رواية مجنونة الأسد الفصل الثاني 2 بقلم منة مصطفى

اسد وهو يمسكه من ياقة بدلته بغيظ / بقا انت بتتعب وتشتغل يا شيخ ده انت كنت سايب كل حاجة للسكرتيرة تعمله وانت قاعد باشا ولا هامك الشركة ولا اى حاجة وبالامارة انت سافرت الساحل يومين وبعدين انا يعنى يا حيوان سافرت ليه مش علشان شركتنا اللى فى امريكا يبقى شغل ده ولا لا

فارس بصدمة / انت عرفت انى سافرت الساحل وسايب الشغل للسكرتيرة منين اوعى يا اسد تكون باعت حد بيراقبنى او سايب عصافيرك عليا

اسد ببسمة سخرية / ابعت حد يراقبك ليه هو انا فاضيلك انت اللى اخبارك بتتسرب تيجى لعندى من حيث لا اعلم

فارس بسخرية / لا دى عصافيرك

وبعد شوية فارس نزل ينتظر اسد بالاسفل بينما كان اسد يرتدى ملابسه وكان قد يضع لمساته الاخيرة امام المرآة ولبس بذلة سوداء فهو كما يقال الاسود يليق به وهو يليق بالاسود فكان منظره جميل وساحر وبعدما انتهى نزل لاسفل وجد الجميع على السفرة باستثناء الجد وهن

اسد بعد ما جلس / امال فين جدى وهنا

زياد / جدو يا عم خلاص نازل لكن ست المجتهدة راحت الجامعة بتاعتها ال ايه ده اخر يوم امتحان ولازم ابقى مستعدة

وبعد مدة قصيرة نزل الجد وجلس

سعيد السيوفى بابتسامة هادئة / صباح الخير

الجميع / صباح النور

سعيد السيوفى متسائلا / عاملين ايه يا ولاد السيوفى

الجميع / بخير

سعيد السيوفى / الشغل عامل ايه يا اسد

اسد بثبات / الحمد لله

سعيد السيوفى بغموض / بتختفى كتير الفترة دى يعنى

اسد بذكاء / شغلى فيه تقصير

سعيد السيوفى / تفتكر ممكن اسمح بأى تقصير فى الشغل اللى تعبت فيه انا وولدك

اسد بثبات / يبقى اختفائى مش مزعل حضرتك

لم يكن رد سعيد السيوفى سوى ابتسامة على ذكاء حفيده

سعيد السيوفى : وانت عامل ايه يا واد يا فارس

فارس : الحمد لله يا جدو ثم اكمل بتذمر : هو انا مانفسيش حد يحترمنى كده ويقولى يا بشمهندس فارس كده يا جودعان عايز احس بقيمتى كده وبرستيجى

سعيد السيوفى بضحك : لا طبعا ازاى ده انت ابن الغالية يا عبيط

فهد : والله يا جدو مافيش غيرك اللى ناصفنى وواقف جمبى فى العيال الرخمة دول ثم اكمل وهو ينظر لاسد : واللى هادر كرامتى

زياد / هو فيه ايه يعنى انا مليش لازمة خالص كده هو انا شفاف يا جودعان

فارس بضحك / باين كده

زياد / لاااع يا حبييييبى دنا خلاص اتخرجت وبقيت مهندس قد الدنيا فاهمين يعنى ايه

اسد ببرود وهو بينظر له / يعنى ايه

زياد بخوف مصتطنع / يعنى بقيت انسان ملهوش لازمة اكتر منا تافه

فارس كان قاعد بيضحك عليه

زياد بغيظ / انت ياض اسكت علشان مقولش لاسد انت عملت ايه لما هو سافر

فارس وهو لسة بيضحك / طلع الحمد لله عارف كل حاجة يعنى مبقاش فيه حاجة تمسكها عليا ????

