Uncategorized
رواية بحر الزين الفصل الثامن عشر 18 بقلم أمنية الجزار
رواية بحر الزين الفصل الثامن عشر 18 بقلم أمنية الجزار
 |
| رواية بحر الزين الفصل الثامن عشر 18 بقلم أمنية الجزار |
رواية بحر الزين الفصل الثامن عشر 18 بقلم أمنية الجزار
بحر جالها ورد حلو معاه كارت
اتركي قلبك لعشقي وأقسم لكي أن احميه
كما تركت قلبي لك
ومعاه سلسلة علي شكل قلب
بحر ابتسمت وحطت الورد في المكتب وكملت شغل
الايام بتعدي عاديه
وزين بيبعت ورد لبحر
جاسر كل شويه يروح لعمر علشان يشوف ريم
سمر بتشوف وليد في الكافيه كل يوم وبدأت تتشدله
جه معاد الي يروح عمر يتقدم لرحمه
عند عمر
يلا ي جماعه بسرعه
الجد
يبني استهدي بالله كده لسه نص ساعة
عمر
ونعم بالله ي جدي بس لسه هجيب ورد وكمان
نص ساعه يدوب اصلا
ريم وهي نازله
انا خلصت اهو دانت واقع اوي ي عمور
سمر من وراها
يلا ي بنتي فضله ثانيه ويسبنا ويروح لوحده
عمر
فعلا هعمل كده
الكل خرج ماعادا محمد والد بحر ووالدتها مراحوش معاه
عمر جاب بوكيه ورد ووصل عند رحمه
خبط ووالدتها رحبت بيهم وريم وسمر دخلوا لرحمه الاوضه
عند رحمه
بحر قولي لاخوكي يمشي انا مش موافقه
بحر بضحك
مش موافقه انتي هبله
رحمه
انا عيله صغيره انا مش عايزه اتجوز
بحر
اهدي بس ده عمر الي انتي بتحبيه اهدي
دخل عليهم سمر وريم
سمر بمرح
ي مرات اخويا
بحر
اتنيلي اسكتي دي بتقولي اقول لعمر يمشي وانها مش عايزه تتجوز
ريم
نعم ده يهد الدنيا علي دماغك ده ما صدق ي عيني
بره في الصالون
عمر
اتكلم ي جدي
الجد
ابوك يتكلم ي حبيبي
والد عمر
اتكلم ي حج انت الخير والبركة
عمر
ي جماعه انتوا بتتعزموا خلصوني
والده رحمه ضحكت
الجد اتكلم
طيب احنا يشرفنا نطلب ايد رحمه لعمر
الام
الشرف لينا ي حج
عمر
طبعا ي ست الكل انا قايلك عايز خطوبه وكتب كتاب
الام
الي فيه الخير يقدمه ربنا ي بني
الجد
طب العروسه مش هتخرج
الام استأذنت تندهلها
دخلت والدت رحمه وندهتلها
يلا ي رحمه تعالي
رحمه
ماما مشيه بالله
الام
امشي ي بت آل امشيه آل
رحمه دخلت عينيها في الأرض بعد ماسلمت علي والده ووالدته وجده
الجد
انا بقول نسبهم لوحدهم شويه
الكل خرج علشان يتكلموا
عند بحر خرجت وسلمت علي أهل عمر وجدها
جدها حضنها
مش ناويه ترجعي بقي ي بحري
بحر
مش دلوقتي ي جدي بس انا كنت عايزه اتكلم معاك
الجد
ماشي نتكلم
بحر لوالدة رحمه
لو سمحتي ي طنط ممكن اخد جدي ونتكلم في الاوضه
الام
طبعا ي بحر البت بيتك
بحر خدت جدها الاوضه
عند رحمه وعمر أداها الورد
عمر
مالك ساكته ليه
رحمه
ها هاقول ايه
عمر
طبعا انتي عارفاني بس لو حابه تسألي عن حاجه اتفضلي
رحمه
تمم بتصلي
عمر بابتسامه
الحمد لله
رحمه بهدوء
تمم لو حصل نصيب هتساعدني اقرب لربنا وتأخد بإيدي للجنه
عمر بنفس الابتسامة
