Uncategorized

رواية حبيبتي المسترجلة الفصل السادس والعشرون 26 والأخير بقلم روميساء عصام

 رواية حبيبتي المسترجلة الفصل السادس والعشرون 26 بقلم روميساء عصام

رواية حبيبتي المسترجلة الفصل السادس والعشرون 26 بقلم روميساء عصام

رواية حبيبتي المسترجلة الفصل السادس والعشرون 26 والأخير بقلم روميساء عصام

اسماء ابتسمت بخجل وسكتت لقت الباب بيخبط ياسمين فتحت دخل احمد وشاف روان إلى اتكسفت منه وهو ابتسم 
احمد بأبتسامه:بقولك اى خالد جاب المأذون وعايز يكتب الكتاب دلوقتي 
ياسمين ضحكت على جنان خالد وكذالك روان اما اسماء انصدمت 
ياسمين : لولولولولى يلاا يابنتى عيزين نفرح بقى 
احمد بأبتسامه:انا عارف انتى بتفكرى فى اى يا اسماء بس تعالى وانتى هتلاقى سؤال على اجابتك 
اسماء استغربت وأحمد.مسك ايديها وطلع فى الصالون اسماء أنصدمت من الفرحه لما شافت بابها ومامتها 
(الاب اسمه منعم و الام سريه )
منعم احتضن اسماء:قولت لازم اجى امال مين إلى هيحط ايده فى ايد خالد 
سريه:ابعد كده يا منعم عشان اسلم على بنتى بقالى كتير مشوفتهاش 
اسماء احتضنتها بفرحه: وحشتينى يا ماما اووى كنت خايفه متجيش 
منعم بأبتسامه:خالد و احمد اتفقم معانا عشان نيجى ونحضر كتب الكتاب 
اسماء فرحت جدا لما عرفت انهم عملم كدا 
سليم دخل من باب الشقه المأذون بيقول انه فى فرح وكمان ساعتين وجاى 
احمد بص لروان بأبتسامه وفنفسه: كويسين اووى الساعتين 
ياسمين وقفت جنب سليم ومسكت أيده :تعرف انك اجمل من العريس 
سليم ابتسم وبص ليها:وانتى اجمل ما رأت عينى 
(خالد كان لابس بدله جملى وشميز اسمر 
احمد كان لابس بليزر اسمر وبنطلون جينز اسمر وتوب ابيض
سليم كان لابس قميص اسمر وبنطلون جينز اسمر وبليزر ابيض )
احمد وقف قدام روان وقال:ممكن اخد من وقتك شويه 
سليم كان مركز معاهم سليم طمن روان أن هو واقف 
روان بخجل:آه اتفضل 
احمد وروان دخلم البلكونه عشان يتكلمم 
أما خالد فكان معجب بتلك الحوريه التى تسلب روحه بنظره من تلك العين الذى يعشقها 
خالد بحب :أنا مش مصدق أن احنا هنكتب كتب الكتاب لا واى هتبقى معايا انهارده كمان وأفضل باصص لعينك لحد الصبح 
اسماء ابتسمت بخجل وبعدت وجهه الجهه الاخرى 
خالد بأبتسامه:عارف انك مستغربه لان انا متكلمتش على تفاصيل للفرح وكدا بس انا قولت نعمل حاجه احسن ونطلع مع سليم عُمره 
اسماء بصت ليه بفرح:دا احلى قرار صدقني وانا اكيد وموافقة 
*فى البلكونه*
احمد بأبتسامه:اكيد مستغربه انا طلبت منك اكلمك ليه صح 
روان بخجل:آه 
احمد بأبتسامه:روان انا تقريباً عرفك من شهر والصراحة انا معجب بأخلاقك وادبك وعايز اتقدم ليكى ونتجوز على سنه الله ورسوله 
روان بصدمه:بس بس يا احمد انا كنت..
