رواية مطاردة دين الفصل التاسع 9 بقلم ميرنا شاكر

M, [28 Jul 2021 at 10:59:42 PM]:

…ادهم :انت ياحيوان قولت ما تتصلش 

لؤي : اما اعمل ايه …انا زهقت …وعايز ارجع ..او اخلص 

ادهم :قولت ليك معنتش تتصل تاني …علشان التليفونات متراقبه هاهربك بره مصر …لحد ما اخلص من حكايتك دي 

لؤي :طيب …وهتخلص امتى 

ادهم : كلها يومين تلاته …لو احتجت حاجه ابقى ابعت صاحبك ده …

لؤي : بس عايز اصحابي معايا 

ادهم : تصدق انا اللي هابلغ عنك علشان اخلص 

لؤي : ليه 

ادهم : علشان سيادتك ….عليك قضيه .ولو اتمسكت هيبقوا قضيتين ضرب زمليتك و هتبقى التانيه تعاطي …..اهربك الاول وبعدين ابعتهم مش مشكله ..هي مش رحله 

لؤي : ماشي 

ادهم : اقفل بقى…قبل ما يتعرف مكانك 

لؤي : ماشي 

********************************************

مليكه وحسام وسليم واحمد 

مليكه : ايه ده يا احمد …انت جاي 

احمد : عرفت اخد اجازه يومين في المستشفى على الاقل اجي اوصلكم …وبعدين ارجع …وبعدين اجي تاني 

مليكه : تمام …هنركب في عربيه واحده 

سليم : لا ممكن على عربيتين على اساس لو حب يرجع ..يبقى براحته ..

مليكه: طيب 

ركب سليم مع احمد ومليكه مع حسام 

وبعد مرور 4 ساعات على الطريق 

احمد: الله يخربيت ام العربيه دي ….حبكت تعطل 

حسام بضحك : يلا بينا نرجع مصر العيله دي ملهاش حل …ان عربيه واحده تعطل ..تمام …لكن الاتنين غريبه دي انا اول مره اشوفها هههههههههههههههههههههههه

سليم : هو حد قال ان احنا مسافرين 

مليكه :لا 

حسام :لا 

احمد : لا 

سليم : اما مين 

مليكه : انت قولت لحد يا سليم 

سليم : مفيش غيرها 

التلاته في نفس واحد : صفيه 

سليم : اه طبعا..مش ماما 

مليكه بضحك : امك دي السبب ..في رفدك من الشرطه 

سليم : شكلها كده …بس هي هتعملها ازاي …انها تفضي الهوا من العربيه …والبنزين يخلص بسرعه واحنا جنب العربيه …مفيش حد كان جنبها 

مليكه : طيب طلعوا حاجه ناكلها لحد ما تشوفوا حل …انا مش عارفه انا حاسه اني طالعه رحله مع ولاد اختي 

سليم ..راح على شنطه العربيه 

وبيفتح شنطه الاكل …لقى ورقه مكتوبه 

جريت مليكه عليه ..وشدت الورقه والاكل …وقعدت تقراها بصوت 

حبيبي سليم 

حسام : يا سلام يا سيدي 

سليم : اخرس 

مليكه : يا سليم …يا واطي 

سليم : متحترمي نفسك 

مليكه : ده اللي مكتوب 

سليم : هاتي الورقه دي …..

جرت وحسام واحمد مسكوه ..

سليم : وقفي 

مليكه : لا…حبيبي سليم …يا سليم …يا واطى ….بقى تروح الساحل من غيري …يا وحش …تروح تلعب مع البنات الحلوه ….وانا قاعده لوحدي …بتتفسح ..وسايبني …ده انا حتى عندي مايوه من ايام الحج …كان قطعتين …بس مش موجود دلوقتي الا قطعه واحده مش مهم ….المهم كان نفسي انزل البحر ..اوي …واتعاكس …ويجي حبيب قلبي ابوك يضربهم …وانت تقعد جنب الشمسيه مع الساندويشات …كنت خدتني كنت عملت ليك محشي كده …وانت قاعد بفنله البيضه على البحر ومعايا الطاقيه ….