زياد / ماشى يا استاذ زفت ماشى ده انت ملفاتك السودة كلها عندى

وكملوا فطار

بعد الفطار

فارس / بقولك ايه يا اسد يا عسل انت متروح انت الشركة وانا هروح الاجتماع

اسد بسخرية / اه ليه بقا انشاء الله

فارس ببراءة / علشان متتعبش يا اسد يا جميل انت انا خايف انك تتعب

اسد بسخرية / اه اتعب ههههه ضحكتنى خايف على تعبى ولا علشان البنات اللى هناك

زياد بضحك / يا كسفتك السودة يا حازم

فارس بغيظ / بس ياض بقا وبعدين ايوة يا عم ده بنات ايطاليا دول ايه صاروخ ارض جو يالا مزز على الاخر

اسد / انا اللى هروح مش انت وانت هتودى زياد مكتبه الجديد وهتشرف معاه على انه يختار سكرتيرة ومشى وسابهم

فارس بغيظ / اه هو يقعد وسط المزز ويشوف اشكال عسل وانا اتصبح بوشك انت

زياد / ماله وشى بقا يا حبيبى ده انت وشك يقطع الخميرة من البيت

فارس / امشى امشى كتك الارف انت والتانى حسبى الله ونعم الوكيل ????

❤❤❤❤

منة بعد ما نزلت ركبت تاكسى وهى فى التاكسى تلفونها رن وكانت عليا 

عليا بانفعال وصوت عالى / انتى فين يا زفتة انا قالبة عليكى الجامعة هنا ومش لقياكى 

منة بعدت التليفون من عليها بسبب صوت عليا العالى وبعدين رجعته تانى

منة بمرح / اهدى بس كده يا فواز ده انا اخوك مش كده يا جدع ودانى اطرشت 

عليا بزعيق / لا وكمان ليها عين تهزر انتى فين يا حيوانة 

منة وهى تكبت ضحكتها كى لا تنفجر عليا منها / ليه ايه اللى حصل 

عليا بصريخ / عاااااااا لا انتى مستفزة اوى انتى عارفة قد ايه على الامتحان وسيادتك لسة مجتيش 

منة / عادى يا حبيبتى الامتحان يستنانى ايزى ايزى 

عليا قفلت فى وش منة وهى متعصبة 

منة وهى تنظر لهاتفها / الله قفلت ليه دى وانا عملت ايه يعصبها يلا اهى خدت الشر وراحت اما اسمع اغانى انا بقا وطلعت سماعتها وشغلت اغنية مهرجان وكانت قاعدة بتردد كلمات الاغنية والسواق كان بيبصلها وبيقول ايه البت بنت المجنونة دى 

وبعد شوية وصلت منة الجامعة ونزلت من التاكسى بس الجو كان حلو فوقت فى نص الطريق وفردة ذراعيها الاتنين بس عليا قطعت عليها اللحظة ورنت على الفون بتاعها 

منة / الو يا عيلة يا فصيلة 

عليا بزعيق / انتى فين يا استاذة انتى ناسية ان عندك امتحان ولا ايه بالظبط 

منة بهدوء / مش ناسية بس الجو حلو اوى انهارده وانتى عارفة مقدرش اقاومه 

عليا وهى بتحاول تهدأ / انتى فين يا منة 

منة بضحك / انا واقفة قدام الجامعة وكنت فاردة ذراعى بس سيادتك قطعتى عليا الاحساس الجميل ده 

عليا لسة هتتكلم هنا شدت منها التليفون وقالت / اقسم بالله يا منة انتى عيلة باردة ما تيجى يا حيوانة يلا 

منة لسة هترد عليها سمعت صوت من وراها بيقول انتى يا مجنونة واقفة فى نص الطريق تتكلمى 