قاطع احمد بأبتسامه:انا كنت يعنى ماضى يا روان اوعدك انى هسعدك انا آه مش غنى لدرجه بس على قد حالى بس اوعدك اني هسعدك يا روان 
روان بدموع:طب واخويا هو السبب للى حصل لسليم 
احمد بأبتسامه:انا بطلب ايدك انتى روان المحترمه و صاحبت الأخلاق قولتى اى 
روان بخجل:انا كمان عايزه اطلب منك حاجه 
احمد بأستغراب: اكيد اتفضلى 
روان :انا عايزه اعيش في بيت يردى ربنا وكمان مش عيزاك تهمل ومتهتمش بيا يا احمد يعنى تشوفنى زعلانه تحاول تعرف ليه فرحانه نفس الكلام لكن متحسسنيش أن أنا لوحدى 
احمد بحب: وانا عمرى مهعمل كدا يا روان انتى وصيه الرسول وأنا هحافظ عليكى قولتى اى بقى موافقه 
روان نظرت له بخجل: موافقة 
احمد بأبتسامه:اى رأيك نكتب كتب الكتاب دلوقتي 
روان بصدمه: دلوقتي انا ملحقتش اجيب حاجه 
احمد بضحك:انا جبت وعملت كل حاجه يا روان أساس 
روان طلعت هى وأحمد وأحمد بلغ كل القاعدين بموافقة روان اما سليم وقف قدام احمد:اشوفك مره تزعلها ولا تجرحها يا احمد روان اختى الصغيرة لو فى يوم ضيقتها اعرف أن انا إلى هقفلك 
احمد بضحك:لا لا ياصاحبى متخافش دى روان فى عينى 
*بعد قليل حضر  المأذون *
وضع خالد يده فى يد منعم وبدأ الشيخ فى الحديث وبعدها (بارك الله لكما وبارك عليكما وجمع بينكما في خير)
قام خالد واحتضنه سليم وكذالك اسماء احتضنتها ياسمين وروان بفرح 
احمد قعد وقال:يلاا يجدعان عشان نشوف مين هيحط ايده فى ايدى بقى عايزه اتجوز 
عز والد سليم :طبعا انا إلى هحط روان زى سليم وياسمين عندى 
بعد قليل (بارك الله لكما وبارك عليكما وجمع بينكما في خير) 
بعد قليل غادر المأذون أما سليم قال:مبروك ليكم يجماعه اتمنى ليكم حياه سعيده ان شاء الله الاسبوع الجاى هنسافر ونعمل عُمره أن شاء الله كان نفسي احمد وروان يبقو معانا بس احمد رفض عشان هو عايز يبقى هو إلى تعب ووصل أن ياخد روان ويروح يعمل عُمره 
__________________________________
*بعد ساعه فى شقه خالد*
دخلت اسماء بخجل مع خالد إلى ماسك ايدها ومش عايز يسيبها 
خالد دخل الشقه وقفل الباب ووقف قدام اسماء:مبروك يا حبيبتي مبروك عليا انتى يا اسماء 
اسماء ابتسمت:الله يبارك فيك يا حبيبي ويجعلك زوج صالح ويجعلنى زوجه صالحه 
خالد بضحك: حبيبي الله اكبر نطقتى اخيرا يا اسماء 
اسماء بضحك:آه مش جوزى بقى وحقى اقول إلى انا عايزاه 
خالد بخبث:صح انا جوزك وحقك تقولى إلى انتى عايزاه وحقى اقول إلى انا عايزه 
خالد شال اسماء وقال :يلاا بقى عشان عايزك فى موضوع مهم خالص 
_____________________________________
فى شقه احمد المتواضعه غرفتين وصاله وفى الصاله ترابيزه عليها فازه روان دخلت الشقه وعجبتها 
احمد بأبتسامه وهو يحتضنها:انا عارف ان هى صغيره ومش قد المقام بس اوعدك فى يوم ببقى عندنا احلى 