احمد بضحك : وقفي …يا مليكه ….هيولع فينا 

حسام : ونبي كملي 

سليم بغضب : وقفي يا مليكه 

مليكه : لا ده لسه فيه حاجات مهمه 

سليم : وقفي مبهزرش 

وكملت مليكه …قرايه …

ويا سلام على بتاع الفريسكاااااااااا

حسام : اخلصي يا بارده ….احنا بنتضرب ….وربنا ما هاحوشه عنك 

مليكه بارتباك …..طيب 

مليكه : علشان كده …انا اتقفت مع ولاد الجيران انهم يشيلوا البنزين من العربيه كتير …بس مش كله علشان متاخدوش بالكم …وانهم يفتحوا بلف العجل ..علشان يفرغ هوا …عقبال ما تبقوا في نص الطريق والعربيات تقف ههههههههههههههههه

ابقى سلملي على البنات يا سليم 

صافي 

مليكه بضحك : ههههههههههههه مامتك عسل وربنا 

سليم بغضب زق احمد وحسام من قدامه وراح ليها …بغضب ومسكها من دراعها 

سليم : مش قولت كفايه …مبتسمعيش …ولا مبتفهميش …اعمل ايه هي تعبانه …وهي امي برضوه …وعجبك اوي اني اتهزق …وانا عديت ليكي كتير …..وفاكرني باهرز واضحك …لا انتي متعرفيش انا مين …لا فوقي كويس …اوي ….كملي لوحدك ….بس حاولي تخلصي مهمتك بسرعه يومين قدامك …اليوم التالت البوليس هيبقى عندك …على حسب بقى الحاله اللي هيتقبض …عليكي …ولا عليه …وعلى فكره انا باعرف ارد …ويوم ما ضربتني كنت اعرف اصدك …بس انتي بنت ممكن تكسري في ايدي او تموتي …فياريت ..ما تعمليش نفسك ذكيه عليا …تمام …انا ظابط …واللي بيحصل ده كله بمزاجي انا ماشي 

سلام يا قطه 

مليكه والدموع في عينها 

مليكه : انا اسفه يا سليم …ماكنش قصدي …كنت باهرز ….والله ماتزعلش 

…

… 

سليم : مش هينفع افضل ..خد السلاح ده …خليه معاكم احتياطي لو حصل حاجه لان احتمال ادهم يعرف ولو عرف لازم حاجه تدافع بيه عن مليكه 

حسام : ما هي مليكه …هتبقى في خطر 

سليم: هي اللي اختارت 

حسام : نفسي في سؤال ….عايز اعرفه

سليم : ايه 

حسام : انت بتعمل كل ده ليه …ما اتعقدش انه علشان تحقيق 

سليم : علشان انا باحبها 

حسام : وطلما بتحبها ….تسيبها تتاذى …

سليم : مقدرش اقعد معاها دلوقتي لانها جرحتني …وده صعب 

حسام : ولو اعتبرت دي مهمه 

سليم :مقدرش مع السلامه 

ومشي سليم 

وبعد 3 ساعات…..وصلوا الشاليه 

مليكه من ساعه اللي حصل وهي ساكته ….ومحدش عارف يخليها تتكلم …احمد وحسام 

حسام : مليكه …مينفعش كده احنا جاين في مهمه .

