ماذا أحضرت إنچي معها لإنه أستشف خداعها له بسبب تلك الحركات التي صدرت منها وهي تجاوبه ثم ركضت إنچي لغرفتها و…)

إنچي وهي تأخذ نفسها بشدة:- أوووف كان هيكشفني لولا الغبية اللي اسمها ملاك دي منعته إنه يشوف الحاجة(ثم قالت بغل) أنا بكرهك يا ملاك بكرهك جدا وهنتقم منك أشد انتقام أزاي الغبية دي تبقى في حضنه بالمنظر دا (ثم صرخت بصوت مكتوم) طردك من القصر هيبقى على إيدي يا ملاك

(مرَّ أسبوع على أبطالنا وأندمجت ملاك في دراستها والتي بدأتها بكل طاقتها وجهد كبير وكان حازم يوفر لها سُبل الراحة والوقت الكافي للتركيز على دراستها وكانت ملاك تتحدث مع والدها من وقت لآخر لتطمئنه عليها وتطمئن عليه وكان والدها سعيد بتلك المكالمة من صغيرته، وكان حازم يجهز لصفقة مُهمة يجب أن تنتهي خلال فترة وجيزة، وكالمعتاد إنچي تُخطط بشتى الطرق لطرد ملاك من قصر السيوفي وعلمت إنچي بشك حازم بها ومُراقبته لها حتى أنها ضلَّت أحد رجاله مما جعل حازم يشك بها أكثر من قبل وجعل فاروق يراقبها بنفسه وذلك لخروجها المُستمر من القصر وفي يوم من الأيام خرج حازم من القصر وأصبحت ملاك وحدها مع إنچي و…)

إنچي بكدب:- هاي يا ملاك 

ملاك بنفور:- هاي ورحمة الله وبركاته

إنچي بضيق غير واضح:- ممكن نتكلم مع بعض شوية

ملاك بتعجب:- خير يا إنچي احنا من أمتى وفي حاجة ما بينا نتكلم فيها

إنچي ببرائة كاذبة وهي تجلس بجانب ملاك:- ما هو دا اللي أنا بتكلم فيه، من ساعة ما جيت مصر واحنا مش بنطيق بعض ومعاملتنا لبعض وحشة جدا يا ملاك وأنا مش راضية عن اللي بيحصل أنتي في الأول وفي الآخر مرات حازم يعني بقيتي فرد من عيلة السيوفي تعالي نبدأ مع بعض صفحة جديدة يا ملاك

ملاك بشك:- صفحة جديدة أزاي يا إنچي

إنچي بدموع التماسيح:- أنا معنديش صحاب في مصر خالص يا ملاك ومش بعرف أتعامل مع حد هنا وغير كدا أنا نفسي في أخت، معنديش أخوات بنات خالص ايه رأيك تبقي أختي وصاحبتي يا ملاك 

ملاك بعين دامعة:- أكيد طبعًا يا إنچي أنا من هنا ورايح أختك وصاحبتك أنا حاسة بيكي علشان معنديش أخوات خالص وحاسة بيكي(ثم أحتضنتها)

إنچي بمكر:- تعالي نشرب نخب الصداقة يا ملاك

ملاك بتساؤل:- نشرب ايه يا إنچي

إنچي بخداع:- عصير تفاح لاقيته في التلاجة وحطيتلي أنا وأنتي ويبقى دا كدا نخب صداقتنا

ملاك بعبوس:- بس أنا مش بحب عصير التفاح يا إنچي

إنچي بحزن كاذب:- ليه كدا يا ملاك مش معقول هتكسفيني ومش هتشربي العصير من إيدي بس عالعموم مش هجبرك هروح أشوف عصير تاني

ملاك ببرائة:- اممم خلاص يا إنچي هشرب عصير التفاح مقدرش أكسفك كفاية إنك جايبهولي بنفسك

إنچي بفرحة:- شكرا يا ملاك يلا أشربي العصير (ثم ذاقت ملاك ذاك العصير و..)

ملاك بقرف:- يععع طعمه وحش أوي ريحته كمان مش حلوة أنتي متأكدة إن دا عصير تفاح

إنچي بتمثيل:- أيوا يا بنتي دا طعمه جميل جدا يمكن علشان أنتي مش متعودة عليه فمستغربة طعمه لكن هو جميل جداااا

ملاك بإقتناع:- عندك حق أنا علشان مش بحبه فبقول كدا بس هشربه كله المهم متزعليش مني

إنچي لنفسها وهي تبتسم بمجاملة:- بالسم الهاري يا ملاك

يا ترى إنچي اتصافت مع ملاك بجد ولا.. ؟!