منة وهى تنظر اليه وتهتف لهنا وعليا / طب اقفلى كده 

عليا بحماس / الله دى خناقة بقولك انا جيالك عايزة اتفرج 

منة موجه كلامها للرجل / نعم يا اخ 

اسد بعصبية / انتى فى حاجة فى عقلك 

منة ببرود / ولو فيه هى حاجة تخصك 

اسد بغضب / بت انتى اتكلمى عدل بقالى ساعة واقف وانتى مش بتتحركى 

منة بتساؤل وهدوء / الشارع  باسمك 

اسد  باستغراب من سؤالها / يعنى ايه 

منة بتوضيح / يعنى الشارع مكتوب باسمك 

اسد اجاب عليها باستغراب / لا 

منة / طيب ابوك وارث الشارع ده 

اسد باستغراب / ايه الهبل ده لا طبعا 

منة بابتسامة باردة / يبقى تمشى فيه وانت ساكت 

عليا من وراها / انا جيت اتفرج فى ايه بقا ومين ده 

منة بابتسامة / لا يا لولو مفيش حاجة 

اسد كان بيبص لعليا بصدمة وقال / اه ما صاحبتك قتالت قتلة لازم نبقى ذيها 

منة باستنكار / نعم 

اسد استوعب وقال / انتى مالك واحد بيكلم نفسه وبعدين انتى هبلة يا بت فى حد عاقل يقف فى الشارع كده 

منة / يا عم انت قلت عاقلة اهو ثانيا بقا الجو هنا عاجبنى 

اسد بسخرية / روحى يا قطة العبى بعيد 

منة / طب خاف بقا احسن القطة بيتطلعلها ضوافر وممكن تعلم عليك 

اسد بعصبية مفرطة / انتى ازاى تتكلمى معايا كده انتى مش عارفة انا مين 

منة / واحد مخلوق من طين واخره برده يدفن فى الطين والتراب فمش انا اللى تشوف نفسك عليا والفيلم الهندى بتاع انتى عارفة انا مين وممكن اوديكى ورا الشمس والشويتين دول اعملهم على حد غيرى اشطا 

اسد وهو يحاول كبت اعصابه وهتف / طب عدى من وشى كده يا بابا 

منة / تك بو يا شيخ وثانيا مش على اخرة الزمن واحد ذيك يؤمرنى انا اصلا مش عايزة اقف قدام السما الزرقا اللى فى عنيك الا قولى انت نافخ عضلاتك عند انهى عجلاتى 

اسد باستغراب / اييييه…..

منة وهى تنظر بعينيه / ونبى بلاش هضعف قدام السما الزرقا اللى فى عنيك دى اقفلها ونبى او اقولك انا هروح علشان الامتحان ثم صرخت فجاة 

اسد بانزعاج / صوتك يا متخلفة 

منة وهى تدور حول نفسها / نهار اسوح على الساعة السودة اللى شفتك فيها هتشلوح وربنا تعرف انا هنتحرواكتب اسمك فى الرسالة ابو عيون زرقا تودى فى داهية وتاخد ذنبى بقا سلام 

اسد / البت دى عندها حاجة فى عقلها مش طبيعية 

منة كانت ماشية بسرعة علشان تلحق الامتحان وعليا وراها 

عليا بغضب / يا حيوانة بقالنا ساعة وقفين بس الله يخربيتك بتعاكسى الراجل 

منة وهى تتذكر لون عنيه الاكثر من رائع / اعمل ايه الواد عنيه حميلة ومختلفة 

عليا بعصبية / منة اتوكسى وتعالى نلحق قبل ما الدكتور يدخل قبلنا 

منة / يا بنتى كده كده اخوكى هو الدكتور يعنى اتحلت ما حسن 

عليا / اه وسى زفت ده بيرضى يدخلنا ده بيعاملنا كعبيد هنا يا شيخة 

منة / لا متقوليش على مودى كده ده عسلوية امال فين هنون 

عليا /دخلت الحيوانة 

ودخلوا والحمد لله محدش كان لسة دخل 

❤❤❤❤

فى شركة السيوفى 

فى مكتب فهد بالتحديد 

كان فهد يجلس بمكتبه وامامه شخص 

فهد / ها يا مراد فين المعلومات اللى قولتلك انى عايزهم عن البنت اللى قولتلك عليها 

مراد / اه يا فندم اسمها عليا الدمنهورى ساكنة فى (…..) وهى فى جامعة طب ودى اخر سنة ليها  وده اخر يوم ليهاوليها اخ اسمه محمد الدمنهورى شغال فى دكتور فى كلية الطب واتفضل ده رقم اخويا بس ممكن بقا يا صحبى تنسى موضوع الانتقام ده وخلاص علشان شكلك دخل فى الجد 