أن شاء الله نأخد بإيد بعض للجنه
رحمه بقلق
بص قوم امشي انا مش موافقه
عمر بصدمه
نعم مش موافقه ازاي يعني
رحمه
مش موافقه عيله وبرجع في كلامي عادي
عمر
طب ي عيله انا بقي هتجوزك بمزاجك أو لا
رحمه
ي عمر
عمر بهيام
حياته والله
رحمه بكسوف
احترم نفسك وكملت بتوتر بص اصل يعني
عمر بمقاطعة
خايفه صح
هزت راسها
عمر بحنان
متخافيش وكمل بمكر امال لو عرفتي اني عايز خطوبه وكتب كتاب
رحمه بصتله بصدمه
ايه كتب كتاب
عمر
اه علشان تبقي علي اسمي ونعرف نتكلم ونخرج براحتنا وعلي فكره مامتك عارفه
رحمه لسه هترد بس هو قاطعها
بصي قبل ما تردي فكري ي رحمتي سلام
وسابها وخرج
عند بحر
جدو حبيبي
الجد
اتكلمي علي طول
بحر بتنهيده
لو سمحت حدد معاد لجاسر يجي يتقدم لريم
متوقفش الموضوع عليا
الجد
ازاي بس ي بنتي نفرح وانتي مش وسطينا
بحر
جدي خليه يتقدم انا كده هبقي فرحانه اكتر لو سمحت علشان خاطري واوعدك أنه وهو بيتقدم وفي الخطوبه هبقي موجوده مهي اختي بردوا
الجد بحنان
ارجعي ي بحري بقي
بحر
هرجع والله بس مش دلوقتي شويه كده ها هتخلي جاسر يجي بالله وافق
الجد بهدوء
حاضر ي بحري انا أقدر ارفضلك طلب نحددله معاد يجي يتقدم
بحر حضنت جدها وخرجوا لقو عمر واقف
عمر
احم احنا نستأذن احنا بقي وهستني الرد بالموافقه أن شاء الله
الام
ماشي ي ابني الي فيه الخير يقدمه ربنا
عمر لبحر
مش ناويه ترجعي بقي
بحر
لأ ي عريس مش دلوقتي
الكل مشي
تاني يوم في الشغل
عمر مش بيكلم رحمه علشان ميأثرش علي قرارها
بحر جالها ورد
فرحمه اتكلمت ي بختك ي بحر بيجيلك ورد
بحر بسخرية
ي سلام امال مين الي كانت حاضنه بوكيه الورد امبارح خيالك ماعمر جبلك ي اختي
رحمه
خلاص خلاص ايه ماصدقتي
بحر
الاه مش انتي الي اتكلمتي وانا امبارح الي مرضتش احرجك وسبتك براحتك
رحمه
انا غلطانه اني اتكلمت
راحت تكمل شغل
وليد في الكافيه شاور لسمر رحتله
تحت امرك
وليد
ايه ده دانا قلت مش هتيجي
سمر
ليه حضرتك زبون وكمان لو اتعديت حدودك اظن عارف ردي
وليد حط أيده علي خده
اه عارفه
سمر حاولت تداري ابتسامتها
احم تحت امرك
وليد
ممكن قهوه مظبوطه
سمر
تمم عن اذنك
بعد دقايق جبتله القهوه وراحت تشوف حد تاني اتعصب وراح لها
اتفضلي انتي
بصتله باستغراب
نعم
الشاب
في حاجه
وليد
لا مافيش انا هاخد طلب حضرتك وانتي اتفضلي
كانت هتعترض بس بصلها وهي خافت ومشيت اخد طلب الشاب وجبهوله
دخل علي عمر المكتب وهو متعصب
انت ي زفت انت مش المفروض البنات تشوف طلبات البنات بس مش الشباب اه
عمر بصله بصدمه من عملته
ايه ي بني ادم انت ايه الي حصل
وليد بعصبية
رد عليا الاول
عمر
اه بس لسه هشوف شباب الاول فحاليا البنات الي موجودين وبعدين انا الي بشوف طلبات الشباب ولو انا مش موجود او مشغول حد من البنات الي بتشوفه وغالبا بتكون بحر