روان بحب:لا بلعكس يا احمد دى جميله خالص وتحس بيها كدا ان هى فيها دفئ عُمر ما المكان حلو بوسعه يا احمد ولا بتمنه المكان حلو وجميل وغالى بلناس الى عايشه فيه صدقنى يا حبيبي متعرفش انا سعيده أنهارده ازاى يا احمد 
احمد بأبتسامه:وانا بحبك يا روان اووى صدقيني عارفه تعالى اكملك الاغنيه عشان واحنا جايين كان قلبى بيغنى وكنا ماشيين تحت القمر وكنت حاسس وكأن ماسك الهوى وآه من الهوى وآه من الهوى يا حبيبي آه من الهوى يا حبيبي
وخذتني ومشينا والفرح يضمنا
ونسينا يا حبيبي مين انت ومين انا
حسيت ان هوانا ح يعيش مليون سنه
وبقيت وانت معايا الدنيا ملك ايديه
اامر على هوايا تقول امرك يا عينيه
وفي عز الكلام سكت الكلام
واتاريني ماسك الهوا بايديه
وآه من الهوى يا حبيبي آه من الهوى يا حبيبي
روان بدموع: عارف اى احلى حاجه يا احمد عوض ربنا إلى بينسى الواحد أن هو كان عايش اى وتعالى بقى اقولك حاجه قالها عبد الحليم لانك باين والحب يا عيني تاه اتاري الزمن كداب
وقدرت يا زمان في رحله النسيان
ابعد عن الاحزان
شوف يا قلبى شوف الدنيا يا قلبى حلوه بالحب يا قلبي
حكايه الحب بالحب يا قلبى
عمرك ما شفت قمر سهران بالليل عشاق
ولا نجمه جايبه كلام بالليل 
احمد بأبتسامه:وعد منى ليكى قدام كلام حبك ليا ودقت قلبى منى أن انا عمرى مهخلى عينك تبكى غير فرح يا روان 
روان احتضنت احمد: انا ابقى فرحانه وانا شيفاك جنبى يا احمد 
__________________________________
عند سليم وياسمين قاعدين فى البلكونه وبيشربو قهوه
ياسمين يأبتسامه:تعرف أن انهارده اسعد يوم فى حياتى 
سليم وهو بيشرب القهوه وباصص للقمر:ليه يا حبيبتي 
ياسمين بفرحه:لان انهارده اطمنت على اصحابى وان كل واحد مبسوط وفرحان يا سليم وقبل دا كله لانك قاعد جنبى ومنور حياتى يا حبيبي 
سليم وهو بيبص ليها:وانا مفيش اسعد منى فى الدنيا انا كمان والله ياياسمين لأن ربنا رزقني بيكى وبحنيتك عليا يا حبيبتي 
سمع سليم صوت الاذان افتكر الشيخ عزت سليم قام 
ياسمين بأستغراب:رايح فين 
سليم :نازل اصلى يا حبيبتي 
ياسمين قامت هى كمان:وانا كمان بس متتأخرش عشان عايزه انام اووى 
سليم بأبتسامه:حاضر
__________________________________
سليم دخل المسجد وسمع صوت الشيخ عزت وهو بيقيم بناس الصلاه سليم دخل ووقف فى الصف وبعد شويه كان بيقول (السلام عليكم ورحمه الله وبركاته السلام عليكم ورحمه الله)
سليم اول اما خلص الصلاه اتجه للشيخ عزت واحتضنه بشده: متعرفش كنت وحشنى ازاى يا شيخ 
الشيخ عزت فهم أن دا سليم احتضنه جامد وبعد شويه قعدم 
الشيخ عزت:كنت فين يا سليم بقالى كتير مش بشوفك 
سليم ابتسم وحكى للشيخ عزت كل إلى حصله 
الشيخ عزت:الحمد لله على كل شيء يا بنى شوف بعد العسر يسر ازاى تعب وبعد كدا ارتحت 
