Uncategorized

رواية عشقني متوحش الفصل الثالث 3 بقلم ميسون عبدالمجيد

 رواية عشقني متوحش الفصل الثالث 3 بقلم ميسون عبدالمجيد

رواية عشقني متوحش الفصل الثالث 3 بقلم ميسون عبدالمجيد

رواية عشقني متوحش الفصل الثالث 3 بقلم ميسون عبدالمجيد

عاصم بغضب:انت جاي هنا ليه
عمرو:اخص لا بجد اخص دي مقابلة بردو
طارق بغضب:عمرو بلاش حركاتك دي وانجز عايز ايه
عمرو:جاي اسأل علي صاحبي وابن خالتي واخويا اللي باعني و واقف مع ابن خالته ضد اخوه
طارق قام بغضب:انا مش واقف ضد حد انا وقف مع الحق
عمرو ببرود:بتعلي صوتك علي اخوك الكبير لا ماشاء الله علي التربية ناقص تضربني كمان ي ابن  
طارق بعصبية:لو حكمت هعملها ومتقلش اخويا انا اتكسف اقول انك اخويا الكبير
عمرو بغضب:احترم نفسك ياد
طارق بغضب اكثر:مش لما تحترمها انت الاول 
عاصم دب بأيده علي السفرة جامد لدرجة ان معظم الاكل اتكب
عاصم بغضب شديد:باااااس طارق اقعد واسكت وانت اطلع برااااا
عمرو بأسفزاز:لسة زي ما انت ي حضرة الظابط
عاصم بصله بغضب
اكمل عمرو: سابقا
عمرو قال كدة وخرج
طارق بخوف:عاصم عاصم اهدي
(عاصم عنده مشكلة انو لما بيتعصب جامد مش بيقدر يتحكم في اعصابه وضغطه بيوطي جدا)
عاصم فقد الوعي
نشوي دخلا من باب الڤبة العمومي شافت عمرو بصتله بأستغراب
عمرو بابتسامة وهو خارج:سلام ي قمر
نشوي بصتله بأستغراب ودخلت
نشوي بخوف وقلق:ايه دا ماله
طارق وهو بيزق الكرسي:الحالة جتله
نشوي بعدم فهم:حالة حالة ايه
طارق برعب وسرعة:تعالي ورايا بسرعة
طارق طلعه الاوضة ونيمه علي السرير
طارق بسرعة وخوف:لفيني جهاز قياس الضغط اللي وراكي دا
نشوي جابته بسرعة وهي خايفة ومش فهمه حاجة
طارق بخوف:ضغطه واطي جدا هاتي شنطت الدوا اللي وراكي دي
نشوي جبتها وهي بتترعش من الخوف
طارق بخوف:بتعرفي تدي حقن
نشوي بتوهان وخوف:هاا
طارق بنبرة حادة أول مرة نشوي تشوفها:بسرعةةةةةة
نشوي بخوف وتوتر:ايوا ايوا هات بتااخد فين
طارق بلهفه وخوف:هنا
وشاور علي ايد عاصم
نشوي ادتهاله
عدة كام دقيقة وطارق قاس الضغط لقاه بدء يظبط
طارق اخد نفسه براحة بص علي نشوي لقاها متوترة وخايفة جدا
طارق بهدوء وصوت واطي:تعالي نتكلم برا ونسيبه يرتاح
خرجو وطارق قفل علي عاصم الباب
طارق بأبتسامة:اول حاجة اسف اني زعقتلك بس لو مكناش عملنا كدة بسرعة كان الموضوع ممكن يكبر
نشوي بهدوء:هو ايه اللي عنده دا
طارق بحزن:دي حالة لسة جياله جديد من يوم ما عمل الحدثه عاصم عمره ما كان كدة ولا كان بالعصبية دي إلا معايا هو كدة معايا ديما
نشوي ضحكت
اكمل طارق:ومن يوم ما عمل الحدثه وهو أول ما بيتعصب بيحصله كدة مش بيقدر يتحكم في اعصابه ضغطه بيوطي جدا وبيفقد الوعي راح لدكتور نفسي عشان الموضوع دا بس للاسف ملقلوش حل اضطر يعالجه بالدوا واهو اديني معاه ومش هسيبه لغاية ما يرجع احسن من الاول
نشوي ابتسمت:انت بتحبه بجد للدرجة
