رواية بين الماضي والحاضر الفصل الأول 1 بقلم ياسمينا

الام بصدمه:  نعممم عايزه تجوزي ابوكي 

قمر بابتسامه:  اهدي ياماما مش الشرع محلل اربعه 

الام بصريخ:  الحقووووني ياناس  بنتي عايزه تجوز ابوها

قمر بضيق:  استني بس ياماما هتفضحينا تعالي بس 

الام بغضب:  ابعديييي عني بخربيتك دانتي عايزه القتل

قمر بضحك:  انتي غيرانه علي بابا ياماما متخفيش هخليه يعدل بنا

الام ضربتها بلقم وقالت بغضب:  اخرسي 

قمر بغضب:  كدا يابيرو تضربيني ماشي وعلشان مين علشان راجل مانا قولتلك هخليه يعدل بنا 

الام قعدت علي كرسي بصدمه وقالت:  لا اله الا الله يارب هو انا ف حلم ولا ايه

قمر قعدت قدامها وقالت: تعالي احكيلك

الام بصتلها بخيبة امل وقالت:  احكي

قمر بدات تحكي….. 

فلاش باك من شهر ❤

قمر وقفت قدام الجامعه بتوتر وقالت:  احم يارب ونبي ادخل الجامعه من غير ما حد يتريق عليا… 

قمر دخلت الجامعه وفضلت باصه ف الارض وهي ماشيه وفجاه سمعت ولد بيندها وبيقولها:  قمر عمررر

قمر بصتلو بغضب  وقالت: وطي صوتك ونبي 

اسر بضحك: يسلام ايه هتستعري من اسمك

قمر بغضب: بيتنمرو علي اسمي شوفت القرف وصل لفين مالو اسم قمر عمر 

اسر: احم لا ملهوش

قمر بضيق: تعال نزفت نحضر ام المحاضره قال كان يعني لازم ابويا يسميني قمر يعني يميز هو اسمو عمر مش هينفع قمر خالص معه

اسر بضحك: خلاص اهدي مكنش اسم يعني 

قمر بضيق: تعال ورايا 

قمر واسر دخلو المحاضره وقعدو جمب بعض  والدكتور دخل وبدات المحاضره…

قمر بهمس: امتا نخلص من ام المحاضره الممله دي 

الدكتور بغضب: انسه قمر عمر 

قمر بصت علي الدكتور وكل الي ف القاعه ضحكو علي اسمها

قمر قامت وبصتلو بضيق: نعم 

الدكتور: سؤال هي مامتك مكنتش فاضيه علشان تربيكي وتقولك عيب تقعدي جمب ولد

قمر بصتلو بغضب وقالت: اظن ان ده مش شغل حضرتك

أسر قام بضيق وقال: وبعدين يادكتور احنا صحاب ومينفعش الي انت بتقولو ده

الدكتور بغضب: اخرس واطلع برا المحاضره

اسر بصلو بغضب وجاي يمشي بس قمر وقفتو وقالت:انا جايه معاك 

الدكتور بصدمه: نعم

قمر لمت كتابها وقالت: اسر صحبي ومستحيل اسيبو

الدكتور بصوت عالي: لو خرجتي هسقطك ف الماده

قمر ببرود: اعله ما في خيلك اركبو 

قمر واسر طلعو من المحاضره…

اسر: اممم ايه رايك تيجي تتغدي معانا انهارده 

قمر بابتسامه: اشطا يلا 

اسر بتفكير: بس ممكن دكتور خالد يزعقلك 

قمر بغضب: ما يزعق ولا يسقطني حتي مشعنا انو ابن عم ابويا يبقا يتحكم فيا 

اسر: بيغير عليكي علفكره 

قمر: شوفت الراجل الخرفان جاه اتقدملي وهو عندو ٤٥ سنه ومتجوز.ومخلف وقال ايه هيربيني 

اسر بخبث: متجوزك انا ونخلص

قمر ابتسمت وقالت: اسر اسكت خالص علشان مقطعش معاك ويلا بقا 

اسر ضحك وبعدين ركب عربيتو وقمر ركبت معه وتحركو..  

_______________________________________

*في العربيه *

قمر تلفونها رن وكانت عبير مامتها وردت 

قمر: الو

عبير بغضب: انتي ماشيه معا الواد اسر ده ليه

قمر بضيق: هو لحق قالك خالد الزفت ده 

عبير: عيب يابنت ده ف مقام عمك 

قمر بسرعه: اهو شوفتي ف مقام عمي جاي يتقدملي ليه بقا بقولك ايه ياماما اسر صحبي ومن صغري كمان وهو معابا وانتي موافقه علي الصداقه دي ميجيش واحد زاي خالد ده عايزني اسيب اسر علشانو ياشيخه الهي يولع

اسر ابتسم وهي غمزتلو 

عبير بأستسلام: طيب هقولو يبعد عنك

قمر بأبستامه:حبيبتي يابيرو 

قمر قفلت معا مامتها وقالت لي اسر: شوفت جبت حقك ياصحبي

اسر ابتسم وقال: طيب وصلنا ياستي

قمر بصت قدامها لقتهم واقفين قدام قصر اسر والبواب بيفتح البوابه….. واسر دخل بلعربيه القصر ولقه مامتو واقفه ف البلكونه وبتشورلهم…. اسر وقف العربيه ونزل هو وقمر ودخلو القصر ومامتو كانت نازله من سلم 

