Uncategorized

رواية عشقني متوحش الفصل الثامن 8 بقلم ميسون عبدالمجيد

 رواية عشقني متوحش الفصل الثامن 8 بقلم ميسون عبدالمجيد

رواية عشقني متوحش الفصل الثامن 8 بقلم ميسون عبدالمجيد

رواية عشقني متوحش الفصل الثامن 8 بقلم ميسون عبدالمجيد

اشرقت شمس يوم جديد
نشوي صحيت من النوم اخدة شاور وصلت ولبست دريس ابيض في حزام لافندر وعليه خمار لافندر كانت جميلة
نزلت واتجهت لڤلة لعاصم
دخلت وكان علي وشها ابتسامه عريضه بس اختفت تدريجيا لما لقيت سيدرا قعدة مع عاصم وبتأكلو في بقه
نشوي جزت علي سنانها هي مش عارفه ليه كل ما بتشوف سيدرا مع عاصم بعضايق مع ان مفيش بينهم حاجة
نشوي اخدة شهيق وزفير واتصنعت الابتسامه وقربت منهم
نشوي بأبتسامة عريضة مصطنعة:صباح الخير ي بشمهندس
عاصم:ص..
بقلمي ميسون عبدالمجيد
سيدرا بأبتسامة ودلع:صباح الفل ي قلبي
نشوي بصتلها بضيق وقرف
عاصم بهدوء:احم صباح الخير ي دكتورة
نشوي مشيت خطوة
سيدرا ببرود:انتي راحة فين
نشوي بضيق:راحة اجيب كوباية عصير والدوا للبشمهندس
سيدرا برفعة حاجب:انتي لازم كل يوم تديله العصير قبل الدوا
نشوي بعدم فهم من نظرتها:ايوا عشان يديه كالسيوم
سيدرا ببرود ومكر:اهااا فكرت حاجة تاني
نشوي بضيق:لا متفكريش بعد كدة
نشوي سابتهم ودخلت
عاصم:كفاية ي حبيبتي
سيدرا بدلع:اخر حاجة بقي دي فروت سالات عملاها بأديا كل اخر حته
عاصم ابتسم واكل
في الداخل
نشوي وقفة في اوضة عاصم بتجبله الدوا
نشوي بتقلد سيدرا:صباح الفل ي قلبي الاهي ربنا ياخدك بشوفك دمي بيفور
نشوي مدت تديها تجيي الدوا لقيت صورة تاني لعاصم وسيدرا
بس المرادي ركزت في عاصم وملامحه كان لابس بنطلون جينز ابيض عليه قميص كحلي كان جنتل مان اوي وقد ايه هو اوسم وهو واقف عنيها جت علي سيدرا اللي حضناه ومتبته في مقدرتش تبصلها لا اراديا طلعت قلم وفضلت تخرم في وشها لدرجة انها مكنتش بينا هي مين
نشوي ابتسمت بخبث:بس كدة بقيت احلي
وحطتها مكنها وخرجت
نشوي ادت لعاصم العصير والدوا:اتفضل
عاصم:شكرا
سيدرا ببرود:خلاص بقي مش هنتعبك تاني بعد كدة
نشوي بعدم فهم:افندم
سيدرا ببرود:اقصد اني خلاص انا هعيش هنا مع عاصم وانا هخلي بالي منه لغاية ما يعمل العمليه ونتجوز
نشوي بصدمة مقدرتش تخبيها:تتجوزو!!!!!!
سيدرا بعدم فهم وشك: مالك اتصدمتي كدة ليه هو مش اي اتنين مخطوبين لازم يتجوزو ولا ايه ي حبيبي
عاصم هز راسه بنعم
نشوي فاقت
نشوي بعصبية مش عارفة سببها:وانا ايه لعبة في ايدك مش كدة تقلي ارجعي الشغل ارجع الهانم هتعيش معاك يبقي امشي وبالنسبة للعقد اللي مضينه لمدة أربع شهور هااا
عاصم باصصلها بأستغراب من تحولها المفجاة دا
سيدرا ببرود:بسيطة اذا كان علي العقد يتقطع
نشوي بنرفزة:يعني ا…
عاصم بهدوء:دكتورة نشوي ممكن تهدي مين قلك انك هتمشي أنتي هتفضلي هنا طول الاربع شهور وكمان في عندي دكتور انهارده وانتي هتفضلي هنا
سيدرا بصتله بغضب
نشوي بغيظ:طب تسمحلي اروح النهاردة
عاصم بفضول:ليه خير في حاجة
نشوي بضيق:لا مدام حضرتك عندك دكتور والمدام المستقبلية اكيد هتروح معاك يبقي اسمحلي انا امشي وهاجي لما ترجع
عاصم:تمام اتفضلي
*******************************************في الشركة
طارق بردو قاعد مع داليدا وعمالين يكلمو ويضحكو
وهايدي كل شوية تبصلهم بعنين حادة وكانت بتكتب وعمالة تخبط بالقلم جامد 
نشوي دخلت الشركة وسألت علي مكتب هايدي وعرفت فين
خبطت بس محدش رد فتحت ودخلت وبصت بعدم فهم لما لقيت هايدي عاملة كدة