نعم بحر مين يلا انت اهبل
لفوا لمصدر الصوت ومكنش غير زين
عمر
لا بقي كده كتير فيه ايه مالكوا انتوا الاتنين
زين بعصبية وغيره
بحر الي بتشوف طلبات الشباب
عمر وحب يستفزه
اه هي
زين بصوت عالي
عمر انت بتستهبل يعني ايه هي مانت متزفت اهو
عمر
زين وطي صوتك وبعدين احنا لسه ي بني ادم فاتحين مكملناش حاجه فمحتاج وقت علي ما لاقي شباب
وليد باندفاع
انا هشتغل معاكوا
زين وعمر بصولوا باستغراب وعمر أتكلم
تشتغل معانا انت بتهزر
وليد
لا مش بهزر انا هشوف طلبات الشباب علي ماتشوف حد يشتغل
زين
فكره حلوه وانا وجاسر هنشوفلك شابين يشتغلوا هنا
عمر بقله حيله
تمم
زين بحزن
عمر بحر مش ناويه توافق مقلتلكش حاجه
عمر بحزن شديد علي زين
متكلمتش ي زين والله بس انا شايف أن فيه امل
زين بفرحه
بجد
وليد
زين افرض بحر بعد كل ده موفقتش
زين بتنهيده وامل
أن شاء الله توافق هفضل وراها لحد ما توافق انا شايف نظره الحب في عينيها والله
وليد بمواساه
ربنا يجمعكوا علي خير ي صاحبي
زين أمن علي كلاموا ومشي
ووليد خرج وبدأ شغل في الكافيه
عمر فونه رن رد وبعد دقايق كان عند زين وجاسر في المكتب
عمر
جاسر جدي بيبلغك أنه حددلك معاد بعد يومين علشان تتقدم لريم
جاسر بفرحه قام حضن عمر
بجد طب احلف كده يعني هتقدم لريم
ي فرحه قلبي
عمر بضحك
جاسر انت اتهبلت
زين بضحك
سيبه ي بني أصله فرحان وكمل بأمل
هي بحر رجعت
عمر بنفي
لا مرجعتش بس جدي قالي أنها كلمته امبارح واحنا عند رحمه وهي الي اقنعته
جاسر بفرحه ودون وعي
طب بالله بحر دي قمر و مكملش كلامه لما زين مسكه من هدومه
اتكلم بغيره
اظبط ي لا انت بتقول عليها قمر انت اهبل
جاسر
والله ما قصدي دي زي اختي انا قلتها من فرحتي والله وبعدين دي هتبقي مرات اخويا ي جدع
زين ابتسم لفكره أنها مراته وبعدين اتكلم
جاسر متزعلش بس
عمر قاطعه
بتغير ي زين
زين بتأكيد اه بغير واقولك كمان بغير منك لانك دايما معاها
جاسر ضحك
لا انت حالتك صاعبه
زين حب يغيظ جاسر
طب مبروك ي صاحبي بس بصراحه ريم قمر اوي يعني خساره فيك
جاسر بغيره
زين اظبط في ايه متقولش كده
زين ضحك
علشان معنتش تتكلم تاني
عمر
علي فكره دول اخواتي ي شباب
جاسر بصدق
اخواتك في عينينا والله ي عمر
زين كمل
احنا نخاف عليهم من نفسنا
عمر
عارف بس الي انتوا عملتوه ده
زين قاطعه
مينفعش احم انا اسف والله بس انفعلت شويه وعلشان معدش يتكلم تاني
جاسر
انا اسف ي عمر والله بس فعلا الكلمه طلعت غصب
عمر بهدوء
خلاص حصل خير مستنينك كمان يومين علي الساعه 7 كده
جاسر
طب مينفعش انهارده
عمر
لا بعد يومين
زين بتساؤل
عمر عملت ايه مع رحمه
عمر ابتسم
اتقدمت وطلبت تبقي خطوبه وكتب كتاب
ومستني ردها
جاسر بدعاء
ربنا يجمعكوا مع بعض ي صاحبي
عمر
امين
وسبهم وخرج
شاف رحمه كان عايز يكلمها بس مرضاش ومشي