فهد وقد تغيرت ملامحه / ضحكتنى عايزنى انسى ايه بالظبط انسى منظر امى وهى بتترجاها انها متقتلهاش ولا الطريقة البشعة اللى قتلتها بيها 

تنهد مراد بيأس فهو محق وقال / ماشى يا صاحبى انا همشى دلوقتى بس اى وقت تعوزنى فيه انا موجود وخرج بس قابل فارس لانه كان جاى لفهد 

فارس بعد ما دخل مكتب فهد / ايه ياعم مراد ايه اللى جابه هنا 

فهد / وانت مالك يا بنى بتحشر نفسك فى اللى ملكش فيه ليه رد 

فارس / تصدق انا عيل حمار وزبالة انى سألتك متولع انت وهو

فهد / ما تحترم نفسك ياض وبعدين انت مش هتبطل عادتك دى انك تدخل من غير ما تخبط على الباب 

فارس باستفزاز / لا بقولك ايه هتيجى معايا سهرت بليل ولا هتعمل ايه ده الواد جايب جوز بنات عسل 

فهد / لا انت اللى هتيجى معايا 

فارس بغمزة / ايوة يا زميكس جايب بنات اجانب انت بقا صح 

فهد بابتسامة / لا هتجوز 

فارس بصدمة / نعععععععم يا اخويا يا وقعة مربربة ليه يا اخويا تحط نفسك ف المصيبة دى 

❤❤❤❤

على الجانب الاخر فى مكتب زياد طلب من كرتيرة اسد ان تدخل المتقدمين للوظيفة واحدة تلو الاخرى وخرجت وبعد ذلك دخل المتقدمين واحدة تلو الاخرى كان زياد يسأل كل منهما عن ال CV الخاص بها وعن الخبرة ودلف اكثر من سبعة ولكن لم تكن من بينهم السكرتيرة المناسبة الا ان دخلت تلك الفاتنة كانت ترتدى فستان من اللون الاسود وخمارا ايضا من نفس اللون ودلفت الى المكتب ولكن تركت الباب مفتوحا 

زياد بهدوء / اتفضلى واقفلى الباب 

اردفت الفتاة وهى تنظر الى الارض / بعد اذنك ممكن تسيبه مفتوح 

زياد باعجاب من خجلها / تمام …. اتفضلى 

جلست الفتاة بالمقعد المقابل له ولكن لم ترفع عيناها ظلت على وضعها تنظر ارضا 

زياد / ممكن ال CV رفعتت وجهها ومدت يدها بالملف الخاص بها وهو بص فى عيونها وسرح فيهم هى لاحظت كده فاتكسفت ونزلت عنيها فى الارض تانى 

الى نظرة سريعة على الملف الخاص بها واردف متسائلا / اشتغلتى قل كده سكرتيرة 

الفتاة / اه فى شركة ى الاسكندرية 

زياد / طيب انتى مهندسة ايه اللى يخليكى تشتغلى سكرتيرة 

احمرت وجنتيها خجلا من ذلك السؤال واردفت بخجل / الظروف 

لعن زياد غبائه وقال محاولا تخفيف خجلها / انتى بتتكلمى بصوت واطى ليه  الشغل مش عيب قدام محترم عموما انتى مقبولة 

الفتاة / شكرا …. هبدأ شغل امتى 

زياد / انتى هتفضلى هنا لغاية ما اسد يوصل وهو هيقولك 

الفتاة / انشاء الله 

زياد / هو انا ممكن اسالك على حاجة 

الفتاة / اتفضل 

زياد /انتى لابسة اسود ليه 

الفتاة سقطت دموعها واردفت بنبرة شبه باكية / علشان والدتى متوفيه من اسبوعين 

زياد بسرعة / انا اسف والله 

الفتاة / ولا يهم حضرتك حصل خير ممكن اخرج انظر برة استاذ اسد 

زياد / طبعا اتفضلى 

الفتاة / عن اذنك ……. وخرجت من المكتب 

يتبع…..