احمد : طيب اي حاجه …متفضليش ساكته كده ….لما نرجع مصر هاجيب لك حقك منه …بس ماتسكتيش …

حسام اخد التليفون …وراح وقف بعيد 

حسام بصوت واطي : الو ….انت يا زفت 

سليم : نعم 

حسام : انت فين دلوقتي 

سليم : في طريق قربت اوصل مصر…عايز ايه يا يعني 

حسام : يا حيوان …من ساعه اللي حصل ومليكه ساكته …ومبتكلمش 

سليم مغمض العينين …وفي سره : انا اسف اني وجعتك كده …بس انتي اللي بدأتي 

..وانا مالي 

حسام : تصدق انك بارد صحيح …وربنا لمجوزها لاحمد …على الاقل ..قاعد بيصالحها …خايف عليها …وهو طلبها مني وانا موافق …سلام 

سليم بغضب : استنى يا حسام …بلاش هراز …محدش هيتجوز مليكه غيري ..ولو عايزها تتكلم فكرها بياسين ..والمهمه ..

حسام : وربنا لانا مجوزها ليه …وعازمك على الفرح 

وفي تلك الاثناء احمد سمعهم 

احمد : هو في ايه …انا سمعتك ..بتقول هتجوزني مليكه 

حسام : اه قولت …بس علشان اغيظ سليم 

احمد : بس انا اصلا كنت عايز اتقدم ليها 

حسام : وانا موافق ….بس المهم راي مليكه 

احمد : ممكن نقول ليها دلوقتي 

حسام : لا ..نصبر لما المهمه تخلص …علشان مش وقته دلوقتي 

احمد : تمام …بس هي هتوافق 

حسام : هتلاقي زيك فين 

وسليم بيتصل 

حسام : ايوه يا روحي ..

سليم : اتعدل ياحسام …واقول انك بتهزر 

حسام : طيب ثانيه واحده …..وفتح الاسيبكر لاحمد 

احمد : الو يا سليم …مش تبارك ليا 

سليم : ايه ناوي تنتحر …وهنوزع شربات 

احمد : حبيبي …لا بعد المهمه ….هاتجوز مليكه 

سليم : بص يا حبيبي …انت تبعد عنها …بدل والمصحف …لالبسك قضيه …انت وهي 

حسام بضحك : طيب احمد …وعرفنا …هي ليه 

سليم : علشان تبقى تفكر تجوز واحد غيري ..وبعديها هاقتلها 

حسام بضحك : وربنا اهبل ……علشان كده هاجوزها احمد 

….

مليكه بغضب : واضح اني ماليش راي اتجوز على مزاجكم ..واتحبس …واتقتل ….انتم التلاته …بتقرروا عني ليه ان شاء الله …احنا جاين لمهمه …ومن الاول اهو …اللي عايز يمشي ….انا مش هابلغ عنه …يعني يا احمد لو حبيت تمشي ….اتفضل …وجواز انا مش هاتجوز ..وسليم مشي …وانت يا حسام …لو عايز تمشي ..تمام مش مشكله …

انا هانفذ لوحدي 

حسام بغضب : في ايه احنا جاين ..علشان تاخدي حقك …وحق ياسين الله يرحمه …ما تهدي علشان نعرف ناخد حقه 

مليكه : ومين قالك اني نسيت انا اللي بافكركم …انكم مالكوش ذنب في اللي بيحصل …وان انا فيه لوحدي 

حسام : ياسين مش ابن خالتي بس ….ده كان اخويا …مش هتاخدي حقه لوحدك انتي فاهمه …ولا لا…وروحي اقعدي في اي حته دلوقتي …علشان انا على اخري 

مليكه تليفونها رن 

مليكه : الو 

الباشا : الحمد لله على السلامه ….نورتي الساحل …البيه بيبقى موجود من بعد 8 للفجر في ديسكو اسمه ….وفي شارع …..

