رواية قلبي بين أيد طفلة الفصل الثاني عشر 12 بقلم هند ايمن

فرح بصوت عالي:ماززززززن

بلال:ايه ده مين مازن يا بت انتي

فرح بأرتباك:و..ولا حاجه ولا حاجه يا كبير ظي طلعت اخت واحد زميلي اسمه مازن 

بلال:طب وطي صوتك بدل ما اقومك من جمبها خالص

فرح: حاضر حاضر

فرح بصوت واطي:انت عملت كده ازاي؟! ،والاتنين المنتقبين دول كمان ولاد؟!!

مازن:ايوه ولاد انا هفهمك كل حاجه لما نطلع من هنا

———————-

*فلاش بك*

مازن كان قلقان اوي وكان حاسس ان فى حاجة هتحصل وقال لفرح بس هي حاولت تطمنه راح عند اتوبيس الولاد كلم ولادين واتفق معاهم انهم يلبسوا نقاب ويركبوا مع البنات عشان لو حصلت حاجة

—————————–

فرح:طب واحنا هنطلع من هنا ازاي????

بتبص لقته طلع تليفون من الشراب

فرح بدهشة:اييييه دددده????

مازن:بس بس

فرح:ازاي ده وهما خدوا التليفونات كلها

مازن:انا كنت حاسس ان فى حاجة هتحصل عشان كده خليت معايا تليفون احتياطي

فرح بفرحة:يا ابن الذكية، لا طمرت فيك تربيتي واتعلمت بسرعة????

مازن:ماشي ياختي

فرح:طب التليفون اهو هنعمل ايه دلوقتي

مازن:هنتصل بالبوليس ونبعت  لكام واحد من صحابي رسايل 

فرح:رسايل ايه يا عم ما مازن ده وقت هزار صحاب عبر الواتس

مازن:اخرصي يا غبية هبعتلهم رسايل اقولهم فيها اننا مخطوفين وهما هيجيبوا البوليس ويجوا

فرح:طب وهما هيعرفوا مكانا ازاي بقا يا ذكي

مازن:يا غبية مش فى حاجة اسمها اجهزة المراقبة الحكومة بتستخدمها فى المواقف اللى زي كده وبيراقبوا التليفونات

فرح:الللله انا عايزة واحدة زيك????

مازن: واحدة ايه

فرح:دماغ

مازن:اه يابا يانا ياما هتشليني هتشلينييييي قبل ما نخرج من هنا

فرح:خلاص يا عم مش هتكلم ،بقولك ايه

مازن:قولي

فرح:انا هحاول الهيهم وانت اتصل بالبوليس وابعت الرسايل لاصحابك

مازن:ماشي بس خدي بالك لياخدوا بالهم مني

فرح:واثق فيا؟!????

مازن:لا

فرح:كويس اوي

فرح:عمو بلال عمو بلال

بلال:اه هو يوم مش معدي انا عارف انا عارف ،خير؟!????

فرح:بقولك ايه

بلال:قوليلي ايه

فرح:انت مخبي وشك ليه ده حتى عنيك حلوة اوي اكيد انت مز ما تخلينا نشوفك يمكن اتجوزك

مازن بصوت واطي:نعععم يا روح امك تتجوزي مين????

فرح بصوت واطي:اسكت انت

مازن: طيب و الله لما نخرج من هنا

بلال:انتي بتقولي ايه يا بت

فرح:بقول هو احنا مخطوفين ليه

بلال:عايزة تعرفي ليه

فرح:لو مش هيضايقك وياريت كمان تقولي ليه خطفتوا البنات وسبتوا الولاد

بلال:خطفناكم عشان انتو تاكلوا عيش واحنا كمان ناكل عيش

فرح بغباء:مش فاهمة

بلال:يعني احنا مبنخطفش غير بنات بس عشان فى ناس من بلاد برا هما اللى بياخدوا البنات دي بيشغلوها برا وبيدفعولنا فلوس مقابل اننا نخطفهم

فرح:اللللللله،يعني انا هسافر بلاد برا وهكمل تعليمي برا

بلال:هتسافري اه ،هتكملي تعليم لا

فرح:اومال هنسافر ليه

بلال:عشان تشتغلوا

فرح:نشتغل ايه

بلال:لما تروحوا هناك هتعرفوا كل حاجة(طبعا كلنا عارفين هو يقصد ايه وهي كمان فاهمة بس بتستعبط عشان تلهيهم)كل ده ومازن كان متصل بالحكومة وكان بيسمعهم اللى بيحصل والظابط فهم على طول وشغل اجهزته عشان يحدد مكانهم وحدده فعلا فى نفس الوقت كان بيسجل المكالمة وبعتها لصحابه وقالهم يروحوا القسم ويسمعوا الظابط التسجيل والظابط هيفهم انهم من طرف واحد من اللى مخطوفين فى خلال اقل من ساعتين كان البوليس وصل

يتبع….

لقراءة الفصل الثالث عشر : اضغط هنا

لقراءة باقي فصول الرواية : اضغط هنا