سليم بأبتسامه:الحمد لله يا شيخ الحمدلله انا بشكرك جدا والله تعرف أن حضرتك جيت ليا فى الحلم وانا فى المستشفى عشان تصبرنى 
الشيخ بضحك:يسلام دا اكيد انا كنت واحشك اووى بجد 
سليم بأبتسامه:اووى حضرتك كنت واحشنى اووى انا عايز اقول لحضرتك أن انا عايزك تيجى تعمل معانا عمره يا شيخ الاسبوع الجاى 
الشيخ بأستغراب:عُمره 
سليم بأبتسامه: انا قعدت اقول لازم يكون للشيخ عزت هديه منى تقدير لحبى ليك ملقتش غير الحل دا فياريت تقبل يا شيخ 
الشيخ عزت:بس والاجرأت
سليم بأبتسامه:انا هعمل كل حاجه 
الشيخ عزت بفرحه:انا بشكرك يا بنى 
_______________________________
بعد مرور اسبوع غادرت الطائره من مطار القاهرة 
غادر سليم وياسمين وعز وحسناء والشيخ عزت واسماء وخالد 
__________________________
عند جاسر وعشق 
عشق كانت فى المطبخ بتجهز الغدا عشان راندا ومراد وشادى معزومين عندهم انهارده كان جاسر بيساعدها 
جاسر بأبتسامه لعشق إلى بتفضى المكرونه عشان تتسلق : تعرف نفسى السبع شهور دول يعدو نفسى اشوف ابنى أو بنتى دا 
عشق بضحك:منا قولت ليك ابقى تعالى نشوف ولد ولا بنت مردتش 
جاسر بأبتسامه:كل إلى يجيبه ربنا كويس يا عشق 
عشق بأبتسامه:ونعم بالله يا حبيبي 
سمع جاسر صوت جرس الباب قام فتح 
جاسر بأبتسامه:يا اهلا بجوز اختى واختى وابن اختى 
مراد بضحك:يا اهلا ب اخو مراتى الى بحبها 
جاسر احتضن مراد وبعد كدا راندا: عامله اى يا حبيبتي 
راندا بحب:الحمد.لله يا حبيبي عشق فين 
جاسر بأبتسامه: عشق فى المطبخ 
دخلت راندا لعشق وقعد مراد وشادى قعد جنب جاسر 
مراد بأبتسامه: واحد صاحبي راح يقضى شهر العسل فى الاوتيل بتاعك عجبه جدا وخاص لان الموقع كويس جدا انا بقول افتح فرح فى المكان عندك 
جاسر بأبتسامه:تشرفنى طبعاً يا مراد 
شادى : انا هدخل لماما عشق و ماما راندا 
شادى قام و دخل ل عشق ورندا 
جاسر :هو انت يا مراد مضايق من الحوار إلى حكيت ليا عنه بخصوص راندا وكدا 
مراد بأبتسامه:اكيد مش مضايق يا جاسر انا حكيت ليك لان انت اخوها مش اكتر أما راندا بنسبه ليا كل حياتى هى وشادى 
جاسر بأبتسامه:اختى اختارت صح 
_______________________________
عند عشق فى المطبخ كانت قاعده على كرسى فى المطبخ وبتلاعب شادى 
عشق بضحك: بسلام لو اجيب واد قمر ذيك ك ا يا شادي 
شادى بأبتسامه وهو يضع يده على بطن عشق المنتفخه بعض الشئ:هو النونو دخل هنا ازاى يا ماما 
عشق بضحك: الدكتور أدى ليا حبايه اختها وكل يوم بشرب مايه عشان تكبر وفى الاخر بيطلع نونو
راندا بضحك:جدعه يا عشق بتعرفى تطلعى من الحوار بسهوله خالص 
عشق بضحك:امال اى لازم نكون محضرين اجابه هههههههههه 