بليل عند عمر
ريم مع جدها
ريم فيه شب متقدملك واظن عمر معرفك كده
ريم بكسوف
ايوه ي جدي
الجد بحنان
طب ي قلب جدك هو هيجي بعد يومين ماشي ريم
ماشي ي جدي
سابته وطلعت شقتها
في الاوضه مع سمر
ريم بفرحه
سمر جاسر جاي بعد يومين يتقدم جدي لسه معرفني
سمر بفرحه لأختها
مبروك ي قلبي
ريم
عقبالك ي سمر وكملت بتساؤل
امال عمر فين مش سامعه صوته
سمر
علي السطح كالعاده كملت بحماس تيجي نطلع له
ريم وهي بتشدها اه قومي
علي السطح عمر واقف بيفكر في رحمه ويبتسم
ريم
الي واخد عاقلك
سمر بضحك
قصدك الي واخد قلبه
عمر
فيه ايه ي بت انتي وهي
ريم
ولا حاجه جايين نقعد معاك فيها حاجه
عمر ابتسم
لأ ي حبيبتي
سمر
عمر مالك حساك خايف قلقان
عمر اتنهد
فعلا خايف وقلقان رحمه ترفض كتب الكتاب أو حتي ترفض خالص
سمر بمواساه
أن شاء الله توافق متقلقش
عمر ابتسم لها وقعدوا شويه ونزلوا
عند رحمه
رحمه وبحر ومامتها في الصالون
رحمه
احم ماما انا موافقه
الام
علي ايه
رحمه بكسوف
احم علي عمر
الام
طب هو طلب يكتب الكتاب
رحمه
عارفه وموافقة ي ماما
الام بفرحه
الف مبروك ي حبيبتي وجهه كلامها لبحر
عقبالك ي بحر
بحر افتكرت زين وابتسمت أن شاء الله ي طنط
وحضنت رحمه
مبروك ي مرات اخويا ي قمر انتي
رحمه
الله يبارك فيكي ي بحر
عند زين
قاعد زين وجاسر ووليد
جاسر بضحك
يخرب عقلك ي وليد بقي تزعق للبنت وكمان هتشتغل في الكافيه
وليد
اوف انا مزعقتش بمزاجي انا كنت مدايق من نظرات الواد ده مرتحتلوش كده
واه هشتغل في الكافيه فيها حاجه لحد بس ما تبقي علي اسمي
جاسر
لا مافيهاش حاجه انا مش قصدي بس انت عندك شغلك انت ناسي انك مهندس وليك شركتك
وليد
لا مش ناسي واديك قلت شركتي يعني براحتي ومتقلقش هعرف امشي الشغل
زين
انا كده كده هشوف شابين يشتغلوا مع عمر زي ما شفنا بنتين بدل بحر ورحمه يعني وليد مش هيطول
جاسر بتفهم تمم ي زين
صح ي وليد اعمل حسابك تيجي معايا بعد يومين علشان اتقدم لريم انت وزين انتوا عارفين ماليش غيركوا انتوا وامي
وليد بفرحه
بجد الف مبروك ي جاسر اجي انا ليا غيرك
زين
مبروك ي صاحبي وانا هاجي دانت اخويا
جاسر بضحك
يعني مش هتيجوا علشان كل واحد يشوف حبيبته
تؤ تؤ هتيجوا علشان خاطري
زين
بص ي صاحبي انا جاي علشان خاطرك بس بردوا ميمنعش أن بردوا علشان اشوف بحر مهي اكيد هتكون هناك علشان ريم
وليد
الصراحه اه علشانك وبردوا اشوف سمر
جاسر وهو قايم
واطيين هاتيجي ي وليد
زين
اقعد ي بني
جاسر
كفايه كده علشان ست الكل لوحدها وبص لوليد ها جاي
وليد
لأ هنام عند زين
جاسر تمم تصبحوا علي خير
زين ووليد
وانت من أهله
يتبع…
لقراءة الفصل التاسع عشر : اضغط هنا
لقراءة جميع فصول الرواية : اضغط هنا
نرشح لك أيضاً رواية بريئة حطمت غروره للكاتبة ميرا أبو الخير