Uncategorized

رواية حكايتي في الثانوي الفصل العاشر 10 بقلم إسراء ابراهيم

 رواية حكايتي في الثانوي الفصل العاشر 10 بقلم إسراء ابراهيم

رواية حكايتي في الثانوي الفصل العاشر 10 بقلم إسراء ابراهيم

رواية حكايتي في الثانوي الفصل العاشر 10 بقلم إسراء ابراهيم

دخلت والدة آلاء اوضتها عشان تجيب الموبايل بتاع آلاء وتخلي أبوها يشوف إنها مكدبتش وإنها فعلا من الأوائل
ولكن دخلت واتخضت وجريت على آلاء لأنها كانت بتعيط
والدتها: مالك يا حبيبتي بتعيطي ليه وإيه اللي مزعلك
آلاء بدموع: ليه يا ماما مش بيصدقني وكمان كلامه بيدل على إني فاشلة والله أنا مبكذبش
والدتها:.يعني أنتي سمعتي كلام والدك
آلاء:.ايوا يا ماما وكمان مش عايزاه يشوف مني حاجة خليه يروح المدرسة ويروح يتأكد من كلامي
والدتها حضنتها وقالت: ابوكي ميقصدش يا قلبي وبعدين ما أنتي عارفة إن هو كده دايما
آلاء: وأنا مبقاش يهمني حتى مبقاش عندي طموح ولا هدف
أنا حاولت أبذل جهدي عشانه لكن هو مفكرني فاشلة
والدتها: أنا هتكلم معاه ومبقاش هيزعلك
آلاء: أنتي بتقولي إيه يا ماما ما هو ده طبع بابا واللي احنا عارفينه ده مبيضحكش معنا ولا بيهزر معنا كأننا أعدائه
ولو ضحك معنا في يوم بتبقى صدفة وبعدها بيقلب علينا
معرفش احنا مش عياله ولا إيه ليه مبيعملش زي اعمامي وبيضحكوا مع عيالهم وعايشين مبسوطين مش في نكد
والدتها: خلاص يا حبيبتي متزعليش وبعدين أنا مش مكفياكي ولا إيه منا بهزر واضحك معكي
آلاء بضحك:.لا طبعا مكفياني وزيادة ربنا يديمك ليا ويهدي بابا
والدتها: يارب يلا قومي بقا نامي شوية عشان تروحي درس الرياضيات وتعرفي المواعيد
آلاء:.حاضر يا حبيبتي ونامت آلاء ووالدتها خرجت
وبصت على زوجها ودخلت المطبخ تجهز للغدا
صحيت آلاء قبل العصر اتغدت وجهزت الدفتر والأقلام عشان تصلي وتروح الدرس
وخلصت ولبست وراحت الدرس وهى في الطريق قابلت بنتين
البنت نداء اللي في الترتيب بعد آلاء في الأوائل واللي كانت كلمت آلاء في درس الفرنساوي بطريقة وحشة وصاحبتها اسمها ريما
ريما: ازيك يا آلاء مبارك يا جميل النجاح والمركز
آلاء: الله يبارك فيكي يا حبيبتي عقبالك المهم أنتم رايحين درس الرياضيات
نداء بصت ليها وبعدين قالت اها
ريما: ايوا يا لولو وأنتي كمان رايحة
آلاء: ايوا طب يلا همشي معاكوا بدل ما أمشي لوحدي
ريما: يلا واحنا نطول نمشي معاكي
نداء بصت ليها بضيق ومشيت آلاء معهم وصلوا الدرس
وقبل ما يدخلوا الدرس وقفت آلاء وقالت لريما ونداء ادخلوا أنتم وأنا هروح المكتبة أشتري قلم لأن اللي معايا وقع
ريما ونداء دخلوا وهى راحت تشتري قلم
ودخلت لقيت الأستاذ بيتكلم معهم وبيسالهم مين اللي طلع الأول
نداء: قالته مين اللي طلع في العلمي وبعدين قالت اللي طلعوا في الأدبي
بص الأستاذ ل آلاء وقال اقعدي يا آلاء ومبارك النجاح
آلاء:الله يبارك في حضرتك يا أستاذ مش هنبدا ولا ايه
الأستاذ: هنستنى خمس دقايق كده نشوف العدد هيكون كام ولو محدش جه يبقى هنبدا من الأسبوع الجاي