محتاجه حاجه 

مليكه : زي ما قولت قبل كده ….عايزه رجاله معايا …ومكان …علشان ناخدهم عليه 

الباشا : كله جاهز ..تدي اشاره بس او ميعاد وهيبقوا جاهزين وتحت امرك 

مليكه : تمام على بكره ….الساعه 12 تبعت الرجاله على الديسكو 

وانا هاخرج بيه …ياخدوه …وبعدين هاجيب العيلين التانين 

الباشا : تمام …على ميعادنا بكره سلام يا قطه 

احمد : بتكلمي مين 

مليكه : وانت مالك؟

احمد بغضب : مالك النهارده في ايه 

مليكه : هو فيا انا انتم اللي فيكم حاجه غلط ….كل واحد جاي يزعق فيا شويه…

احمد : بس اهدي خلاص ……طيب ايه اللي حصل دلوقتي 

مليكه : كنت باكلم الزفت اللي اسمه الباشا اللي طالعي …في المقدر

احمد : وعايز ايه 

مليكه : هيساعدني ….اجيب نخطف العيال دي …

احمد : هو انتي هتخطفيهم ازاي اصلا 

مليكه : اصبر بس عليا ….وانا هاجيبهم التلاته 

حسام : ما تقولي يا بنتي …انا اتخنقت 

…

… 

حسام : انتي اتجننتي …علشان تدخلي جوا …ولو حد عمل فيكي حاجه او راقبك …ولا اتهور عليكي …ولا اتحرش بيكي …ولا زفت على دماغك 

مليكه : تفتكر انا هاسيب حد يعمل فيا كده 

حسام : يا ماما ….ده ابن الصيرفي ….يعني ….معاه حراسه …وبودي جارد ……يعني انتي …تقفي معاهم ازاي …وبعدين اكيد في كاميرات 

مليكه : ما دي مهمتك انت …واحمد 

حسام : ازاي يعني 

مليكه : هتروحوا النهارده ….تشوفوا المكان …وتقوللي على كل حاجه 

حسام : انتي بتلعبي بالنار 

مليكه : هم اللي بدؤا 

احمد : وبعد ما يتخطفوا ايه اللي هيحصل 

مليكه : هناخدهم على مكان تبع الباشا ….ونخلص منهم 

احمد : يا سلام سهله 

مليكه : اوووووووووووووووو

حسام : انا باخاف منك …اوووووووو ايه بقى 

مليكه : تعرفوا بكره ….لكن دلوقتي ….تقوموا تروحوا تشوفوا كل حاجه ….علشان نبقى على نور …

حسام : ماشي اما نشوف اخرتها 

احمد : انتي هتفضلي لوحدك عقبال ما نجي ازاي …يرجع حرامي يدخل …ولا حاجه …..

مليكه : متخافوش ….انا هاقعد في اقرب كافيه ليكم …هاستناكم 

حسام : بصي واضح انك اتهبلتي وش ….خليكي هنا …واقفلي على نفسك كويس ….وشغلي كل الانوار ….علشان يفتكروا ان في ناس كتير في الشاليه 

مليكه : ماشي 

وبعد ساعتين 

مليكه : عملتوا ايه 

حسام : حته مكان …وربنا عسل …ههههههههه

احمد : ومفيش فيه الا كاميرا عند الباب …وكاميرا جوا 

مليكه : مالكم انتم الاتنين ….فيه ايه …انتم عاملين كده ليه 

حسام : اصل اتعزم علينا نشرب عصير …فشربنا 

مليكه : الله …انتم سكرانين …يا حلاوتكم …اتنين …متخلفين معايا …فينك يا سليم ….تلحقني من جوز الهطل دول 

احمد : اؤمر يا عسل 

مليكه : عسل في عينك ….وقامت صورتهم …وهم بيطوحوا …وقاعدين يغنوا 

في اليوم التالي 

حسام واحمد …كل واحد على كنبه …..

مليكه : يا كابتن انت وهو بقينا الظهر ….هتفضلوا كده كتير 

حسام بتعب : هو ايه اللي حصل …انا مش فاكر حاجه 

احمد : ولا انا 

مليكه : لا انتم الاتنين تفوقوا معايا كده …وتحكوا اللي حصل 

حسام :اخر حاجه فاكرها …..