طارق بأبتسامة:واكتر مما تتخيلي بصي انا هروح الشركة وأنتي اقعدي معاه ولو حصل حاجة بلغيني ورقمي مع الدادة
نشوي:تمام
طارق بجدية مصطنعة:مهمتك بدأت ي دكتورة
طارق مشي ونشوي ضحكت
★★★★★★★★★★★★★★★★★بعد مرور عدة ساعات
نشوي قعدة علي كرسي قدام  عاصم وبتتأمل ملامحها الهادية البريئة عكس وهو صاحي خالص وفضولها هيقتلها نفسها تعرف ايه حكايته وكل شوية تستغفر ربنا وتبطل تبصله
عاصم فتح عينه فجأة لقي نشوي قعدة كدة وبصاله
عاصم بفزع:بسم الله الرحمن الرحيم
نشوي بضيق:ايه شفت عفريت ما براحة
عاصم بضيق:انتي ايه اللي مقعدك معايا كدة
نشوي بغيظ:تصدق انا غلطانه اني قعدة مع واحد متوحش زيك وبخلي بالي منك
عاصم ببرود: ليه ي نشا حد قلك اني عيل صغير بخاف اقعد لوحدي
نشوي بغضب:اسمي نشوي واتلم عشان الشيطان شاطر وانا جبت اخري منك
عاصم كان هيتكلم قاطعه دخول الدادا
الدادا:الاكل اللي طلبتيه ي دكتورة
نشوي بضيق:تمام ي دادا شكرا وانت اقعد عشان تطفح
عاصم بيبصلها بغضب:اهدي انا عايز اقوم اقعد علي الكرسي
نشوي بتوتر:طب طب هتقوم ازاي انا مش هقدر اقومك وحتي لو قدرة مش هينفع طب طب انا ممكن اا…
عاصم قاطعها:اييه ايييه مالك مفيش كنترول خالص اتنيلي زقي الكرسي هنا
نشوي بعنين حادة: تصدق انا أول مرة اصدق المثل اللي بيقول عمر ديل الكلب ما يتعدل
عاصم بتحذير:لفيني الكرسي
نشوي بصتله بغيظ وزقت الكرسي حطته جنبه السرير والكرسي كان في عكازين متعلقين فيه
عاصم سحبهم وحطهم وبدء يسند عليهم وبيقوم بس بصعوبة وكل دا تحت صدمة نشوي
نشوي بصدمة:انت بتعمل ايه ايه التهريج دا انت مش المفرود مشلول
عاصم ببرود وهو بيقعد علي الكرسي:الملافظ سعد ي نشا
نشوي قربت تولع:سمعتك قبل كدة بتقول ان هنا في بندقيه مش كدة
عاصم ببرود وبيشاور:في الرف دا
نشوي بعنين حادة:طب ما تعلمني بتضرب ازاي
عاصم بصلها بغيظ ممزوج بخوف
عاصم:هاتي الاكل دا عشان اكل
نشوي بغيظ:هتاكل في الجنينه
عاصم:لا هاكل هنا اخلصي
نشوي بحدة مصطنعه:مفيش كلام يلا هتخرج وهتطفح في الجنينه
مسكت الكرسي وبدأت تزقه وعاصم قرب يطق
عاصم بغيظ شديد:تعرفي اول مرة احث اني عاجز لو كنت بمشي كنت قمت خنقتك دلوقت
نشوي بصاله ببرود ومش بترد
وصلت عند الباب وكانت هتخرج من الاوضة
عاصم:استني اكيد مش هنمشي كل دا لفيني الريموت دا
نشوي بصاله بعدم فهم ولفتهوله
عاصم داس علي زرار وفجأة الشباك فتح وكان بيوصل للجنينه
نشوي بصا بذهول 
عاصم بصلها وحط الريموت بغرور
نشوي زقته وقعدته في الجنينه وبعدها جابت الاكل وبدات تحوش من عليه الغطا
عاصم:فين الاكل
نشوي:مهو قدامك
عاصم بقرف:انتي عيزاني اكل شربة وفراخ مسلوقة ليه حد قلك اني عامل اللوز
نشوي بتجز علي سنانها:هطفح دا يعني هطفحه
عاصم بعنين حادة:اتصل بطارق وخليه يجبلي الاوردر بتاعي من المطعم هو عارفه
نشوي قامت بعنين حادة:مش هتصل وانت هتاكل الاكل دا غصب عنك يا اما هزقك وهغرقك في البسين دا و دار ما دخلك شر