لأن في ناس كتير اتصلت عليا وقالوا بلاش تدي النهاردة وأنا قولت ليهم لسه هشوف
آلاء: تمام وقعدت
نداء: طب هروح أنا وريما نشتري مايه لغاية ما نشوف حد هيجي ولا ايه
الأستاذ:.ماشي وراحوا يشتروا مايه
وعدى الخمس دقايق ومحدش جه فخدوا المواعيد ومشيوا
وفي الطريق قالت آلاء لريما ونداء أنا هروح أشوف مواعيد درس الجغرافيا هتيجوا معايا
نداء: لا روحي أنتي احنا رايحين مشوار ضروري
آلاء: ماشي وراحت تشوف درس الجغرافيا لقيت بنت زميلتها اسمها زينة
زينة: ازيك يا آلاء رايحة فين
آلاء: رايحة أشوف مواعيد درس الجغرافيا
زينة: وأنا كمان طب يلا نروح ونشوف ودخلوا للأستاذ وكان هناك طلاب بيشوفوا المواعيد
آلاء: إيه ده هو هيشرح النهاردة ولا ايه
زينة: يمكن يشرح المقدمة عن الجغرافيا وأنا مجبتش حاجة أكتب فيها
آلاء: وأنا معملتش حسابي ممعيش غير دفتر الرياضيات هكتب فيه ولما أروح اشتري واحد جديد يلا ندخل
وهبقى اديكي الدفتر تصوريه
زينة: ماشي يلا
ودخلوا والأستاذ بدأ يديهم مداخل الجغرافيا ورسم خريطة وبدأ يشرح عليها 
وكانت آلاء بتكتب وراه وهو كان بيكتب بسرعة ويمسح على طول والاء ايدها وجعتها
بتقول آلاء لزينة: هو في حد بيجري وراه ما يكتب براحة دا أنا بسبب إني بكتب وراه بسرعة خطي وحش مينفهمش
زينة: وريني كده: طب ما هو واضح اهو
آلاء: دا أنا مكنتش بشوف بكتب فين عيني كانت عالسبورة
زينة: معلش لما تروحي بقا ابقي انقليه في دفتر جديد بخط حلو وأنتي بتكتبي بهدوء
آلاء: اها صح منا هنقله بخط نضيف كده بس أنا بتكلم عشانك هتصوري إزاي اللعبكة دي
بصي لما انقله في دفتر تاني هبقى ادهولك تصوري عشان تفهمي الكلام ماشي
وهجيبه معايا بكرة عشان لو قابلتك بكرة
ولا أقولك هاتي رقمك وهبقى ابعتهم ليكي واتس
زينة: إيه ده انتي معك واتس ونزلتيه امتى دا احنا بنقول ليكي نزليه ونتكلم عليه تقولي استغفر الله مش هنزله
آلاء بضحك: لأ منا لسه هنزله النهاردة ومضطرة اصلا أنزله عشان بعض المدرسين هيعملوا جروبات وكده
زينة: تمام هو الأستاذ راح فين ده كله
آلاء: واقف برا بيكلم ناس تعالي نشوفه كده خلاص ولا لسه
وكانت آلاء طالعة هى وزينب ففي ولد وقف آلاء وقال: ممكن دفترك أصور اللي كتبتيه عشان ملحقتش أكتب
آلاء بتردد: هو يعني مش عارفة
زينة: اديه يصور وخلاص يا آلاء
آلاء: اتفضل بص هو يعني ممكن متفهمش الخط كويس لأني كنت بكتب بسرعة
هو: عادي هحاول افهمه وانقله وصور واداها الدفتر وشكرها 
وهنا دخل الأستاذ وقال: كده الحصة خلصت والكل يكون معاه الكتاب الحصة الجاية
زينة و آلاء ماشين مع بعض وبيتكلموا عالدروس
زينة: طب أنا هروح لخالي لأن ماما هناك
آلاء: ماشي سلام
وكملت آلاء طريقها وكانت بتعدل طرحتها لأن الدبوس اتفك فخبطت في شخص والدفتر والأقلام وقعوا منها
فبصت تشوف مين اللي خبطها وقالت: أنت
هو: لولو
ياترى مين ده اللي خبطت فيه
يتبع…..
لقراءة الفصل الحادي عشر : اضغط هنا
لقراءة باقي فصول الرواية : اضغط هنا
نرشح لك أيضاً رواية أحببت طفلتي للكاتبة مروة جلال

اترك رد