فلاش بااااااااااااك

احمد: هو احنا ما المفروض نعمل ايه 

حسام : احنا هندور على كاميرات …ومداخل ومخارج المكان 

وهنقعد شويه نراقب الوضع 

احمد : ماشي 

وبعد بشويه عرفوا مكان الكاميرات …حسام قام وشاف كل حاجه ورجع لاحمد 

احمد : قاعد يشرب …

حسام : بتشرب ايه 

احمد : عصير كوكتيل 

حسام : انت متاكد انه عصير 

احمد : ايوه …وطلب واحد لحسام 

حسام : هو الاستاذ لؤي ….هيجي امتى 

احمد : يجي ….ماهو قاعد هناك من بدري…وشاور عليه 

حسام :بيعمل ايه 

احمد : قاعد مع بنات ….اه ..ومعاه اتنين اصحابه 

فجاه ..لقوا بنتين …قعدوا معاهم 

– الحلو اسمه ايه 

حسام : اسمي جاسر

– وانت يا طعم 

احمد :اسمي حسام …..بس ممكن تبعدي شويه 

حسام (جاسر ): وانتي اسمك ايه يا سكر 

-اسمي سوزي 

-وانتي 

– اسمي فيفي 

سوزي : انتم بتشربوا ايه 

احمد (حسام ) :كوكتيل 

فيفي : واو ….طيب نشرب معاكم 

جاسر : ممكن اسالك سؤال يا سوزي 

سوزي : اسال …يا روح سوزي 

جاسر : مين الراجل اللي هناك ده …اللي عليه كل البنات …ده شكله مهم 

سوزي : هو كل اللي اعرفه انه ابن رجل اعمال كبير وكل يوم بيجي في نفس التوقيت ..وبيخرج ومعاه واحده …بس ايه …اللي بتروح معاه …مش بنشوفها تاني 

جاسر : ازاي يعني بيعمل فيهم ايه 

سوزي :مش عارفه …في بيقول بيسفرهم بره …وفي بيقول بيبعهم …وفي بيقول بيحتفظ بيهم ….محدش عارف بيعمل ايه 

…وفي منهم بتظهر بعد مده معاها فلوس كتير …زي ما حصل مع بت زميلتنا قبل كده …بس اللي فهمتوا منها …انه تقربيا ..مسلك لها طريق …مع ناس كبيره اوي 

جاسر : وصاحب المحل موافق على اللي بيحصل 

سوزي : هيفرق معاه في ايه …بيقبض من وراه كويس 

جاسر : والبنات 

سوزي : مش هيفرقوا معاه في حاجه …في منهم كتير …وخاصه البنات اللي بتهرب من اهلها …او واحد يضحك عليها …او لاسف ظروفهم اللي خلتهم كده 

جاسر : وانتي اللي خالكي تجي تشتغلي هنا 

سوزي : نصيب ….احنا هنفضل طول الليل بنتكلم …مش هنشرب 

جاسر : تمام ..

باااااااااااااااااااااااااااااااااااااااااااااااااااااك

حسام : وبعد ما شربنا مش فاكر حاجه 

مليكه : ماهي حاجه من الاتنين ….يا اما شربتوا خمره …يا اما البنتين دول حطوا ليكم حاجه في العصير 

احمد : محفظتي مش لاقيها 

حسام:ولا انا 

مليكه : يبقوا اتسرقوا …وطبعا فيها البطايق بتاعتكم …يعني وش اتكشفنا 

…

… 

***************************************

مصطفى :الو يا ادهم باشا 

ادهم : في اخبار جديده 

مصطفى : في حاجه جامده جدا النهارده ….فيهم واحده صحه حديد 

ادهم : تعجبني …وجبته منين 

مصطفى : عليه فلوس لتجار مخدرات …وبقى كارت محروق وعايزين يخلصوا منه…

ادهم : مطلوب كام 

مصطفى : مليون جنيه …وناخده سليم …بس متظبط شويه على قد كدمات حاجات خفيفه كده …بس الدفع وقتي سلم واستلم 

