روايات

رواية تار صعيدي الفصل العاشر 10 بقلم ملك شاهين

 رواية تار صعيدي الفصل العاشر 10 بقلم ملك شاهين

رواية تار صعيدي البارت العاشر

رواية تار صعيدي الجزء العاشر

رواية تار صعيدي الحلقة العاشرة

فراس : تعرفي ليله منين ؟
فلير تنحت وسكتت
فراس بعصبيه وهو بيمسكها من دراعها : بقولك تعرفي ليله منين انطقي
فلير  بتوتر : مش مش ليله دي المهره الي تحت
فراس بعصبيه وهو بيزقها ويسيب دراعها فبتقع على الارض : انت هتستعبطي يا روح امك انطقي اخلصي
فلير ساكته وعماله تعيط
فراس بنفاذ صبر وهو بيرفعها يوقفها  : بقولك ايه وقفي دموع التماسيح دي شويه  انطقي انت لسه مشوفتيش حاجه
فلير : انا انا ..
فراس : اخلصي بقولك
فلير بسرعه : تبقي خالتي
فراس تنح : نعم
فلير : ايوا تبقي خالتي اخت ماما
فراس بتذكر : انت قولتي الصبح ورحمه ماما صح ! انت مش مامتك عايشه ومطلقه هي وباباكي
فلير وهي بتمسح دموعها وتحاول متعيطش : لا دي مامت ماري ويوسف بابا كان متجوز مامت ماري وخلف منها ماري واتجوز بعدها ماما الله يرحمها بس من غير اما يقولها وماما حملت فيا وبعد اما ولدتني  انا واخويا التؤام ب ٧سنين مامت ماري حملت في يوسف واثناء حملها اكتشفت ان بابا متجوز عليها وطلبت الطلاق وبابا طلقها بعدها بشهر ماما تعبت وماتت وانا روحت اعيش في انجلترا انا واخويا وماري ويوسف عاشو مع بابا في امريكا
فراس : عيشتي في انجلترا لوحدك وانت عندك ٧ سنين انت واخوكي ؟
فلير بتوتر : اكيد لا
فراس  بتركيز  ونفاذ صبر : وضحي
فلير وهي بتجري وتدخل اوضتها وتقفل الباب بسرعه: كنا  كنا عايشين مع ليله
فراس الصدمه قعدته مكانه هو متأكد انه اكيد سمع غلط مستحيل يكون حقيقه
تحت عند سميه و ماري
ماري بتفكير : بصي بصي انا عندي فكره نجيب فيه
سميه : جولي يا خواجيه
ماري بضيق : اووف خواجيه بردو يلا …المهم اندرو وزيزي هينزلوا قريب
سميه : وه مين دول عاد
ماري بضيق: يووه انت بتقاطعيني ليه دلوقتي سيبيني اكمل كلامي
سميه : كملي يختي كملي
ماري : يختي ؟ oh my god …المهم هما هينزلوا قريب دول صحابي واندرو ده بيحب فلير بس هي مطنشاه فاحنا ممكن نستغله ونصورهم كام صوره كده سوا ونشكك في فراس فيها واندرو هيساعدنا don’t worry
سميه : ايه دوت ووي دي
ماري  بملامبلاه :  يعني متقلقيش
سميه : طيب والخواجيين زملاتك دول هيجو امتي
ماري بضيق وهي بتقوم وبتمشي:  اووف عليكي… قريب هيجو قرييب…  انا قايمه علشان هنام
سميه بلويه بوز :  نامي يختي نامت عليكي حيطه
تاني يوم في المستشفي الصبح
حمزه كان بكلم ممرضه : يعني  دكتوره نسمه مش بتيجي المستشفي غير للضروره
الممرضه بضيق انه مهتم بيها : ايوا حاجه تانيه
حمزه : متشكر …ممكن رقم تليفونها لو معاكي
الممرضه : جرا ايه يا استاذ مينفعش كده الله
حمزه : خلاص يستي في ايه ..انا ينفع اخرج صح
الممرضه : اه عن اذنك
حمزه قعد يفكر هيشوفها تاني ازاي لحد اما قطع تفكيره لورين وهي بتقول  بصوت عالي: هنرووح لمامي امتي بقي