عاصم بيجز علي سنانه وبدء ياكل
نشوي ابتسمت بنصر وخفوت
عاصم بياكل ونشوي بدون وعي مركزة معاه ومع كل تفصيلة وهو بياكل وبيشرب ومركزة اوي
عاصم بيشاور قدام عنيها:هييي تاكلي
نشوي فاقت:هال لا طبعا ليه بتقول كدة
عاصم:لا اصلك مركزة معايا اوي قلت حرام يمكن مكلتش بس طلعتي بتتأمليني
نشوي بتجز علي سنانها:نينيني خفة ليه مين سيادتك ولا شايف نفسك بعينك الزرقا انا لولا الخمار كنت شفت شعري الاشقر الجميل
عاصم بغمزة:ي عسل انت كلك جميل
نشوي بتوتر وهمس:ايه دا هو قلب باد بوي ليه كدة احم كل عشان تاخد البرشام
عاصم:انتي تعرفي انهي برشام اصلا
نشوي:لا
عاصم بصلها وضحك بخفة علي غبائها ونشوي اتكسفت
نشوي:صحيح انت ايه اللي عمل فيك كدة وخلاك فقدة الوعي وضغطك وطي
اتبدلت ملامح عاصم للغضب :متخديش في بالك طارق راح الشركة مش كدة
نشوي:ايوا
واكملت بأبتسامة:بيحبك اوي علي فكرة
عاصم ابتسم:منا عارف
نشوي:طب مدام عارف عمله معاملت بني ادمين شوية
عاصم:مش هتعرفيني اعامله ازاي وامسكي دخلي الاكل دا
نشوي بغيظ:ليه حد قلك اني الخدامه بتاعتك اما الدادا تيجي تخده
عاصم بصلها بغيظ وهي وهي ابتسمت بأستفزاز
★★★★★★★★★★★★★★★★★★★عند طارق
طارق في الشركة
طارق:فين مي
رحمه:نعم حضرتك انا مكنها
طارق بأبتسامة جذابه:طب خدي اعمليلي من دول عشر نسخ ي قمر
رحمه ابتسمت وبدأت تعملهم
هايدي كانت دخلا الشركة 
طارق شفها مشي بسرعة و وقف قدمها
طارق بأبتسامة:وانا اقول الشركة منورة ليه انهرده اتاري القمر بنفسه عندنا
هايدي نفخت بضيق وخلعت النظارة:اووووف
طارق بتصفيرة:ايوا بقي خلينا نشوف عيونك العسلي دي
هايدي بحدة:احترم نفسك وانت بتعمل ايه هنا ي بتاع انت
طارق بغيظ:انتي متعرفيش انا ابقي مين
هايدي بقرف:لا والله محصليش القرف وسع من وشي انا عندي مقابلة مع مدير الشركة ومش عايزة اتعصب وانا معاه
هايدي مشيت وطارق ابتسم بمكر ومشي
رحمه:مستر طاارق الورق
طارق وهو ماشي:بعدين بعدين
★★★★★★★★★★★★★★★★★★نرجع لعاصم ونشوي
مرت كام دقيقة والدادا جت بتحوش الاكل
عاصم:لو سمحت ي دادا لفيني اللاب
الدادا:حاضر ي عاصم بيه
نشوي قامت:لالا خليكي ي دادا لمي انتي الاكل وانا هجبله الدوا وهجيبه معايا اهو اكسب في ثواب
عاصم مبتسم بغيظ:والله شكرا لكرم اخلاقك
نشوي عملتله الاموشن دا ☺️☺️ 
نشوي مشيت خطوة ورجعت تاني:بس انت حطه فين
عاصم:هتلاقيه في رف كدة جنب المكتب
نشوي:تمام
نشوي طلعت وعاصم قاعد يتأمل
نشوي شافت العلاج بتاع عاصم وجابت البرشام اللي المفرود ياخده وراحت عند الرف عشان تجيب الاب وهي بتسحبه صورتين وقعو في الارض علي وشهم نشوي وطت عشان تجبهم وكانت الصدمة لما شافت….
يتبع…..
لقراءة الفصل الرابع : اضغط هنا
لقراءة باقي فصول الرواية : اضغط هنا
نرشح لك أيضاً رواية حكايتي في الثانوي للكاتبة إسراء ابراهيم

اترك رد