ادهم : تمام …..اوي ..بس هاسيب ليك الطلعه دي …..علشان مشغول اوي.. جهز كل حاجه …ووخد الرجاله اللي تلزمك …وعرفيني ساعه التنفيذ …وطبعا ساعه الاستلام ….وابعت العينات لبره علشان نخلص الموضوع نظيف …

مصطفى : تمام يا باشا 

************************************* 

في مكتب الرائد سيف الشناوي 

الباب بيخبط 

سيف :اتفضل 

سليم : هوانت تترقى ….ومعتش حد يشوفك 

سيف : مسحول في الشغل …وانت 

سليم : اخد اجازه يومين 

سيف : يا بختك …تعالى شوف اللي عندي …قضيه مش عارف اخلص منها …مع واحد عامل شبه الزئبق ….مش بتقدر تمسك عليه حاجه من رجال الاعمال الكبار ….وانت شكلك متغير 

سليم : عادي …شكلي كده حبيت

سيف : يا سلام …ومين دي اللي عرفت تربيك 

سليم : تربيني …دي ربتني …من اول وجديد …بس اخر مره هزقتها جامد…ومشيت 

سيف : ليه كده …بس 

وحكى سليم لسيف …على كل اللي حصل 

سيف : حرام عليك ……دي واضح انها بتحبك 

سليم : ليه ان شاء الله 

سيف : علشان دي شخصيتها قويه …مينفعش معاها اللي يشدها …براحه هتيجي ….وهي واضح انها كانت حاسه معاك بامان …وهي حاولت تعتذر ليك …وانت مسمعتش …والكلام الباقي …بتاع حسام ياكد كده …

سليم : وانا اعمل ايه دلوقتي 

سيف : لازم تروح ليها ….وتعتذر ليها 

سليم : تمام ….بس مين رجل الاعمال ….اللي هبلك كده 

سيف : ادهم الصيرفي 

سليم : ليه عمل ايه تاني 

سيف : بيحضر لاكبر شحنه مخدرات …وتجاره بنات…ولاسف العمليتين هيتموا بكره بليل …مش قادرين نمسك عليه الا شويه تسجيلات…ومش عارفين هيبقى موجود في اي واحده فيهم 

سليم :ايه الجبروت …ده عملتين في نفس الميعاد …واكيد في مكانين مختلفين 

سيف : المخدرات …داخله فاحنا ممكن نلحقها …ونمسكهم …لكن المشكله في البنات 

سليم : ليه 

سيف : مش عارفين مكانهم ….ولاسف اللي فهمته انه معاه شركا هو حاليا كان مشغول بتاعته المخدرات …وظبطها ..والبنات محبوسين ومفيش طريقه توصلهم…وفي بنت بيدور عليها علشان تكمل الشحنه …وزي ما تقول كده …شكلهم استلموا فلوسها مقدم …ومش هينفع نتحرك الا لما البنت دي تظهر …ساعتها هنلحقهم قبل ما يهربوا…بس اللي فهمناه من مكالمتهم …ان واحد من الشركا بتوعه لاقها …وهيجيبها ليه …ويكملوا الشحنه 

سليم : والبنت …دي اسمها ايه 

سيف : اسمها مليكه البكري 

سليم : نعععععععععععم 

سيف : انت تعرفها 

سليم : دي البنت اللي كنت باحكي ليك عليها 

سيف : انت تعرف مكانها 

سليم : ايوه اعرف 

سيف : لازم نلحقها ….قبل ما حد يوصلها 

سليم : هاكلم حسام ….يخلي باله منها وتختفي في اي مكان 

سيف : خليه ياخدها ويروح اقرب قسم ……لحد ما نوصل 

*******************************************

ايه مصير مليكه ……الحقايق كلها هتنكشف …….تابعوا الحلقه الاخيره ……من القصه ؟

لقراءة الفصل العاشر والأخير : اضغط هنا

لقراءة باقي فصول الرواية : اضغط هنا