اسر بأبتسامه: فيرو هانم عامله ايه

فريده قربت منو وحضنتو وقالت: حبيبي عامل ايه

اسر: الحمدالله

قمر: احممم احممم نحنو هنااا

فريده ابتسمت وحضنت قمر وقالت: قمر عمر عندنا بذات نفسها

قمر بضيق: اوووف متقوليش الاسم ده ياطنط

فريده بضحك: والله اسمك حلو 

اسر بص حواليه لقه الخادمين نازلين من علي سلم وشايلين صناديق

اسر بفضول:ايه ده يافيرو

فريده: دول شويه كراكيب هبعهم 

اسر قرب من صندوق وفتحتو بفضول

فريده: طب انا هروح اجهز الغدا 

قمر بابتسامه: ماشي ياطنط 

فريده مشيت وقمر قربت من اسر لقتو ماسك منبه

اسر:لقيت المنبه ده ف صندوق شكلو قديم اوي 

قمر مسكتو بفضول وقالت: تعال نجربو كدا 

قمر فضلت تلعب فيه وهي مش فاهمه حاجه 

اسر بضيق: هتبوظيه كدا ياغبيه

قمر جايه تكلم بس حست انها دايخه غمضت عنيها بوجع……….. وفجاه فتحتها ونصدمت لما لقت نفسها ف عربيه اسر… واسر جمبها ومغمض عينو

قمر بصدمه: اسر هو ايه الي جبنا هنا

اسر فتح عينو بوجع وقال: ها مش فاكره

وفجأه سمعو صوت بوابه القصر بتفتح واسر وقمر بصو قدامهم بصدمه…. واسر اتحرك بلعربيه ودخل القصر ولقه ماماتو واقفه علي بلكونه وبتشاورلهم

اسر بصدمه: مش ده حصل من شوووويه

قمر بعدم تصديق: ازاااااي 

اسر وقمر نزلو من العربيه وهما مش مصدقين الي بيحصلهم ودخلو القصر ولقو فريده نازله من سلم

اسر بتوتر: فيرو هانم عامله ايه

فريده قربت منو وحضنتو: حبيبي عامل ايه 

اسر بص لي قمر بصدمه 

قمر بسرعه: طنط ممكن بس تشوفلنا الغدا جعانين 

فريده بابتسامه: قمر عمر بذات نفسها عندنا

قمر بلعت رقها بصعوبه وقالت: طنط هو احنا مجناش هنا من شويه

فريده بستغراب: لا

قمر: تمام جهزلنا الاكل بقا

فريده ابتسمتلها ومشيت… 

اسر   : انا مش مصدق ايه الي بيحصل ده 

قمر قربت من صندوق وطلعت المنبه وقالت: سافرنا علي عبر الزمن

اسر بضيق: ايه الخرفات دي

قمر بضيق: ركز معايا انا عندي 23 سنه واحنا ف سنه 2021 يعني احنا هنرجع لسنه 1998

اسر بضيق: قصدك ايه

قمر بسعاده:انا كدا اقدر اخلي بابا مش يسميني قمر واغير الماضي

اسر بغضب: اسكتي ياقمر بلاش هبل

قمر تجاهلتو وبدات تظبط المنبه علي سنه 1998 وقربت من اسر ومسكت ايدو…. وغمضو عنيهم وفجأه اختفو 

_________________________________________

اسر وقمر فتحو عنيهم بهدوء وبصو حواليهم لقو نفسهم لسا ف القصر بس القصر الديكور بتاعو كان متغير

قمر بسعاده: ده قصر ابوك زمان

اسر بغضب: نهار اسود هنرجع ازاااااااااااااااي

قمر بصت علي ترابيزه الي جمبها لقت جرنال مسكتو وقرات السنه وقالت بصدمه: نهار اسوووود 

اسر بخوف: ايييه

قمر بغضب: احنا ف سنه 1997 مش 1998 شكلي اتلخبط

اسر بسخريه: هيفرق اوي يعني معاكي

قمر بضيق: ايوا انا موليد 1998 يعني انا مش هتولد السنه دي خالص السنه الجايه هتولد وكدا  مش هقدر اغير اسمي

اسر جاي يتكلم بس سمعو صوت حد جاي… قمر واسر استخبو ورا الستاره….. وبعدين شافو عمر ابو قمر وهو بيزعق لي فريده

عمر بغضب: قولتلك مليون مره مش عايز اتجوز افهمي بقا 

قمر بهمس: ابويا طلع قمر وهو صغير الله يرحمو بقا كان عصبي

اسر بهمس: هو احنا ممكن نقدر نمنع موتو 

قمر: استغفر ربك يااخي هتكفر 

فجاه سمعو صوت فريده وهي بتقول بغضب: هتفضل كدا يعني ياعمر انا يهمني مصلحتك

عمر ببرود: والله انا لسا عندي 25 سنه مش كبير اوي يعني

فريده بضيق: لازم تجوز وتعمل عيله وتخلف هو انت مش نفسك ف عيل 

قمر بهمس: وياريتو ما خلف ياشيخه 

عمر: يووووه نفس الموااال بقولك ايه يافريده سبيني ف حالي 

فجاه سمعو صوت كلب 

وقمر خاف 

عمر بأبتسامه: روكي تعال 

الكلب مسمعش كلامو وقرب من الستاره وحاول يشدها كان شامم ريحة حد غريب

عمر بضيق: روكي

قمر بهمس: هموت يااسر

اسر: اهدي 

فجاه الكلب شد الستاره من عليهم وقرب من قمر وعضها ف رجليها وهي صرخت….

اسر برعب: قمرررر

عمر بصدمه: انتووو مييين……. وهنعرف بعدين❤