_____________________________
بعد مرور أسبوعين عاد سليم من السفر هو وعائلته وكان سعيد جدا لانه شعر بلراحه وهو يقف أمام بيت الله والكعبه وتذكر كم بكى وطلب المغفره من الله وكذالك الجميع علم سليم أن عماد قام بقتل مصطفى بسلاح ابيض فى السجن لأنه علم أن مصطفى السبب لما حدث للاخته وتم الحكم على عماد بلعدام حزنت روان كثير من أجله فهو مهما كان اخوها قام احمد بلوقوف بجانبها لتخرج من تلك الاكتئاب وبعد شهر من زوج احمد وخالد علم احمد وخالد أن روان و اسماء ينمو بداخلهم حياه جديده 
___________________________________
بعد مرور ٨ اشهر :-
كان سليم نايم جنب ياسمين بهدوء سمع صوت صراخ ياسمين 
ياسمين بصراخ:الحقنى يا سليم هولد الحقنى 
سليم اتفظع وقام :فى اى يا ياسمين 
ياسمين بصراخ:هولد يا سليم هولد 
سليم بزهق: نامى ياياسمين دى المره العاشره فى الشهر دا بتقولى هولد ومش بتولدى 
ياسمين مسكت ايد سليم و عضتها: آهااا بقولك هولد قوم ودينى المستشفى 
سليم بوجع:حاضر حاضر حرام عليكى هريانى عض 
سليم قام وشال ياسمين :بقيتى تقيله قوى حرام عليكى هيجيلى الغضروف منك 
سليم نزل وركب العربية ودخل ياسمين وكلم حسناء وعز يجو المستشفى 
سليم وصل المستشفى نزل ياسمين وعلى انا وصل جه ترولى كان فى الناحيه التانيه جاسر كمان كانت عشق ماسكه فى هدومه وهى راكبه الترولى:حرام عليك يا جاسر أنت السبب 
جاسر بصدمه:انا السبب اى أهدى كدا احنا مش فى البيت 
عشق بصراخ:اوعى تسيبنى لوحدى يا جاسر انا حاسه انى هموت اعاااااا 
جاسر بضحك:هتموتى اى يا حبيبتي انتى اول واحده تولدى 
وصل جاسر عند غرفة العمليات دخلت عشق و كذالك فى الغرفة بجانبها دخلت ياسمين 
جاسر كان واقف قلقان على عشق وكذالك سليم سليم اخد باله من جاسر فقال يتكلم يمكن يمر الوقت 
سليم بمرح: انا كمان مراتك بتولد 
جاسر بأبتسامه:آه اول مره تولد وانا قلقان عليها اووى 
سليم بأبتسامه:وانا والله ربنا يقومهم بسلامه 
جاسر بأبتسامه:يارب حضرتك سليم الخولى صح 
سليم بأبتسامه:آه وحضرتك انا بشبه عليك 
جاسر بأبتسامه:انا جاسر صاحب شركات الجاسر 
سليم بأبتسامه:تشرفت جدا بمعرفتك 
جاسر:انا اكتر بجد 
بعد قليل سمع جاسر وسليم صوت طفلين بيبكو 
جاسر فرح و سليم فرح جدا جاسر احتضن سليم من الفرحه : مبروك 
سليم بفرح ودموع:الله يبارك فيك 
خرجت الممرضه من غرفه عشق وادت لجاسر الطفل وقالت:مبروك جبت بنت 
جاسر وهو ينظر لها بفرحه:طب وعشق كويسه 
الممرضه:آه كويسه جدا وهتطلع حالا 
سليم راح ومسكها منه:استنى كدا اشوفها دا احنا عشرت ساعه يا عم يخلاصى جميله اووى ماشاء الله 
طلعت ممرضه من غرفه ياسمين وادت الطفل لجاسر:مبروك جه لحضرتك ولد 
جاسر بفرحه: ماشاءالله يا سليم سيبه بقى 
سليم بأبتسامه للممرضه:طب وياسمين عامله اى 
الممرضه:كويسه بس احنا بنحمى الطفله التانيه وهنطلعها وبعدين ياسمين هتطلع 
سليم بصدمه: طفله تانيه يعنى انا عندي ولد وبنت دلوقتي 