حمزه : صوتك يا قرده فزعتني
لورين : عايزه اروح لمامي بقي
حمزه : حاضر يختي هنروح لمامي
لورين بفرحه : هييي هييي اروح اكلم نوني بقي اقولها اننا هنسيب المستشفي وان مش هعرف اشوفها تاني
حمزه : روحي رو…اييه نوني انت معاكي رقمها
لورين : of course ومش هديهولك
حمزه بالظبط : سبحان نفس رخامه امك بالظبط
لورين : امك ؟ no no local اووي
بعد شويه رجعتله : مش بترد عليا شكلها نايمه
حمزه بغيظ : قومي قومي خلينا نشوف المستشفي واوديكي لمامي يختي
في جناح عند فراس و فلير فراس من صدمته نام مكانه صحي من النوم لقا نفسه نايم على الكنبه الي قدام التليفزيون
فراس : اكيد كان حلم مستحيل تبقي عايشه مستحيل ازااي  …. خد نفس و قام دخل الحمام ولبس وخرج راح قدام اوضه فلير وفضل يخبط جوا عند فلير كانت بتتكلم في التليفون وبتعيط
فلير بعياط : عرف عرف يا خالتو خلاص ..انت انت لازم ترجعي …يعني ايه يا خالتو انا مش هكدب تاني ومش هعمل اي حاجه تاني يا خالتو انا هقول لفراس كل حاجه وهعرفه الحقيقه كلها
سمعت صوت الباب وهو بيخبط
فلير : سلام دلوقتي يا خالتو انا قولت كل الي عندي
فلير فتحت الباب وهي بتمسح دموعها وتحاول تبين انها مبتعيطش
فلير بتوتر  : صباح الخير
فراس بهدوء وهو بيحاول يبان طبيعي : صباح النور ..ممكن نتكلم شويه
فلير هزت رأسها وقالت : فطرت
فراس : مش عايز تعالي نتكلم في البلكونه
فلير راحت وراه وقعدوا في البلكونه
فراس : هي عايشه ازاي
فلير  بتنهيده : دي حكايه طويله وانا هحكيلك
فراس : كنتي عارفه ؟
فلير بتوتر  : كنت عارفه ايه
فراس وهو بياخد نفسه بالعافيه : كنتي عارفه انها امي ؟
عند حمزه كان وصل هو ولورين لبيت مامتها نزل ودخل البيت ولسه هيرن الجرس لقا لورسن سابته وجريت على حد في جنينه بيبص
لورين بفرحه وهي بتجري : نووووني
نسمه وهي بتحضنها وتشيلها باستغراب : لوري عامله ايه
لورين : الحمدلله وحشتيييني اد البحر
نسمه : وانت كمان وحشتيني اد البحر ..بس ايه الي جابك هنا
لورين وهي بتبص وراها وتشاور على حمزه : جيت مع زومي علشان نشوف مامي
نسمه باستغراب و بتبص على حمزه الي جاي نحياتها : وهي مامي عايشه هنا
لورين : ايوا بابي قال كده
حمزه كان راح عليهم وبيمد ايده يسلم على نسمه : ازيك يا دكتوره انت بتعملي ايه هنا
نسمه : ازيك يا سياده الرائد ..المفروض انا الي اسأل السؤال ده لانه بيتي
حمزه بفرحه : بيتك ؟ يا محاسن الصدف وهمس للورين في ودنها … شوفتي  يا قرده انت مرضتيش تديني رقمها فربنا عرفني بيتها شوفتي
نسمه : ايوا بيتي ..مقولتش انتم جايين هنا ليه
حمزه : علشان مامت لورين عايشه هنا
نسمه باستغراب : مين مامتها ….صباح الخدامه ولا نعمه بس ازاي اصلا البنت مش شبه حد منهم خالص وهما مش متجوزين
حمزه : لاء مش دي ولا دي
نسمه باستغراب : اومال مين
ماري جت من وراها وهي بتحضن وبتسلم على حمزه قالت بخبث : فلير اختي
يتبع…..
لقراءة باقي حلقات الرواية اضغط على (رواية تار صعيدي)

اترك رد