نشوي قربت منها وهي ولا حثا بصت للشي اللي عنين هايدي عليه ولقيت طارق وداليدا
نشوي ابتسمت بخبث
نشوي خبطت بأديها جامد علي المكتب
هايدي بفزع:بسم الله الرحمن ايه يبنتي حد يخض حد كدة
نشوي بتقعد ببرود:انا بقالي ساعة وقفة لكن ي حرام انتي اللي عقلك مش هنا واعمل خالص وبصت لطارق
هايدي بتوتر وارتباك:هااا لا ولا حاجة مشغوله عشان الشغل مش اكتر
وبصت للفيلات اللي في اديها
نشوي ضحكت بخبث:طب تمام تمام متتورتيش اوي مش هنكلم في الموضوع دا هنا دا خليه في البيت علي روقان كدة
المهم انا مكبوته وعيزا اتفش في أي حد
هايدي:ليه ي قلبي مين كبتبك
بقلمي ميسون عبدالمجيد
نشوي بغيظ:البت الظرافة دي اللي طول النهار لزقة في عاصم
هايدي بغمزة:هو انتي مالك وملها هي عملتلك ايه ليه كرهاها كدة ومش طايقة تشوفيها مع عاصم هاا
نشوي بأرتباك وضيق:هيكون ليه يعني هااا هيكون لييه
هايدي ببراءة:منا بسألك ي حياتي
نشوي قامت بتهرب وضيق:لان مفيش حاجه اصلا وانا كرهاها من يوم ما اتخانقنا وانا غلطانه اني جيت افضفض معاكي
هايدي:يبنتي استني بهزر
نشوي مردتش وسابتها وخرجت من الشركة كلها
************************★**************************
بعد وقت
عند الدكتور
الدكتور:كله تمام ي بطل وفي تحسن هايل دكتور سامح هيوصل الامانيا كمان تلات شهور وتعمل العمليه وترجع احسن من الاول
عاصم بفرحة: أن شاء الله ي دكتور
الدكتور:ودي الروشتا اللي فيها الدوا الجديد
طارق:تمام شكرا ي دكتور
وهما خرجين سيدرا بصت للدكتور وابتسمت برضي وغمزتله ومحدش لاحظ
سيدرا:طيب ي حبيبي انا هروح مشوار سريع كدة واجيب هدومي وهجيلك
عاصم:ماشي
طارق ببرطمة:سماجة امك دي
عاصم برفعة حاجب:بتقول ايه
طارق بأبتسامة:بقول تروح وترجع بالسلامه هتوحشنا اوي علي ما تيجي
عاصم: والله طب اتفضل سوق خلينا نرجع البيت
*************************★**************************
عند نشوي
نشوي قعدة علي البحر ومسكة راسها
نشوي بتكلم نفسها عقلها:مالك ي نشوي مالك نسيتي نفسك ونسيتي دينك بتبصي لواحد زيه فكرا انو هيحبك وهتيعشو قصة حب فوقي بقي من اهوامك فوقي انتي نسيا اول مرة حدفك في الكوباية وحياته كلها اسرار انتي متعرفيش عنها حاجة هو بيعتبرك خدامه زي ما سيدرا قالت فوقي
قلبها:بس هو بيتعامل معاكي غير كدة خالص بيعاملك بطريقة حلوة وكمان اعتذرلك اكتر من مرة ونسيا الكلام اللي قاله لما كان تعبان
عقلها:ايوا لما كان تعبان يعني كان بيهلوس فوقي بقي
قلبها:بس معني كدة ان في حاجة في قلبه من نحيتك
نشوي قامت بغضب:بس بقي بس انا تعبت كفاية انا مستحيل افكر في تاني وهكمل معاه الاربع شهور دول في شغلي وبس ومليش دعوة بيه
نشوي عنيها اتملت دموع مسحتهم واتجهت للفلة
**************************★*************************
في عربيه طارق
كان طارق بيسوق وعاصم قاعد جنبه
طارق بيغني مع الاغاني:ودااااع ي دنياااا وداع علي اللي باااع ومكملش
عاصم طفي الاغاني بغضب
طارق بصله:طفتها ليه
عاصم بقرف:بقي في مهندس ورئيس شركة محترم ابن ناس يسمع القرف دا
طارق بأحراج:احم عندك حق
عاصم بصله بضيق وفتح الشباك وبقي شعره يطير مع الهوا وسرحان خالص
طارق بغمزة:ايه اللي شاغل بالك ي هندسه
عاصم:ولا حاجة عادي
طارق بخبث: اها عليا بردو صحيح انت مش شكرت نشوي
عاصم بصله:واشكرها علي ايه
طارق وهو باصص للطريق وببرود:اصلها طول الليل سهرانه جنبك وبتعملك كمادات وقالتلي اني امشي وهي فضلت قعدة جنبك
عاصم بضيق وارتباك:عادي يعني دي شغلتها