جاسر بأبتسامه:مبروك يا سليم بتربو فى عزك 
سليم بفرحه :هتسمى بنتك اى
جاسر بأبتسامه:هسميها عشق 
سليم بضحك:وانا هسمى الواد دا جاسر بقى 
خرجت الممرضه بطفله التانيه مسكها سليم بفرحه:الله انا عندى اتنين انا مش مصدق انا بقى هسميها فرحه عشان أنا فرحان بيهم جدا 
(بعد شويه خرجت عشق وياسمين من العمليات وكل واحد اخد عياله وراح لمراته وبعد كده مراد وراندا وصلم وكذالك احمد وروران وخالد وياسمين وعز و حسناء )
_____________________________
عند جاسر وعشق كان جاسر قاعد جنب عشق على السرير وماسك بنته 
جاسر وهو يقبل رأس عشق :عارفه انا سميتها اى 
عشق بأبتسامه:اى يا حبيبي 
جاسر بحب:سمتها عشق 
عشق بأبتسامه:بحبك يا جاسر بحبك يا ابو عشق 
جاسر بغمز:اجدعنى انتى بس ونجيب كمان 
مراد بضحك:احم احم احنا واقفين 
راندا راحت ومسكت عشق الصغيرة: جميله اوووى يا عشق ربنا يخليها ليكم 
عشق بأبتسامه:ويديمها ليكى يا راندا يارب 
جاسر بأستغراب:امال شادى فين 
مراد بضحك:ماسك فى البنت الصغيره وقاعد مع سليم من ساعتها 
جاسر بضحك:يبقى خلاص عشق لجاسر وشادى لفرحه هههههههههه 
___________________________
عند سليم ماسك فرحه و شادى واقف معاه 
شادى وهو يقبل فرحه: عمو سليم دى هتبقى مراتى لما اكبر 
سليم بضحك:مرات مين يا عم انت دى بنتى انا ومحدش هياخدها منى 
ياسمين ماسكه جاسر الصغير الحسناء:اهو من ساعه أما فوقت وهو ماسك فرحه كدا يا ماما ناسينى 
سليم قام وقعد جنبها:طب ما انتى ماسكه جاسر كنت قولت حاجه انا وبعدين دا انتى إلى فى القلب يا مزتى 
ياسمين بفرحه:بجد يا ابو جاسر 
سليم بأبتسامه:بجد يا ام فرحه 
عز ل احمد و خالد:عقبالكم يا ولاد 
خالد بأبتسامه:يارب يا عمى اهو انا مستنى الشهر الجاى اهو عشان نفسى اشوف همس يسلام همس خالد 
احمد بأبتسامه:هى بنت لا يا عم انا مراتى هتجيب ولد وهسميه محمد بقى على اسم رسول الله 
الجميع:عليه افضل الصلاه والسلام 
______________________________
بعد تسع أعوام :-
كان جميع ابطالنا متجمعين فى ڤيلا جاسر 
كانت البنات قاعدة فى الداخل اما الرجال قاعدين فى حديقة المنزل وكان الجو يسوده السعاده والفرح 
مراد بأبتسامه: يسلام على الامه وجمالها كان اجمل يوم يوم ولاده جاسر وعشق وفرحه 
جاسر بأبتسامه:حقيقى عرفتنى على سليم وأحمد وخالد اجمل واجدع أصحاب بجد 
سليم بأبتسامه:حقيقى والله يا جاسر والى اجمل أن احنا فتحنا شركه سوا شركه العيله عشان لما الولاد يكبرم يشتغلو سوا 
احمد بأبتسامه:الحمد لله دى نعمه مفروض نشكر ربنا عليها 
خالد لاحظ عشق جايه وبتعيط خالد قام :فى اى يا عشق بتطعيتى ليه 
سليم قام :مين زعلك يا حبيبتي 
عشق بدموع:ينفع يا عمو سليم ابقى واقفه بكلم جاسر يسبنى ويروح يقف مع بنت الجيران إلى هنا 
