Uncategorized

رواية أنت مرادي الفصل العاشر 10 بقلم علا عبدالعظيم

 رواية أنت مرادي الفصل العاشر 10 بقلم علا عبدالعظيم

رواية أنت مرادي الفصل العاشر 10 بقلم علا عبدالعظيم

رواية أنت مرادي الفصل العاشر 10 بقلم علا عبدالعظيم

نزل عمر و مراد .
مراد : انت اي حكايتك بقا ؟
عمر : مش عارف يا مراد بس باين عليا هحبها.
مراد : يابني دا انت لسه شايفها النهارده ..
عمر : مش عارف بقا مش عارف .
مراد : طب اصبر لحد ما الموضوع دا يخلص .
عمر : ماشي
و في بيت ملك .. ملك بتخبط على اوضة مريم
ملك : ممكن ادخل.!
مريم : اتفضلي .. دا بيتك .
ملك : وبيتك انتي كمان ولا نسيتي ؟
مريم بدموع : بس انا حاسه اني غريبه ، لاول مره ادخل بيتي الحقيقي وحاسه اني غريبه .
ملك بتطبطب عليها : أهدي يا حبيبتي احنا هنا كلنا بنحبك و شويه وهتتعودي علينا ، عارفه انا كنت دايما ابص في عين ماما في اي مناسبه تفرح  وكنت بحس أن فرحتها ناقصه .. النهارده بس حسيت ان فرحتها كملت .
مريم ببكاء : بس هما هيوحشوني اوي انا اتعلقت بـ بابا عبد الرحمن اوي وكمان ماما سحر بس زعلانه منهم .
ملك : هما غلطوا بس احنا بشر وكلنا بنغلط وكمان هما حاولوا على قد ما يقدروا يعوضوكي على غيابك عن اهلك .
مريم : متبرريش .
ملك : بجد مش ببرر بس هما بيحبوكي اوي وكان باين دا في عينهم.
وفجأة باب الاوضه اتفتح و دخل محمود وحضن مريم بدموع : أخيراً يا بنتي رجعتي ، نورتي بيتك .
مريم حاضنه ابوها ومش بتتكلم . 
ملك رفعت حواجبها : اي دا وانا مليش حضن !
ابتسم محمود بحب : ليكي طبعاً يا حبيبتي ، دا انتوا اغلى حاجه عندي .
و لـ أول مره من يوم ولادة مريم وملك العيلة تتجمع في ليلة سعيده ، فيها دموع لكن فرحتهم كانت أكبر من دموعهم .
و في بيت ابراهيم ..
ابراهيم :, انا مبسوط منكوا اوي .
مراد : المهم ملك تكون مبسوطه. 
ابراهيم : يا سلام يا اخويا دلوقتي مبتتكلمش كلمتين على بعض غير وفيهم ملك. !
مراد : لا و خد الكبيرة ، عمر مُعجب بمريم.
ابراهيم وهو قايم : لا دا انتوا ربنا يقويكم على دماغكم  .
مراد بضحك : قصدك يقوينا على بنات محمود .
وعند فاطمه ( اللي مع روز في الجامعه)
فاطمه: انتي متأكده من الكلام دا ؟
البنت : ايوه طبعاً متأكده ، دا شيفاهم قاعدين مع بعض بعنيا دول .
فاطمه : طب اقفلي دلوقتي و اي حاجه جديده تحصل عرفيني .
البنت : تمام .
فاطمه في نفسها : حتى المُعيد مسلمش منك ، استني عليا وشوفي اللي هيحصلك .
وعند هاجر (صاحبة مريم)
هاجر :ما قولتلك يا ايهاب معرفش هي فين ..
ايهاب :, نعم يا ختي وهو انا كنت معرفك عليها ليه ؟عشان تقوليلي معرفش هي فين !
هاجر : اعملك اي يعني ؟ هي اللي تلفونها مقفول ومش عارفه اوصلها .
إيهاب بصوت عالي : اتشقلبي يا هاجر وبكرا اعرف هي فين ، وإلا انتي عارفه اللي هيحصل.
هاجر بخوف : حاضر يا إيهاب حاضر .
وفي بيت ملك تليفونها بيرن من بدري وهي مش راضيه ترد .. وأخيراً ردت …..
مراد : مش بتردي ليه ؟
ملك : و ارد ليه !
مراد بغيظ : بيقولوا اني خطيبك .
ملك ببرود : ومبقيتش .
مراد : قصدك اي يا ملك ؟
‏يتبع…..
لقراءة الفصل الحادي عشر : اضغط هنا
لقراءة باقي فصول الرواية : اضغط هنا

اترك رد