طارق بصله برفعة حاجب:شغلتها انها تقعد مع راجل غريب وتبات معاه في نفس الاوضة عادي كدة
عاصم بعصبية:طارق اللزم حدودك اللي بتتكلم عنها مفيش حد في احترمها
بقلمي ميسون عبدالمجيد
طارق:طب ي عم وانا اقدر اقول غير كدة دا ياريت الكل يبقي زي دكتورة نشوي دي بتعزك اوي
عاصم بنرفزة:طارق انا عارفك وعارف مخك الو.خ دا اتلم ومتنساش اني خاطب وخطيبتي بتحبني وانا بحبها
طارق وقف العربية
طارق بنرفزة:والله بتحبك اه صح بتحبك بأمارة انك اول ما عملت الحادثه هي سافرت وسابت البلد كلها ولا انت تعرف ولما عرفت انك هتعمل العمليه وهترجع زي الاول رجعتلك زي الكلبة تاني
عاصم بغضب:طااارق اخرس احسنلك ومتنساش اللي بتتكلم عنها دي تبقي بنت عمي وخطيبتي
طارق بسخرية:بنت عمك وخطيبتك اه اللي هي كلبة فلوس اللي اصلا قربت منك عارف قربت منك ليه اقلك انا ي صاحبي اصلها لقيتك شاب جميل ووسيم وظابط تقيل ومش بس كدة مهندس وعنده شركة كبيرة بتنافس جميع شركات العالم هااا عايز ايه تاني ابعد عنها وشوف إللي بيحبك بجد ي صاحبي متعملش حاجة تندم عليها
عاصم بصله بهدوء:خلاص مبقاش في حاجة اندم عليها
طارق بهدوء:كل دا ليه عشان خسرت شغلك في الداخليه عاادي انت مهندس وعندك شركة بقيت من اكبر الشركات في الشرق الاوسط
عاصم:متهيئلي انت اكتر واحد انت كنت بحب مهنتي كا ظابط قد ايه
طارق:وخلاص كنت كنت يعني مش هتقدر تغير الماضي دا شئ ربنا كتبه واكيد هو الاحسن تخيل معايا لو مكنتش عملت الحدثه وكنت كملت في الداخليه سهله اوي ي عمليه تاخد فيها طلقة لقدر وتروح فيها
عاصم نفخ بضيق وحزن مكبوت:طارق شغل العربية وخلصنا خلينا نروح
طارق بفقدان امل:مفيش فايدة فيك ي صاحبي اللي في دماغك عمر ما حد هيقدر يغيره
طارق مشي بالعربيه
**************************★*************************
بعد وقت كان عاصم وصل البيت وقاعد في الجنينه
نشوي دخلت وقربت منه
نشوي بجمود:اكلت عشان تاخد الدوا
عاصم بعدم فهم من طريقتها: لأ
نشوي بجمود:تمام هدخل اجبلك الدوا عشان تاخده بعد ما تاكل
نشوي مشيت خطوة
عاصم:نشوي
نشوي بصتله:دكتورة اسمي دكتورة نشوي
عاصم:مالك
نشوي:مالي
عاصم بقلق:حصل معاكي حاجة وانتي برا ضايقتك كدة
نشوي بصوت اشبه للزعيق:انا كويسه ومفيش حاجه مضيقاني وهي دي طريقتي
عاصم بسخرية:يعني انتي كنتي كدة من اول يوم جيتي في هنا
نشوي بحدة:ايوا ولو مكنتش اتعود علي كدة
عاصم:تمام اهدي طب ممكن اطلب منك طلب
نشوي بضيق:لا
عاصم:ممكن تعمليلي سندويتشات عشان يظهر طارق هيتأخر وكدة كدة هو لسه بيجيب الدوا الجديد
نشوي بنرفزة:وانا مالي اناااا مالي اعملك ليييه سندويتشات تقدر تقولي ليييه هاااا كنت خدامه انا هنااا هااا فين البرنسيسة خطيبتك فين تعملك اكل
عاصم بعصبية:نشوي اهدي وطي صوتك ومتتعديش حدودك وتنسي نفسك فهمه
نشوي بغضب:انا ا..
طارق وهو داخل:ايه ايه في ايه صوتكم جايب لاخر الكومباوند جرا ايه
الاتنين بصو لبعض بغضب
طارق:جبتلك الدوا الجديد وكمان برجر
عاصم بص لنشوي بعنين حادة وتوعد
ونشوي مدتلوش اهتمام واخدة الدوا من طارق ودخلت المطبخ بسرعة
نشوي بتكلم نفسها:ايه اللي بتنيليه دا ي نشوي الراجل هيطردك هو عمل ايه لكل دا خلاص انا هرجع اكلمه عادي حرام صعب عليا
نشوي مسكت شنطة الدوا وطلعته منها وبدات تشفهم
نشوي بأستغراب:ايه دا
يتبع…..
لقراءة الفصل التاسع : اضغط هنا
لقراءة باقي فصول الرواية : اضغط هنا
نرشح لك أيضاً رواية حكايتي في الثانوي للكاتبة إسراء ابراهيم

اترك رد