ياسمين جايه من ورا :معلش يا بنتى اصل جاسر بيفكرنى بحد كدا كان مطلع عينى بسبب الموضوع ده 
سليم بغمز:بس واحده بس إلى وقعتنى 
عشق جات وقالت:فى اى يا حبيبتي مالك زعلانه من جاسر ليه دا جاسر قمر 
جاسر الصغير جه من ورا عشق : حبيبتي حماتشى حبيبتي  
عشق وهى تحتضن جاسر :حبيب حماتك يا جاسر 
جاسر قام:ابعد يلاا عن مراتى 
جاسر بعد:خلاس يا عم اروح للقطه بتاعى 
شادى وهو جاى بيجرى ورا فرح:فى اى يا رجوله أهدى كدا انا عملت حاجه 
فرحه لراندا بعياط:ينفع كدا ينفع شادى يقعد يقولى يا رجوله 
مراد بزعيق لشادى:فى اى يلاا انت مزعلها ليه 
شادى بضحك:اى يابوب فى اى بقولها غيرى من لبسك ونفسك عشان كده عامله زى الولاد تقولى انت مالك وسابتنى ومشت 
سليم بضحك:لا مسمحش ليك ياواد انت دا فرحه حبيبتي دى قمر 
سليم وقف جنب ياسمين زى مامتها بظبط 
شادى مسك ايد فرحه:اكيد فرحه قمر وانا بحبها وهتجوزها 
سليم بعصبية:ابعد يالا عنها دى مش هتتجوز دى هتفضل معايا 
شادى بضحك: مستحيل يا حمايا العزيز 
جه محمد وهمس احمد ضحك وقال:اهو العقل كله وصل اهو هههههههههه 
روان بأبتسامه:كنتم فين 
همس بأبتسامه:كنت برسم الشمس وقت والغروب ومحمد بيصورها 
اسماء بأبتسامه:بنتى فنانه 
خالد بضحك:وابن اخوكى فوتوغراف 
احمد راح وقف جنب روان :بحبك يا ام محمد شوفتى جمال كدا بنديكى بأسم ابننا 
خالد راح وقف جنب وحاوط خصرها: انتى طول حياتك بتجيبى ليا هدايا مره لما شوفتك وحبيتك زمان ومره لما جبتى همس 
مراد وقف جنب راندا وقبل رأسها:بحبك يا ام شادي ربنا يديمك ليا 
أما سليم فبص للعائله الكبيره إلى هو بيحبها وحمد ربنا على النعمه دى وبعدها بص لياسمين بحب وقال :بحبك يا ياسمينا كلمه بحبك قليله عليكى لو فى حاجة فوق بحبك هقولها الحلو حياتي وروحي وأقول له إيه
إن قلت باحبـه الحب شـوية عليـه
دا حياتي وروحي أقوله إيه
الحلو الغالي شغل بالي ولا عارف إيــه اللي جـرى لي
ولا قادر اقول لـه علــى حالـــي مين غير مايقول لي ولا اقوله
في عينيه وقلبـي الشـوق كله والحلو حياتي وروحي وأقول له إيــه
والـحلو حـلاوتـه فـي عنيه م الشـوق بتـزيد كـل شوية
والدنيا بتغني حواليا
الحلو حياتي وروحي وأقول له إيه إن قلت بحبـه الحب شـوية عليــه
دا حياتي و روحي أقوله إيه
ياسمين بدموع :بحبك يا سليم بحبك 
محمد جاب الكاميرا بتاعه وظبطها على تلت ثوانى ومسك ايد همس وراح وقف قدامهم وقال:كدا الصورة تطلع احلى لما كل عصفور واقف جنب عصفورته اضحك الصوره تطلع احلى الجميع ضحك و اتصورو صوره للذكرى 
________________________تمت بحمد الله 
لقراءة باقي فصول الرواية : اضغط هنا
نرشح لك أيضاً رواية أنتِ لي للكاتبة سمية عامر

تعليق واحد

  1. بجد من افضل ما قراءة ي رجوله ????♥
    ربنا يوفقك ويسعدك ويفرح قلبگ دايما يارب ????

اترك رد